IMAMAT 22
22
Kasasusi ngu sasumba
1 Mawu nangoro si Musa 2puhabari parenta i'i si Harun l᷊au manga anae, “Koako su hinonge apang ko isumba ngu bangsa Israel ko nihae guna ngu Ia, tadeau i kumu ta mupakal᷊amuhu u areng-Ku ko susi. Ko Ia Mawu. 3Boko singkatau bou hintou ngi kumu su l᷊al᷊ung u kakakoa ko mal᷊amuhu musumandighi su manga sasumba ko susi ko nihae ngu bangsa Israel guna ngu Ia, i seng ta botonge mutangkiang su mesba. Atorang i'i ikoa sarang kal᷊iwuenge. Ko Ia Mawu.
4Singkatau hintou ngi Harun ko pia sakie pisi ko makatataku, arako pia saki u ko ese hakiu mupasuwang nana, kumbahang kumina sasumba ko susi boko i sie mborong ta nil᷊ahe ko bursi. Singkatau imam makoa ko mal᷊amuhu boko i sie makasuhung barang ko mal᷊amuhu ual᷊ing u nikahino ngu bangke. I sie l᷊ai ko mal᷊amuhu boko maninge nusumuwang, 5arako nakasuhung binatang arako taumata ko mal᷊amuhu. 6Singkatau imam maneng dingang u l᷊al᷊eng apa nakoa ko mal᷊amuhu, tatapi mal᷊amuhu sarang matangutiti sumira. Dang suapang matangutiti musumira i sie mborong ta botonge kumang kang ko seng nisumba su Mawu boko i sie mborong ta nundeno. 7Suapang matangutiti nusumira i sie seng ko bursi dang seng botonge kumang kang e'e, ual᷊ing u ko seng e'e kange. 8I sie kumbahang kumina ghisi ngu binatang ko nate sisanenge arako nate nitumbou ngu binatang ko wawahani. Boko i sie nukumang e'e i sie makoa ko mal᷊amuhu. Ko Ia Mawu.
9Kaul᷊i u imam mambeng mutuhu manga atorang ko Daku nionggo. Boko ta, i sire munsal᷊a dang sarung mate, ual᷊ing u nul᷊umawang manga atorang ko susi e'e. Ko Ia Mawu, dang ko Ia nupuhae ngi sire guna ngu Ia.
10Sasumba ko nihae guna ngu Ia kitang botonge ikang u walagheng u imam e'e sisane; taumata ko wal᷊inge ta botonge, maneng we tau e'e su wal᷊e simbau dingang u imam e'e arako taumata ko mul᷊al᷊ahal᷊i si sie. 11Arawe manga l᷊ang ko nil᷊uangeng u imam e'e dingang u doinge sisane arako ko nipahinding su l᷊al᷊ung u wal᷊enge, botonge kumang bageang u imam e'e. 12Ana kowawine ngu singkatau imam ko nukawing dingang u singkatau ko wal᷊inge imam, ta botonge kumang sasumba e'e. 13Arawe ana kowawine ngu imam ko seng nakoa ko wal᷊u arako seng nutal᷊ei dingang ko takoae ana bou e'e nusul᷊e sarang wal᷊e ngi papange dang nakoa tanggongange, botonge kumang bageang i papange, kitang walagheng u imam botonge kumang sasumba e'e.
14Boko singkatau ko wal᷊inge tataho u walagheng u imam ta nutaturi nukumang kang ko seng nisumba su Mawu, i sie mambeng mangonggo u ghaghantinge su imam tambang u duampul᷊o porseng. 15Manga imam ta botonge mupakal᷊amuhu sasumba ko seng nihae guna ngu Ia 16dingang mupakawala ngu e'e, nikang u singkatau ko takoae hakie kumang e'e. Hal᷊i e'e makakoa taumata e'e munsal᷊a dang makapupasongo ngu hukumang si sie. Ko Ia Mawu, dang Ia ko nupakasusi ngu sasumba e'e.”
17 Mawu nangoro si Musa 18-19pangonggo si Harun, su manga anae dang su kaul᷊i u bangsa Israel manga atorang i'i. Boko singkatau Israel arako singkatau raghi ko natana su Israel mangonggo u korbang tongkateng guna ngu mamaehi diandi, arako guna ngu korbang tuhu kao u naung, binatang e'e mambeng ko ese dang ta botonge pia kurange tadeau botonge itarima. 20#Sau. 17:1 Kumbahang mangonggo sasumba binatang ko pia kurange, watu'u Mawu mandi manarima e'e. 21Boko singkatau mangonggo korbang purarame su Mawu guna ngu mamaehi diandinge arako guna ngu korbang tuhu kao u naung, binatang e'e kumbahang pia kurange, tadeau botonge itarima. 22Kumbahang mangonggo sasumba binatang ko wuta su Mawu, ko nabare duhinge arako ko nal᷊esi, ko pia wisul᷊i pia nanange, ko pia sakie pisi arako hene. Binatang ko kere'e kumbahang ionggo guna ngu korbang kang su wawo u mesba. 23Guna ngu korbang tuhu kao u naung i kumu botonge mangonggo binatang ko ta natimu badange; arawe guna ngu mamaehi diandi, binatang ko kere'e ta ikatarima. 24Kumbahang mangonggo sasumba su Mawu binatang ko wuwatunge narusa nahepesi, nipoto, l᷊esie nawunal᷊i arako irume. Hal᷊i e'e ta botonge mariadi su wanua ngi kumu.
25Binatang papal᷊iharang ko nikarea bou tau raghi ta botonge isumba guna ngu korbang kang. Binatang e'e irekeng ko pia kurange dang ta ikatarima.
26-27Ana u sapi, ana u domba arako ana u kambing ko mbuhue nipuhana mambeng matana dingang i mamange pitu l᷊ou l᷊iwuenge. Mbuhue bou e'e binatang e'e botonge itarima guna ngu korbang kang. 28Kumbahang mangonggo ma u sapi arako ma u domba arako ma u kambing singkahindo dingang anae su l᷊ou ko musul᷊ung. 29Boko i kumu mangonggo u korbang tatarima kase su Mawu, koako e'e sintuhu u atorang, tadeau korbang u itarima. 30Kangte korbang e'e su silou e'e l᷊ai, dang kumbahang manintang maneng kitang singkodo sarang ndai mal᷊ou.
31 Mawu nuhengetang, “Tuhukeko apang parenta-Ku; Ko Ia Mawu. 32Kumbahang mupakal᷊amuhu u areng-Ku ko susi. Kaul᷊i u bangsa Israel mambeng panumba si Sia kere Ko Tumaniu Susi. Ko Ia Mawu dang Ia nupakasusi ngi kumu. 33Ia numbawa si kumu nusumuwang bou Mesir, tadeau Ia makoa Mawu Ruata ngi kumu. Ko Ia Mawu.”
Currently Selected:
IMAMAT 22: PLT
Highlight
Copy
Compare
Share
Want to have your highlights saved across all your devices? Sign up or sign in
IMAMAT 22
22
Kasasusi ngu sasumba
1 Mawu nangoro si Musa 2puhabari parenta i'i si Harun l᷊au manga anae, “Koako su hinonge apang ko isumba ngu bangsa Israel ko nihae guna ngu Ia, tadeau i kumu ta mupakal᷊amuhu u areng-Ku ko susi. Ko Ia Mawu. 3Boko singkatau bou hintou ngi kumu su l᷊al᷊ung u kakakoa ko mal᷊amuhu musumandighi su manga sasumba ko susi ko nihae ngu bangsa Israel guna ngu Ia, i seng ta botonge mutangkiang su mesba. Atorang i'i ikoa sarang kal᷊iwuenge. Ko Ia Mawu.
4Singkatau hintou ngi Harun ko pia sakie pisi ko makatataku, arako pia saki u ko ese hakiu mupasuwang nana, kumbahang kumina sasumba ko susi boko i sie mborong ta nil᷊ahe ko bursi. Singkatau imam makoa ko mal᷊amuhu boko i sie makasuhung barang ko mal᷊amuhu ual᷊ing u nikahino ngu bangke. I sie l᷊ai ko mal᷊amuhu boko maninge nusumuwang, 5arako nakasuhung binatang arako taumata ko mal᷊amuhu. 6Singkatau imam maneng dingang u l᷊al᷊eng apa nakoa ko mal᷊amuhu, tatapi mal᷊amuhu sarang matangutiti sumira. Dang suapang matangutiti musumira i sie mborong ta botonge kumang kang ko seng nisumba su Mawu boko i sie mborong ta nundeno. 7Suapang matangutiti nusumira i sie seng ko bursi dang seng botonge kumang kang e'e, ual᷊ing u ko seng e'e kange. 8I sie kumbahang kumina ghisi ngu binatang ko nate sisanenge arako nate nitumbou ngu binatang ko wawahani. Boko i sie nukumang e'e i sie makoa ko mal᷊amuhu. Ko Ia Mawu.
9Kaul᷊i u imam mambeng mutuhu manga atorang ko Daku nionggo. Boko ta, i sire munsal᷊a dang sarung mate, ual᷊ing u nul᷊umawang manga atorang ko susi e'e. Ko Ia Mawu, dang ko Ia nupuhae ngi sire guna ngu Ia.
10Sasumba ko nihae guna ngu Ia kitang botonge ikang u walagheng u imam e'e sisane; taumata ko wal᷊inge ta botonge, maneng we tau e'e su wal᷊e simbau dingang u imam e'e arako taumata ko mul᷊al᷊ahal᷊i si sie. 11Arawe manga l᷊ang ko nil᷊uangeng u imam e'e dingang u doinge sisane arako ko nipahinding su l᷊al᷊ung u wal᷊enge, botonge kumang bageang u imam e'e. 12Ana kowawine ngu singkatau imam ko nukawing dingang u singkatau ko wal᷊inge imam, ta botonge kumang sasumba e'e. 13Arawe ana kowawine ngu imam ko seng nakoa ko wal᷊u arako seng nutal᷊ei dingang ko takoae ana bou e'e nusul᷊e sarang wal᷊e ngi papange dang nakoa tanggongange, botonge kumang bageang i papange, kitang walagheng u imam botonge kumang sasumba e'e.
14Boko singkatau ko wal᷊inge tataho u walagheng u imam ta nutaturi nukumang kang ko seng nisumba su Mawu, i sie mambeng mangonggo u ghaghantinge su imam tambang u duampul᷊o porseng. 15Manga imam ta botonge mupakal᷊amuhu sasumba ko seng nihae guna ngu Ia 16dingang mupakawala ngu e'e, nikang u singkatau ko takoae hakie kumang e'e. Hal᷊i e'e makakoa taumata e'e munsal᷊a dang makapupasongo ngu hukumang si sie. Ko Ia Mawu, dang Ia ko nupakasusi ngu sasumba e'e.”
17 Mawu nangoro si Musa 18-19pangonggo si Harun, su manga anae dang su kaul᷊i u bangsa Israel manga atorang i'i. Boko singkatau Israel arako singkatau raghi ko natana su Israel mangonggo u korbang tongkateng guna ngu mamaehi diandi, arako guna ngu korbang tuhu kao u naung, binatang e'e mambeng ko ese dang ta botonge pia kurange tadeau botonge itarima. 20#Sau. 17:1 Kumbahang mangonggo sasumba binatang ko pia kurange, watu'u Mawu mandi manarima e'e. 21Boko singkatau mangonggo korbang purarame su Mawu guna ngu mamaehi diandinge arako guna ngu korbang tuhu kao u naung, binatang e'e kumbahang pia kurange, tadeau botonge itarima. 22Kumbahang mangonggo sasumba binatang ko wuta su Mawu, ko nabare duhinge arako ko nal᷊esi, ko pia wisul᷊i pia nanange, ko pia sakie pisi arako hene. Binatang ko kere'e kumbahang ionggo guna ngu korbang kang su wawo u mesba. 23Guna ngu korbang tuhu kao u naung i kumu botonge mangonggo binatang ko ta natimu badange; arawe guna ngu mamaehi diandi, binatang ko kere'e ta ikatarima. 24Kumbahang mangonggo sasumba su Mawu binatang ko wuwatunge narusa nahepesi, nipoto, l᷊esie nawunal᷊i arako irume. Hal᷊i e'e ta botonge mariadi su wanua ngi kumu.
25Binatang papal᷊iharang ko nikarea bou tau raghi ta botonge isumba guna ngu korbang kang. Binatang e'e irekeng ko pia kurange dang ta ikatarima.
26-27Ana u sapi, ana u domba arako ana u kambing ko mbuhue nipuhana mambeng matana dingang i mamange pitu l᷊ou l᷊iwuenge. Mbuhue bou e'e binatang e'e botonge itarima guna ngu korbang kang. 28Kumbahang mangonggo ma u sapi arako ma u domba arako ma u kambing singkahindo dingang anae su l᷊ou ko musul᷊ung. 29Boko i kumu mangonggo u korbang tatarima kase su Mawu, koako e'e sintuhu u atorang, tadeau korbang u itarima. 30Kangte korbang e'e su silou e'e l᷊ai, dang kumbahang manintang maneng kitang singkodo sarang ndai mal᷊ou.
31 Mawu nuhengetang, “Tuhukeko apang parenta-Ku; Ko Ia Mawu. 32Kumbahang mupakal᷊amuhu u areng-Ku ko susi. Kaul᷊i u bangsa Israel mambeng panumba si Sia kere Ko Tumaniu Susi. Ko Ia Mawu dang Ia nupakasusi ngi kumu. 33Ia numbawa si kumu nusumuwang bou Mesir, tadeau Ia makoa Mawu Ruata ngi kumu. Ko Ia Mawu.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in