WUKE NGU MANGA RASULI 26
26
I Paulus nuhabari hinonge su tingo ngi Agripa
1I Agripa nangul᷊i si Paulus, “I Kau nionggol᷊ang u l᷊oahi puhabari hino ngu.” Kuteu i Paulus nuhengke u l᷊imange bou e'e nuhabari hinonge kiri'i,
2Ko mawantughi i Tuang Agripa! Ia nakapundang nakauntung kahingang botonge muhabari hinoku su tingo ngi Tuang hal᷊i u kaul᷊i u l᷊aantang ko nikalaki u manga tau Yahudi hal᷊i u ia; 3nangilembo watu'u i Tuang matitong kahingang atorang u tundu dingang u manga kakakoa u taumata ngu Yahudi. Watu'u e'e, ia mundo kere wotonge i Tuang makasabari mundaringihi pul᷊al᷊ahiku.
4Kaul᷊i u tau Yahudi matitong kirapa ia nuwiahi mangki ia neng makuda. I sire matitong himoneu mangki ia neng makuda, ia seng nuwiahi su tal᷊oara u bangsaku sisane su Yerusalem. 5#Wuk. 23:6; Flp. 3:5Seng mal᷊iwue i sire matitong u ia. Dang boko i sire mo, i sire botonge musaksi ko mangki bou titae ia seng tuwei nuwiahi kere tau Farisi ko nutumuhu kaul᷊i u atorange ko kasikarikange su l᷊al᷊ung u agama ngi kami. 6Dang su orasi i'i ia kararisi su si'i guna ngu ipariksa watu'u ia mangimang u diandi ko nikoa u Mawu Ruata si upung i kami. 7Diandi e'e l᷊ai ko kahiampal᷊eng i sire mapul᷊odua suku ngu tau Israel, hakiu i sire mangkate kapukal᷊iomanenge su Mawu Ruata l᷊ou huwi. Dang ual᷊ingu ia mangimang su diandi e'e, Tuang ko mawantughi, ia nipunsal᷊a ngi sire manga tau Yahudi e'e. 8Nakurawe manga ana u simbau manga tau Yahudi ta mangimang ko Mawu Ruata sau mupuwiahi u taumata ko nate?
9 #
Wuk. 8:3, 22:4-5 Horo ia sisaneku l᷊ai pia sipirang ko ia mambeng mukoa kaul᷊i u haghi guna ngu mul᷊awang si Yesus bou Nazaret e'e. 10Dang mang tingari ko e'e seng daku nikoa su Yerusalem. Dingang u surati kawasa bou tumbonang u manga imam ia seng nupasu su l᷊al᷊ung u tutupang maul᷊i manga taumata ko masatia su Mawu Ruata. Ia l᷊ai mborong nutumuhu nukumire tadeau i sire manarima hukumang papate. 11Masau ia mul᷊uwaghi si sire suapang wal᷊e pukakal᷊iomanengang tadeau manihasa si sire pusunial᷊i apa ko seng nipangimaneng i sire. Kere katitie naungku si sire, hakiu l᷊ai sarang manga soa ko wal᷊inge ia natamai guna ngu muwawatu si sire pai se'e.
I Paulus nuwuke ngu hombange
(Wuk. 9:1-19, 22:6-16)
12“Dingang u pandung e'e l᷊ai ia numbawa surati kawasa bou tumbonang u manga imam dang nakoa sarang Damsyik. 13Dang su tempo ia su l᷊al᷊eng, kal᷊ihae, Tuang ko mawantughi, ia nakawua pia sinang bou l᷊angi ko lebe masua bou matangutiti. Sinang e'e nusuminang su tingoku l᷊au su tingo ngu manga taumata ko kal᷊al᷊enge dingangku. 14I kami kaul᷊ie nanawo sarang tana. Bou e'e ia nakaringihi tingihi nangul᷊i si sia su l᷊al᷊ung u wisara ngu Ibrani, ‘Saulus, Saulus! Nakurawe i kau mangkate turusi kaputingkaie si Sia? I kau sisane ngu sarung makapundang maturu, boko i kau mang turusi mundoka pangaha I Sie ko nakoa Tuang ngu.’ 15Kuteu ia nangul᷊i, ‘Ko i sai I Kau, Mawu?’ Dang Mawu nusumimbahi, ‘Ia I Yesus, ko nitingkaitangu. 16Wangungte dang rarisie! Ia mutingkatode u watangeng-Ku si kau tadeau muhengke si kau makoa paparentang-Ku. I kau mambeng puhabari su taumata ko wal᷊inge apa ko nikawua ngu silou i'i hal᷊i u Ia#26:16: Su l᷊al᷊ung u pira mbau wohe horo takoae: hal᷊i u Ia. dang hal᷊i u apa ko sarung Daku itibo si kau su tempo su saruang 17Ia sarung mul᷊iu ngi kau bou bangsa Israel dang bou manga bangsa ko wal᷊inge su l᷊ikuru Yahudi. Ia sarung mundoi si kau patamai sarang koa i sire 18guna ngu pamuka mata ngi sire, tadeau i sire sumuwang bou kararundung dang sumu su l᷊al᷊ung u kasasua; tadeau i sire mapilo bou kawasa ngu setang, bou e'e ikawasang u Mawu Ruata. Kuteu dingang mangimang su Mawu, manga dosa ngi sire sarung iampungang dang i sire sarung makoa tataho u umati u Mawu Ruata ko napile.’ ”
I Paulus nanarangkang u hal᷊ie
19“Ual᷊ingu e'e, Tuang Agripa, ia sintinia mundea l᷊al᷊eng tumuhu pakahino-hino su kawawua ko seng daku nitarima bou Mawu Ruata e'e. 20#Wuk. 9:20,28-29Dingang mal᷊ahe kahingang ia nuhabari suapang taumata himoneu i sire mambeng putobati bou manga dosa ngi sire dang panarakang watangeng su Mawu Ruata dang panode su l᷊al᷊ung u puwawiahi sire himoneu i sire nutobati bou manga dosa ngi sire. Ia nuhabari hal᷊i e'e kahimotongange su Damsyik, bou e'e su Yerusalem dang su kaul᷊i u Yudea l᷊au su tal᷊oara u manga taumata ko wal᷊inge tau Yahudi. 21Ual᷊ingu e'e manga taumata ngu Yahudi naname si sia su Wal᷊e ngu Mawu dang mundea l᷊al᷊eng mamate si sia. 22Kateho sarang orasi i'i ia nisirung u Mawu Ruata, hakiu ia botonge nakararisi su si'i guna ngu mangonggo kasaksiangku su kaul᷊i u taumata – ko l᷊abo arako ko dio. Apa ko seng daku nihabari i'i takoae ko wal᷊inge bou apa ko seng nihabari u manga nabi l᷊au i Musa; 23#Yes. 42:6, 49:6; 1Kor. 15:20ko himoneu Ratu Mananal᷊amati ko nidiandi ngu Mawu Ruata e'e mambeng mutatahang u singsara, dang makoa taumata kahimotongange ko sau nuwiahi bou papate; tadeau dingang u e'e I Sie botonge muhabari kasasua – ko kasasal᷊amati – maning suapang tau Yahudi arako l᷊ai suapang taumata ko wal᷊inge tau Yahudi.”
24Tintal᷊a i Paulus kapuhabari u hinonge e'e, i Festus nukumiha, “I kau seng ko dong Paulus! Titongu ko maul᷊i e'e seng nakapudong si kau!” 25Kateho i Paulus nusumimbahi, “Ia wal᷊inge ko dong, ko i l᷊uadateng. Manga didatoku ko daku nihabari e'e tingari dang nusumuwang bou sipirang ko sehati. 26I Tuang Agripa sisane matitong kahingang manga hal᷊i e'e. E'e sabapie ia wahani nudidato su tingo ngi Tuang dingang mal᷊ahe kahingang. Ia mangaking takoae sarang simbau bou manga hal᷊i e'e ko mborong ta nikatitonang i Tuang, watu'u kaul᷊i e'e ta nariadi su manga tampa ko suhi-suhi. 27Ko i L᷊uadateng i Tuang Agripa, apa i Tuang mangimang su manga ko nihabari u manga nabi? Su pundangku i Tuang mangimang!”
28Bou e'e i Agripa nangul᷊i si Paulus, “Su panginangu gampang mukoa si sia makoa tau Sahani su tempo ko singkodo i'i?” 29“Su tempo ko singkodo arako su tempo ko manandu,” sasimbahi Paulus, “ia mukal᷊iomaneng su Mawu Ruata tadeau i Tuang dingang u manga Tuang kaul᷊ie ko nundaringihi si sia si l᷊ou i'i botonge makoa kere ia – kitang tantu wal᷊inge l᷊ahapusi i'i!”
30Panginsuenge i Tuang ratu, gubernur dingang i Bernike, l᷊au u kaul᷊ie ko wal᷊inge nurumarisi. 31Suapang seng su l᷊ikuri, i sire nangul᷊i simbau dingang ko wal᷊inge, “Taumata i'i ta nukoa manga apa ko hinonge ihukung dingang hukumang papate arako itaho su tutupang.” 32Bou e'e i Agripa nangul᷊i si Festus, “Taumata i'i seng botonge ipilo, kiko i sie ta nanuntu parkarae pakipariksa su pangadilang u Kaisari.”
Currently Selected:
WUKE NGU MANGA RASULI 26: PLT
Highlight
Share
Copy
Want to have your highlights saved across all your devices? Sign up or sign in
WUKE NGU MANGA RASULI 26
26
I Paulus nuhabari hinonge su tingo ngi Agripa
1I Agripa nangul᷊i si Paulus, “I Kau nionggol᷊ang u l᷊oahi puhabari hino ngu.” Kuteu i Paulus nuhengke u l᷊imange bou e'e nuhabari hinonge kiri'i,
2Ko mawantughi i Tuang Agripa! Ia nakapundang nakauntung kahingang botonge muhabari hinoku su tingo ngi Tuang hal᷊i u kaul᷊i u l᷊aantang ko nikalaki u manga tau Yahudi hal᷊i u ia; 3nangilembo watu'u i Tuang matitong kahingang atorang u tundu dingang u manga kakakoa u taumata ngu Yahudi. Watu'u e'e, ia mundo kere wotonge i Tuang makasabari mundaringihi pul᷊al᷊ahiku.
4Kaul᷊i u tau Yahudi matitong kirapa ia nuwiahi mangki ia neng makuda. I sire matitong himoneu mangki ia neng makuda, ia seng nuwiahi su tal᷊oara u bangsaku sisane su Yerusalem. 5#Wuk. 23:6; Flp. 3:5Seng mal᷊iwue i sire matitong u ia. Dang boko i sire mo, i sire botonge musaksi ko mangki bou titae ia seng tuwei nuwiahi kere tau Farisi ko nutumuhu kaul᷊i u atorange ko kasikarikange su l᷊al᷊ung u agama ngi kami. 6Dang su orasi i'i ia kararisi su si'i guna ngu ipariksa watu'u ia mangimang u diandi ko nikoa u Mawu Ruata si upung i kami. 7Diandi e'e l᷊ai ko kahiampal᷊eng i sire mapul᷊odua suku ngu tau Israel, hakiu i sire mangkate kapukal᷊iomanenge su Mawu Ruata l᷊ou huwi. Dang ual᷊ingu ia mangimang su diandi e'e, Tuang ko mawantughi, ia nipunsal᷊a ngi sire manga tau Yahudi e'e. 8Nakurawe manga ana u simbau manga tau Yahudi ta mangimang ko Mawu Ruata sau mupuwiahi u taumata ko nate?
9 #
Wuk. 8:3, 22:4-5 Horo ia sisaneku l᷊ai pia sipirang ko ia mambeng mukoa kaul᷊i u haghi guna ngu mul᷊awang si Yesus bou Nazaret e'e. 10Dang mang tingari ko e'e seng daku nikoa su Yerusalem. Dingang u surati kawasa bou tumbonang u manga imam ia seng nupasu su l᷊al᷊ung u tutupang maul᷊i manga taumata ko masatia su Mawu Ruata. Ia l᷊ai mborong nutumuhu nukumire tadeau i sire manarima hukumang papate. 11Masau ia mul᷊uwaghi si sire suapang wal᷊e pukakal᷊iomanengang tadeau manihasa si sire pusunial᷊i apa ko seng nipangimaneng i sire. Kere katitie naungku si sire, hakiu l᷊ai sarang manga soa ko wal᷊inge ia natamai guna ngu muwawatu si sire pai se'e.
I Paulus nuwuke ngu hombange
(Wuk. 9:1-19, 22:6-16)
12“Dingang u pandung e'e l᷊ai ia numbawa surati kawasa bou tumbonang u manga imam dang nakoa sarang Damsyik. 13Dang su tempo ia su l᷊al᷊eng, kal᷊ihae, Tuang ko mawantughi, ia nakawua pia sinang bou l᷊angi ko lebe masua bou matangutiti. Sinang e'e nusuminang su tingoku l᷊au su tingo ngu manga taumata ko kal᷊al᷊enge dingangku. 14I kami kaul᷊ie nanawo sarang tana. Bou e'e ia nakaringihi tingihi nangul᷊i si sia su l᷊al᷊ung u wisara ngu Ibrani, ‘Saulus, Saulus! Nakurawe i kau mangkate turusi kaputingkaie si Sia? I kau sisane ngu sarung makapundang maturu, boko i kau mang turusi mundoka pangaha I Sie ko nakoa Tuang ngu.’ 15Kuteu ia nangul᷊i, ‘Ko i sai I Kau, Mawu?’ Dang Mawu nusumimbahi, ‘Ia I Yesus, ko nitingkaitangu. 16Wangungte dang rarisie! Ia mutingkatode u watangeng-Ku si kau tadeau muhengke si kau makoa paparentang-Ku. I kau mambeng puhabari su taumata ko wal᷊inge apa ko nikawua ngu silou i'i hal᷊i u Ia#26:16: Su l᷊al᷊ung u pira mbau wohe horo takoae: hal᷊i u Ia. dang hal᷊i u apa ko sarung Daku itibo si kau su tempo su saruang 17Ia sarung mul᷊iu ngi kau bou bangsa Israel dang bou manga bangsa ko wal᷊inge su l᷊ikuru Yahudi. Ia sarung mundoi si kau patamai sarang koa i sire 18guna ngu pamuka mata ngi sire, tadeau i sire sumuwang bou kararundung dang sumu su l᷊al᷊ung u kasasua; tadeau i sire mapilo bou kawasa ngu setang, bou e'e ikawasang u Mawu Ruata. Kuteu dingang mangimang su Mawu, manga dosa ngi sire sarung iampungang dang i sire sarung makoa tataho u umati u Mawu Ruata ko napile.’ ”
I Paulus nanarangkang u hal᷊ie
19“Ual᷊ingu e'e, Tuang Agripa, ia sintinia mundea l᷊al᷊eng tumuhu pakahino-hino su kawawua ko seng daku nitarima bou Mawu Ruata e'e. 20#Wuk. 9:20,28-29Dingang mal᷊ahe kahingang ia nuhabari suapang taumata himoneu i sire mambeng putobati bou manga dosa ngi sire dang panarakang watangeng su Mawu Ruata dang panode su l᷊al᷊ung u puwawiahi sire himoneu i sire nutobati bou manga dosa ngi sire. Ia nuhabari hal᷊i e'e kahimotongange su Damsyik, bou e'e su Yerusalem dang su kaul᷊i u Yudea l᷊au su tal᷊oara u manga taumata ko wal᷊inge tau Yahudi. 21Ual᷊ingu e'e manga taumata ngu Yahudi naname si sia su Wal᷊e ngu Mawu dang mundea l᷊al᷊eng mamate si sia. 22Kateho sarang orasi i'i ia nisirung u Mawu Ruata, hakiu ia botonge nakararisi su si'i guna ngu mangonggo kasaksiangku su kaul᷊i u taumata – ko l᷊abo arako ko dio. Apa ko seng daku nihabari i'i takoae ko wal᷊inge bou apa ko seng nihabari u manga nabi l᷊au i Musa; 23#Yes. 42:6, 49:6; 1Kor. 15:20ko himoneu Ratu Mananal᷊amati ko nidiandi ngu Mawu Ruata e'e mambeng mutatahang u singsara, dang makoa taumata kahimotongange ko sau nuwiahi bou papate; tadeau dingang u e'e I Sie botonge muhabari kasasua – ko kasasal᷊amati – maning suapang tau Yahudi arako l᷊ai suapang taumata ko wal᷊inge tau Yahudi.”
24Tintal᷊a i Paulus kapuhabari u hinonge e'e, i Festus nukumiha, “I kau seng ko dong Paulus! Titongu ko maul᷊i e'e seng nakapudong si kau!” 25Kateho i Paulus nusumimbahi, “Ia wal᷊inge ko dong, ko i l᷊uadateng. Manga didatoku ko daku nihabari e'e tingari dang nusumuwang bou sipirang ko sehati. 26I Tuang Agripa sisane matitong kahingang manga hal᷊i e'e. E'e sabapie ia wahani nudidato su tingo ngi Tuang dingang mal᷊ahe kahingang. Ia mangaking takoae sarang simbau bou manga hal᷊i e'e ko mborong ta nikatitonang i Tuang, watu'u kaul᷊i e'e ta nariadi su manga tampa ko suhi-suhi. 27Ko i L᷊uadateng i Tuang Agripa, apa i Tuang mangimang su manga ko nihabari u manga nabi? Su pundangku i Tuang mangimang!”
28Bou e'e i Agripa nangul᷊i si Paulus, “Su panginangu gampang mukoa si sia makoa tau Sahani su tempo ko singkodo i'i?” 29“Su tempo ko singkodo arako su tempo ko manandu,” sasimbahi Paulus, “ia mukal᷊iomaneng su Mawu Ruata tadeau i Tuang dingang u manga Tuang kaul᷊ie ko nundaringihi si sia si l᷊ou i'i botonge makoa kere ia – kitang tantu wal᷊inge l᷊ahapusi i'i!”
30Panginsuenge i Tuang ratu, gubernur dingang i Bernike, l᷊au u kaul᷊ie ko wal᷊inge nurumarisi. 31Suapang seng su l᷊ikuri, i sire nangul᷊i simbau dingang ko wal᷊inge, “Taumata i'i ta nukoa manga apa ko hinonge ihukung dingang hukumang papate arako itaho su tutupang.” 32Bou e'e i Agripa nangul᷊i si Festus, “Taumata i'i seng botonge ipilo, kiko i sie ta nanuntu parkarae pakipariksa su pangadilang u Kaisari.”
Currently Selected:
:
Highlight
Share
Copy
Want to have your highlights saved across all your devices? Sign up or sign in