IMAMAT 9

I Harun nangonggo u korbang

1Silou suapang nasue upacara pananabisi e'e, su l᷊ou kawal᷊unge, i Musa nukui si Harun l᷊au manga anae dang manga pangaha u bangsa Israel. 2Angkung i Musa si Harun, “pangal᷊ako sapi ko ese makuda simbau dang domba ko ese simbau, kaul᷊ie takoae kurange. Onggoko binatang darua e'e su Mawu, sapi ko ese guna ngu korbang pangangampung u dosa, dang domba ko ese guna ngu korbang tongkateng. 3Bou e'e roiko bangsa Israel pangonggo sasumba simbau kambing ko ese guna ngu korbang pangangampung u dosa dang simbau ana u sapi l᷊au simbau ana u domba kaul᷊ie umurie sintaung ko l᷊awo takoae kurange guna ngu korbang tongkateng. 4Roiko l᷊ai i sire pangonggo u simbau sapi ko ese l᷊au simbau kambing ko ese guna ngu korbang purarame. Kaul᷊i u e'e mambeng ionggo i sire su Mawu singkahindo dingang u korbang l᷊ahaghesi ko nil᷊aukang u l᷊ana, ual᷊ingu su l᷊ou i'i Mawu sumongo si sire.”

5Kaul᷊i u ko nihabari Musa niwawa i sire sarang saruang u Kema, dang kaul᷊i u umati mughopol᷊i su se'e guna ngu munggaweti su Mawu. 6Bou e'e i Musa nangul᷊i, “Mawu nundoi si kumu pukoa i'i tadeau i kumu makawua sinang sasongo ngu Mawu.” 7#Ibr. 7:27Bou e'e i sie nangul᷊i si Harun, “Tamaiko sarang mesba dang sadiaiko korbang pangangampung u dosa l᷊au korbang tutungang, tadeau dosa ngu l᷊au dosa ngu umati iampungang u Mawu. Koako e'e kere ko niparenta ngu Mawu.”

8Kuteu i Harun nakoa sarang mesba dang namoto sapi ko ese ko sarung isumba guna ngu pangampung dosange sisane. 9Manga ana i Harun nangonggo daha ngu binatang e'e si Harun, dang i sie nul᷊awu ngu tal᷊imboronge su l᷊al᷊ung u daha e'e, l᷊au namuha ngu e'e su manga sasunge su wukunge pa u mesba. Bou e'e l᷊ebe ngu daha e'e nisiwohie su dasari u mesba. 10Tawa, kamangange l᷊au bahageang ko kapiange bou binatang e'e nitongkae su wawo u mesba, kere ko niparenta ngu Mawu si Musa. 11Arawe ghisi l᷊au pisi ngu binatang e'e nitongkae su l᷊ikuru pukakemang.

12Nasue bou e'e i Harun nuhata binatang guna ngu korbang tongkateng guna ngu watangenge sisane. Manga ana i Harun nangonggo daha ngu binatang e'e si sie, bou e'e nisiwohie su sindihange pa u mesba. 13Bou e'e i sire nangonggo si sie timboe dingang u manga bahageang ko wal᷊inge bou binatang e'e, dang nitongkae su wawo u mesba. 14Bou e'e tataho u tiang l᷊au pang u binatang e'e niuhasie dang nitongkae dingang u korbang tongkateng su wawo u mesba.

15Bou e'e i sie nanumba ngu kambing guna ngu korbang pangangampung u dosa ngu umati. Kambing e'e nihatae dang nisumbange kere su korbang guna ngu pangangampung dosange sisane. 16Tuhue nial᷊ae l᷊ai binatang guna ngu korbang tongkateng, dang nisumbange sintuhu dingang u atorang. 17Bou e'e nisumbange korbang l᷊ahaghesi; nial᷊ae tapong singhangkung, dang nitongkae su wawo u mesba. E'e ko tatambange su korbang tongkateng l᷊ou-l᷊ou. 18#Im. 3:1-11Bou e'e nipotoe l᷊ai sapi ko ese simbau l᷊au domba ko ese simbau guna ngu korbang purarame ngu umati. Manga ana i Harun nangonggo daha ngu binatang e'e si sie, bou e'e nisiwohie su kapa u sindihang u mesba. 19Bahageang ko pia tawae bou sapi l᷊au kambing e'e nipilo i sire 20su wawo u roko ngu binatang darua e'e, bou e'e nitongka i Harun su wawo u mesba. 21Rokonge l᷊au pange kuaneng u binatang e'e nionggoe kere sasumba patode su Mawu. E'e ko bageang u manga imam, kere ko niparenta ngi Musa.

22 # Rek. 6:22-26 Suapang mbuae nangonggo kaul᷊i u korbang e'e, i Harun nuhengke u l᷊imange su wawo u umati Israel dang nangal᷊amati si sire, bou e'e i sie nul᷊umintu. 23Nasue e'e i Musa sire rua ngi Harun nusumu sarang l᷊al᷊ung u Kema ngu Mawu. Mbuhue i sire rua nusumuwang dang nangal᷊amati umati. Bou e'e kaul᷊i umati Israel nakawua sinang sasongo ngu Mawu. 24Singkahuwiu Mawu nupal᷊intu u putung ko nanutung nasue korbang tutungang l᷊au manga bahageang ko pia tawae su wawo u mesba. Su tempo ngu umati Israel nakawua e'e, i sire nahul᷊iaghi bou e'e nusuba nanumba.

Currently Selected:

IMAMAT 9: PLT

Highlight

Copy

Compare