IMAMAT 18

Putatamba ngu badang ko ta botonge

1 Mawu nangoro si Musa 2puhabari su bangsa Israel parenta i'i, “Ko Ia Mawu Ruata ngu. 3Kumbahang manguntu kakanoa u tau Mesir, tampa i kumu mbuae natana, arako tau su Kanaan, tampa Ia orasi i'i mumbawa si kumu. 4Tuhukeko apang tita-Ku dang koako apang ko Daku niparenta. Ko Ia Mawu Ruata ngu. 5#Neh. 9:29; Yeh. 18:9, 20:11-13; Luk. 10:28; Rm. 10:5; Gal. 3:12Tuhukeko manga atorang l᷊au manga tita ko Daku nionggo si kumu. Boko i kumu mukoa ko kere'e. Puwawiahi kumu masal᷊amati. Ko Ia Mawu.”

6 Mawu nangonggo manga atorang i'i: Kumbahang mutatamba ngu badang dingang u manga singkatau bou ana u singkatau ngu. 7Kumbahang mutatamba ngu badang dingang i mama ngu, kawing i papangu, watu'u i sie ko haki i papa ngu. 8#Im. 20:11; Sau. 22:30, 27:20Kumbahang muhinakang si papangu dingang mutatamba ngu badang dingang manga singkatau kawinge ko wal᷊inge. 9#Im. 20:17; Sau. 27:22 Kumbahang mutatamba ngu badang dingang wawinengu, arako wawinengu iata, maneng ko nil᷊abo singkahindo dingangu su wal᷊e simbau, arako l᷊ai nil᷊abo su wal᷊e ko wal᷊inge. 10Kumbahang mutatamba badang dingang u pungu; e'e ko makamea watangengu sisane. 11Kumbahang mutatamba ngu badang dingang wawinengu ko tamba papa i mama ko wal᷊inge, arako tamba mama i papa ko wal᷊inge, ual᷊ing i sie mang wawinengu l᷊ai. 12-13#Im. 20:19-20Kumbahang mutatamba ngu badang dingang i tantengu, maneng i sie kowawine ngi papangu arako tamahuari ngi mamangu. 14Kumbahang mutatamba ngu badang dingang kawing i om'u, ual᷊ing i sie l᷊ai mang i tantengu. 15#Im. 20:12 Kumbahang mutatamba ngu badang dingang manuhangu 16#Im. 20:21 arako dingang ipaghiu. 17#Im. 20:14; Sau. 27:23Kumbahang mutatamba ngu badang dingang ana arako pung bou kowawine ko seng mbuae nipakeu, pari i sire ko gheu, dang e'e ko kakanoa ko ta nuhino. 18Kumbahang mukawing dingang ipaghiu su kanandu u kawingu sisane mborong wiahi.

19 # Im. 20:18 Kumbahang mutatamba ngu badang dingang u singkatau kowawine su kanandu i sie pia kotori. Ual᷊ing i sie su l᷊al᷊ung u kakakoa ko mal᷊amuhu. 20#Im. 20:10Kumbahang mutatamba ngu badang dingang kawing u taumata ko wal᷊inge; kakanoa e'e makakoa si kau mal᷊amuhu. 21#Im. 20:1-5 Kumbahang manarakang singkatau bou manga anau koateng korbang u pangangamal᷊i si Molokh, ual᷊ingu kakanoa e'e muhinakang areng u Mawu Ruata ngi kumu. 22#Im. 20:13Taumata ko ese ta botonge mutatamba badang dingang ko ese; Mawu Ruata mubinsi kakanoa e'e. 23#Sasu. 22:19; Im. 20:15-16; Sau. 27:21 Ko ese arako l᷊ai kowawine, ta woto-wotonge mutatamba ngu badang dingang u binatang; kakanoa ko dal᷊ai e'e makal᷊amuhu si kumu.

24Kumbahang mupakal᷊amuhu u watangengu dingang u manga kakanoa e'e, watu'u dingang u l᷊al᷊eng e'e manga bangsa ko natana su Kanaan su horo i kumu seng nupakal᷊amuhu watangeng i sire. Ual᷊ingu e'e i sire seng nitokol᷊i u Mawu, tadeau i kumu botonge matana su wanua i'i. 25-27I sire seng nukoa kaul᷊i u kakanoa ko makararinting e'e, hakiu tana ngi sire nakoa ko mal᷊amuhu. Kuteu Mawu nuhukung si sire dang ta nupakawala ngi sire matana pai se'e. Arawe i kumu kumbahang-bahang mukoa manga kakanoa e'e. I kumu kaul᷊ie, tau Israel dang tau raghi ko natana dingang i kumu, mambeng tuhu atorang l᷊au parenta ngu Mawu, 28tadeau i kumu kumbahang ihukung I Sie dang itokol᷊i bou tana e'e kere manga taumata ko wugha ngu Mawu, ko natana pai se'e su horo i kumu. 29I kumu matitong himoneu i sai-sai ko mukoa kakanoa ko makararinting e'e seng ta irekeng tataho u umati u Mawu Ruata.

30Kuteu Mawu nuhengetang, “Tuhukeko manga atorang ko Daku nionggo dang kumbahang manguntu kakanoa u manga taumata ko natana su tana Kanaan su horo i kumu. Kumbahang mupakal᷊amuhu u watangeng i kumu sisane dingang mukoa manga kakanoa e'e. Ia Mawu Ruata ngi kumu.”

Currently Selected:

IMAMAT 18: PLT

Highlight

Copy

Compare