IMAMAT 23
23
Manga l᷊ou ko l᷊al᷊abo
1 Mawu nangonggo si Musa 2manga atorang hal᷊i u pamamantughi u agama, ko mambeng pakiwohang kere l᷊ou ko l᷊abo guna ngu punggaweting. 3#Sasu. 20:8-10, 23:12, 31:14-15, 34:21, 35:2; Sau. 5:12-14 Pia nung u l᷊ou guna ngu muhal᷊i. Kateho l᷊ou kapitunge, ko l᷊ou ngu Sabati, ko l᷊ou pangindul᷊eng ko nitani guna ngu Mawu. Su l᷊ou e'e i kumu mambeng pukoa komol᷊ang guna ngu munggaweti dang ta botonge muhal᷊i. 4Ko i'i manga l᷊ou ko l᷊al᷊abo ko seng nitantu u Mawu dang ko mambeng pakiwohang su tempo ko seng nitantu.
L᷊ou ngu Paska l᷊au l᷊ou ngu boroti ko takoae kaboe
(Rek. 28:16-25)
5 #
Sasu. 12:1-13; Sau. 16:1-2 L᷊ou ngu Paska ko niwantughang guna ngu mangadati Mawu, itita bou matangutiti nusumira su tanggali mapul᷊opa wul᷊ang kahimotongange. 6#Sasu. 12:14-20, 23:15, 34:18; Sau. 16:3-8Ndai mal᷊ou, tanggali mapul᷊ol᷊ima, itita Pamamantughi Boroti ko Takoae Kaboe, pitu l᷊ou l᷊iwuenge i kumu ta botonge kumang boroti ko nikoa pia kaboe. 7-8Salama ngu pitu l᷊ou e'e i kumu mambeng mangonggo u korbang kang su Mawu. Su l᷊ou kahimotongange dang kapitunge su pamamantughi e'e i kumu mambeng mukoa komol᷊ang guna ngu munggaweti dang ta botonge muhal᷊i ko mabuha.
9-10Boko i kumu seng murating u wanua ko nionggo u Mawu si kumu, dang mangomol᷊i l᷊uang u tana, wukisi u gandung ko kahimotongange nitipo ngi kumu mambeng iwawa sarang koa u imam. 11Su l᷊ou bou l᷊ou ngu Sabati, imam mambeng mangonggo u gandung e'e kere korbang todekang su Mawu, tadeau Mawu mal᷊uasi si kumu. 12Su l᷊ou i kumu mangonggo u gandung e'e, i kumu mambeng mangonggo u l᷊ai guna ngu korbang tutungang ana u domba ko ese simbau ko sintaung umurie dang ko takoae kurange. 13Guna ngu korbang kang pangonggoko dua ngkilo tapong nil᷊aukang u l᷊ana zaitung. Raruru ngu korbang e'e makal᷊uasi naung u Mawu. Singkahindo u e'e pangonggoko l᷊ai siliteri anggori. 14Su horo u mumbawa sasumba e'e su Mawu, i kumu ta botonge kumang maneng singkodo bou gandung ko wuhu e'e, mbaeng ko tamata, nipanggang arako nitongka nakoa boroti. Atorang e'e mambeng ituhukang u kaul᷊i u hintou ngi kumu sarang kal᷊iwuenge.
Sal᷊iwang u pananipo
(Rek. 28:26-31)
15 #
Sasu. 23:16, 34:22; Sau. 16:9-12 Manita bou l᷊ou nasue Sabati, su tempo ngu i kumu nanumba ngu wukisi u gandung ko kahimotongange su Mawu, i kumu mambeng mundekeng pitu ngkamisa natimu. 16Su l᷊ou kal᷊imampul᷊onge, e'e ko l᷊ou nasue bou Sabati ko kapitunge i kumu mambeng mumbawa korbang l᷊ahaghesi su Mawu. 17Apang walagheng mambeng mangonggo dua mbau boroti guna ngu sasumba patode su Mawu. Apang boroti mambeng ikoa bou dua ngkilo tapong ko maal᷊usi mupake u kabo dang mambeng isarakang su Mawu kere sasumba l᷊uang u tana ko kahimotongange. 18Singkahindo dingang u boroti e'e bangsa Israel mambeng mangonggo ana u domba pitu ko umurie sintaung, sapi ko ese makuda simbau dang kambing darua. Binatang e'e ta botonge ko pia kurange, dang mambeng ionggo guna ngu korbang tongkateng su Mawu, dingang u korbang l᷊ahaghesi l᷊au korbang ake u anggori. Raruru ngu korbang e'e makal᷊uasi naung u Mawu. 19Pangonggoko l᷊ai kambing ko ese simbau guna ngu korbang pangangampung dosa dang domba ko ese darua ko umurie sintaung guna ngu korbang purarame. 20Boroti l᷊au ana u domba darua e'e mambeng isumba ngu imam kere sasumba patode su Mawu, dang e'e ko bageang u imam. Manga sasumba e'e ko susi. 21Su l᷊ou e'e i kumu mambeng mukoa komol᷊ang guna ngu munggaweti dang ta botonge muhal᷊i ko mabuha. Atorang e'e mambeng tuhukang u hintou ngi kumu sarang kal᷊iwuenge, su apang tampa i sire matana.
22 #
Im. 19:9-10; Sau. 24:19-22 Boko i kumu manipo, kumbahang mamoto gandung ko nutumuwo su manga wiwihi u anseri kumu dang kumbahang musul᷊e guna ngu mangomol᷊i gandung ko nal᷊umbei bou nipanipong. Pakawala ko e'e guna ngu tau ko susa l᷊au tau raghi. Mawu ko Ruata ngi kumu.
Sal᷊iwang Tambaru
(Rek. 29:1-6)
23-24Tanggali kahimotongange wul᷊ang kapitunge mambeng ipakawantughi kere l᷊ou ko nitani guna ngu mangindul᷊e. L᷊ou e'e itia ngu tingihi u tarompeti, dang i kumu mambeng mukoa komol᷊ang guna ngu munggaweti. 25Pangonggoko korbang kang su Mawu dang kumbahang muhal᷊i ko mabuha su l᷊ou e'e.
L᷊ou pangangampung u dosa
(Rek. 29:7-11)
26-27 #
Im. 16:29-34
Tanggali kapul᷊onge wul᷊ang kapitunge ko l᷊ou tundu ngu apang taung guna ngu pangangampung u dosa ngu bangsa Israel. Su l᷊ou e'e i kumu mambeng mupuasa dang mukoa pukakauhang guna ngu munggaweti l᷊au mangonggo u korbang kang su Mawu. 28Kumbahang muhal᷊i, watu'u l᷊ou e'e ko l᷊ou pangangampung u dosa, tadeau i kumu makarea kal᷊aampung su saruang u Mawu Ruata ngi kumu. 29I sai-sai ko kumang su l᷊ou e'e, seng ta irekeng tataho u umati Mawu Ruata. 30Dang i sai-sai ko muhal᷊i su l᷊ou e'e, ihukung u Mawu sisane dingang u hukumang papate. 31Atorang e'e mariadi guna ngu kaul᷊i u hintou ngi kumu maneng su apa i sire matana. 32Manita bou matangutiti sumira su tanggali kasionge wul᷊ang e'e sarang matangutiti sumira su l᷊ou kapul᷊onge mambeng wantughang i kumu kere l᷊ou ngu Sabati, l᷊ou ko nitani guna ngu mangindul᷊e. Su kanandu u l᷊ou e'e i kumu mambeng pupuasa.
Sal᷊iwang Raseng u Raung
(Rek. 29:12-40)
33-34 #
Sau. 16:13-15 Sal᷊iwang Raseng u Raung manita bou tanggali mapul᷊ol᷊ima wul᷊ang kapitunge dang pitu l᷊ou l᷊iwuenge. 35-36Su kanandu u pitu l᷊ou e'e, l᷊ou-l᷊ou i kumu mambeng mangonggo u korbang kang. Su l᷊ou ko kahimotongange dang ko kawal᷊unge i kumu mambeng pukoa komol᷊ang guna ngu munggaweti dang mangonggo u korbang kang su Mawu. Kumbahang muhal᷊i ko mabuha su l᷊ou e'e.
37Ko e'e manga l᷊ou ko l᷊al᷊abo u agama ko nitantu u Mawu dang i kumu mambeng pamohang u e'e. Su manga sal᷊iwang e'e i kumu mambeng pangadati Mawu dingang mukoa komol᷊ang guna ngu munggaweti dang mangonggo u korbang kang, korbang tutungang, korbang l᷊ahaghesi, korbang binatang l᷊au korbang ake u anggori, ul᷊ie tuhu ko ipake sintinia l᷊ou nge. 38Manga sal᷊iwang e'e musul᷊ung tatambange su manga l᷊ou ngu Sabati biasa, inau sasumba e'e l᷊ai ko tatambange l᷊aonggo i kumu ko biasange, su korbang i kumu guna ngu manubusi diandi, arako korbang tuhu kao u naung ko ionggo i kumu su Mawu.
39 #
Sasu. 23:16, 34:22 Masue tiponge, manita tanggali mapul᷊ol᷊ima wul᷊ang kapitunge, i kumu mambeng pukoa sal᷊iwang su kanandu u pitu l᷊ou. L᷊ou ko kahimotongange dang ko kawal᷊unge e'e ko l᷊ou ko nitani guna ngu mangindul᷊e. 40Su l᷊ou ko kahimotongange i kumu mambeng manipo manga wua ko kapiange bou awuhi i kumu, l᷊au manga raung u palma l᷊au manga lelang u kau ko matatubung, bou e'e seng manita sal᷊iwang kal᷊al᷊uasi guna ngu mangadati Mawu Ruata ngi kumu. 41Sal᷊iwang e'e mambeng koa i kumu salama ngu pitu l᷊ou. Atorang e'e mambeng koa i kumu su kanandu pitu l᷊ou. Atorang e'e mambeng ikoa u manga hintou ngi kumu sarang kal᷊iwuenge. 42Pitu l᷊ou l᷊iwuenge kaul᷊i u bangsa Israel mambeng matana su l᷊al᷊ung u manga raseng u raung, 43tadeau hintou ngi kumu matitong himoneu Mawu nundoi bangsa Israel patana su l᷊al᷊ung u manga raseng ko biasa, su tempo ngu I Sie numbawa si sire nusumuwang bou Mesir. Ko I Sie Mawu Ruata ngi kumu.
44Ko kere'e i Musa nuhabari su bangsa Israel manga atorang hal᷊i u l᷊al᷊eng mukoa manga sal᷊iwang guna ngu mangadati Mawu.
Currently Selected:
IMAMAT 23: PLT
Highlight
Copy
Compare
Share
Want to have your highlights saved across all your devices? Sign up or sign in
IMAMAT 23
23
Manga l᷊ou ko l᷊al᷊abo
1 Mawu nangonggo si Musa 2manga atorang hal᷊i u pamamantughi u agama, ko mambeng pakiwohang kere l᷊ou ko l᷊abo guna ngu punggaweting. 3#Sasu. 20:8-10, 23:12, 31:14-15, 34:21, 35:2; Sau. 5:12-14 Pia nung u l᷊ou guna ngu muhal᷊i. Kateho l᷊ou kapitunge, ko l᷊ou ngu Sabati, ko l᷊ou pangindul᷊eng ko nitani guna ngu Mawu. Su l᷊ou e'e i kumu mambeng pukoa komol᷊ang guna ngu munggaweti dang ta botonge muhal᷊i. 4Ko i'i manga l᷊ou ko l᷊al᷊abo ko seng nitantu u Mawu dang ko mambeng pakiwohang su tempo ko seng nitantu.
L᷊ou ngu Paska l᷊au l᷊ou ngu boroti ko takoae kaboe
(Rek. 28:16-25)
5 #
Sasu. 12:1-13; Sau. 16:1-2 L᷊ou ngu Paska ko niwantughang guna ngu mangadati Mawu, itita bou matangutiti nusumira su tanggali mapul᷊opa wul᷊ang kahimotongange. 6#Sasu. 12:14-20, 23:15, 34:18; Sau. 16:3-8Ndai mal᷊ou, tanggali mapul᷊ol᷊ima, itita Pamamantughi Boroti ko Takoae Kaboe, pitu l᷊ou l᷊iwuenge i kumu ta botonge kumang boroti ko nikoa pia kaboe. 7-8Salama ngu pitu l᷊ou e'e i kumu mambeng mangonggo u korbang kang su Mawu. Su l᷊ou kahimotongange dang kapitunge su pamamantughi e'e i kumu mambeng mukoa komol᷊ang guna ngu munggaweti dang ta botonge muhal᷊i ko mabuha.
9-10Boko i kumu seng murating u wanua ko nionggo u Mawu si kumu, dang mangomol᷊i l᷊uang u tana, wukisi u gandung ko kahimotongange nitipo ngi kumu mambeng iwawa sarang koa u imam. 11Su l᷊ou bou l᷊ou ngu Sabati, imam mambeng mangonggo u gandung e'e kere korbang todekang su Mawu, tadeau Mawu mal᷊uasi si kumu. 12Su l᷊ou i kumu mangonggo u gandung e'e, i kumu mambeng mangonggo u l᷊ai guna ngu korbang tutungang ana u domba ko ese simbau ko sintaung umurie dang ko takoae kurange. 13Guna ngu korbang kang pangonggoko dua ngkilo tapong nil᷊aukang u l᷊ana zaitung. Raruru ngu korbang e'e makal᷊uasi naung u Mawu. Singkahindo u e'e pangonggoko l᷊ai siliteri anggori. 14Su horo u mumbawa sasumba e'e su Mawu, i kumu ta botonge kumang maneng singkodo bou gandung ko wuhu e'e, mbaeng ko tamata, nipanggang arako nitongka nakoa boroti. Atorang e'e mambeng ituhukang u kaul᷊i u hintou ngi kumu sarang kal᷊iwuenge.
Sal᷊iwang u pananipo
(Rek. 28:26-31)
15 #
Sasu. 23:16, 34:22; Sau. 16:9-12 Manita bou l᷊ou nasue Sabati, su tempo ngu i kumu nanumba ngu wukisi u gandung ko kahimotongange su Mawu, i kumu mambeng mundekeng pitu ngkamisa natimu. 16Su l᷊ou kal᷊imampul᷊onge, e'e ko l᷊ou nasue bou Sabati ko kapitunge i kumu mambeng mumbawa korbang l᷊ahaghesi su Mawu. 17Apang walagheng mambeng mangonggo dua mbau boroti guna ngu sasumba patode su Mawu. Apang boroti mambeng ikoa bou dua ngkilo tapong ko maal᷊usi mupake u kabo dang mambeng isarakang su Mawu kere sasumba l᷊uang u tana ko kahimotongange. 18Singkahindo dingang u boroti e'e bangsa Israel mambeng mangonggo ana u domba pitu ko umurie sintaung, sapi ko ese makuda simbau dang kambing darua. Binatang e'e ta botonge ko pia kurange, dang mambeng ionggo guna ngu korbang tongkateng su Mawu, dingang u korbang l᷊ahaghesi l᷊au korbang ake u anggori. Raruru ngu korbang e'e makal᷊uasi naung u Mawu. 19Pangonggoko l᷊ai kambing ko ese simbau guna ngu korbang pangangampung dosa dang domba ko ese darua ko umurie sintaung guna ngu korbang purarame. 20Boroti l᷊au ana u domba darua e'e mambeng isumba ngu imam kere sasumba patode su Mawu, dang e'e ko bageang u imam. Manga sasumba e'e ko susi. 21Su l᷊ou e'e i kumu mambeng mukoa komol᷊ang guna ngu munggaweti dang ta botonge muhal᷊i ko mabuha. Atorang e'e mambeng tuhukang u hintou ngi kumu sarang kal᷊iwuenge, su apang tampa i sire matana.
22 #
Im. 19:9-10; Sau. 24:19-22 Boko i kumu manipo, kumbahang mamoto gandung ko nutumuwo su manga wiwihi u anseri kumu dang kumbahang musul᷊e guna ngu mangomol᷊i gandung ko nal᷊umbei bou nipanipong. Pakawala ko e'e guna ngu tau ko susa l᷊au tau raghi. Mawu ko Ruata ngi kumu.
Sal᷊iwang Tambaru
(Rek. 29:1-6)
23-24Tanggali kahimotongange wul᷊ang kapitunge mambeng ipakawantughi kere l᷊ou ko nitani guna ngu mangindul᷊e. L᷊ou e'e itia ngu tingihi u tarompeti, dang i kumu mambeng mukoa komol᷊ang guna ngu munggaweti. 25Pangonggoko korbang kang su Mawu dang kumbahang muhal᷊i ko mabuha su l᷊ou e'e.
L᷊ou pangangampung u dosa
(Rek. 29:7-11)
26-27 #
Im. 16:29-34
Tanggali kapul᷊onge wul᷊ang kapitunge ko l᷊ou tundu ngu apang taung guna ngu pangangampung u dosa ngu bangsa Israel. Su l᷊ou e'e i kumu mambeng mupuasa dang mukoa pukakauhang guna ngu munggaweti l᷊au mangonggo u korbang kang su Mawu. 28Kumbahang muhal᷊i, watu'u l᷊ou e'e ko l᷊ou pangangampung u dosa, tadeau i kumu makarea kal᷊aampung su saruang u Mawu Ruata ngi kumu. 29I sai-sai ko kumang su l᷊ou e'e, seng ta irekeng tataho u umati Mawu Ruata. 30Dang i sai-sai ko muhal᷊i su l᷊ou e'e, ihukung u Mawu sisane dingang u hukumang papate. 31Atorang e'e mariadi guna ngu kaul᷊i u hintou ngi kumu maneng su apa i sire matana. 32Manita bou matangutiti sumira su tanggali kasionge wul᷊ang e'e sarang matangutiti sumira su l᷊ou kapul᷊onge mambeng wantughang i kumu kere l᷊ou ngu Sabati, l᷊ou ko nitani guna ngu mangindul᷊e. Su kanandu u l᷊ou e'e i kumu mambeng pupuasa.
Sal᷊iwang Raseng u Raung
(Rek. 29:12-40)
33-34 #
Sau. 16:13-15 Sal᷊iwang Raseng u Raung manita bou tanggali mapul᷊ol᷊ima wul᷊ang kapitunge dang pitu l᷊ou l᷊iwuenge. 35-36Su kanandu u pitu l᷊ou e'e, l᷊ou-l᷊ou i kumu mambeng mangonggo u korbang kang. Su l᷊ou ko kahimotongange dang ko kawal᷊unge i kumu mambeng pukoa komol᷊ang guna ngu munggaweti dang mangonggo u korbang kang su Mawu. Kumbahang muhal᷊i ko mabuha su l᷊ou e'e.
37Ko e'e manga l᷊ou ko l᷊al᷊abo u agama ko nitantu u Mawu dang i kumu mambeng pamohang u e'e. Su manga sal᷊iwang e'e i kumu mambeng pangadati Mawu dingang mukoa komol᷊ang guna ngu munggaweti dang mangonggo u korbang kang, korbang tutungang, korbang l᷊ahaghesi, korbang binatang l᷊au korbang ake u anggori, ul᷊ie tuhu ko ipake sintinia l᷊ou nge. 38Manga sal᷊iwang e'e musul᷊ung tatambange su manga l᷊ou ngu Sabati biasa, inau sasumba e'e l᷊ai ko tatambange l᷊aonggo i kumu ko biasange, su korbang i kumu guna ngu manubusi diandi, arako korbang tuhu kao u naung ko ionggo i kumu su Mawu.
39 #
Sasu. 23:16, 34:22 Masue tiponge, manita tanggali mapul᷊ol᷊ima wul᷊ang kapitunge, i kumu mambeng pukoa sal᷊iwang su kanandu u pitu l᷊ou. L᷊ou ko kahimotongange dang ko kawal᷊unge e'e ko l᷊ou ko nitani guna ngu mangindul᷊e. 40Su l᷊ou ko kahimotongange i kumu mambeng manipo manga wua ko kapiange bou awuhi i kumu, l᷊au manga raung u palma l᷊au manga lelang u kau ko matatubung, bou e'e seng manita sal᷊iwang kal᷊al᷊uasi guna ngu mangadati Mawu Ruata ngi kumu. 41Sal᷊iwang e'e mambeng koa i kumu salama ngu pitu l᷊ou. Atorang e'e mambeng koa i kumu su kanandu pitu l᷊ou. Atorang e'e mambeng ikoa u manga hintou ngi kumu sarang kal᷊iwuenge. 42Pitu l᷊ou l᷊iwuenge kaul᷊i u bangsa Israel mambeng matana su l᷊al᷊ung u manga raseng u raung, 43tadeau hintou ngi kumu matitong himoneu Mawu nundoi bangsa Israel patana su l᷊al᷊ung u manga raseng ko biasa, su tempo ngu I Sie numbawa si sire nusumuwang bou Mesir. Ko I Sie Mawu Ruata ngi kumu.
44Ko kere'e i Musa nuhabari su bangsa Israel manga atorang hal᷊i u l᷊al᷊eng mukoa manga sal᷊iwang guna ngu mangadati Mawu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in