WUKE NGU MANGA RASULI 25
25
I Paulus nukasasi
1Tilu l᷊ou suapang i Festus nurating u tampa e'e, i sie natamai bou Kaisarea sarang Yerusalem. 2Pai se'e manga tumbonang u imam l᷊au manga pangaha u tau Yahudi numbawa si sie kabaratang i sire hal᷊i i Paulus. I sire turusi kapul᷊okenge si Festus 3tadeau dingang kapiang u naunge si sire, i sie mo mangoro taumata pumbawa si Paulus sarang Yerusalem, watu'u i sire seng nughaghighili guna ngu mamate si sie su tal᷊oara u l᷊al᷊eng. 4Kateho i Festus nusumimbahi, “I Paulus seng nitahang su Kaisarea; dang ia sisaneku l᷊ai seng ta mal᷊iwue sarung musul᷊e sarang pai e'e. 5Inau, walate manga taumata ko dio su horonge bou tal᷊oara i kumu tamai dingangku sarang Kaisarea dang pangalaki si sie pai se'e, boko mang tingari i sie seng nukoa sal᷊a.”
6Suapang natana su Yerusalem pari manga wal᷊u arako mapul᷊o l᷊ou l᷊ai, i Festus nusul᷊e sarang Kaisarea. Ndai mal᷊ou i sie nukoa sidang Pangadilang dang namarenta tadeau i Paulus pakiwawa pupasaruang. 7Suapang i Paulus nasongo, manga tau Yahudi ko seng nusumongo bou Yerusalem nurumarisi nul᷊iku si sie, dang nanita numbawa manga l᷊aantang ko mabuha si sie. Kateho i sire ta nakaonggo u kal᷊al᷊ahe manga l᷊aantang e'e. 8Su l᷊al᷊ung u didatonge, i Paulus nangul᷊i, “Ia ta nukoa manga apa ko nunsal᷊a su l᷊al᷊ung u atorang i Musa arako su Wal᷊e ngu Mawu arako l᷊ai su Kaisari u Roma.”
9Kateho i Festus mo mangal᷊a naung u tau Yahudi. I sie nakina si Paulus, “I kau mo makoa sarang Yerusalem guna ngu i pariksa pai se'e su saruangku hal᷊i u manga l᷊aantang e'e?”
10I Paulus nusumimbahi, “Ia seng kararisi su saruang mahkamah ngu Kaisari u Roma; dang seng su tampa e'e ia mambeng ipariksa. I Tuang sisane matitong himoneu ia ta nunsal᷊a su tingo ngu tau Yahudi. 11Boko ia seng nul᷊umawang atorang l᷊au nukoa manga apa ko hino ngu ihukung u hukumang papate, ia sadia mate. Arawe boko manga l᷊aantang i sire e'e ta nuhino, takoae sarang singkatau makasarakang u ia si sire. Ia mundo makipariksa su pangadilang u Kaisari!”
12Suapang bou nul᷊al᷊ahintau dingang u manga mananughunge, i Festus nangul᷊i, “I kau mundo pakipariksa su pangadilang u Kaisari, inau i kau mambeng tamai pupatingo ngi Kaisari.”
I Paulus su tingo ngi Agripa dingang i Bernike
13Ta nal᷊iwue bou e'e, Ratu Agripa dingang i Bernike nusumongo su Kaisarea guna ngu mangonggo u sal᷊amati si Festus. 14Suapang pira l᷊ou i sire su se'e, i Festus nanarakang parkara ngi Paulus su Ratu Agripa. I Festus nangul᷊i, “Pia su si'i taumata ngu tahanang singkatau ko nitintang i Feliks. 15Su tempo ngu ia su Yerusalem, manga tumbonang u imam, l᷊au manga pangaha u tau Yahudi numbawa kabaratang i sire bou hal᷊i u taumata e'e dang nundo tadeau ia pangonggo u hukumang si sie. 16Kateho ia nusumimbahi himoneu su tau Roma tawe wotonge manarakang kere'e singkatau ko su l᷊al᷊ung u parkara pakihukung, boko i sie mborong ta nupatingo dingang u mangangalakie dang nionggol᷊ang u tempo puhabari u hinonge. 17Inau, su tempo ngi sire nasongo mai, ia seng ta nangampal᷊i mal᷊iwue. Ndai mal᷊ou ia turusi nukoa sidang pangadilang dang namarenta tadeau taumata e'e pakiwawa pupatingo. 18Suapang i sire mangangalakie nurumarisi nuhabari u kabaratang i sire, i sire ta nangalaki u manga apa hal᷊i ko dal᷊ai kere ko daku nitika sarung ihabari i sire. 19I sire kitang nutatintang u sipirang dingang i sie hal᷊i u agama ngi sire l᷊au hal᷊i u singkatau ko arenge I Yesus. Tau e'e seng nate, kateho i Paulus matoghasi muhabari uare Tau e'e ko nuwiahi. 20Watu'u ia ta nakahingang minsang kirapa ia sarang makarea l᷊ahe u parkara e'e, ia nakina si Paulus minsang i sie mo matamai sarang Yerusalem dang ipariksa pai se'e su hal᷊i u parkara e'e. 21Kateho i Paulus nundo mukasasi; i sie nundo tadeau i sie tatapi matana su tahanang sarang parkarae iponesi Kaisari. Ual᷊ingu e'e ia namarenta tadeau i sie pakitahang turusi, sarang ia makarea tempo mundoho ngi sie sarang koa i Kaisari.” 22Bou e'e i Agripa nangul᷊i si Festus, “Ia sisaneku mo mundaringihi tau e'e.” “Dol᷊ou i Tuang botonge mundaringihi si sie,” Sasimbahi Festus.
23Ndai mal᷊ou i Agripa l᷊au i Bernike nusumongo dingang u upacara ngu kararatuang. I sire nusumu su tampa u sidang dingang u manga tumbonang u angkatang parang l᷊au u manga taumata ko su horonge su soa e'e. Bou parenta ngi Festus, i Paulus nipasu sarang l᷊al᷊unge. 24Bou e'e i Festus nangul᷊i, “Tuang Agripa l᷊au kaul᷊ie ko ene su orasi i'i! Tau i'i seng nikalaki u kaul᷊i u tau Yahudi si sia, mbaeng tau Yahudi su Yerusalem dang l᷊ai ko su si'i. I sire nanuntu dingang mangkate kaghaesi uare i sie ta hinonge ipakawala wiahi. 25Kateho ia ta nakarea maning simbau ko seng nikoae ko hino ngu hukumang papate. Dang ual᷊ing i sie sisane seng nundo tadeau parkarae pakipariksa su pangadilang u Kaisari, ia seng namutusi guna ngu mundoho ngi sie sarang koa i Kaisari. 26Kateho ia mborong takoae sarang manga simbau ko mul᷊ahe hal᷊i i sie ko hinonge daku iwohe su l᷊al᷊ung u suratiku su Kaisari. E'e sabapie ia nupatingo i sie su kaul᷊i u manga Tuang, nangilembo l᷊ai su saruang ko mawantughi i Tuang Agripa! Pandungku tadeau bou pamamariksa i'i, pia ko daku iwohe su surati. 27Watu'u tumuhu pundangku, wal᷊inge su tampae boko mundoho ngu singkatau tahanang ko ta mul᷊ahe manga pusansal᷊a ko niantang si sie.”
Currently Selected:
WUKE NGU MANGA RASULI 25: PLT
Highlight
Share
Copy
Want to have your highlights saved across all your devices? Sign up or sign in
WUKE NGU MANGA RASULI 25
25
I Paulus nukasasi
1Tilu l᷊ou suapang i Festus nurating u tampa e'e, i sie natamai bou Kaisarea sarang Yerusalem. 2Pai se'e manga tumbonang u imam l᷊au manga pangaha u tau Yahudi numbawa si sie kabaratang i sire hal᷊i i Paulus. I sire turusi kapul᷊okenge si Festus 3tadeau dingang kapiang u naunge si sire, i sie mo mangoro taumata pumbawa si Paulus sarang Yerusalem, watu'u i sire seng nughaghighili guna ngu mamate si sie su tal᷊oara u l᷊al᷊eng. 4Kateho i Festus nusumimbahi, “I Paulus seng nitahang su Kaisarea; dang ia sisaneku l᷊ai seng ta mal᷊iwue sarung musul᷊e sarang pai e'e. 5Inau, walate manga taumata ko dio su horonge bou tal᷊oara i kumu tamai dingangku sarang Kaisarea dang pangalaki si sie pai se'e, boko mang tingari i sie seng nukoa sal᷊a.”
6Suapang natana su Yerusalem pari manga wal᷊u arako mapul᷊o l᷊ou l᷊ai, i Festus nusul᷊e sarang Kaisarea. Ndai mal᷊ou i sie nukoa sidang Pangadilang dang namarenta tadeau i Paulus pakiwawa pupasaruang. 7Suapang i Paulus nasongo, manga tau Yahudi ko seng nusumongo bou Yerusalem nurumarisi nul᷊iku si sie, dang nanita numbawa manga l᷊aantang ko mabuha si sie. Kateho i sire ta nakaonggo u kal᷊al᷊ahe manga l᷊aantang e'e. 8Su l᷊al᷊ung u didatonge, i Paulus nangul᷊i, “Ia ta nukoa manga apa ko nunsal᷊a su l᷊al᷊ung u atorang i Musa arako su Wal᷊e ngu Mawu arako l᷊ai su Kaisari u Roma.”
9Kateho i Festus mo mangal᷊a naung u tau Yahudi. I sie nakina si Paulus, “I kau mo makoa sarang Yerusalem guna ngu i pariksa pai se'e su saruangku hal᷊i u manga l᷊aantang e'e?”
10I Paulus nusumimbahi, “Ia seng kararisi su saruang mahkamah ngu Kaisari u Roma; dang seng su tampa e'e ia mambeng ipariksa. I Tuang sisane matitong himoneu ia ta nunsal᷊a su tingo ngu tau Yahudi. 11Boko ia seng nul᷊umawang atorang l᷊au nukoa manga apa ko hino ngu ihukung u hukumang papate, ia sadia mate. Arawe boko manga l᷊aantang i sire e'e ta nuhino, takoae sarang singkatau makasarakang u ia si sire. Ia mundo makipariksa su pangadilang u Kaisari!”
12Suapang bou nul᷊al᷊ahintau dingang u manga mananughunge, i Festus nangul᷊i, “I kau mundo pakipariksa su pangadilang u Kaisari, inau i kau mambeng tamai pupatingo ngi Kaisari.”
I Paulus su tingo ngi Agripa dingang i Bernike
13Ta nal᷊iwue bou e'e, Ratu Agripa dingang i Bernike nusumongo su Kaisarea guna ngu mangonggo u sal᷊amati si Festus. 14Suapang pira l᷊ou i sire su se'e, i Festus nanarakang parkara ngi Paulus su Ratu Agripa. I Festus nangul᷊i, “Pia su si'i taumata ngu tahanang singkatau ko nitintang i Feliks. 15Su tempo ngu ia su Yerusalem, manga tumbonang u imam, l᷊au manga pangaha u tau Yahudi numbawa kabaratang i sire bou hal᷊i u taumata e'e dang nundo tadeau ia pangonggo u hukumang si sie. 16Kateho ia nusumimbahi himoneu su tau Roma tawe wotonge manarakang kere'e singkatau ko su l᷊al᷊ung u parkara pakihukung, boko i sie mborong ta nupatingo dingang u mangangalakie dang nionggol᷊ang u tempo puhabari u hinonge. 17Inau, su tempo ngi sire nasongo mai, ia seng ta nangampal᷊i mal᷊iwue. Ndai mal᷊ou ia turusi nukoa sidang pangadilang dang namarenta tadeau taumata e'e pakiwawa pupatingo. 18Suapang i sire mangangalakie nurumarisi nuhabari u kabaratang i sire, i sire ta nangalaki u manga apa hal᷊i ko dal᷊ai kere ko daku nitika sarung ihabari i sire. 19I sire kitang nutatintang u sipirang dingang i sie hal᷊i u agama ngi sire l᷊au hal᷊i u singkatau ko arenge I Yesus. Tau e'e seng nate, kateho i Paulus matoghasi muhabari uare Tau e'e ko nuwiahi. 20Watu'u ia ta nakahingang minsang kirapa ia sarang makarea l᷊ahe u parkara e'e, ia nakina si Paulus minsang i sie mo matamai sarang Yerusalem dang ipariksa pai se'e su hal᷊i u parkara e'e. 21Kateho i Paulus nundo mukasasi; i sie nundo tadeau i sie tatapi matana su tahanang sarang parkarae iponesi Kaisari. Ual᷊ingu e'e ia namarenta tadeau i sie pakitahang turusi, sarang ia makarea tempo mundoho ngi sie sarang koa i Kaisari.” 22Bou e'e i Agripa nangul᷊i si Festus, “Ia sisaneku mo mundaringihi tau e'e.” “Dol᷊ou i Tuang botonge mundaringihi si sie,” Sasimbahi Festus.
23Ndai mal᷊ou i Agripa l᷊au i Bernike nusumongo dingang u upacara ngu kararatuang. I sire nusumu su tampa u sidang dingang u manga tumbonang u angkatang parang l᷊au u manga taumata ko su horonge su soa e'e. Bou parenta ngi Festus, i Paulus nipasu sarang l᷊al᷊unge. 24Bou e'e i Festus nangul᷊i, “Tuang Agripa l᷊au kaul᷊ie ko ene su orasi i'i! Tau i'i seng nikalaki u kaul᷊i u tau Yahudi si sia, mbaeng tau Yahudi su Yerusalem dang l᷊ai ko su si'i. I sire nanuntu dingang mangkate kaghaesi uare i sie ta hinonge ipakawala wiahi. 25Kateho ia ta nakarea maning simbau ko seng nikoae ko hino ngu hukumang papate. Dang ual᷊ing i sie sisane seng nundo tadeau parkarae pakipariksa su pangadilang u Kaisari, ia seng namutusi guna ngu mundoho ngi sie sarang koa i Kaisari. 26Kateho ia mborong takoae sarang manga simbau ko mul᷊ahe hal᷊i i sie ko hinonge daku iwohe su l᷊al᷊ung u suratiku su Kaisari. E'e sabapie ia nupatingo i sie su kaul᷊i u manga Tuang, nangilembo l᷊ai su saruang ko mawantughi i Tuang Agripa! Pandungku tadeau bou pamamariksa i'i, pia ko daku iwohe su surati. 27Watu'u tumuhu pundangku, wal᷊inge su tampae boko mundoho ngu singkatau tahanang ko ta mul᷊ahe manga pusansal᷊a ko niantang si sie.”
Currently Selected:
:
Highlight
Share
Copy
Want to have your highlights saved across all your devices? Sign up or sign in