Moa Tïïc Nyïïatwieli 15
15
Luum Acooŋa Mana Cooŋ Yi Jerucalem
1'Ba da jø møøk mo oöö ki yi Judia, ni ge pwönynya nyïïmëëe, ni köge, ni «Ni näk mou ba daŋ ki køør kööŋŋö mana caan Modhe, u ba doo mara piem.» 2'Ba na nø jït Pøølli ki Barnaba ki pïëm mo ba thiinh ni ge løøŋŋa luummögø ki jøøgø, gena kwany ki jø møøk nee cige yi Jerucalem baŋ nyïïatwieli ki jaak acooŋ Jwøk, nee tier luummögø neenge. 3Køøre gena aay ni ge jääŋŋa acooŋ Jwøki, ni cørge Pönicia ki Cameria ni ge caana luum løk røk mar juurre, ni ö cwïny nyïïmëëe mo thööth ni døøcge ge mo met. 4'Ba na pïïc Pøølli ki Barnaba yi Jerucalem, gena pänh acooŋ Jwøki, ki nyïïatwieli, ki jaae. Ni køpge jammi bëët moa tïïc Jwøki ki rege. 5'Ba jø møøk moa näk ojïëy dëët jø Paricith gena ö maal, ni köge, ni «Manynya gø nee juurre daŋ, ni kööm geni ki man gwøkge ciik Modhe.»
6'Ba nyïïatwieli ki jaae rege acooŋge kanya ciel kuna løøŋge tier luummögø. 7'Ba køøre na nø manyge tier luummögø ki kany mo bäär, Piter aö maal, ni kööe jïge, ni «Nyïïmera, ŋäyu ni yïth cwiiri moa pöödhö, Jwøk aana jiere dïïu, nee luumma nyään na met wïny juurre dhaa, nee jïëcge. 8'Ba Jwøk ni wø ŋäc cwïny, mare anyoodhe na adïëri kanya wëëk Jwïëc Jwøk na en kur keere geni, kaawat mana tïïe jïïø. 9Ni bäŋ ajeeny mo ee tïïö yïthakiyø ki geni, 'ba cwïnyge adøøc mo waany ki køør ŋäädhe. 10?Kiper manøgønø, aŋø ni päänynyu Jwøk en, nou manynya man kïthu ŋut bääŋi ki gïn mo caala jaath puur man wø rïï ŋut rwaath, gïna näk kär løny jï kwäyø wala øøni ki man tïëti? 11'Ba yøø ŋäädhø ni øøno piem ki køør met yi Kwäärö ma Jecu, kaawat marge.»
12Ni ö acooŋa bäre ni lïŋe. Ni cekge ïthge jï Barnaba ki Pøøl kanya caange luum ŋïïce ki gïï mo rëëma ec moa tïïc Jwøki ki rege dï juurre. 13Køøre na lønyge ki cäänö, Jeemeth ajutö, ni kööe, ni «Nyïïmera, wïnynyu mara. 14Luum kanya ö Jwøki dïkwøŋ na liim juurre, nee kwänye dïge ki jiy kiper nyeŋŋe, acaan Caymanni jïïu. 15'Ba luup nyïïkuk Jwøk ojïëy ki manøgø thuwø, kaawat mana gööri,
16«ni ‹Køør man, aano duui,
ni cäŋa wï po Deebit mana no opädhö geerrø,
ni cäŋa gïna näk oränynyö geerrø,
ni dwøga gø kare.
17Kiper nee jiy møga bëët nee Wuuö manyge,
ki juurre bëët moa näk nyeŋŋa ocaa rege.
18Luupögø caana Wuuö Jwøki, ŋata døøc jammi bëët mo ŋäc cøøn.›#Amøc 9:11-12
19Kiper manøgønø, luumma na ŋøla piny beeye en: Øøni, doo beerra man ba kierø wïth juurre këët mo wø luk baŋ Jwøk. 20'Ba ø doo gööta baŋge nee bëëtge ni karge bäyö ki jap juu na reyø, ni wecge käp, ni ba cämge ki gïn mo odeeø, ki remø. 21Kiper ki mana täge ya acääŋŋe cøøn Modhe jïre da jiy yïth mïëri bëët mo wø køp gïre. Kiper luumme wø di kwaanø yïth nïr jwömö bëët yïth uut acook lam.»
Luubö Mana Duu Jø Løøki
22Kanyøgø nyïïatwieli, ki jaae, ka acooŋ Jwøk bäre yïthge atïmö ni met ki man jëëtge ki jiy dïge, nee jääŋge Antïëk ki Pøøl ki Barnaba na aciel. Ni jääŋge Juudac ni wø cwøl ni Barcaba, ki Cayla, jøøa kwörge døøŋŋø dï nyïïmëëe. 23Ni ge käära wëëlö mo ogöörö na ennø nø, ni
«Waana nyïïatwieli ki jaak acooŋ Jwøk ni määth uuni en, u na nyïïmëëe ma juurre, u na en yi Antïëk, ki Ciria, ki Cilicia.
24«Awïnywa ni da jø møøk dëëtwa mou ege öölö ni ge kiera wïthu, këël na kärwa geni luummö. 25Kiper manøgønø, yïthwa atïmö ni met ya acooŋa marwa ki man jëëtwa ki jiy nee jääŋwa baŋu, nee löömge ko omëëyø ma Barnaba ki Pøøl, 26jøøa taak jwïëcge kiper nyeŋ Kwääyø ma Jecu Krictø. 27Kiper manøgønø, Juudac ki Cayla ajääŋwa baŋu, jøw okøp luupögø jïïu thuwø ki dhøkge. 28Kiper atïmö ni beer jï Jwïëc Jwøk na en kur keere, ki jïwa thuwø, ki man ba öölwa uuni ki gïï mo thööth, 'ba beege gïï ii keerge na doo beer kiperu, 29ki man bëëdu ni karu bäyö ki gïï mo onää jï juu, ki cam remø, ki gïn mo odeeø, ki käp. Ni näk dëëtu you gwøø ki gïïögø, maru doo beer. Turu nø.»
30Køøre na nø jääŋ geni, gena aa Antïëk. 'Ba na nø cooŋge jø acooŋa kanya ciel, wëëllögø acïpge. 31'Ba na kwaange gø, yïthge amïnnö ki dwøl manøgø. 32'Ba Juudac ki Cayla na näk nyïïkuk Jwøk thuwø, nyïïmëëe acäänge ki luup mo thööth ni cømge cwïnyge. 33'Ba na nø bëëtge ki nïne møøk, gena tïŋŋö ni jiethi ya nyïïmëëe ki mëër, ni døøge baŋ jøøa jääŋ geni. [ 34'Ba atïmö ni beer jï Cayla ki man bëëde kaace.]#15:34 Täk luubö man tøør ki dhi Gïrïïk yïth weet Moa Tïïc Nyïïatwieli møøk moa cääŋŋe. 35'Ba Pøøl ki Barnaba gena dööŋ yi Antïëk, ni ge pöö ni køpa luum Wuuö, ge ki jiy møøk mo thööth thuwø.
Kanya Pää Pøølli Ki Barnaba
36'Ba na tïme na køør nïne møøk, Pøøl aköö jï Barnaba, ni «Beerra man døø kuna liimmø nyïïmëëe yïth mïëri bëët, kwöra købø luum Wuuö yïthge, nee neenø wala ge bëëtge nidïï.» 37'Ba Barnaba atïmö ni manynya Jøøn man wø cwøl ni Maak nee aae ki geni na aciel. 38'Ba acaar Pøølli ni ba doo beer ki man kälge ŋata kwøŋ aay buutge yi Pampilia, ni käre ci baŋ tïïc ki geni. 39Ni jït yïthakicge ki pïëm mo teek ni pääge. Ni ö Barnaba ni aacge ki Maak na aciel, ni cige Caypara ki jää naam. 40'Ba Pøøl Cayla ajiere ni aae, ni geno cïp nyïïmëëe cer met yi Wuuö. 41Ni caath dï Ciria ki Cilicia, ni wëëk acook Jwøk tëënnö.
Currently Selected:
Moa Tïïc Nyïïatwieli 15: AnyuB
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Ethiopia
Moa Tïïc Nyïïatwieli 15
15
Luum Acooŋa Mana Cooŋ Yi Jerucalem
1'Ba da jø møøk mo oöö ki yi Judia, ni ge pwönynya nyïïmëëe, ni köge, ni «Ni näk mou ba daŋ ki køør kööŋŋö mana caan Modhe, u ba doo mara piem.» 2'Ba na nø jït Pøølli ki Barnaba ki pïëm mo ba thiinh ni ge løøŋŋa luummögø ki jøøgø, gena kwany ki jø møøk nee cige yi Jerucalem baŋ nyïïatwieli ki jaak acooŋ Jwøk, nee tier luummögø neenge. 3Køøre gena aay ni ge jääŋŋa acooŋ Jwøki, ni cørge Pönicia ki Cameria ni ge caana luum løk røk mar juurre, ni ö cwïny nyïïmëëe mo thööth ni døøcge ge mo met. 4'Ba na pïïc Pøølli ki Barnaba yi Jerucalem, gena pänh acooŋ Jwøki, ki nyïïatwieli, ki jaae. Ni køpge jammi bëët moa tïïc Jwøki ki rege. 5'Ba jø møøk moa näk ojïëy dëët jø Paricith gena ö maal, ni köge, ni «Manynya gø nee juurre daŋ, ni kööm geni ki man gwøkge ciik Modhe.»
6'Ba nyïïatwieli ki jaae rege acooŋge kanya ciel kuna løøŋge tier luummögø. 7'Ba køøre na nø manyge tier luummögø ki kany mo bäär, Piter aö maal, ni kööe jïge, ni «Nyïïmera, ŋäyu ni yïth cwiiri moa pöödhö, Jwøk aana jiere dïïu, nee luumma nyään na met wïny juurre dhaa, nee jïëcge. 8'Ba Jwøk ni wø ŋäc cwïny, mare anyoodhe na adïëri kanya wëëk Jwïëc Jwøk na en kur keere geni, kaawat mana tïïe jïïø. 9Ni bäŋ ajeeny mo ee tïïö yïthakiyø ki geni, 'ba cwïnyge adøøc mo waany ki køør ŋäädhe. 10?Kiper manøgønø, aŋø ni päänynyu Jwøk en, nou manynya man kïthu ŋut bääŋi ki gïn mo caala jaath puur man wø rïï ŋut rwaath, gïna näk kär løny jï kwäyø wala øøni ki man tïëti? 11'Ba yøø ŋäädhø ni øøno piem ki køør met yi Kwäärö ma Jecu, kaawat marge.»
12Ni ö acooŋa bäre ni lïŋe. Ni cekge ïthge jï Barnaba ki Pøøl kanya caange luum ŋïïce ki gïï mo rëëma ec moa tïïc Jwøki ki rege dï juurre. 13Køøre na lønyge ki cäänö, Jeemeth ajutö, ni kööe, ni «Nyïïmera, wïnynyu mara. 14Luum kanya ö Jwøki dïkwøŋ na liim juurre, nee kwänye dïge ki jiy kiper nyeŋŋe, acaan Caymanni jïïu. 15'Ba luup nyïïkuk Jwøk ojïëy ki manøgø thuwø, kaawat mana gööri,
16«ni ‹Køør man, aano duui,
ni cäŋa wï po Deebit mana no opädhö geerrø,
ni cäŋa gïna näk oränynyö geerrø,
ni dwøga gø kare.
17Kiper nee jiy møga bëët nee Wuuö manyge,
ki juurre bëët moa näk nyeŋŋa ocaa rege.
18Luupögø caana Wuuö Jwøki, ŋata døøc jammi bëët mo ŋäc cøøn.›#Amøc 9:11-12
19Kiper manøgønø, luumma na ŋøla piny beeye en: Øøni, doo beerra man ba kierø wïth juurre këët mo wø luk baŋ Jwøk. 20'Ba ø doo gööta baŋge nee bëëtge ni karge bäyö ki jap juu na reyø, ni wecge käp, ni ba cämge ki gïn mo odeeø, ki remø. 21Kiper ki mana täge ya acääŋŋe cøøn Modhe jïre da jiy yïth mïëri bëët mo wø køp gïre. Kiper luumme wø di kwaanø yïth nïr jwömö bëët yïth uut acook lam.»
Luubö Mana Duu Jø Løøki
22Kanyøgø nyïïatwieli, ki jaae, ka acooŋ Jwøk bäre yïthge atïmö ni met ki man jëëtge ki jiy dïge, nee jääŋge Antïëk ki Pøøl ki Barnaba na aciel. Ni jääŋge Juudac ni wø cwøl ni Barcaba, ki Cayla, jøøa kwörge døøŋŋø dï nyïïmëëe. 23Ni ge käära wëëlö mo ogöörö na ennø nø, ni
«Waana nyïïatwieli ki jaak acooŋ Jwøk ni määth uuni en, u na nyïïmëëe ma juurre, u na en yi Antïëk, ki Ciria, ki Cilicia.
24«Awïnywa ni da jø møøk dëëtwa mou ege öölö ni ge kiera wïthu, këël na kärwa geni luummö. 25Kiper manøgønø, yïthwa atïmö ni met ya acooŋa marwa ki man jëëtwa ki jiy nee jääŋwa baŋu, nee löömge ko omëëyø ma Barnaba ki Pøøl, 26jøøa taak jwïëcge kiper nyeŋ Kwääyø ma Jecu Krictø. 27Kiper manøgønø, Juudac ki Cayla ajääŋwa baŋu, jøw okøp luupögø jïïu thuwø ki dhøkge. 28Kiper atïmö ni beer jï Jwïëc Jwøk na en kur keere, ki jïwa thuwø, ki man ba öölwa uuni ki gïï mo thööth, 'ba beege gïï ii keerge na doo beer kiperu, 29ki man bëëdu ni karu bäyö ki gïï mo onää jï juu, ki cam remø, ki gïn mo odeeø, ki käp. Ni näk dëëtu you gwøø ki gïïögø, maru doo beer. Turu nø.»
30Køøre na nø jääŋ geni, gena aa Antïëk. 'Ba na nø cooŋge jø acooŋa kanya ciel, wëëllögø acïpge. 31'Ba na kwaange gø, yïthge amïnnö ki dwøl manøgø. 32'Ba Juudac ki Cayla na näk nyïïkuk Jwøk thuwø, nyïïmëëe acäänge ki luup mo thööth ni cømge cwïnyge. 33'Ba na nø bëëtge ki nïne møøk, gena tïŋŋö ni jiethi ya nyïïmëëe ki mëër, ni døøge baŋ jøøa jääŋ geni. [ 34'Ba atïmö ni beer jï Cayla ki man bëëde kaace.]#15:34 Täk luubö man tøør ki dhi Gïrïïk yïth weet Moa Tïïc Nyïïatwieli møøk moa cääŋŋe. 35'Ba Pøøl ki Barnaba gena dööŋ yi Antïëk, ni ge pöö ni køpa luum Wuuö, ge ki jiy møøk mo thööth thuwø.
Kanya Pää Pøølli Ki Barnaba
36'Ba na tïme na køør nïne møøk, Pøøl aköö jï Barnaba, ni «Beerra man døø kuna liimmø nyïïmëëe yïth mïëri bëët, kwöra købø luum Wuuö yïthge, nee neenø wala ge bëëtge nidïï.» 37'Ba Barnaba atïmö ni manynya Jøøn man wø cwøl ni Maak nee aae ki geni na aciel. 38'Ba acaar Pøølli ni ba doo beer ki man kälge ŋata kwøŋ aay buutge yi Pampilia, ni käre ci baŋ tïïc ki geni. 39Ni jït yïthakicge ki pïëm mo teek ni pääge. Ni ö Barnaba ni aacge ki Maak na aciel, ni cige Caypara ki jää naam. 40'Ba Pøøl Cayla ajiere ni aae, ni geno cïp nyïïmëëe cer met yi Wuuö. 41Ni caath dï Ciria ki Cilicia, ni wëëk acook Jwøk tëënnö.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Ethiopia