IMAMAT 24
24
Mamal᷊ihara sol᷊o
(Sasu. 27:20-21)
1 Mawu nangoro si Musa 2pangonggo u manga parenta i'i su bangsa Israel: Pumbawako l᷊ana ngu zaitung ko kahingang dang ko kapiange guna ngu sol᷊o su l᷊al᷊ung u Kema ngu Mawu, tadeau botonge iriko dang humena turusi. 3I Harun mambeng mangatori manga sol᷊o e'e bou wawul᷊aeng sarang mal᷊ukari su tampa sasongo ngu Mawu, su l᷊ikuru pampele ko nanaka Wantal᷊i u Pudadiandi su Kamari ko Tumaniu Susi. Parenta e'e mambeng ikoa sarang kal᷊iwuenge. 4I Harun mambeng mangurusi manga sol᷊o su rihi ngu sol᷊o bou wul᷊aeng tadeau tatapi humena su Kema ngu Mawu.
Boroti nisadia
5 #
Sasu. 25:30
Pangal᷊ako mapul᷊odua su kilonge tapong ko kapiange dang pukoako mapul᷊odua su waue boroti ko mal᷊imbong, simbau-simbau taponge pu singkilo. 6Piloko boroti e'e su l᷊al᷊ung u dua haweng, apang hawenge nung u wau borotie, su wawo u meda ko pia l᷊al᷊apisi wul᷊aeng ko ene su l᷊al᷊ung u Kema ngu Mawu. 7Piloko kamania su apang haweng u boroti guna ngu tatia himoneu boroti e'e ko korbang kang su Mawu. 8Sintinia l᷊ou ngu Sabati mambeng pia boroti ko isadia su l᷊al᷊ung u Kema ngu Mawu. Ko e'e tanggongang u bangsa Israel sarang kal᷊iwuenge. 9#Mat. 12:4; Mrk. 2:26; Luk. 6:4Boroti e'e ko guna ngi Harun l᷊au hintounge. I sire mambeng kumang e'e su tampa ko susi, ual᷊ing u boroti e'e ko musul᷊ung u bageang ko tumaniu susi bou korbang kang ko nisumba su Mawu guna ngu manga imam.
Hukumang su taumata ko mangane Mawu Ruata l᷊au hukumang wawal᷊isi
10-11Su pukakemang u tau Israel pia singkatau ko ese. I papange tau Mesir dang i mamange tau Israel arenge i Selomit, ana i Dibri bou suku Dan. Pia su silou tau e'e nurarendehi dingang u singkatau Israel su pukakemang. Su tempo ngu kapurarendehi, i sie nangane Mawu Ruata. Ual᷊ingu e'e manga tau Israel numbawa si sie sarang koa i Musa, 12dang nanahang si sie apiru mangampal᷊i putusang u Mawu hal᷊i u apa ko sarung ikoa i sire su tau e'e.
13 13Mawu nuhengetang si Musa, 14“Wawako tau e'e sarang l᷊ikuru pukakemang. Apang taumata ko nakaringihi i sie nangane, mambeng pamilo u l᷊imange su wawo u timbo u tau e'e guna ngu mangonggo kasaksiang himoneu i sie nunsal᷊a. Bou e'e kaul᷊i u umati mambeng mamal᷊o si sie dingang u watu sarang pakapate. 15Bou e'e wohangko i'i su bangsa Israel: I sai-sai ko mangane Mawu mambeng pananggong sukenge 16dang ihukung pakapate. Maneng i sai l᷊ai ko mangane Mawu mambeng ipal᷊o u kaul᷊i u jamaati dingang u watu sarang pakapate. Tita i'i mariadi su tau Israel dang su tau raghi ko natana su Israel.
17 #
Sasu. 21:12 I sai-sai ko mamate taumata ko wal᷊inge mambeng ihukung u papate. 18I sai-sai ko mamate binatang u taumata ko wal᷊inge mambeng mungganti. Dasarie ko ‘sasinda ghaghantinge sasinda’.
19Boko singkatau nakakoa taumata ko wal᷊inge napeho, apa l᷊ai ko seng nikoae mambeng koa l᷊ai si sie. 20#Sasu. 21:23-25; Sau. 19:21; Mat. 5:38Boko i sie nakabare duhi, kuteu duhinge l᷊ai mambeng bareng. Boko i sie nakakoa mata ngu taumata ko wal᷊inge nawuta simbuka, kuteu matange simbuka l᷊ai mambeng koa pakawuta. Boko i sie nangoka taumata ko wal᷊inge sarang isie nabare, kuteu isie l᷊ai mambeng bareng. Manga apa l᷊ai ko nikoae sarang nakakoa taumata ko wal᷊inge nal᷊al᷊ai badange, mambeng l᷊ai ikoa si sie kere wawal᷊isi. 21I sai-sai ko mamate binatang mambeng pungganti, arawe i sai-sai ko mamate taumata mambeng ihukung pakapate. 22#Rek. 15:15-16Tita e'e mariadi guna ngi kumu kaul᷊ie dang l᷊ai guna ngu tau raghi ko seng natana su tal᷊oara i kumu, ual᷊ing u ko Ia Mawu, Mawu Ruata ngi kumu.”
23Suapang i Musa mbuae nuhabari didato e'e su tau Israel, i sire numbawa tau ko nangane Mawu Ruata e'e sarang l᷊ikuru pukakemang bou e'e namal᷊o si sie dingang u watu sarang nate. Dingang l᷊al᷊eng e'e bangsa Israel mukoa apang ko seng niparenta ngu Mawu si Musa.
Currently Selected:
IMAMAT 24: PLT
Highlight
Copy
Compare
Share
Want to have your highlights saved across all your devices? Sign up or sign in
IMAMAT 24
24
Mamal᷊ihara sol᷊o
(Sasu. 27:20-21)
1 Mawu nangoro si Musa 2pangonggo u manga parenta i'i su bangsa Israel: Pumbawako l᷊ana ngu zaitung ko kahingang dang ko kapiange guna ngu sol᷊o su l᷊al᷊ung u Kema ngu Mawu, tadeau botonge iriko dang humena turusi. 3I Harun mambeng mangatori manga sol᷊o e'e bou wawul᷊aeng sarang mal᷊ukari su tampa sasongo ngu Mawu, su l᷊ikuru pampele ko nanaka Wantal᷊i u Pudadiandi su Kamari ko Tumaniu Susi. Parenta e'e mambeng ikoa sarang kal᷊iwuenge. 4I Harun mambeng mangurusi manga sol᷊o su rihi ngu sol᷊o bou wul᷊aeng tadeau tatapi humena su Kema ngu Mawu.
Boroti nisadia
5 #
Sasu. 25:30
Pangal᷊ako mapul᷊odua su kilonge tapong ko kapiange dang pukoako mapul᷊odua su waue boroti ko mal᷊imbong, simbau-simbau taponge pu singkilo. 6Piloko boroti e'e su l᷊al᷊ung u dua haweng, apang hawenge nung u wau borotie, su wawo u meda ko pia l᷊al᷊apisi wul᷊aeng ko ene su l᷊al᷊ung u Kema ngu Mawu. 7Piloko kamania su apang haweng u boroti guna ngu tatia himoneu boroti e'e ko korbang kang su Mawu. 8Sintinia l᷊ou ngu Sabati mambeng pia boroti ko isadia su l᷊al᷊ung u Kema ngu Mawu. Ko e'e tanggongang u bangsa Israel sarang kal᷊iwuenge. 9#Mat. 12:4; Mrk. 2:26; Luk. 6:4Boroti e'e ko guna ngi Harun l᷊au hintounge. I sire mambeng kumang e'e su tampa ko susi, ual᷊ing u boroti e'e ko musul᷊ung u bageang ko tumaniu susi bou korbang kang ko nisumba su Mawu guna ngu manga imam.
Hukumang su taumata ko mangane Mawu Ruata l᷊au hukumang wawal᷊isi
10-11Su pukakemang u tau Israel pia singkatau ko ese. I papange tau Mesir dang i mamange tau Israel arenge i Selomit, ana i Dibri bou suku Dan. Pia su silou tau e'e nurarendehi dingang u singkatau Israel su pukakemang. Su tempo ngu kapurarendehi, i sie nangane Mawu Ruata. Ual᷊ingu e'e manga tau Israel numbawa si sie sarang koa i Musa, 12dang nanahang si sie apiru mangampal᷊i putusang u Mawu hal᷊i u apa ko sarung ikoa i sire su tau e'e.
13 13Mawu nuhengetang si Musa, 14“Wawako tau e'e sarang l᷊ikuru pukakemang. Apang taumata ko nakaringihi i sie nangane, mambeng pamilo u l᷊imange su wawo u timbo u tau e'e guna ngu mangonggo kasaksiang himoneu i sie nunsal᷊a. Bou e'e kaul᷊i u umati mambeng mamal᷊o si sie dingang u watu sarang pakapate. 15Bou e'e wohangko i'i su bangsa Israel: I sai-sai ko mangane Mawu mambeng pananggong sukenge 16dang ihukung pakapate. Maneng i sai l᷊ai ko mangane Mawu mambeng ipal᷊o u kaul᷊i u jamaati dingang u watu sarang pakapate. Tita i'i mariadi su tau Israel dang su tau raghi ko natana su Israel.
17 #
Sasu. 21:12 I sai-sai ko mamate taumata ko wal᷊inge mambeng ihukung u papate. 18I sai-sai ko mamate binatang u taumata ko wal᷊inge mambeng mungganti. Dasarie ko ‘sasinda ghaghantinge sasinda’.
19Boko singkatau nakakoa taumata ko wal᷊inge napeho, apa l᷊ai ko seng nikoae mambeng koa l᷊ai si sie. 20#Sasu. 21:23-25; Sau. 19:21; Mat. 5:38Boko i sie nakabare duhi, kuteu duhinge l᷊ai mambeng bareng. Boko i sie nakakoa mata ngu taumata ko wal᷊inge nawuta simbuka, kuteu matange simbuka l᷊ai mambeng koa pakawuta. Boko i sie nangoka taumata ko wal᷊inge sarang isie nabare, kuteu isie l᷊ai mambeng bareng. Manga apa l᷊ai ko nikoae sarang nakakoa taumata ko wal᷊inge nal᷊al᷊ai badange, mambeng l᷊ai ikoa si sie kere wawal᷊isi. 21I sai-sai ko mamate binatang mambeng pungganti, arawe i sai-sai ko mamate taumata mambeng ihukung pakapate. 22#Rek. 15:15-16Tita e'e mariadi guna ngi kumu kaul᷊ie dang l᷊ai guna ngu tau raghi ko seng natana su tal᷊oara i kumu, ual᷊ing u ko Ia Mawu, Mawu Ruata ngi kumu.”
23Suapang i Musa mbuae nuhabari didato e'e su tau Israel, i sire numbawa tau ko nangane Mawu Ruata e'e sarang l᷊ikuru pukakemang bou e'e namal᷊o si sie dingang u watu sarang nate. Dingang l᷊al᷊eng e'e bangsa Israel mukoa apang ko seng niparenta ngu Mawu si Musa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in