WUKE NGU MANGA RASULI 28
28
Su Malta
1Suapang nurating u l᷊ul᷊unge dingang u sal᷊amati, i kami mbuhue natitong himoneu pulo e'e arenge ko Malta. 2Taumata ngu pulo e'e mapia kahingang si kami. I sire nanarima i kami kaul᷊ie kere'e kapiange dang nundiko putung guna ngi kami watu'u seng nanita nurumasehi dang wal᷊umuhi l᷊ai matinoung. 3I Paulus nangomol᷊i kau, dang namilo manga kau e'e su wawo u putung. Saritau i sie kapukoae e'e, pia katoang nusumuwang, ual᷊ingu titi u putung e'e, bou e'e nangiki l᷊imange. 4Suapang taumata ngu pulo e'e nakawua katoang e'e balong-balong su l᷊ima ngi Paulus, i sire nangul᷊i singkatau dingang ko wal᷊inge, “Taumata i'i tantu ko tahapate, watu'u maning i sie nal᷊iwiri bou silaka su l᷊auri, Dewi ngu Kal᷊aadili ta mamala ngi sie wiahi.” 5Arawe i Paulus namimbing katoang e'e su putung dang ta nakapundang naturu maning kitang singkodo. 6Su naung i sire singkodo l᷊ai l᷊ima ngi Paulus sarung sumahunu arako singkawua i sie mate. Kateho suapang seng mal᷊iwue kapangampal᷊i dang takoae manga ko nariadi si sie, sipirang i sire nuwal᷊u bou e'e i sire nangul᷊i himoneu i Paulus ko dewa.
7Ta marau bou tampa e'e pia tana koa i Publius, tumbonang u tampa karangetange su pulo e'e. Dingang kapapia u naung i sie nanarima i kami kere sake'e su l᷊al᷊ung u tilu l᷊ou. 8Su tempo e'e i papange ko masaki, nakarea l᷊ahang l᷊au disentri. I Paulus natamai nutiwo si papange ko masaki e'e, bou e'e nukal᷊iomaneng dang namilo u l᷊imange si sie hakiu i sie naul᷊e. 9Ual᷊ingu hal᷊i ko nariadi e'e kaul᷊i u taumata ko masaki su pulo e'e nusumongo si Paulus dang i sire nipakaul᷊e. 10I sire nunggile si kami maul᷊i l᷊aonggo, dang su tempo ngi kami seng mamundal᷊i, i sire numbawa su kapal᷊i kaul᷊i u manga ko hinong ipake i kami su l᷊al᷊al᷊engang i kami
Bou Malta sarang Roma
11Nal᷊iu ngu tilu wul᷊ang pai se'e, i kami namundal᷊i bou pulo e'e naawi su kapal᷊i singgisa bou Aleksandria ko su kanandu tempo ko matinoung namal᷊ango su pulo e'e. Kapal᷊i e'e nupake u tul᷊ara “Dewa hindua i Kastor l᷊au i Poluks.” 12I kami namal᷊ango su soa Sirakusa dang natana su se'e tilu l᷊ou. 13Bou e'e i kami sau namundal᷊i nurumuruhi apeng sarang nurating soa ngu Regium. Ndai mal᷊ou anging nanita nutumiu bou timuhi, hakiu su l᷊al᷊ung u dua l᷊ou i kami nurating u soa Putioli. 14Su se'e i kami nusombang u pirangkatau taumata ko mangimang si Yesus, dang bou noti i sire i kami natana dingang i sire su l᷊al᷊ung u singkamisa. Bou e'e i kami namundal᷊i sarang Roma. 15Manga ana u simbau su Roma ko mangimang si Yesus nakaringihi hal᷊i i kami, hakiu i sire nusumongo sarang Pasari u Apius dang Kal᷊ol᷊ongang Tatilu guna ngu manomahi si kami. Suapang i Paulus nusombang i sire, i sie nuputarimakase su Mawu Ruata dang naunge natoghasi.
Su Roma
16Su tempo nurating u Roma, i Paulus nipakawala patana sisanenge nidiagateng u singkatau parajuriti.
17Suapang seng tilu l᷊ou, i Paulus nukumui manga tumbonang u tau Yahudi su tampa e'e. Dang suapang i sire nakomol᷊i, i sie nangul᷊i si sire, “Manga ana u simbau! Ia ta nunsal᷊a manga apa su tingo ngu kawanua ngi kite, arako nul᷊umawang atorang u adati ko seng nitarima bo i upung i kite. Kateho maning kere'e ia nisame su Yerusalem dang nisarakang su manga tau Roma. 18Suapang parkaraku nipariksa, i sire mo mamilo si sia, watu'u nikatitonang ia ta nukoa sal᷊a sarang manga simbau ko hino ngu ihukung hukumang papate. 19#Wuk. 25:11Kateho ual᷊ingu manga tau Yahudi mundoka, ia nasihasa nanuntu parkaraku pakipariksa su pangadilang u Kaisari u Roma. Ia nukoa e'e wal᷊ingewe ual᷊ingu ia manga pia kabaratangku su kawanuaku sisane. 20Dang e'e sabapie ia nundo musombang i kumu tadeau makapudidato dingang i kumu; watu'u ia nitaho su tutupang ual᷊ingu mananal᷊amati ko iluharapeng u tau Israel.”
21Bou e'e i sire nangul᷊i si sie, “I kami mborong tangkeng nanarima surati sarang simbau bou Yudea hal᷊i u ana u simbau. Dang takoae sarang singkatau ana u simbau bou pai e'e ko nusumongo numbawa habari hal᷊i u ana u simbau arako nuwisara ngu kal᷊al᷊ai u ana u simbau. 22Kateho i kami mo l᷊ai mundaringihi hal᷊i u pangangimang ana u simbau, watu'u i kami kaul᷊ie seng nakaringihi taumata nuheghesi tintiro ko tutuhukangu e'e.”
23Kuteu i sire l᷊au i Paulus nanantu l᷊ou simbau guna ngu sau musombang. Su l᷊ou e'e maul᷊i taumata ko nusumongo sarang tampa katanakeng i Paulus. Bou mal᷊ukari sarang wawul᷊aeng i Paulus kapul᷊ahie l᷊au kapuhabari si sire habari hal᷊i u kirapa Mawu Ruata mamarenta kere Ratu. Dingang nupake manga ayeti bou Buki i Musa l᷊au Buki u Manga Nabi, i Paulus nutawakal᷊i mupangimang i sire su hal᷊i I Yesus. 24Pia ko nangimang manga ko nihabari Paulus, kateho pia l᷊ai ko ta nangimang. 25Dingang u naung ko mutatintang i sire nanintang u tampa e'e, suapang i Paulus nangul᷊i ko kiri'i si sire, “Mang nuhino kahingang apa ko niul᷊i u Roh u Mawu Ruata bo i Nabi Yesaya su manga i upung i kumu! 26#Yes. 6:9-10Mawu Ruata nangul᷊i,
‘Tamai ko habari su bangsa i'i:
I kumu sarung turusi mundaringihi, kateho ta makahingang;
I kumu sarung turusi mutuhung kateho wugha apa ko nariadi.
27Watu'u naung u bangsa i'i seng natimomo,
tul᷊i ngi sire seng nawenggeli
dang mata ngi sire seng nipakawuta.
I'i nariadi tadeau mata ngi sire kumbahang makawua,
tul᷊i ngi sire kumbahang makaringihi,
naung i sire kumbahang makahingang,
dang kumbahang musul᷊e sarang koa-Ku,
bou e'e Ia sarung mupakaul᷊e ngi sire.’ ”
28Panginsuenge i Paulus nangul᷊i, “Manga ana u simbau mambeng matitong himoneu habari hal᷊i u kasasal᷊amati ko bou Mawu Ruata su orasi i'i seng nihabari su manga bangsa ko wal᷊inge su l᷊ikuru tau Yahudi. I sire sarung mutumuhu!” 29[Suapang i Paulus nangul᷊i kere'e, manga taumata ngu Yahudi e'e nanintang u tampa e'e apiru kapurarendehi simbau dingang ko wal᷊inge.]
30Dua taung l᷊iwuenge i Paulus natana su Roma, su wal᷊e ko nisewae sisane. I sie mal᷊uasi nanarima kaul᷊i u taumata ko nusumongo nutiwo si sie. 31Dang dingang wahani i sie nuhabari si sire dang hal᷊i u kirapa Mawu Ruata namarenta kere Ratu dang hal᷊i u Mawu Yesus Kristus. I Paulus nukoa e'e dingang u kal᷊al᷊oahi, takoae ko nakataghal᷊i.
Currently Selected:
WUKE NGU MANGA RASULI 28: PLT
Highlight
Share
Copy
Want to have your highlights saved across all your devices? Sign up or sign in
WUKE NGU MANGA RASULI 28
28
Su Malta
1Suapang nurating u l᷊ul᷊unge dingang u sal᷊amati, i kami mbuhue natitong himoneu pulo e'e arenge ko Malta. 2Taumata ngu pulo e'e mapia kahingang si kami. I sire nanarima i kami kaul᷊ie kere'e kapiange dang nundiko putung guna ngi kami watu'u seng nanita nurumasehi dang wal᷊umuhi l᷊ai matinoung. 3I Paulus nangomol᷊i kau, dang namilo manga kau e'e su wawo u putung. Saritau i sie kapukoae e'e, pia katoang nusumuwang, ual᷊ingu titi u putung e'e, bou e'e nangiki l᷊imange. 4Suapang taumata ngu pulo e'e nakawua katoang e'e balong-balong su l᷊ima ngi Paulus, i sire nangul᷊i singkatau dingang ko wal᷊inge, “Taumata i'i tantu ko tahapate, watu'u maning i sie nal᷊iwiri bou silaka su l᷊auri, Dewi ngu Kal᷊aadili ta mamala ngi sie wiahi.” 5Arawe i Paulus namimbing katoang e'e su putung dang ta nakapundang naturu maning kitang singkodo. 6Su naung i sire singkodo l᷊ai l᷊ima ngi Paulus sarung sumahunu arako singkawua i sie mate. Kateho suapang seng mal᷊iwue kapangampal᷊i dang takoae manga ko nariadi si sie, sipirang i sire nuwal᷊u bou e'e i sire nangul᷊i himoneu i Paulus ko dewa.
7Ta marau bou tampa e'e pia tana koa i Publius, tumbonang u tampa karangetange su pulo e'e. Dingang kapapia u naung i sie nanarima i kami kere sake'e su l᷊al᷊ung u tilu l᷊ou. 8Su tempo e'e i papange ko masaki, nakarea l᷊ahang l᷊au disentri. I Paulus natamai nutiwo si papange ko masaki e'e, bou e'e nukal᷊iomaneng dang namilo u l᷊imange si sie hakiu i sie naul᷊e. 9Ual᷊ingu hal᷊i ko nariadi e'e kaul᷊i u taumata ko masaki su pulo e'e nusumongo si Paulus dang i sire nipakaul᷊e. 10I sire nunggile si kami maul᷊i l᷊aonggo, dang su tempo ngi kami seng mamundal᷊i, i sire numbawa su kapal᷊i kaul᷊i u manga ko hinong ipake i kami su l᷊al᷊al᷊engang i kami
Bou Malta sarang Roma
11Nal᷊iu ngu tilu wul᷊ang pai se'e, i kami namundal᷊i bou pulo e'e naawi su kapal᷊i singgisa bou Aleksandria ko su kanandu tempo ko matinoung namal᷊ango su pulo e'e. Kapal᷊i e'e nupake u tul᷊ara “Dewa hindua i Kastor l᷊au i Poluks.” 12I kami namal᷊ango su soa Sirakusa dang natana su se'e tilu l᷊ou. 13Bou e'e i kami sau namundal᷊i nurumuruhi apeng sarang nurating soa ngu Regium. Ndai mal᷊ou anging nanita nutumiu bou timuhi, hakiu su l᷊al᷊ung u dua l᷊ou i kami nurating u soa Putioli. 14Su se'e i kami nusombang u pirangkatau taumata ko mangimang si Yesus, dang bou noti i sire i kami natana dingang i sire su l᷊al᷊ung u singkamisa. Bou e'e i kami namundal᷊i sarang Roma. 15Manga ana u simbau su Roma ko mangimang si Yesus nakaringihi hal᷊i i kami, hakiu i sire nusumongo sarang Pasari u Apius dang Kal᷊ol᷊ongang Tatilu guna ngu manomahi si kami. Suapang i Paulus nusombang i sire, i sie nuputarimakase su Mawu Ruata dang naunge natoghasi.
Su Roma
16Su tempo nurating u Roma, i Paulus nipakawala patana sisanenge nidiagateng u singkatau parajuriti.
17Suapang seng tilu l᷊ou, i Paulus nukumui manga tumbonang u tau Yahudi su tampa e'e. Dang suapang i sire nakomol᷊i, i sie nangul᷊i si sire, “Manga ana u simbau! Ia ta nunsal᷊a manga apa su tingo ngu kawanua ngi kite, arako nul᷊umawang atorang u adati ko seng nitarima bo i upung i kite. Kateho maning kere'e ia nisame su Yerusalem dang nisarakang su manga tau Roma. 18Suapang parkaraku nipariksa, i sire mo mamilo si sia, watu'u nikatitonang ia ta nukoa sal᷊a sarang manga simbau ko hino ngu ihukung hukumang papate. 19#Wuk. 25:11Kateho ual᷊ingu manga tau Yahudi mundoka, ia nasihasa nanuntu parkaraku pakipariksa su pangadilang u Kaisari u Roma. Ia nukoa e'e wal᷊ingewe ual᷊ingu ia manga pia kabaratangku su kawanuaku sisane. 20Dang e'e sabapie ia nundo musombang i kumu tadeau makapudidato dingang i kumu; watu'u ia nitaho su tutupang ual᷊ingu mananal᷊amati ko iluharapeng u tau Israel.”
21Bou e'e i sire nangul᷊i si sie, “I kami mborong tangkeng nanarima surati sarang simbau bou Yudea hal᷊i u ana u simbau. Dang takoae sarang singkatau ana u simbau bou pai e'e ko nusumongo numbawa habari hal᷊i u ana u simbau arako nuwisara ngu kal᷊al᷊ai u ana u simbau. 22Kateho i kami mo l᷊ai mundaringihi hal᷊i u pangangimang ana u simbau, watu'u i kami kaul᷊ie seng nakaringihi taumata nuheghesi tintiro ko tutuhukangu e'e.”
23Kuteu i sire l᷊au i Paulus nanantu l᷊ou simbau guna ngu sau musombang. Su l᷊ou e'e maul᷊i taumata ko nusumongo sarang tampa katanakeng i Paulus. Bou mal᷊ukari sarang wawul᷊aeng i Paulus kapul᷊ahie l᷊au kapuhabari si sire habari hal᷊i u kirapa Mawu Ruata mamarenta kere Ratu. Dingang nupake manga ayeti bou Buki i Musa l᷊au Buki u Manga Nabi, i Paulus nutawakal᷊i mupangimang i sire su hal᷊i I Yesus. 24Pia ko nangimang manga ko nihabari Paulus, kateho pia l᷊ai ko ta nangimang. 25Dingang u naung ko mutatintang i sire nanintang u tampa e'e, suapang i Paulus nangul᷊i ko kiri'i si sire, “Mang nuhino kahingang apa ko niul᷊i u Roh u Mawu Ruata bo i Nabi Yesaya su manga i upung i kumu! 26#Yes. 6:9-10Mawu Ruata nangul᷊i,
‘Tamai ko habari su bangsa i'i:
I kumu sarung turusi mundaringihi, kateho ta makahingang;
I kumu sarung turusi mutuhung kateho wugha apa ko nariadi.
27Watu'u naung u bangsa i'i seng natimomo,
tul᷊i ngi sire seng nawenggeli
dang mata ngi sire seng nipakawuta.
I'i nariadi tadeau mata ngi sire kumbahang makawua,
tul᷊i ngi sire kumbahang makaringihi,
naung i sire kumbahang makahingang,
dang kumbahang musul᷊e sarang koa-Ku,
bou e'e Ia sarung mupakaul᷊e ngi sire.’ ”
28Panginsuenge i Paulus nangul᷊i, “Manga ana u simbau mambeng matitong himoneu habari hal᷊i u kasasal᷊amati ko bou Mawu Ruata su orasi i'i seng nihabari su manga bangsa ko wal᷊inge su l᷊ikuru tau Yahudi. I sire sarung mutumuhu!” 29[Suapang i Paulus nangul᷊i kere'e, manga taumata ngu Yahudi e'e nanintang u tampa e'e apiru kapurarendehi simbau dingang ko wal᷊inge.]
30Dua taung l᷊iwuenge i Paulus natana su Roma, su wal᷊e ko nisewae sisane. I sie mal᷊uasi nanarima kaul᷊i u taumata ko nusumongo nutiwo si sie. 31Dang dingang wahani i sie nuhabari si sire dang hal᷊i u kirapa Mawu Ruata namarenta kere Ratu dang hal᷊i u Mawu Yesus Kristus. I Paulus nukoa e'e dingang u kal᷊al᷊oahi, takoae ko nakataghal᷊i.
Currently Selected:
:
Highlight
Share
Copy
Want to have your highlights saved across all your devices? Sign up or sign in