2 KORINTUS 13
13
Ugu paga inaruk waka, keyagi warinaka, ekige wene
1 #
Ul. 17:6, 19:15 An yogondak ninggi ketiga paga nil bikinar warigin o. Alkitab mbalek akla nen, wene edo kwaruwok nen yiluk kalok, akuni inebe mbere kenagan nen, nir ninil kogo, nen nir ninilu o yiluk yumo, wene eti ebebar o, yiluk yurak o. 2Ir akuni alep maduk eku lagugwa mende inom, ir akuni amberak inom, alep ninggi kedua paga kinoba wagagirik, wene yi ndak-ndak erugup o yiluk kinaruk warkinakigi o. Yogondak ya, ninom walek nen wene wai mbo paga yirtagwi o. An kinoba warigin kalok, ir eti ambi hukuman inoba nggortarigin dekma, kiniluraki o. 3An watuk nen yokeraganem, yoma ebebar Kristus nen yegemo yonerar taga o, yiluk kinilu arigin o. Kristus nen mor ekinaka dogolir, Ar erogar ekinabigin dek o. Ar obarne paga ekinaka kinil kugun o. 4Ar warogo menggugwama obarne dek mende, yogondak Ar Allah obarne paga iluk agagerek werek o. Nir Kristus ninom kunik paga ninobarne dek mende, kir ninom yugu dogolir, Ar Allah obarne paga Kristus ninom nen ekwi kinil ninagu dogogun o.
5Yogo kir kinebe kinobabur pik pak bikatani o, kir Ar Kristus paga oba ebebar panggo diluk nen, erir ler tagwi a? Eta erumo kir nen, nir ebebar Kristus Yesus akla kinom kunik werek o yiluk, kinilu arigin o. Kir ebebar o, yiluk oba panggolkwi dek kalok eti, awene adik kunik arar o. 6An nen nir kinil pik pak lak ninani o, nir yi ap ninauk mbalkik dek mende kali warek dek mende dek o. 7Nir nen kir maduk ekunem, Ar Allah nen pano pakerek dogowak nen yiluk, kinake Ar Allah nggino yorir tagwi o. Yi nir nen yabu du bigikdek, nggobok togo erir lagagu paga yiluk dek mende, arte yabu ugu birugu eta, kir nen Ar Allah iliti andarige paga eku dogobagik nen yiluk, erir lektagwi o! 8Nir nen pano erurak yi o yiluk, kudi agorek kigik yambuk togo adik erugun mondok dek o. Nir nen pano mende mban erir lagu dogorak o. 9Nir ninobarne dek aganem, ninadeknggen kertagwi o, kir kinobarne werekma pano mondok amburu mbalek dogobagik nen yiluk, kinake tamban erirtagwi o. 10Eta paga nen, an auwan wagikdek dogolir, surat ndak alep erogo kinoba lakbi wagi o. An yabongga kinoba watuk nen, Tuhan obarne noba birige paga, nane obarne rogo yokeragin dek o yiluk, eki o. Kir pano Ar ake mengginabu wak nen yiluk obarne noba birigemo o. Kir kinebe maduk ekinabuwak nen yiluk dek o.
11Yogo ugu paga, ya nogari kinebe kinobabur kinadeknggen pani pano paga, kiniliti ambi dambulik paga, erir lagu dogoni o. Ar Allah kinakba werek mende, dambulogo bartaga mende nen,kir kinom pano pakerek dogowak o.
12Kir-kir Kristen mende ar kiniliti kunik paga keyagwi war-war eku dogoni o.
Ir Ar Allah akburi yoma mende obogar nen keyagi warkinaka o.
13Kinewe Yesus Kristus nen kado milogo wokeraga, Ar Allah nen kinakba nggok ekinaka, Roh Allah kinom kunik mondok dogono o.
An Paulus nen, Keyagi wakinaki o, wanelak.
Currently Selected:
2 KORINTUS 13: WLW
Highlight
Copy
Compare
Share
Want to have your highlights saved across all your devices? Sign up or sign in
