IMAMAT 21
21
Kasasusi ngu manga imam
1 Mawu nangoro si Musa puhabari parenta i'i su manga imam hintou ngi Harun, “Singkatau imam ta botonge mupakal᷊amuhu u watangenge ual᷊ingu mutumuhu tundu ngu pangubul᷊ang manga ghe'e, 2su l᷊ikuri boko ko nate e'e i mamange, i papange, anae, tamahuariange ko ese, 3arako tamahuariange kowawine ko mborong tangkeng nukawing, dang natana su wal᷊e simbau dingange. 4I sie ta botonge mupakal᷊amuhu u watangenge dingang mutumuhu tundu ngu pangubul᷊ang manga ghe u kawinge.
5 #
Im. 19:27-28; Sau. 14:1 Singkatau imam ta botonge mul᷊ungguhi simpalang bou timboe dang ta botonge mangol᷊o jenggoti arako mupakal᷊esi u badange dingang u barang ko mahoro guna ngu manode himoneu i sie ko kapul᷊al᷊utue. 6I sie ko koa-Ku ko seng nitani dang ta botonge mupakal᷊amuhu u areng-Ku. I sie mangonggo korbang kang si Sia, inau i sie mambeng ko susi. 7Singkatau imam ta botonge mukawing dingang kowawine l᷊inau kowawine ko dal᷊ai, arako dingang kowawine ko seng wal᷊inge ko l᷊uhisi arako ko seng nutal᷊ei, ual᷊ing u imam ko koa-Ku. 8Bangsa ngu Israel mambeng mangaku ngu imam kere taumata ko nitani guna ngu Ia ual᷊ing i sie mangonggo u korbang kang si Sia. Ko Ia Mawu; Ia i'i ko susi dang Ia mupakasusi ngu umati-Ku. 9Boko ana u singkatau imam kowawine nakoa kowawine ko dal᷊ai, i sie nuhinakang si papange dang mambeng itutung sarang pakapate. 10Imam ko Mawantughi seng nitabisi dingang maniwohi u l᷊ana ngu upacara su wawo u timboe dang dingang mul᷊oho l᷊aku u imam ko mawantughi si sie. Ual᷊ing u e'e i sie ta botonge mamala ngu utae masasunu arako munggehe pakeange kere tatia kapul᷊al᷊utue. 11-12I sie seng nisumba si Sia guna ngu mariadi koa-Ku, inau ta botonge mupakal᷊amuhu u watangenge. I sie l᷊ai ta botonge mupakal᷊amuhu u Kema-Ku sumuwang bou e'e tadeau sumu su wal᷊e ko pia bangkenge, maneng e'e ko bangke ngi papange arako i mamange sisane. 13-14I sie kitang botonge mukawing dingang u singkatau ko l᷊uhisi bou sukunge sisane. I sie ta botonge mukawing dingang u singkatau ko wal᷊u arako singkatau kowawine ko seng nutal᷊ei, arako singkatau kowawine l᷊inau kowawine ko dal᷊ai. 15Boko i sie l᷊umawang atorang e'e, kuteu manga anae ko hinonge ko susi, sarung mal᷊amuhu. Ko Ia Mawu dang Ia seng nuhae ngi sie pakakoa Imam ko Mawantughi.”
16 Mawu nuparenta si Musa 17pangul᷊i u i'i si Harun, “Singkatau hintou ngu ko pia kurange badange ta botonge mangonggo u korbang kang si Sia. E'e ipake sarang kal᷊iwuenge. 18Taumata ko mangonggo u korbang ta botonge ko pia kurange badange, e'e ko taumata ko wuta arako ko peosi, taumata ko pia kurange pahesie arako bahageang u badange, 19ko pepa l᷊imange arako ko pengkadi l᷊aeri, 20ko bongko arako ko panda, ko pia sakie mata arako pia sakie pisi dang ko nikabiri. 21Apang hintou ngi Imam Harun ko pia kurange badange ta botonge mangonggo u korbang kang si Sia. 22Kateho i sie botonge kumang kang ko seng mbuae nisumba, maneng korbang kang ko susi arako korbang kang ko tumaniu ko susi 23Ual᷊ing u tau ko pia kurange badange, i sie ta botonge sumandighi pampele ko nupuhae ngu Kamari ko Susi arako mesba. I sie ta botonge mupakal᷊amuhu u manga barang ko seng nitani guna ngu Ia, ual᷊ing u ko Ia Mawu, dang ko Ia ko nupuhae ngu manga barang e'e.”
24Ko e'e manga atorang ko niul᷊i i Musa si Harun l᷊au manga anae, dang su kaul᷊i u bangsa Israel.
Currently Selected:
IMAMAT 21: PLT
Highlight
Copy
Compare
Share
Want to have your highlights saved across all your devices? Sign up or sign in
IMAMAT 21
21
Kasasusi ngu manga imam
1 Mawu nangoro si Musa puhabari parenta i'i su manga imam hintou ngi Harun, “Singkatau imam ta botonge mupakal᷊amuhu u watangenge ual᷊ingu mutumuhu tundu ngu pangubul᷊ang manga ghe'e, 2su l᷊ikuri boko ko nate e'e i mamange, i papange, anae, tamahuariange ko ese, 3arako tamahuariange kowawine ko mborong tangkeng nukawing, dang natana su wal᷊e simbau dingange. 4I sie ta botonge mupakal᷊amuhu u watangenge dingang mutumuhu tundu ngu pangubul᷊ang manga ghe u kawinge.
5 #
Im. 19:27-28; Sau. 14:1 Singkatau imam ta botonge mul᷊ungguhi simpalang bou timboe dang ta botonge mangol᷊o jenggoti arako mupakal᷊esi u badange dingang u barang ko mahoro guna ngu manode himoneu i sie ko kapul᷊al᷊utue. 6I sie ko koa-Ku ko seng nitani dang ta botonge mupakal᷊amuhu u areng-Ku. I sie mangonggo korbang kang si Sia, inau i sie mambeng ko susi. 7Singkatau imam ta botonge mukawing dingang kowawine l᷊inau kowawine ko dal᷊ai, arako dingang kowawine ko seng wal᷊inge ko l᷊uhisi arako ko seng nutal᷊ei, ual᷊ing u imam ko koa-Ku. 8Bangsa ngu Israel mambeng mangaku ngu imam kere taumata ko nitani guna ngu Ia ual᷊ing i sie mangonggo u korbang kang si Sia. Ko Ia Mawu; Ia i'i ko susi dang Ia mupakasusi ngu umati-Ku. 9Boko ana u singkatau imam kowawine nakoa kowawine ko dal᷊ai, i sie nuhinakang si papange dang mambeng itutung sarang pakapate. 10Imam ko Mawantughi seng nitabisi dingang maniwohi u l᷊ana ngu upacara su wawo u timboe dang dingang mul᷊oho l᷊aku u imam ko mawantughi si sie. Ual᷊ing u e'e i sie ta botonge mamala ngu utae masasunu arako munggehe pakeange kere tatia kapul᷊al᷊utue. 11-12I sie seng nisumba si Sia guna ngu mariadi koa-Ku, inau ta botonge mupakal᷊amuhu u watangenge. I sie l᷊ai ta botonge mupakal᷊amuhu u Kema-Ku sumuwang bou e'e tadeau sumu su wal᷊e ko pia bangkenge, maneng e'e ko bangke ngi papange arako i mamange sisane. 13-14I sie kitang botonge mukawing dingang u singkatau ko l᷊uhisi bou sukunge sisane. I sie ta botonge mukawing dingang u singkatau ko wal᷊u arako singkatau kowawine ko seng nutal᷊ei, arako singkatau kowawine l᷊inau kowawine ko dal᷊ai. 15Boko i sie l᷊umawang atorang e'e, kuteu manga anae ko hinonge ko susi, sarung mal᷊amuhu. Ko Ia Mawu dang Ia seng nuhae ngi sie pakakoa Imam ko Mawantughi.”
16 Mawu nuparenta si Musa 17pangul᷊i u i'i si Harun, “Singkatau hintou ngu ko pia kurange badange ta botonge mangonggo u korbang kang si Sia. E'e ipake sarang kal᷊iwuenge. 18Taumata ko mangonggo u korbang ta botonge ko pia kurange badange, e'e ko taumata ko wuta arako ko peosi, taumata ko pia kurange pahesie arako bahageang u badange, 19ko pepa l᷊imange arako ko pengkadi l᷊aeri, 20ko bongko arako ko panda, ko pia sakie mata arako pia sakie pisi dang ko nikabiri. 21Apang hintou ngi Imam Harun ko pia kurange badange ta botonge mangonggo u korbang kang si Sia. 22Kateho i sie botonge kumang kang ko seng mbuae nisumba, maneng korbang kang ko susi arako korbang kang ko tumaniu ko susi 23Ual᷊ing u tau ko pia kurange badange, i sie ta botonge sumandighi pampele ko nupuhae ngu Kamari ko Susi arako mesba. I sie ta botonge mupakal᷊amuhu u manga barang ko seng nitani guna ngu Ia, ual᷊ing u ko Ia Mawu, dang ko Ia ko nupuhae ngu manga barang e'e.”
24Ko e'e manga atorang ko niul᷊i i Musa si Harun l᷊au manga anae, dang su kaul᷊i u bangsa Israel.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in