SASUWANG 23

Kal᷊aadili dang katatulasi

1 # Sas. 20:16; Im. 19:11-12; Sau. 5:20 “Kumbahang mangeke ngu habari l᷊eo, dang kumbahang mutul᷊ung taumata ko l᷊al᷊ai ko mangonggo u kasaksiang ko takoae hinonge. 2Kumbahang mangkate katuhue dingang u taumata maul᷊i kamangkeng i sire nukoa pusansal᷊a arako l᷊umawang parenta dingang mangonggo u kasaksiang ko takoae hinonge. 3#Im. 19:15Kumbahang muputatintang u taumata su l᷊al᷊ung parkara ngu pangadilang, maneng taumata ko niputusi e'e taumata ko susa.

4 # Sau. 22:1-4 Kamangkeng i kumu singkahuwiu nakawua sapi arako keledai ngu sudu'u napal᷊iri, sul᷊eko su tataghuange. 5Kamangkeng keledai u rokau nansu watu'u mabuha wawanenge, tul᷊ungko i sie mupakatei ngu keledai e'e, kumbahang mangkate itintang kere'e.

6 # Im. 19:15; Sau. 16:19 Koako pakaadili su taumata ko susa, kamangkeng i sie sumongo mubawa u parkarae su pangadilang. 7Pakarauko pangangantang u l᷊eo dang kumbahang mupubuha u taumata ko takoae sal᷊ae ihukung pateng, watu'u Ia ta mupuhino ngu taumata ko mukoa ko l᷊al᷊ai ko kere ikoae. 8Kumbahang manarima u doi soroki, watu'u doi ngu soroki e'e makawuta taumata bou hal᷊i ko nuhino dang makarugi manga taumata ko takoae sal᷊ae.

9 # Sasu. 22:21; Im. 19:33-34; Sau. 24:17-18, 27:19 Kumbahang mukoa bala kao i kumu su taumata raghi, i kumu matitong kirapa temange makoa taumata ngu raghi, watu'u l᷊inau horo i kumu l᷊ai taumata ngu raghi su Mesir.”

Taung kapitunge dang l᷊ou kapitunge

10 # Im. 25:1-7 “Nungu taung kal᷊iwuenge i kumu botonge musuang anseri i kumu dang mangal᷊a apa ko nakoa l᷊uange. 11Kateho su taung kapitunge tana e'e mambeng wala ngi kumu. Su kanandu u taung e'e i kumu ta botonge mangomol᷊i apang ko nutumuwo ngu naunge su anseri kumu. Wala e'e guna ngu taumata ko susa, dang l᷊umbeinge guna ngu binatang maghaghila. Koako kere'e l᷊ai su awuhi anggori dang manga kau zaitung i kumu.

12 # Sasu. 20:9-11, 31:14-15, 34:21, 35:2; Im. 23:3; Sau. 5:13-14 Nungu l᷊ou su l᷊al᷊ung u singkamisa i kumu botonge muhal᷊i, kateho su l᷊ou kapitunge i kumu mambeng mangindul᷊e, tadeau binatang i kumu, manga l᷊ang dang apang taumata ngu raghi ko muhal᷊i guna ngu botonge mangindul᷊e l᷊ai.

13Putuhungko kaul᷊i u ko seng Daku niul᷊i si kumu. Kumbahang manumba manga mahang mawu, sarang musigho ngu arenge ta botonge.”

Atorang u manga l᷊ou ko l᷊al᷊abo

(Sasu. 34:18-26; Sau. 16:1-17)

14“Sintinia taung i kumu mambeng pukoa tatilu putatinaungang guna ngu mangadati si Sia. 15#Sasu. 12:14-20; Im. 23:6-8; Rek. 28:17-25Su l᷊al᷊ung u wul᷊ang Abib, su tempo ko nitantu, i kumu mambeng mupakawantughi sal᷊iwang u boroti takoae kaboe dingang l᷊aatori ko kere Daku niparenta si kumu, watu'u su l᷊al᷊ung u wul᷊ang e'e i kumu manintang u Mesir. Kumbahang kumang boroti ko nikoa ko mupake u ragi su kal᷊iwueng u putatinaungang pitu l᷊ou e'e. Sintinia i kumu sumongo mukal᷊iomaneng si Sia, i kumu mambeng mumbawa sasumba.

16 # Im. 23:15-21,39-43; Rek. 28:26-31 Putinaungko sal᷊iwang panipong su tempo ngi kumu manipo l᷊uange ko kahimotongange bou anseri kumu.

Putinaungko Sal᷊iwang Raseng u Raung su panginsueng u taung tempo ngi kumu mangomol᷊i l᷊uang u awuhi anggori dang awuhi u manga wua.

17Sintinia taung tempo ngu parayaang katilunge e'e koateng, kaul᷊i u manga ko ese mambeng sumongo mukal᷊iomaneng si Sia, Mawu Ruata ngi kumu.

18Kumbahang mangonggo sasumba boroti ko pia kaboe su tempo ngi kumu mangonggo sasumba binatang si Sia. Tawa ngu binatang ko ionggo si Sia su kanandu u putatinaungang e'e ta botonge iwala sarang ndai mal᷊ou mal᷊ukari.

19 # Sau. 26:2; Sasu. 34:26; Sau. 14:21 Sintinia taung i kumu mambeng mumbawa sarang wal᷊e ngu Mawu Ruata ngi kumu gandung kahimotongange ko tipong i kumu.

Ghisi ngu ana u domba arako ana u kambing ta botonge isasa dingang ake u susu ngi mae.”

Diandi l᷊au parenta

20“Ia sarung mundoi malaikati-Ku mangihoro si kumu guna ngu manirung si kumu su l᷊al᷊al᷊engang dang mumbawa si kumu sarang tampa ko Daku nisadia. 21Putuhungko dang tuhukeko i sie. Kumbahang mamarontaki si sie watu'u i sie raroi-Ku, dang i sie ta sarung mangonggo u ampung su l᷊al᷊awang i kumu. 22Kamangkeng i kumu tutuhu si sie dang mukoa kaul᷊i u ko Daku parentang, Ia sarung muparang mundoka kaul᷊i u roka i kumu. 23Malaikati-Ku sarung mangihoro si kumu dang mumbawa si kumu sarang soa ngu bangsa Amori, Het, Feris, Kanaan, Hewi dang Yebus, dang i sire sarung Daku ipakawinasa. 24Kumbahang manumba manga patong pusasirungang i sire dang kumbahang manguntu atorang u punggaweting i sire. Ghoghahiko patong pusasirungang i sire e'e dang babareko manga rihi watu ko ipake i sire guna ngu munggaweti. 25Boko i kumu manumba si Sia, Mawu Ruata ngi kumu, i kumu sarung Daku al᷊amating dingang u kang l᷊au u inung, dang kaul᷊i u sahinda sarung Daku ipakarau bo i kumu. 26Su soa ngi kumu sarung takoae kowawine ko nikanawong arako ko wanto. I kumu sarung Daku onggol᷊ang u umuri manandu.

27Manga bangsa ko songong i kumu sarung Daku koateng mataku u Ia, i sire sarung Daku ipukal᷊ambughi; kaul᷊i u roka i kumu sarung musul᷊e dang tumal᷊ang. 28Apang roka i kumu sarung Daku ipusal᷊iawuhi,#23:28: Daku ipusal᷊iawuhiarako Ia sarung mupasongo ngu katiupang pamangko su tal᷊oara u apang rokau. dang manga bangsa Hewi, Kanaan, dang Het Daku iuseri bou tingo ngi kumu tadeau tawe makasahaghe l᷊al᷊empang i kumu. 29I sire ta sarung Daku iuseri paghisa su l᷊al᷊ung u tempo sintaung, tadeau tana e'e kumbahang mawala, dang binatang wawahani kumbahang manahangesi. 30I sire sarung Daku iuseri pusingkodo sarang manga taumata ngi kumu seng tumaniu maul᷊i kumangiang su tana e'e. 31Manga pusarang soa ngi kumu sarung Daku itatapi bou Wunga u Akaba sarang Sal᷊uhi Efrat, dang bou L᷊auri Tal᷊oarae sarang tana l᷊inggi. I kumu Daku onggol᷊ang u kawasa su matatana u soa e'e, hakiu i sire botonge iuseri su tempo ngi kumu sumongo mangaho tana e'e. 32Kumbahang mudiandi dingang u manga taumata e'e arako dingang u manga mahang mawu ngi sire. 33Kumbahang mamala ngu manga taumata e'e matana su soa ngu, tadeau i kumu kumbahang manumba manga mahang mawu ngi sire dang mubardosa su saruang-Ku. Kamangkeng i kumu manumba manga mahang mawu ngi sire, i kumu manawo su l᷊al᷊ung u sasaung papate.”

Currently Selected:

SASUWANG 23: PLT

Highlight

Copy

Compare