1 തെസ്‌ലോനിക്ക്യക്കാറാര് 5
5
ആണ്ടവാ് ബരാവുക്ക് ബേ്ണ്ടി ഒരുങ്കുഡൊ
1ഏസുക്കാറാരെ, ആണ്ടവാ് ബര ണാള്‌ണാമ്, ഗള്യേനാമ് ണിമാക്ക് എ്ള്‌ദി തരുഡൊ എന്ത് തേവില്ലെ. 2എന്ത്‌ക്കെന്റ ഒരു ത്‌റ്‌ട്ടാ് ജാമാക്ക് ബര പാസെ ആണ്ടവാ് തിലിമ്പി ബര ണാള് സദിപ്പെ്ട്ടിലി ബരു എന്ത് ണിമാക്ക് സൊക്കാന തെര്യുമല്ല. 3<<എമ്മ ണിമ്മദ്യോഡെ ഇര്‌ക്കേര്, കോവെ ഇല്ലാദിര്‌ക്കേര്>> എന്ത് സൊല്ലുറവാര്‌ക്ക് ഒരു ബേ്റ്‌ക്കാറിസിക്ക് പ്‌ള്ളെ ഉറുസു ബര പാസെ സട്ടന അളിവു ബരു. അച്ചെ ബര അളിവിലിര്‌ന്ത് അവാര്‌ക്ക് തപ്പിസി കഡാക്ക്യ മുഡ്യമാട്ട.
4ആന ഏസുക്കാറാരെ, അയ്യി ണാള് ഒരു ത്‌റ്‌ട്ടാ് ബര പാസെ ണിമാക്ക് ബരമാട്ട. എന്ത്‌ക്കെന്റ് സൊന്ന ണിമ്മ ഇ്റ്‌ട്ടിലിര്‌ക്ക പാസെ കെ്ട്ട കാര്യഗ സെയ്യ ഉള്ളവാരല്ല. 5ണമ്മ എല്ലാര്‌മ് ബെ്ള്‌സാദ് പ്‌ള്ളെഗാമ്, പഗാല്‌ദ് പ്‌ള്ളെഗാമ്‌ത്തെ. അല്ലാദെ ണമ്മ ഇ്റ്‌ട്ട്‌ദ് പ്‌ള്ളെഗാമ് ജാമാദ് പ്‌ള്ളെഗാമല്ല. 6അദ്‌ണാലെ ജാമ ഗള്യേക്ക് തമ്മ്‌ദ് സുറ്റുമ് എന്ത ണഡാക്കാദ് എന്ത് തെര്യാദെ ഉറാങ്ക്‌റവാര്‌ണ പാസെ ആഗാദെ ബോദത്തോഡേമ്, ഗെവനത്തോഡേമ് ഇരിരി. 7ഉറാങ്ക്‌റവാര് ഇ്റ്‌ട്ട്‌ക്ക് ഉറാങ്ക്‌റാര് സാര്യ കുഡിക്കവാര് ഇ്റ്‌ട്ട്‌ക്ക് കുഡിക്കാര്. 8ആന ണമ്മ പഗാല്‌ദ് പ്‌ള്ളെഗ ആനാദ്‌ണാലെ ണമ്മ്‌ദ് പാദ്‌ഗാപ്പ്‌ക്ക് ബേ്ണ്ടി സീവാനാമ് ണമ്പിക്കേനാമ് ഒരു മാര്‌കച്ചേന പാസെ കെ്ട്ടിമ്, ഏസു ണമാണ കണ്ടിപ്പായി ദെങ്ക്‌സ്യ ബരാ് എങ്ക ണെഞ്ചഡേന സട്ടിതൊപ്പിന പാസെ ഇക്കിമ് ണമ്മ ബോദ ഉള്ളവാരായിര്‌ക്കുഡൊ. 9സാമിക്ക് കോവ ബന്ത് ദണ്ടിക്ക ദണ്ടണേക്ക് സിക്ക്യ സാമി ണമാണ തെരിന്തെ്ഡ്‌ക്കാലെ. ആന ണമ്മ് ആണ്ടവാ് ഏസു ക്‌റ്‌സ്‌ത്ത്‌ണ ബെത്ത് ദെങ്ക്‌സ്യ ബേ്ണ്ടിത്തെ സാമി ണമാണ തെരിന്തെ്ഡ്‌ത്തിര്‌ക്കാദ്. 10അദ്‌ണാലെ ണമ്മ സത്താല് സെരി സാഗാദിര്‌ന്താല് സെരി ണമ്മ ഏസുദൊപ്പ എപ്പേക്ക്‌മ് പെ്ളേത്തിര്‌ക്ക്യ ബേ്ണ്ടിത്തെ അവാ് ണമ്മ് പാവണ തീക്ക്യ സത്താദ്. 11അദ്‌ണാലെ ണിമ്മ എപ്പ്‌മ് സെയ്‌ദ് ബര പാസെ ആങ്കീങ്ക് ണമ്പിക്കേലി ഒറേപ്പുള്ളവാര് ആക്കികൊണ്ട്‌മ്, ദയ്യിരപഡ്‌സികൊണ്ട്‌മ് ഇരിരി.
ഏസുണ ണമ്പിര്‌ക്കവാര്‌ദ് കഡാമെഗ
12ഏസുക്കാറാരെ, ണിമ്മ്‌ദ് കുള്ളുക്ക് ണിമാക്ക് ബേ്ണ്ടി പാഡ്‌പഡ്‌റവാര്‌ണാമ് ആണ്ടവാ് കൊഡുത്ത അദിഗാരത്തിലി ണിമാണ ണഡാത്ത്‌റവാര്‌ണാമ് ബുദ്ദി സൊല്ലി തരവാര്‌ണാമ് ണിമ്മ മദിത്ത് ണഡാക്കുഡൊ. 13ണിമാക്ക് ബേ്ണ്ടി അവാര്‌ഗ റമ്പ പാഡ്‌പഡ്‌റാദ്‌ണാലെ അവാരോഡെ റമ്പ സീവാ് ബ്‌ഡുഡൊ എന്ത് ണാന് ണിമാണ ബേ്ണ്ടികൊള്ളുറെ. ണിമ്മ ആങ്കീങ്ക് ഏനതാനത്തോഡെ ഇരിരി. 14ഏസുക്കാറാരെ, എമ്മ ണിമാക്കെ സൊല്ലുറാദ് എന്തായെന്റ കള്ളപ്‌ട്ടാര്‌ക്ക് ണിമ്മ ബുദ്ദി സൊല്ലികൊഡിരി. മനേസ്സ് ബില ഇല്ലാത്തവാര്‌ണ ബിലപഡ്‌സിരി, കുറ്റകൊറെ ഉള്ളവാര്‌ണ കയ്യിതാങ്കിരി, എല്ലാരോഡേമ് റമ്പ പൊറിമോഡെ പ്‌ളാങ്കിരി. 15ആര്‌ക്ക്‌മ് കെ്ട്ടാദ്‌ക്ക് കെ്ട്ടാദ് സെയ്യാദിര്‌ക്ക്യ ണോഡികൊള്ളിരി, ആന ണിമാക്ക് ണിമാക്ക്‌മ് എല്ല ആള്‌ഗാക്ക്‌മ് ഏദ് ഗള്യേക്ക്‌മ് ണല്ലാദ് സെയ്യ ഓരാഡിരി.
16ണിമ്മ എപ്പ്‌മ് പിര്യപിര്യാത്തിരിരി. 17എപ്പ്‌മ് പരേസി കൊണ്ടിരിരി. 18എല്ല കാര്യഗാക്ക്‌മ് സാമിക്ക് ണണ്ണി സൊല്ലിരി. ഇദ്‌ത്തെ ക്‌റ്‌സ്‌ത്ത് ഏസുദൊപ്പ പെ്ളേക്ക പെ്ളേപ്പിലി സാമി ണിമ്മോഡിര്‌ന്ത് ആസെപഡ്‌റാദ്.
19സാമിണിഗാല്‌ണ എദ്‌ത്ത് ണില്ലാദി, 20സാമി ബെ്ളിപഡ്‌സി തര കാര്യഗണ ബെലെ ഇല്ലാത്തദായി കാണാദി. 21എല്ലാദ്‌ണാമ് സോദണെ സെയ്‌ദ് ണല്ല കാര്യണ മാട്ട് തങ്കാരിത്ത്‌കൊള്ളിരി. 22എല്ല ദിന്‌സ് കെ്ട്ട കാര്യഗണാമ് തള്ളിരി.
23ണിമ്മദി തര സാമി ണിമാണ ഒരേപെ്ട്ട് സുത്താപ്പുള്ളവാരാക്കി തീക്കുഡൊ. ണമ്മ് ആണ്ടവാ് ഏസു ക്‌റ്‌സ്‌ത്ത് ബര്‌ഗാട്ടി ണിമ്മ്‌ദ് ണിഗാല്‌കുട്ടിനാമ്, ഉജുറുണാമ്, സരിഗലണാമ് ഒരു ലേസ ഗൂഡി കുറ്റകൊറെ ഇല്ലാത്തപഡി അവാന്‌ദ് മുന്നുക്ക് ണില്ല്യ സാമി സൂസാരിത്ത് ബെക്കുഡൊ. 24ണിമാണ ഒളേത്തിര്‌ക്കവാ് ണമ്പ്യമുഡിരവാ്ത്തെ, അവാ് അദ്‌ണ സെയ്‌ദ് മുഡിക്കുവാ്.
25ഏസുക്കാറാരെ, ണിമ്മ എമാക്ക് ബേ്ണ്ടി പരേസിരി.
26ഏസുക്കാറാര് ആയിര്‌ക്ക ഏവാര്‌ണാമ് ണിമ്മ കാണ്‌ഗാട്ട്യെല്ല ആങ്കീങ്ക് കയ്യി കൊഡുത്ത് ബിനാത്തിരി.
27ഏസുക്കാറാര് ആയിര്‌ക്കവാര്‌ക്ക് മുച്ചുഡ ഈ എ്ള്‌ത്ത്‌ണ പഡിത്ത് കാട്ടുഡൊ എന്ത് ആണ്ടവാ് തന്ത അദിഗാരത്തിലി ണാന് ണിമാക്കെ സൊല്ലുറെ.
28ണമ്മ് ആണ്ടവാ് ഏസു ക്‌റ്‌സ്‌ത്ത് ണിമാക്ക് പ്‌ണ്ണ്യ സെയ്‌ഡൊ.
Currently Selected:
1 തെസ്‌ലോനിക്ക്യക്കാറാര് 5: സാമിദ് സേദി
Highlight
Share
Copy
Want to have your highlights saved across all your devices? Sign up or sign in
New Life Literature
