2 തെസ്‌ലോനിക്ക്യക്കാറാര് ഈ ബുക്ക്‌ണ പറ്റി സിന്നൊരു സേദി
ഈ ബുക്ക്‌ണ പറ്റി സിന്നൊരു സേദി
ക്‌റ്‌സ്‌ത്ത് തിലിമ്പി ബരാദ്‌ണ പറ്റ്യുള്ള സന്തേഗ തെസ്‌ലോനിക്ക്യാല്യ ഏസുക്കാറാര് കൂട്ടാത്തില്യവാര്‌ണ ഒരേപെ്ട്ട് തൊന്തറെ ആക്കിറ്റ്. ഏസു ക്‌റ്‌സ്‌ത്ത് തിലിമ്പി ബന്ത് പോനാ് എന്ത് തപ്പായി അവാര് ണമ്പിനാദ്‌ണാലെത്തെ തെസ്‌ലോനിക്ക്യാര്‌ക്ക് പവുലോസ് റണ്ടാവദ് എ്ള്‌ത്ത് എ്ള്‌ദിനാദ്. ക്‌റ്‌സ്‌ത്ത് തിലിമ്പി ബരാദ്‌ക്ക് മുദതാനെ ക്‌റ്‌സ്‌ത്തോഡെ പോട്ടി പ്‌ഡിക്കവനാന കേ്ഡ്‌ഗെ്ട്ടവാ് എന്ത് സൊല്ലുറവാന്‌ദ് കയ്യിലിര്‌ന്ത് ണല്ലാദല്ലാത്താദ്‌മ് കേ്ഡ്‌ഗെ്ട്ടാദ്‌മാന എല്ല കാര്യഗാമ് ഉലഗാദ് എല്ല സാരിമ് എജ്ജു എന്ത് സൊല്ലികൊണ്ട്‌ത്തെ അവാര് ണമ്പിന കാര്യ തപ്പ് എന്ത് പവുലോസ് കാട്ടി കൊഡുക്കാദ്.
പവുലോസ്‌മ് അയാള്‌ദ് ഒപ്പ ഇര്‌ക്കവാര്‌മ് സെയ്‌ദ പാസെ കജട്ടഗാമ് കൊഡിമെഗാമ് ഇര്‌ന്താല്‌മ് ണമ്പിക്കേലി ഒറേപ്പോഡെ ഇര്‌ക്ക്യാമ് ണല്ലാദ് സെയ്‌ഗാട്ടി പൊറിമോഡെ സെയ്യാമ് അപ്പൊസലാ് മുക്ക്യമായി അവാര്‌ക്ക് സൊല്ലിര്‌ക്കാ്.
ഈ ബുക്കിലി അഡാങ്കിര്‌ക്കാദ്
ഈ എ്ള്‌ത്ത്‌ണ പറ്റി സിന്നൊരു സേദി 1:1–2
പെര്‌മെപഡ്‌റാദ്‌മ് ണലമായി സെയ്‌ദാദ്‌ണ പറ്റി സൊല്ലുറാദ്‌മ് 1:3–12
ക്‌റ്‌സ്‌ത്ത് തിലിമ്പി ബരാദ്‌ണ പറ്റി സൊല്ലുറ കാര്യഗ 2:1–17
ഏസുണ ണമ്പി പെ്ളേക്കാദ്‌ക്കുള്ള ബുദ്ദിണായ 3:1–15
ഈ എ്ള്‌ത്ത് മുഡിക്കാദ് 3:16–18
Currently Selected:
2 തെസ്‌ലോനിക്ക്യക്കാറാര് ഈ ബുക്ക്‌ണ പറ്റി സിന്നൊരു സേദി: സാമിദ് സേദി
Highlight
Share
Copy
Want to have your highlights saved across all your devices? Sign up or sign in
New Life Literature