IMAMAT 4
4
Korbang u manga dosa ko ta niputaturi
1 Mawu nundoi si Musa 2pamohang su bangsa Israel himoneu i sai-sai ko ta nutaturi nubardosa ual᷊ingu nul᷊umawang pia simbau bou manga parenta ngu Mawu, mambeng putuhu atorang i'i.
3Boko nubardosa Imam ko Mawantughi, hakiu bangsa Israel nipunsal᷊a l᷊ai, i sie mambeng mangonggo sasumba su Mawu sapi ko ese makuda simbau ko takoae kurange tadeau dosange iampungang. 4Sapi e'e mambeng iwawae sarang tukari u Kema ngu Mawu. Imam ko Mawantughi mambeng panimbo l᷊imange su wawo u timbo u binatang e'e, bou e'e muhata sapi e'e su saruang u Kema. 5Simbahageang bou dahange mambeng iwawae pasu sarang l᷊al᷊ung u Kema. 6Bou e'e i sie mambeng mul᷊awu ngu tal᷊imboronge su l᷊al᷊ung u daha e'e dang mamusi u daha e'e paka pitu su tingo ngu pampele ko nupanara u Kamari ko Susi. 7Simbahageang bou daha e'e mambeng iwuha su manga sasunge su manga wuku ngu mesba ngu dupa mawungi su l᷊al᷊ung u Kema, dang l᷊umbeinge mambeng siwohi su dasari u mesba korbang tongkateng ko ene su tingo ngu tukari u Kema. 8Imam mambeng mangal᷊a kaul᷊i u tawa ngu sapi ko ese e'e, tawa ko namikung tataho u tiange, 9kamangange dingang u tawa dang bahageang ko kapiange bou atenge. 10Kaul᷊i u e'e mambeng itongkae su wawo u mesba korbang tongkateng kere su korbang purarame. 11Kateho ghisi ngu sapi e'e, pisinge, timboe, l᷊aeri, tataho u tiange l᷊au tinainge, 12inau kaul᷊i u e'e su l᷊ikuru bahageang ko seng nihae, mambeng iwawa sarang l᷊ikuru pukakemang. Su se'e sapi e'e mambeng itongka su wawo u kau ngu putung su tampa u pundumekang awu, e'e ko tampa ko seng nihae guna ngu e'e.
13Boko nubardosa kaul᷊i u tau Israel, watu'u ta nutaturi nul᷊umawang simbau bou parenta ngu Mawu, 14kuteu pakaehong suapang dosa e'e nikatitonang, umati mambeng mumbawa sapi ko ese makuda simbau sarang tingo ngu Kema ngu Mawu. Binatang e'e mambeng isumba guna ngu korbang pangangampung u dosa. 15Manga mangangaha u bangsa mambeng manimbo l᷊ima ngi sire su wawo u timbo u binatang e'e, bou e'e muhata sapi e'e su tampa e'e. 16Imam ko mawantughi mambeng mumbawa simbahageang bou daha ngu binatang e'e pasu sarang l᷊al᷊ung u Kema. 17Su se'e i sie mambeng mul᷊awu ngu tal᷊imboronge su l᷊al᷊ung u daha e'e bou e'e mamusi u daha e'e paka pitu su saruang u pampele ko nupanara u Kamari ko Susi. 18Simbahageang l᷊ai mambeng iwuha su manga sasunge su manga wuku ngu mesba ngu dupa su l᷊al᷊ung u Kema, dang l᷊umbeinge mambeng siwohi su dasari u mesba tampa u korbang tongkateng ko ene su saruang u tukari u Kema. 19Kaul᷊i u tawa ngu binatang e'e mambeng ial᷊a bou e'e itongka su wawo u mesba. 20Kakakoae kere su sasumba sapi ko ese guna ngu korbang pangangampung u dosa. Ko kere'e kakakoae Imam ko Mawantughi mangonggo sasumba korbang guna ngu manga dosa ngu umati, kuteu manga dosa e'e sarung iampungang u Mawu. 21Bou e'e sapi ko ese e'e mambeng iwawa sarang l᷊ikuri, dang itongka su l᷊ikuru pukakemang, kere su sasumba sapi ko ese guna ngu korbang pangangampung u dosa ngu Imam ko Mawantughi e'e sisane. Ko kere'e kakakoae mangonggo sasumba korbang pangangampung u dosa ngu umati.
22Boko nubardosa singkatau mangangawasa ual᷊ingu ta nutaturi nul᷊umawang manga simbau parenta ngu Mawu 23kuteu pakaehong suapang nakatinaung e'e, i sie mambeng mangonggo sasumba kambing ko ese simbau ko takoae kurange guna ngu pangangampung u dosange. 24I sie mambeng manimbo ngu l᷊imange su wawo u timbo u binatang e'e, bou e'e muhata kambing e'e su simbuka ngu sawunahi u mesba, tampa u pamotokang binatang guna ngu korbang tongkateng. 25Imam mambeng mul᷊awu ngu tal᷊imboronge su l᷊al᷊ung u daha ngu binatang e'e bou e'e mamuha ngu e'e su manga sasunge su manga wuku ngu mesba dang maniwohi l᷊umbeinge su dasari u mesba. 26Bou e'e kaul᷊i u tawa u binatang e'e mambeng itongka su wawo u mesba, kere su korbang purarame. Ko kere'e kakakoae imam mangonggo sasumba korbang guna ngu singkatau mangangawasa, kuteu tau e'e sarung iampungang u Mawu.
27 #
Rek. 15:27-28
Boko singkatau bou kawanua wiasa mubardosa ual᷊ingu ta nutaturi nul᷊umawang manga simbau parenta ngu Mawu, 28kuteu pakaehong suapang nakatitong, i sie mambeng mangonggo sasumba kambing kowawine simbau ko takoae kurange. 29I sie mambeng panimbo ngu l᷊imange su wawo u timbo u binatang e'e, bou e'e muhata kambing e'e su simbuka ngu sawunahi u mesba tampa u pamotokang binatang guna ngu korbang tongkateng. 30Imam mambeng mul᷊awu ngu tal᷊imboronge su l᷊al᷊ung u daha ngu binatang e'e, bou e'e mamuha ngu e'e su manga sasunge su manga wuku ngu mesba dang maniwohi l᷊umbeinge su dasari u mesba. 31Kaul᷊i u tawa u binatang e'e mambeng ial᷊a kere su korbang purarame. Tawa e'e mambeng itongka u Imam su wawo u mesba, tadeau rarurue makal᷊uasi naung u Mawu. Ko kere'e kakakoae imam mangonggo korbang guna ngu dosa ngu singkatau kawanua biasa, kuteu tau e'e sarung iampungang u Mawu.
32Boko singkatau mangonggo sasumba domba simbau guna ngu pangangampung u dosange, domba e'e mambeng kowawine ko takoae kurange. 33I sie mambeng manimbo ngu l᷊imange su wawo u timbo u binatang e'e, bou e'e muhata domba e'e su simbuka ngu sawunahi u mesba, tampa u pamotokang binatang guna ngu korbang tongkateng. 34Imam mambeng mul᷊awu ngu tal᷊imboronge su l᷊al᷊ung u daha ngu binatang e'e, bou e'e mamuha ngu e'e su manga sasunge su manga wuku ngu mesba, bou e'e maniwohi u l᷊umbeinge su dasari u mesba. 35Bou e'e kaul᷊i u tawa u binatang e'e mambeng ial᷊a kere su korbang purarame. Tawa e'e mambeng itongka su wawo u mesba, singkahindo dingang u korbang kang ko ionggo su Mawu. Ko kere'e kakakoae imam mangonggo sasumba korbang guna ngu dosa ngu tau e'e, kuteu i sie sarung iampungang u Mawu.
Currently Selected:
IMAMAT 4: PLT
Highlight
Copy
Compare
Share
Want to have your highlights saved across all your devices? Sign up or sign in
