IMAMAT 1
1
Korbang Tongkateng
1Bou Kema-E, Mawu nukui si Musa dang nangonggo si sie manga atorang 2ko mambeng pakituhuke su tau Israel. Boko singkatau mangonggo sasumba binatang guna ngu korbang tutungang su Mawu, i sie botonge mangonggo sasumba sapi, domba arako kambinge. 3Boko sasumba sapi simbau, binatang e'e mambeng ko ese dang takoae kurange. Sapi e'e mambeng iwawae sarang tukari u Kema ngu Mawu, tadeau Mawu manarima tau e'e. 4Bou e'e i sie mambeng manimbo l᷊ima nge su wawo u timbo u binatang e'e, kuteu sasumbange sarung itarima u Mawu guna ngu pangangampung dosange. 5Bou e'e sapi e'e mambeng ihata su saruang u tukari u Kema. Dahange mambeng isumba ngu manga imam hintou ngi Harun su Mawu, bou e'e isiwohi su sindihange pa u mesba su saruang u tukari u Kema. 6Bou e'e taumata e'e mambeng mamuni l᷊au mangangohe binatang e'e. 7Manga imam mambeng mundiko putung su wawo u mesba bou e'e manusung kau ko iriko su wawoe. 8Manga kakompeng u korbang, nasu su l᷊al᷊unge timbo l᷊au tawange mambeng ipilo i sire su wawo u putung. 9Bou e'e tau e'e mambeng manguhasi tataho u tiang l᷊au pang u sapi e'e, dang imam ko kapuhal᷊ie mambeng manongka kaul᷊i u e'e. Raruru ngu korbang tongkateng e'e makal᷊uasi naung u Mawu.
10Boko ionggo sasumba domba simbau arako kambing, binatang e'e mambeng ko ese dang takoae kurange. 11Taumata e'e mambeng muhata binatang e'e su simbuka ngu sawunahi u mesba, bou e'e manga imam mambeng maniwohi u dahange su sindihange pa su mesba. 12Suapang binatang e'e mbuae nikakompeng, kaul᷊i u kompenge, nasu l᷊al᷊ung u timboe l᷊au tawange, mambeng itimbo ngu imam su wawo u putung su mesba. 13Bou e'e tau e'e mambeng manguhasi tataho u tiange l᷊au pang u binatang e'e. Bou e'e imam mambeng mangonggo sasumba kaul᷊i u e'e su Mawu, dang manongka e'e su wawo u mesba. Raruru ngu korbang tutungang e'e makal᷊uasi naung u Mawu.
14Boko ionggo sasumba burung simbau, mambeng burung tarkuku arako burung paluma ko makuda. 15Imam mambeng mumbawa burung e'e sarang mesba, bou e'e muhisa l᷊ehie dang mutongka timboe su wawo u mesba. Daha ngu burung e'e mambeng puhu pasuwang su sindihang u mesba. 16Tampa u kange dingang u kaul᷊i u tahoe mambeng pasuwang, bou e'e irume su simbuka ngu raki bou mesba su tampa u awu. 17Bou e'e burung e'e mambeng ighehe su wanggili u tatilae, kateho tatilae kumbahang sarang mabusu. Bou e'e burung e'e mambeng itongka su wawo u mesba. Raruru ngu korbang tongkateng e'e makal᷊uasi naung u Mawu.
Currently Selected:
IMAMAT 1: PLT
Highlight
Copy
Compare
Share
Want to have your highlights saved across all your devices? Sign up or sign in
