IMAMAT 11
11
Manga binatang ko halal l᷊au ko haram
(Sau. 14:3-21)
1 Mawu nangonggo si Musa l᷊au si Harun manga atorang i'i 2-3guna ngu bangsa Israel. Kaul᷊i u binatang ko nuwiahi su l᷊ul᷊unge ko tutal᷊umama dang kanukue ko pia wukange ko halal dang botonge kanengang. 4-6Kumbahang kumina onta, pelanduk arako kelinci. Binatang e'e ko haram, ual᷊ingu maneng tutal᷊umama, kanukue takoae wukange. 7Kumbahang kumina wawi. Binatang e'e ko haram, ual᷊ingu maneng kanukue pia wukange, i sie ko ta tutal᷊umama. 8Ghisinge ta botonge kinaseng dang bangkenge ta botonge suhungang ual᷊ingu binatang e'e ko haram.
9I kumu botonge kumina kaul᷊i u haghi ngu kina ko pia sasahimbinge l᷊au ko pia onae. 10-12Binatang ko nuwiahi su l᷊al᷊ung u ake kateho ko takoae sasahimbinge l᷊au takoae onae ko haram, inau ta botonge kinaseng, dang bangkenge ta botonge suhungang.
13-19Su tal᷊oara u manga burung, ko tuhue i'i ta botonge kinaseng ual᷊ingu ko mal᷊amuhu: burung rajawali, burung manumeung, kaul᷊i u haghi ngu kasiahe, nasari, boka-boka, burung onta, camar, blekok dang apang haghi ngu bahoa, undan, burung kasa l᷊au paniki.
20Kaul᷊i u serangga ko pia tatilae ko haram, 21su l᷊ikuru ko botonge l᷊uminso. 22Inau kumbati, l᷊ihio, l᷊au kumbati ko ijo botonge kinaseng. 23Kateho kaul᷊i u serangga ko wal᷊inge ko pia tatilae dang l᷊ai ko kahomange ko haram.
24-28Singkatau makoa ko mal᷊amuhu sarang matangutiti sumira boko i sie nakasuhung bangke simbau bou manga binatang i'i: binatang ko pia kanukue, su l᷊ikuru kanuku ko pia wukange l᷊au tutal᷊umama, l᷊au binatang ko pia l᷊aeri pa dang pia kakahurie. I sai-sai ko mumbawa bangke ngu binatang haghi ngu e'e mambeng manguhasi l᷊akue, kateho i sie mborong mal᷊amuhu sarang matangutiti sumira.
29-30Wal᷊awo ngu tana, wal᷊awo ko l᷊abo, wal᷊awo ko dio, timbol᷊ohe, kaul᷊i u haghi ngu tumpepa, landak, suaha, bengkarung, puhe l᷊au bilangsape ko haram. 31I sai-sai ko manuhung binatang e'e arako bangkenge makoa ko mal᷊amuhu sarang matangutiti sumira. 32Boko bangke ngu binatang e'e manawo su wawo u barang simbau, kuteu barang e'e makoa ko mal᷊amuhu. Hal᷊i e'e makoa su apang haghi ngu barang bou kau, heka, pisi, arako heka bou karong, dang ta makoa soali guna ngu apa barang e'e ipupake. Barang e'e mambeng il᷊awu su l᷊al᷊ung u ake, kateho tatapi mal᷊amuhu sarang matangutiti sumira. 33Boko bangke e'e manawo su l᷊al᷊ung u kuring tana, kaul᷊i u apang tataho u kuring e'e makoa ko mal᷊amuhu, dang kuring e'e mambeng hose. 34 Kang ko kahinong u ake bou kuring e'e makoa ko mal᷊amuhu, dang inung ko ene su l᷊al᷊ung u kuring e'e l᷊ai makoa ko mal᷊amuhu. 34Kang ko kahinong u ake bou kuring e'e makoa ko mal᷊amuhu, dang inung ko ene su l᷊al᷊ung u kuring e'e l᷊ai makoa ko mal᷊amuhu. 35Manga apa l᷊ai ko kanawong u bangke e'e makoa ko mal᷊amuhu. Porno arako tampa pananongkateng bou tana ko kahinong u bangke e'e mambeng hose ual᷊ingu ko mal᷊amuhu. 36Su l᷊ikuru kal᷊ipupu arako pahighi, apang ko wal᷊inge makoa ko mal᷊amuhu boko kahinong u bangke. 37Boko bangke e'e manawo su wawo u sasuang ko sarung isawuhi, bibiti e'e tatapi mapia. 38Kateho boko sasuang e'e ko kal᷊al᷊awu su l᷊al᷊ung u ake bou e'e nikanawong u bangke e'e, kuteu bibiti e'e makoa ko mal᷊amuhu.
39I sai-sai makasuhung bangke ngu binatang ko halal makoa ko mal᷊amuhu sarang matangutiti sumira. 40Taumata ko mumbawa arako kumang bangke e'e mambeng manguhasi l᷊akue, kateho i sie tatapi mal᷊amuhu sarang matangutiti sumira.
41-42Kaul᷊i u binatang ko kakanoa su wawo u tana, maneng ko tutondo, ko pia l᷊aeri pa arako pia l᷊aeri maul᷊i, ko haram dang ta botonge kinaseng. 43Kumbahang mupakal᷊amuhu u watangengu dingang u kumina haghi ngu binatang e'e. 44#Im. 19:2; 1Ptr. 1:16Ko Ia Mawu Ruata ngi kumu, watu'u e'e diagate tadeau i kumu tatapi ko susi, watu'u Ia ko susi. 45Ko Ia Mawu ko numbawa si kumu nusumuwang bou Mesir, tadeau Ia botonge makoa Mawu ngi kumu. Pakasusiko i kumu, ual᷊ingu Ia ko susi.
46Ko e'e atorang hal᷊i u binatang nasu su l᷊al᷊unge burung, binatang ko nuwiahi su l᷊al᷊ung u ake dang kukanoa su wawo u tana. 47I kumu mambeng botonge mul᷊ahae ngu ko bursi dingang ko mal᷊amuhu, binatang ko botonge dingang u binatang ko ta botonge kinaseng.
Currently Selected:
IMAMAT 11: PLT
Highlight
Copy
Compare
Share
Want to have your highlights saved across all your devices? Sign up or sign in
