Moa Tïïc Nyïïatwieli 17
17
Kanya Ö Pøølli Na Køp Luum Jwøk Yi Thecalönika
1Kanyøgø Pøøl ki Cayla na nø kaalge Ampipöli ki Apölönia, gena pïï Thecalönika, kanya näk da øt acooŋ lam mar jø Juuth. 2Ni ö Pøølli ni ci yie kaawat man wø bëëde cøøn. Ni thöödhe ki nïr jwömö adäk ni eni lama tier luupa en yïth weet Jwøk ki geni. 3Ni para tier gø ni nyootha gø jïge ni Krictø ba doo kääŋö ki man jwør gïï mo leth ni tïŋi maal ki yi thøø. Ni cara gø, ni «Jecu man en ni køba jïïu en beeye Krictø.» 4'Ba møøk dïge gena jïëy ni dwätge ki Pøøl ki Cayla. 'Ba jø Gïrïïk mo thööth moa näk cwïnyge ege cïp køør Jwøk, gena jïëy thuwø, ki mään mo ba nøk moa näk kwör cwøwge døøŋŋø.
5'Ba jø Juuth akëëyö, ni kwanyge jak mo reyø ni cuŋge ki lwaak, ni wëëkge pääny niïïk, ni tiekge øt Jeecan, ni ge manynya man kälge Pøøl ki Cayla wøk baŋ jiy. 6'Ba na kärge geni joodø, Jeecan ki nyïïmëëe møøk apeege nyïm kwääy pääny, ni ge rëëdö, ni ge köö, ni «Jøøi ii na jal piny gena ö kany en thuwø, 7ni pänhnhi ya Jeecanni. Ni ge gëëmö karge bëët ri ciik Cidhar, ni ge köö, ni da nyeya mør ma Jecu.» 8'Ba jiy ki kwääy pääny na wïnyge luummögø, gena niïïk. 9'Ba na nø kätge ki dïgïti baŋ Jeecan ki jø møga, gena wëëkge wääth.
Kanya Ö Pøølli Na Køp Luum Jwøk Yi Beria
10Ni ö nyïïmëëe ni putge Pøøl ki Cayla jääŋ Beria ki wäär. 'Ba na pïïcge kaace, gena ci yi øt acooŋ lam mar jø Juuth. 11'Ba jø Juuth moøgø theemma geni ki moa en Thecalönika, kiper gena laar jïëy ki luum Jwøk, ni bëëtge ni ge raŋŋa luup moa en yïth weet Jwøk cooth ki man näk mo luupögø adïëri. 12Kiper manøgønø, jiy mo thööth dïge gena jïëy ni ŋääthge, ki määr jø Gïrïïk mo ba nøk moa näk kwör cwøwge døøŋŋø, ki cwøw thuwø. 13'Ba jø Juuth mo Thecalönika, na wïnyge gø ni luum Jwøk okøp Pøølli yi Beria thuwø, gena ci kaace, ni coonge yïth jiy ni wëëkge lwaae niïïk. 14Kanyøgø nyïïmëëe Pøøl aputge jääŋŋö bäät naam. 'Ba Cayla ki Timöthi, gena dööŋ kaace. 15'Ba jøøa jieth Pøøl, ena kälge këël mana pïïcge ya Athen. Ba na nø cek jøøgø nee Cayla ki Timöthi nee laarge ö baŋe, gena døøk.
Kanya Ö Pøølli Na Cään Jø Athen
16'Ba kanya poot Pøølli ni koora Cayla ki Timöthi ya Athen, cwïnye apädhö kanya joot paac ni päŋ ki juu. 17Kiper manøgønø, ena bëëdö ni pïëmö ki jø Juuth ki jøøa cwïnyge en køør Jwøk yi øt acooŋ lam. Ni eni wø pïëmö cooth ki jø wø en kar gath ki jø wø cäädhi kaagø. 18'Ba jø møøk thuwø dëët jø acaara mo Epikurien ki jø acaara mo Ectöik arøømmø ki eni. Ni kö jø møøki, na «?Agïnaŋø ni wø caan ŋati na ŋat dïlweel en?» 'Ba møøk aköö, «Eni nëëni kee pwönynya jiy ki teeŋ juu møøk,» kiper na køp luumma nyään na met mar Jecu ki mar duun wøk ki yi thøø. 19Ni makge cer Pøøl ni kälge gø ya Ariøpaga, ni köge, «?Pwöc man ni nyään ni pööï ki gø enø, løny ki man caanï gø jïwa? 20Kiper ïïna kännö ki luubö mo nyään baŋwa, mo kärwa kwøŋ wïnynyö cøøn. Kiper manøgønø, wa manynya man ŋäcwa tiet luupögø.» 21'Ba jø Athen bëët ki jøøa path mo wø bëëdö kaace, cääŋŋe bëët wø thöörge ni ge cara luup mo nyärö ni wïnynya moge.
22Kanyøgø Pøøl acuŋŋö dï Ariøpaga ni kööe, ni «Jø Athen, ajooda nou cara nyeŋ Jwøk ki yïth jammi bëët. 23Kiper kanya caadha dïïu ni neena lam maru, kar jëëdhi mør ajooda ki luubö mo ogöörö na ennønø dëëre, ni ‹Jï jwøk mo kuc.› Kiper manøgønø, gïna lammu ni kuyu beeye ni køba jïïu en. 24Jwøk na cwääc piny ki jammi bëët moi ni en yie en, na näk Kwääy maal ki piny, bäŋ wø bëëdö tiet arïëki mo tïïya dhaanhe. 25Ni eni ba tïny jiyi ki ceŋge, kee da gïn manynye, kiper bee eni ki dëëre ni wø cïp kwøw jï jiy bëët, ki jwïëy, ki jammi bëët. 26Ni eni wïth juurre bëët tïïe ka dëër dhaanhø aciel, nee bëëtge bäät piny bäre, ni cïp nïr bëëtö jïge ki nyeŋ keee mo kwör bëëte moge, 27kiper nee Jwøk manyge; kanymør ojootge ri thäämmö marge. 'Ba eni kare ba bäär ki øøni bëët. 28Kiper
« ‹beeye eni ni kwøø kipere en, ni cäädhø, ni nudø en,›#Jööp 12:10; Daniel 5:23
kaawat mana caani ya lööŋe møøk dïïu,
«ni ‹Øøna nyïïe møn.›
29'Ba kawaane kiper mana nägø nyïï Jwøk, ba døø caarø ni Jwøk caala warkey, wala gwel-bïrö, wala kïdi, na gïn wø tieŋ dhaanhe ni ee päärö ki gïn mo ee caarø ki wïïe ki køør riek waŋ mare. 30Kanya poot dhaanhe ni bäŋ gïn mo ŋääe, Jwøk abëëdö ni cwïnye ee cïp piny. 'Ba kawaane eni jiy bëët aköömme ki man løkge cwïnyge yi piny bäre. 31Kiper da cäŋ mo ee nø jier, cäŋo ŋøl luup mo piny yie ka adïëri ki køør ŋata näk ee jierø. Ni manøgø ee nø nyuth jiy bëët nee ŋäcge na adïëri, ki køør mana tïŋ ŋatøce maal ki yi thøø.»
32'Ba kanyøgø na wïnyge luum duun wøk ki yi thøø, ena buu jø møøki. 'Ba møøk aköö, ni «Luummögø ocäŋwa wïnynyö baŋï.» 33Kanyøgø Pøøl aput aa wøk dïge. 34'Ba jø møøk adwätö ki eni ni jïëcge. 'Ba Dayönicia ŋat Ariøpaga ena dïge ki dhaagø mo nyeŋŋe Damari, ki jø møøk.
Currently Selected:
Moa Tïïc Nyïïatwieli 17: AnyuB
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Ethiopia
Moa Tïïc Nyïïatwieli 17
17
Kanya Ö Pøølli Na Køp Luum Jwøk Yi Thecalönika
1Kanyøgø Pøøl ki Cayla na nø kaalge Ampipöli ki Apölönia, gena pïï Thecalönika, kanya näk da øt acooŋ lam mar jø Juuth. 2Ni ö Pøølli ni ci yie kaawat man wø bëëde cøøn. Ni thöödhe ki nïr jwömö adäk ni eni lama tier luupa en yïth weet Jwøk ki geni. 3Ni para tier gø ni nyootha gø jïge ni Krictø ba doo kääŋö ki man jwør gïï mo leth ni tïŋi maal ki yi thøø. Ni cara gø, ni «Jecu man en ni køba jïïu en beeye Krictø.» 4'Ba møøk dïge gena jïëy ni dwätge ki Pøøl ki Cayla. 'Ba jø Gïrïïk mo thööth moa näk cwïnyge ege cïp køør Jwøk, gena jïëy thuwø, ki mään mo ba nøk moa näk kwör cwøwge døøŋŋø.
5'Ba jø Juuth akëëyö, ni kwanyge jak mo reyø ni cuŋge ki lwaak, ni wëëkge pääny niïïk, ni tiekge øt Jeecan, ni ge manynya man kälge Pøøl ki Cayla wøk baŋ jiy. 6'Ba na kärge geni joodø, Jeecan ki nyïïmëëe møøk apeege nyïm kwääy pääny, ni ge rëëdö, ni ge köö, ni «Jøøi ii na jal piny gena ö kany en thuwø, 7ni pänhnhi ya Jeecanni. Ni ge gëëmö karge bëët ri ciik Cidhar, ni ge köö, ni da nyeya mør ma Jecu.» 8'Ba jiy ki kwääy pääny na wïnyge luummögø, gena niïïk. 9'Ba na nø kätge ki dïgïti baŋ Jeecan ki jø møga, gena wëëkge wääth.
Kanya Ö Pøølli Na Køp Luum Jwøk Yi Beria
10Ni ö nyïïmëëe ni putge Pøøl ki Cayla jääŋ Beria ki wäär. 'Ba na pïïcge kaace, gena ci yi øt acooŋ lam mar jø Juuth. 11'Ba jø Juuth moøgø theemma geni ki moa en Thecalönika, kiper gena laar jïëy ki luum Jwøk, ni bëëtge ni ge raŋŋa luup moa en yïth weet Jwøk cooth ki man näk mo luupögø adïëri. 12Kiper manøgønø, jiy mo thööth dïge gena jïëy ni ŋääthge, ki määr jø Gïrïïk mo ba nøk moa näk kwör cwøwge døøŋŋø, ki cwøw thuwø. 13'Ba jø Juuth mo Thecalönika, na wïnyge gø ni luum Jwøk okøp Pøølli yi Beria thuwø, gena ci kaace, ni coonge yïth jiy ni wëëkge lwaae niïïk. 14Kanyøgø nyïïmëëe Pøøl aputge jääŋŋö bäät naam. 'Ba Cayla ki Timöthi, gena dööŋ kaace. 15'Ba jøøa jieth Pøøl, ena kälge këël mana pïïcge ya Athen. Ba na nø cek jøøgø nee Cayla ki Timöthi nee laarge ö baŋe, gena døøk.
Kanya Ö Pøølli Na Cään Jø Athen
16'Ba kanya poot Pøølli ni koora Cayla ki Timöthi ya Athen, cwïnye apädhö kanya joot paac ni päŋ ki juu. 17Kiper manøgønø, ena bëëdö ni pïëmö ki jø Juuth ki jøøa cwïnyge en køør Jwøk yi øt acooŋ lam. Ni eni wø pïëmö cooth ki jø wø en kar gath ki jø wø cäädhi kaagø. 18'Ba jø møøk thuwø dëët jø acaara mo Epikurien ki jø acaara mo Ectöik arøømmø ki eni. Ni kö jø møøki, na «?Agïnaŋø ni wø caan ŋati na ŋat dïlweel en?» 'Ba møøk aköö, «Eni nëëni kee pwönynya jiy ki teeŋ juu møøk,» kiper na køp luumma nyään na met mar Jecu ki mar duun wøk ki yi thøø. 19Ni makge cer Pøøl ni kälge gø ya Ariøpaga, ni köge, «?Pwöc man ni nyään ni pööï ki gø enø, løny ki man caanï gø jïwa? 20Kiper ïïna kännö ki luubö mo nyään baŋwa, mo kärwa kwøŋ wïnynyö cøøn. Kiper manøgønø, wa manynya man ŋäcwa tiet luupögø.» 21'Ba jø Athen bëët ki jøøa path mo wø bëëdö kaace, cääŋŋe bëët wø thöörge ni ge cara luup mo nyärö ni wïnynya moge.
22Kanyøgø Pøøl acuŋŋö dï Ariøpaga ni kööe, ni «Jø Athen, ajooda nou cara nyeŋ Jwøk ki yïth jammi bëët. 23Kiper kanya caadha dïïu ni neena lam maru, kar jëëdhi mør ajooda ki luubö mo ogöörö na ennønø dëëre, ni ‹Jï jwøk mo kuc.› Kiper manøgønø, gïna lammu ni kuyu beeye ni køba jïïu en. 24Jwøk na cwääc piny ki jammi bëët moi ni en yie en, na näk Kwääy maal ki piny, bäŋ wø bëëdö tiet arïëki mo tïïya dhaanhe. 25Ni eni ba tïny jiyi ki ceŋge, kee da gïn manynye, kiper bee eni ki dëëre ni wø cïp kwøw jï jiy bëët, ki jwïëy, ki jammi bëët. 26Ni eni wïth juurre bëët tïïe ka dëër dhaanhø aciel, nee bëëtge bäät piny bäre, ni cïp nïr bëëtö jïge ki nyeŋ keee mo kwör bëëte moge, 27kiper nee Jwøk manyge; kanymør ojootge ri thäämmö marge. 'Ba eni kare ba bäär ki øøni bëët. 28Kiper
« ‹beeye eni ni kwøø kipere en, ni cäädhø, ni nudø en,›#Jööp 12:10; Daniel 5:23
kaawat mana caani ya lööŋe møøk dïïu,
«ni ‹Øøna nyïïe møn.›
29'Ba kawaane kiper mana nägø nyïï Jwøk, ba døø caarø ni Jwøk caala warkey, wala gwel-bïrö, wala kïdi, na gïn wø tieŋ dhaanhe ni ee päärö ki gïn mo ee caarø ki wïïe ki køør riek waŋ mare. 30Kanya poot dhaanhe ni bäŋ gïn mo ŋääe, Jwøk abëëdö ni cwïnye ee cïp piny. 'Ba kawaane eni jiy bëët aköömme ki man løkge cwïnyge yi piny bäre. 31Kiper da cäŋ mo ee nø jier, cäŋo ŋøl luup mo piny yie ka adïëri ki køør ŋata näk ee jierø. Ni manøgø ee nø nyuth jiy bëët nee ŋäcge na adïëri, ki køør mana tïŋ ŋatøce maal ki yi thøø.»
32'Ba kanyøgø na wïnyge luum duun wøk ki yi thøø, ena buu jø møøki. 'Ba møøk aköö, ni «Luummögø ocäŋwa wïnynyö baŋï.» 33Kanyøgø Pøøl aput aa wøk dïge. 34'Ba jø møøk adwätö ki eni ni jïëcge. 'Ba Dayönicia ŋat Ariøpaga ena dïge ki dhaagø mo nyeŋŋe Damari, ki jø møøk.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Ethiopia