WUKE NGU MANGA RASULI 27
27
I Paulus namundal᷊i sarang Roma
1Suapang mbuae niputusi himoneu i kami mambeng mamundal᷊i sarang Italia, i Paulus l᷊au pirangkatau taumata ngu tutupang ko wal᷊inge nisarakang si Yulius, parwira ngu pasukang sordado ngu Roma ko isusigho “Resimeng u Kaisari.” 2I kami nusumake kapal᷊i ko nusumongo bou Adramitium, bou e'e nuwua dingang u kapal᷊i e'e ko seng sadia mamundal᷊i sarang manga tampa tatul᷊ing su propinsi ngu Asia. I Aristarkhus singkatau Makedonia ko nusumongo bou Tesalonika, namundal᷊i l᷊ai singkahindo dingang i kami. 3Ndai mal᷊ou i kami nawuna su Sidon. I Paulus nikoa i Yulius mapia kahingang. I sie nipakawala nutiwo manga ghawe'e tadeau i sire botonge mangonggo si sie apa ko ipupake'e. 4Bou e'e i kami nanurusi pamamundal᷊i kami. Ual᷊ingu nusomahi u anging, i kami namundal᷊i turusi nurumuruhi apeng u pulo Siprus ko dio nal᷊umpi bou anging. 5Mbuhue i kami namoto l᷊oange ko mupasaruang u Kilikia l᷊au Pamfilia bou e'e nawuna su Mira su soa ngu Likia. 6Su se'e parwira e'e nusuma u kapal᷊i singgisa bou Aleksandria ko mamundal᷊i sarang Italia. Kuteu i sie nupangal᷊ing i kami sarang kapal᷊i e'e.
7Pira l᷊ou l᷊iwuenge i kami namundal᷊i mal᷊ongge kahingang, dang panginsuenge dingang nutatitehi kahingang i kami mbuhue nurating u soa ngu Knidus. Bou e'e ual᷊ingu anging mborong dal᷊ai, i kami ta nakapanurusi pamamundal᷊i kami su putatimona ngi kami horo. Inau i kami namundal᷊i sarang simbuka ngu timuhi pulo Kreta nul᷊umiu tonggeng u Salmone tadeau pai se'e i kami mal᷊umpi bou anging. 8Dingang u nutatitehi kahingang i kami namundal᷊i nurumuruhi apeng u pulo e'e sarang panginsuenge i kami nawuna su tampa simbau arenge tampa tatul᷊ing masidada, ta marau bou soa ngu Lasea.
9Su tempo e'e seng nal᷊iu L᷊ou Putatinaungang u Purarame#27:9: L᷊ou Putatinaungang u Purarame: L᷊ou e'e ikoa masandighi panginsueng u September arako su horo u Oktober su tempo ngu dunia ko mauha hakiu makataku mamamundal᷊i. tau Yahudi. I kami seng nikailangeng u tempo maul᷊i, hakiu seng wal᷊inge temponge makapamundal᷊i dingang mapia. Ual᷊ingu e'e i Paulus nangonggo tughu i'i si sire, 10“Manga ana u simbau, su pundangku, mabuha kahingang boko i kite mamundal᷊i turusi. I kite sarung marugi ko l᷊abo, wal᷊inge kitang l᷊urang i kite l᷊au kapal᷊i kite, kateho sarang badang i kite l᷊ai botonge mailang.” 11Kateho parwira e'e lebe mangimang su mangangul᷊ing l᷊au kapiteng u kapal᷊i bou manga didato ngi Paulus. 12Tampa pamunakeng su se'e tingari ta tumaniu mapia su manga kapal᷊i ko matana su se'e su tempo ngu matinoung. Ual᷊ingu e'e manga taumata ngu kapal᷊i kaul᷊ikange mo sau mamundal᷊i manintang u tampa tatul᷊ing e'e watu'u i sire mutawakal᷊i sarang makarating u Feniks dang matana pai se'e su kanandu tempo ko matinoung. Feniks ko tampa tatul᷊ing su Kreta ko nupasaruang ngu tahangeng l᷊au pol᷊ong.#27:12: tahangeng l᷊au pol᷊ong: arau l᷊aisuiki l᷊au mahaing.
Anging mauha su l᷊auri
13Su tempo e'e anging timuhi nutumiu masikome. Kuteu su naung u taumata ngu kapal᷊i i sire seng botonge sau mamundal᷊i. Inau i sire nuhengke wal᷊ango bou e'e namundal᷊i nurumuruhi apeng u pulo Kreta. 14Kateho ta nal᷊iwue bou e'e anging mauha – anging ko isusigho anging l᷊aesuiki – nutumiu bou l᷊ul᷊unge, 15dang namungkusi kapal᷊i kami. Ual᷊ingu kapal᷊i seng ta makapusomahi, i kami seng ta makakoa apa-apa dang kapal᷊i seng niwala kal᷊aonohe iwawa u anging. 16I kami dio nahumping singkodo, su tempo ngi kami nul᷊umiu bou simbuka ngu timuhi pulo Kauda ko dio e'e. Su se'e dingang nutatitehi kahingang i kami nakaal᷊a bolotu u kapal᷊i kami. 17Suapang bolotu e'e nipaawi su kapal᷊i, kapal᷊i e'e l᷊ai nipakatoghasi dingang u niiki u tal᷊i nipakal᷊iku kapal᷊i e'e. Watu'u mataku indue su nei ngu Sirtis ko mawawo e'e, senggo nipal᷊intu bou e'e kapal᷊i niwala tatondoe putuhu anging. 18Anging turusi nutingkauha, hakiu ndai mal᷊ou l᷊urang u kapal᷊i nanita nirume sarang l᷊al᷊ung u sasi. 19L᷊ou tuhue l᷊ai manga taumata ngu kapal᷊i e'e nundume l᷊ai manga pakakasi u kapal᷊i sarang sasi dingang u l᷊ima ngi sire sisane. 20Pira l᷊ou l᷊iwuenge i kami ta nakawua matangutiti dang wituing, dang anging turusi-turusi nutingkauha. Panginsuenge nailang pul᷊aharapi kami guna ngu masal᷊amati.
21Seng pira ngkatempo l᷊iwuenge manga taumata e'e ta nukumang. Kuteu i Paulus natamai nurumarisi su tal᷊oara i sire bou e'e nangul᷊i, “Manga ana u simbau! Kiko i kumu nutumuhu tughuku dang ta namundal᷊i bou Kreta, i kite ta nakahombang kaul᷊i u kaghaghoghahi l᷊au karugiang i'i. 22Kateho su tempo i'i daku ipundokang singapang botonge tadeau pakal᷊abo naung i kumu. Takoae sarang singkatau bou ana u simbau ko sarung mate; i kite kitang kailangeng u kapal᷊i i'i. 23Watu'u mangkilaeng malaikati bou Mawu Ruata ko taghunang daku isumba, Mawu Ruata ko nanaghuang si sia, nusumongo si sia. 24Malaikati e'e nangul᷊i, ‘Kumbahang mataku, Paulus! Watu'u i kau sarung mupatingo ngi Kaisari. Dang ual᷊ingu kapia ngu naung u Mawu Ruata si kau, kaul᷊i u taumata ko kapamundal᷊i singkahindo dingangu sarung masal᷊amati ual᷊ing i kau.’ 25Ual᷊ingu e'e, manga ana u simbau, pakatatapi naung i kumu! Watu'u ia mangimang su Mawu Ruata himoneu kaul᷊ie sarung mariadi musul᷊ung ko seng niul᷊i-E si sia. 26Kateho i kite sarung indue su apeng u pulo simbau.”
27Su huwi ko kapul᷊opae i kami seng l᷊ito-l᷊ito su L᷊auri Adria. Patehang manga kal᷊oarange taumata ngu kapal᷊i nakapundang kapal᷊i seng masandighi u l᷊ul᷊unge. 28Inau i sire nangul᷊uhi tal᷊i dingang u watu guna ngu mangukuri l᷊al᷊ung u l᷊auri. Nikatitonang l᷊al᷊ung u tampa e'e masandighi paupul᷊o su meteri. Ta nal᷊iwue bou e'e i sire sau nangukuri, nikatitonang tampa e'e l᷊al᷊unge masandighi tilumpul᷊o su meteri. 29I sire mataku kapal᷊i sarung masilari su wual᷊o, inau i sire nundume wal᷊ango pa u wau su peto ngu kapal᷊i, bou e'e mangkate kapuharapi tadeau pakaehong pakal᷊ou. 30Maruma-rumasi manga taumata ngu kapal᷊i manal᷊uka tumal᷊ang bou kapal᷊i e'e. I sire nupal᷊intu u bolotu sarang sasi dingang u kakakoa kere ko mangul᷊uhi wal᷊ango bou saruang u kapal᷊i. 31Kateho i Paulus nangul᷊i su parwira dingang u manga parajuriti ko su kapal᷊i e'e, “Boko taumata ngu kapal᷊i i'i ta matana su kapal᷊i, Manga ana u simbau kaul᷊ie takoae ko masal᷊amati.” 32Ual᷊ingu e'e manga parajuriti e'e namoto tal᷊i ngu bolotu e'e, hakiu bolotu e'e naansehi.
33Mborong ta naburesi matangutiti, i Paulus nundo tadeau i sire kaul᷊ie pakang. I Paulus nangul᷊i, “Seng paupul᷊opa su l᷊ounge l᷊iwuenge manga ana u simbau kaul᷊ie kitang kapangampal᷊i su ghaghawangeng dang seng wugha ngu kang. 34Ia manughu, kang ko maning singkodo. E'e mapia guna ngi kumu, tadeau i kumu sau matoghasi. Watu'u manga ana u simbau kaul᷊ie sarung masal᷊amati dang sarung takoae kurange maning singkodo.” 35Suapang bou nangul᷊i kere'e i Paulus nangal᷊a boroti bou e'e nuputarimakase su Mawu su tingo ngi sire kaul᷊ie. Bou e'e i sie nupapahia boroti e'e, mbuhue nukumang. 36Kuteu i sire kaul᷊ie sau nawahansang dang sau nukumang. 37Kaul᷊ie ko ene su kapal᷊i e'e pia duahasupitumpul᷊onung#27:37: duahasupitumpul᷊onung: pira mbau wohe horo: duahasupitumpul᷊ol᷊ima, pia l᷊ai manga pitumpul᷊onung. su kataunge. 38Suapang kaul᷊ie seng mbuae nukumang nal᷊aeri, i sire nundume l᷊urang gandung su sasi tadeau kapal᷊i makoa ko mahang.
Kapal᷊i nasilari
39Suapang seng nal᷊ou, taumata ngu kapal᷊i nakawua l᷊ul᷊unge, kateho i sire wugha minsang l᷊ul᷊ung u apa e'e. I sire nakawua tonggenge simbau dingang u apenge. Inau i sire pia naung i sire boko botonge kapal᷊i i sire iwuna su se'e. 40Kuteu manga tal᷊i ngu wal᷊ango nihisa bou e'e manga wal᷊ango e'e niwala kawawontol᷊e su sasi. Nuhindo u e'e l᷊ai i sire namuka tal᷊i ko nipangiki manga ul᷊ing. Bou e'e i sire namewe senggo su bageang u mona ngu kapal᷊i tadeau anging maniu kapal᷊i e'e tumondo mundol᷊ong apeng. 41Kateho kapal᷊i e'e nasunsuri su nei. Bahageang monange nasilari dang ta nukumanoa, arawe bageang petonge naghagholang nipukul᷊i u l᷊ua ko l᷊abo.
42Manga parajuriti su kapal᷊i e'e pia naung i sire mamate manga taumata ngu tutupang, watu'u i sire mataku singkawua manga pia ko kumalang sarang l᷊ul᷊unge dang tumal᷊ang. 43Kateho parwira e'e nameto kao i sire watu'u i sie mo mangambang si Paulus. I sie nangoro kaul᷊i u taumata ko botonge makakalang patumpa horo dang pakalang sarang apeng; 44Ko wal᷊inge patuhu puhumbang su manga pupal᷊i arako kodo u kapal᷊i e'e. Dingang l᷊al᷊eng kere'e i kami kaul᷊ie nasal᷊amati nurating u l᷊ul᷊unge.
Currently Selected:
WUKE NGU MANGA RASULI 27: PLT
Highlight
Share
Copy
Want to have your highlights saved across all your devices? Sign up or sign in
WUKE NGU MANGA RASULI 27
27
I Paulus namundal᷊i sarang Roma
1Suapang mbuae niputusi himoneu i kami mambeng mamundal᷊i sarang Italia, i Paulus l᷊au pirangkatau taumata ngu tutupang ko wal᷊inge nisarakang si Yulius, parwira ngu pasukang sordado ngu Roma ko isusigho “Resimeng u Kaisari.” 2I kami nusumake kapal᷊i ko nusumongo bou Adramitium, bou e'e nuwua dingang u kapal᷊i e'e ko seng sadia mamundal᷊i sarang manga tampa tatul᷊ing su propinsi ngu Asia. I Aristarkhus singkatau Makedonia ko nusumongo bou Tesalonika, namundal᷊i l᷊ai singkahindo dingang i kami. 3Ndai mal᷊ou i kami nawuna su Sidon. I Paulus nikoa i Yulius mapia kahingang. I sie nipakawala nutiwo manga ghawe'e tadeau i sire botonge mangonggo si sie apa ko ipupake'e. 4Bou e'e i kami nanurusi pamamundal᷊i kami. Ual᷊ingu nusomahi u anging, i kami namundal᷊i turusi nurumuruhi apeng u pulo Siprus ko dio nal᷊umpi bou anging. 5Mbuhue i kami namoto l᷊oange ko mupasaruang u Kilikia l᷊au Pamfilia bou e'e nawuna su Mira su soa ngu Likia. 6Su se'e parwira e'e nusuma u kapal᷊i singgisa bou Aleksandria ko mamundal᷊i sarang Italia. Kuteu i sie nupangal᷊ing i kami sarang kapal᷊i e'e.
7Pira l᷊ou l᷊iwuenge i kami namundal᷊i mal᷊ongge kahingang, dang panginsuenge dingang nutatitehi kahingang i kami mbuhue nurating u soa ngu Knidus. Bou e'e ual᷊ingu anging mborong dal᷊ai, i kami ta nakapanurusi pamamundal᷊i kami su putatimona ngi kami horo. Inau i kami namundal᷊i sarang simbuka ngu timuhi pulo Kreta nul᷊umiu tonggeng u Salmone tadeau pai se'e i kami mal᷊umpi bou anging. 8Dingang u nutatitehi kahingang i kami namundal᷊i nurumuruhi apeng u pulo e'e sarang panginsuenge i kami nawuna su tampa simbau arenge tampa tatul᷊ing masidada, ta marau bou soa ngu Lasea.
9Su tempo e'e seng nal᷊iu L᷊ou Putatinaungang u Purarame#27:9: L᷊ou Putatinaungang u Purarame: L᷊ou e'e ikoa masandighi panginsueng u September arako su horo u Oktober su tempo ngu dunia ko mauha hakiu makataku mamamundal᷊i. tau Yahudi. I kami seng nikailangeng u tempo maul᷊i, hakiu seng wal᷊inge temponge makapamundal᷊i dingang mapia. Ual᷊ingu e'e i Paulus nangonggo tughu i'i si sire, 10“Manga ana u simbau, su pundangku, mabuha kahingang boko i kite mamundal᷊i turusi. I kite sarung marugi ko l᷊abo, wal᷊inge kitang l᷊urang i kite l᷊au kapal᷊i kite, kateho sarang badang i kite l᷊ai botonge mailang.” 11Kateho parwira e'e lebe mangimang su mangangul᷊ing l᷊au kapiteng u kapal᷊i bou manga didato ngi Paulus. 12Tampa pamunakeng su se'e tingari ta tumaniu mapia su manga kapal᷊i ko matana su se'e su tempo ngu matinoung. Ual᷊ingu e'e manga taumata ngu kapal᷊i kaul᷊ikange mo sau mamundal᷊i manintang u tampa tatul᷊ing e'e watu'u i sire mutawakal᷊i sarang makarating u Feniks dang matana pai se'e su kanandu tempo ko matinoung. Feniks ko tampa tatul᷊ing su Kreta ko nupasaruang ngu tahangeng l᷊au pol᷊ong.#27:12: tahangeng l᷊au pol᷊ong: arau l᷊aisuiki l᷊au mahaing.
Anging mauha su l᷊auri
13Su tempo e'e anging timuhi nutumiu masikome. Kuteu su naung u taumata ngu kapal᷊i i sire seng botonge sau mamundal᷊i. Inau i sire nuhengke wal᷊ango bou e'e namundal᷊i nurumuruhi apeng u pulo Kreta. 14Kateho ta nal᷊iwue bou e'e anging mauha – anging ko isusigho anging l᷊aesuiki – nutumiu bou l᷊ul᷊unge, 15dang namungkusi kapal᷊i kami. Ual᷊ingu kapal᷊i seng ta makapusomahi, i kami seng ta makakoa apa-apa dang kapal᷊i seng niwala kal᷊aonohe iwawa u anging. 16I kami dio nahumping singkodo, su tempo ngi kami nul᷊umiu bou simbuka ngu timuhi pulo Kauda ko dio e'e. Su se'e dingang nutatitehi kahingang i kami nakaal᷊a bolotu u kapal᷊i kami. 17Suapang bolotu e'e nipaawi su kapal᷊i, kapal᷊i e'e l᷊ai nipakatoghasi dingang u niiki u tal᷊i nipakal᷊iku kapal᷊i e'e. Watu'u mataku indue su nei ngu Sirtis ko mawawo e'e, senggo nipal᷊intu bou e'e kapal᷊i niwala tatondoe putuhu anging. 18Anging turusi nutingkauha, hakiu ndai mal᷊ou l᷊urang u kapal᷊i nanita nirume sarang l᷊al᷊ung u sasi. 19L᷊ou tuhue l᷊ai manga taumata ngu kapal᷊i e'e nundume l᷊ai manga pakakasi u kapal᷊i sarang sasi dingang u l᷊ima ngi sire sisane. 20Pira l᷊ou l᷊iwuenge i kami ta nakawua matangutiti dang wituing, dang anging turusi-turusi nutingkauha. Panginsuenge nailang pul᷊aharapi kami guna ngu masal᷊amati.
21Seng pira ngkatempo l᷊iwuenge manga taumata e'e ta nukumang. Kuteu i Paulus natamai nurumarisi su tal᷊oara i sire bou e'e nangul᷊i, “Manga ana u simbau! Kiko i kumu nutumuhu tughuku dang ta namundal᷊i bou Kreta, i kite ta nakahombang kaul᷊i u kaghaghoghahi l᷊au karugiang i'i. 22Kateho su tempo i'i daku ipundokang singapang botonge tadeau pakal᷊abo naung i kumu. Takoae sarang singkatau bou ana u simbau ko sarung mate; i kite kitang kailangeng u kapal᷊i i'i. 23Watu'u mangkilaeng malaikati bou Mawu Ruata ko taghunang daku isumba, Mawu Ruata ko nanaghuang si sia, nusumongo si sia. 24Malaikati e'e nangul᷊i, ‘Kumbahang mataku, Paulus! Watu'u i kau sarung mupatingo ngi Kaisari. Dang ual᷊ingu kapia ngu naung u Mawu Ruata si kau, kaul᷊i u taumata ko kapamundal᷊i singkahindo dingangu sarung masal᷊amati ual᷊ing i kau.’ 25Ual᷊ingu e'e, manga ana u simbau, pakatatapi naung i kumu! Watu'u ia mangimang su Mawu Ruata himoneu kaul᷊ie sarung mariadi musul᷊ung ko seng niul᷊i-E si sia. 26Kateho i kite sarung indue su apeng u pulo simbau.”
27Su huwi ko kapul᷊opae i kami seng l᷊ito-l᷊ito su L᷊auri Adria. Patehang manga kal᷊oarange taumata ngu kapal᷊i nakapundang kapal᷊i seng masandighi u l᷊ul᷊unge. 28Inau i sire nangul᷊uhi tal᷊i dingang u watu guna ngu mangukuri l᷊al᷊ung u l᷊auri. Nikatitonang l᷊al᷊ung u tampa e'e masandighi paupul᷊o su meteri. Ta nal᷊iwue bou e'e i sire sau nangukuri, nikatitonang tampa e'e l᷊al᷊unge masandighi tilumpul᷊o su meteri. 29I sire mataku kapal᷊i sarung masilari su wual᷊o, inau i sire nundume wal᷊ango pa u wau su peto ngu kapal᷊i, bou e'e mangkate kapuharapi tadeau pakaehong pakal᷊ou. 30Maruma-rumasi manga taumata ngu kapal᷊i manal᷊uka tumal᷊ang bou kapal᷊i e'e. I sire nupal᷊intu u bolotu sarang sasi dingang u kakakoa kere ko mangul᷊uhi wal᷊ango bou saruang u kapal᷊i. 31Kateho i Paulus nangul᷊i su parwira dingang u manga parajuriti ko su kapal᷊i e'e, “Boko taumata ngu kapal᷊i i'i ta matana su kapal᷊i, Manga ana u simbau kaul᷊ie takoae ko masal᷊amati.” 32Ual᷊ingu e'e manga parajuriti e'e namoto tal᷊i ngu bolotu e'e, hakiu bolotu e'e naansehi.
33Mborong ta naburesi matangutiti, i Paulus nundo tadeau i sire kaul᷊ie pakang. I Paulus nangul᷊i, “Seng paupul᷊opa su l᷊ounge l᷊iwuenge manga ana u simbau kaul᷊ie kitang kapangampal᷊i su ghaghawangeng dang seng wugha ngu kang. 34Ia manughu, kang ko maning singkodo. E'e mapia guna ngi kumu, tadeau i kumu sau matoghasi. Watu'u manga ana u simbau kaul᷊ie sarung masal᷊amati dang sarung takoae kurange maning singkodo.” 35Suapang bou nangul᷊i kere'e i Paulus nangal᷊a boroti bou e'e nuputarimakase su Mawu su tingo ngi sire kaul᷊ie. Bou e'e i sie nupapahia boroti e'e, mbuhue nukumang. 36Kuteu i sire kaul᷊ie sau nawahansang dang sau nukumang. 37Kaul᷊ie ko ene su kapal᷊i e'e pia duahasupitumpul᷊onung#27:37: duahasupitumpul᷊onung: pira mbau wohe horo: duahasupitumpul᷊ol᷊ima, pia l᷊ai manga pitumpul᷊onung. su kataunge. 38Suapang kaul᷊ie seng mbuae nukumang nal᷊aeri, i sire nundume l᷊urang gandung su sasi tadeau kapal᷊i makoa ko mahang.
Kapal᷊i nasilari
39Suapang seng nal᷊ou, taumata ngu kapal᷊i nakawua l᷊ul᷊unge, kateho i sire wugha minsang l᷊ul᷊ung u apa e'e. I sire nakawua tonggenge simbau dingang u apenge. Inau i sire pia naung i sire boko botonge kapal᷊i i sire iwuna su se'e. 40Kuteu manga tal᷊i ngu wal᷊ango nihisa bou e'e manga wal᷊ango e'e niwala kawawontol᷊e su sasi. Nuhindo u e'e l᷊ai i sire namuka tal᷊i ko nipangiki manga ul᷊ing. Bou e'e i sire namewe senggo su bageang u mona ngu kapal᷊i tadeau anging maniu kapal᷊i e'e tumondo mundol᷊ong apeng. 41Kateho kapal᷊i e'e nasunsuri su nei. Bahageang monange nasilari dang ta nukumanoa, arawe bageang petonge naghagholang nipukul᷊i u l᷊ua ko l᷊abo.
42Manga parajuriti su kapal᷊i e'e pia naung i sire mamate manga taumata ngu tutupang, watu'u i sire mataku singkawua manga pia ko kumalang sarang l᷊ul᷊unge dang tumal᷊ang. 43Kateho parwira e'e nameto kao i sire watu'u i sie mo mangambang si Paulus. I sie nangoro kaul᷊i u taumata ko botonge makakalang patumpa horo dang pakalang sarang apeng; 44Ko wal᷊inge patuhu puhumbang su manga pupal᷊i arako kodo u kapal᷊i e'e. Dingang l᷊al᷊eng kere'e i kami kaul᷊ie nasal᷊amati nurating u l᷊ul᷊unge.
Currently Selected:
:
Highlight
Share
Copy
Want to have your highlights saved across all your devices? Sign up or sign in