REKENANG 12

I Miryam nihukung

1I Musa seng nangal᷊a singkatau ko wawinengu Kus nakoa kawinge, dang hal᷊i e'e nikoa alasang i Miryam dingang i Harun guna ngu puheghesi si Musa. 2Angkung i sire, “Apa ko mang kitang bo i Musa Mawu nuhengetang? Wugha ko bou i kite l᷊ai I Sie nuhengetang?” Mawu nundaringihi apa ko niul᷊i i sire. 3I Musa e'e ko taumata tumaniu masana naunge, mamal᷊iu kaul᷊i u taumata ko wiahi su dunia i'i.

4Singkahuwiu Mawu nuhengetang si Musa si Harun, l᷊au u si Miryam, “I kumu tilu tamaiko sarang Kema-Ku.” Bou e'e i sire natamai pai sarang e'e 5dang Mawu l᷊imintu su l᷊al᷊ung u rihi ngu winawa. Mawu nurumarisi su tukari u Kema-E dang nukui si Harun, l᷊au u si Miryam, i sire rua taumata e'e sumandighi tamai, 6dang Mawu nuhengetang, “Raringihiko manga didato-Ku i'i! Kamangkeng bou tal᷊oara i kumu pia singkatau nabi, Ia mul᷊ahe watangeng-Ku si sie su l᷊al᷊ung u manga kawawua, dang mudidato ringang i sie su l᷊al᷊ung u ipi. 7#Ibr. 3:2Kateho tawe kere'e dingang u l᷊ang-Ku i Musa. I sie taumata ko satia su tal᷊oara u umati-Ku. 8Dang ia nudidato dingang i sie musasaruang pahesi, dingang mal᷊ahe dang wal᷊inge dingang mutatinggung. Sarang ghahiku l᷊ai seng nikawuae! Nakurawe i kumu wahani mundoka si Musa, l᷊ang-Ku e'e?”

9 Mawu nuwawal᷊uang kahingang si sire rua, dang i sie natarai. 10Suapang winawa e'e nanintang u Kema ngu Mawu, singkawawua i Miryam nikahinomang u saki pisi ko makaghagha; pisinge nawira kere kapesi. Suapang i Harun nuwihu si Miryam dang nakawua himoneu i sie seng nikahinomang u saki e'e, 11Nangul᷊iete i sie si Musa, “Tul᷊ungko, Tuangku, kumbahang mamala ngi kami pahangeng watu'u dosa ko nikoa i kami su l᷊al᷊ung u kababodoki i kami. 12Kumbahang mamala ngi sie makoa kere ana ko nate su horo nipahinding, dingang badange simpoto nabuhu.”

13Kuteu nukahiorote i Musa su Mawu, “Oh Mawu Ruata, ia mukahioro, pakaul᷊eko i sie!”

14 # Rek. 5:2-3 Mawu nusumimbahi, “Boko pahesie niru ngi papange, wal᷊ingewe su kal᷊iwueng u pitu l᷊ou i sie mambeng mananggong mea? Pakagheako i sie bou pukakemang l᷊iwuenge pitu l᷊ou, dang mal᷊iu ngu e'e i sie botonge sau sumu.” 15Bou e'e i Miryam nipasuwang bou pukakemang su kal᷊iwuenge pitu l᷊ou, dang bangsa e'e ta nangal᷊ing bou e'e sarang i Miryam nipakawala nusul᷊e sarang pukakemang. 16Bou e'e i sire nanintang u Hazerot dang nukema su tana l᷊inggi Paran.

Currently Selected:

REKENANG 12: PLT

Highlight

Copy

Compare