WUKE NGU MANGA RASULI 24
24
I Paulus nikalaki u manga tau Yahudi
1L᷊ima l᷊ou tuhue, i Ananias, Imam Ko L᷊abo, l᷊au manga pangaha u tau Yahudi natamai sarang Kaisarea dingang u singkatau pangacara arenge i Tertulus. I sire nupatingo ngi Gubernur Feliks dang nangul᷊i u kabaratang i sire hal᷊i i Paulus. 2Suapang i Tertulus nikuiang sarang saruang, i sie nangantang i Paulus kiri'i,
“Tuang Gubernur ko i l᷊uadateng! Su l᷊al᷊ung u l᷊aaha i Tuang soa ngi kami marumasi. Dang l᷊ai ual᷊ingu kapapilesa ngi Tuang seng maul᷊i ko nikoa i Tuang guna ngu kapapia ngu kawanua ngi kami. 3Kaul᷊ie e'e nitarima i kami dingang u tarima kase l᷊au u adati su manga tampa. 4Kateho tadeau ta makagholo tempo ngi Tuang, ia mundo kere wotonge daringiheko ndo i kami ko pol᷊o i'i. 5I kami nakarea tau i'i hal᷊ie mangkate kapukoae gara ko makasilaka. Suapang tampa i sie makakoa gara su tal᷊oara u manga tau Yahudi dang i sie nakoa pangaha u komol᷊ang u tau Nazaret. 6I sie mborong l᷊ai manal᷊uka mupakal᷊amuhu u wal᷊e ngu Mawu, kateho i kami naname si sie. [I kami pia pandung mamariksa si sie tumuhu atorang u agama ngi kami. 7Kateho i komandang Lisias nangaho ngi sie bo i kami, 8dang namarenta tadeau manga ko mupubuha i sie pupatingo ngi Tuang.] Boko i Tuang mamariksa tau i'i, i Tuang sisane sarung makaringihi bo i sie kabanarang u kaul᷊i u ko nihabari kami i'i hal᷊i i sie.” 9Manga tau Yahudi ko ene su se'e l᷊ai nutatamba nangantang si Paulus dang nupuhino kaul᷊i u ko nihabari Tertulus.
I Paulus nangul᷊i u hino ngu watangenge su tingo ngi Feliks
10Bou e'e i Gubernur e'e nangonggo u kode si Paulus tadeau i sie botonge mudidato. Kuteu i Paulus nangul᷊i, “Ia matitong i Tuang seng nakoa hakim su soa i'i su l᷊al᷊ung u pira taung l᷊iwuenge. E'e sabapie ia mal᷊uasi makapuhabari hinoku su saruang i Tuang. 11I Tuang makapamuriksa sisane himoneu ta nal᷊iu bou mapul᷊odua su l᷊ounge nal᷊iu ia nakoa sarang Yerusalem guna ngu mukal᷊iomaneng. 12Dang mborong ta sarang paghisa manga tau Yahudi nakarea si sia nurarendehi dingang i sai-sai arako nangomol᷊i taumata guna ngu mukoa gara maneng su Wal᷊e ngu Mawu arako suapang wal᷊e pukakal᷊iomanengang arako suapang tampa su soa i'i. 13I sire l᷊ai ta nakapupakal᷊ahe manga l᷊aantang ko nihabari sire si Tuang bou hal᷊i u ia. 14Tingari l᷊ai mang daku iaku su saruang i Tuang ko ia kapanumbange Mawu Ruata ngi upung i kami tumuhu tintiro ngi Yesus ko angkung i sire ko nunsal᷊a. Kateho ia mborong mangimang kaul᷊ie ko mawawohe su l᷊al᷊ung u Buki i Musa l᷊au Buki u manga Nabi. 15Musul᷊ung i sire, ia l᷊ai pia pul᷊aharapi su Mawu Ruata himoneu kaul᷊i u taumata sarung sau muwiahi bou papate – manga taumata ko mapapia, l᷊au l᷊ai manga taumata ko dal᷊al᷊ai! 16E'e sabapie ia sintinia mang mundea pakapia-pia, tadeau l᷊al᷊ung u naungku mabursi su saruang u Mawu Ruata dang mabursi su saruang u taumata.
17 #
Wuk. 21:17-28
Suapang pira taung tarie'e su Yerusalem, ia sau nusul᷊e sarang pai e'e numbawa l᷊aonggo doi su kawanuaku dang guna ngu mangonggo sasumba su Mawu Ruata. 18Su tempo ngu ia kapukoae e'e, i sire nakarea si sia su Wal᷊e ngu Mawu, suapang ia nasue bou hal᷊i u mupakasusi ngu watangeng. Takoae taumata ko maul᷊i dingangku, dang takoae l᷊ai gara su se'e su tempo e'e. 19Kitang pia pirangkatau taumata ngu Yahudi su se'e bou Propinsi ngu Asia. Ko i sire e'e hinonge ene su si'i muhabari kabaratang i sire si Tuang, boko i sire pia kabaratang i sire si sia. 20Arako walate manga taumata i'i sisane puhabari hal᷊i dal᷊ai apa ko nikarea su tempo ngu ia nipupasaruang su Pangadilang u Agama. 21#Wuk. 23:6I sire nakarea kitang didato simbau i'i ko daku nihabari su saruang i sire, ko: Ia nipariksa su silou i'i watu'u ia mangimang himoneu manga taumata ko nate sarung sau ipuwiahi.”
22Bou e'e i Feliks ko seng matitong maul᷊i hal᷊i u tintiro ngi Yesus, dingang nanaka sidang u parkara e'e. “Ia sarung mamutusi parkara i'i,” angkunge, “Boko komandang Lisias seng sumongo.” 23Bou e'e i sie namarenta su parwira ko hal᷊ie mundiaga si Paulus e'e tadeau tatapi manahang si Paulus, kateho mambeng pangonggo u l᷊oahi singkodo si sie dang mupakawala manga ghawe'e mangonggo si sie manga apa guna ngu watangenge.
I Paulus su tingo ngi Feliks dingang i Drusila
24Pira l᷊ou tuhue i Feliks nusumongo, dingang kawinge, arenge i Drusila; i sie singkatau Yahudi, Bou e'e I Feliks nangoro taumata pangal᷊a si Paulus, mbuhue i Feliks nundaringihi si Paulus nudidato hal᷊i u pangangimang si Kristus Yesus. 25Kateho suapang i Paulus nanurusi didatonge hal᷊i u katatul᷊iri u naung dingang manahang watangeng l᷊au hal᷊i u hukumang su L᷊ou Kiamati, i Feliks nataku bou e'e nangul᷊i, “I kau botonge mapul᷊e orasi i'i. Hindo ia sau mukui si kau boko pia tempo.” 26Tintal᷊a e'e i Feliks kapuharapi sarung makarea doi bo i Paulus. E'e sabapie pakapira i sie nangoro taumata pangal᷊a si Paulus guna ngu mudidato dingange.
27Nal᷊iu ngu dua taung, i Perkius Festus nungganti si Feliks kere Gubernur. Dang watu'u i Feliks mo mangal᷊a naung u manga tau Yahudi, niwalae i Paulus su l᷊al᷊ung u tutupang.
Currently Selected:
WUKE NGU MANGA RASULI 24: PLT
Highlight
Share
Copy
Want to have your highlights saved across all your devices? Sign up or sign in
WUKE NGU MANGA RASULI 24
24
I Paulus nikalaki u manga tau Yahudi
1L᷊ima l᷊ou tuhue, i Ananias, Imam Ko L᷊abo, l᷊au manga pangaha u tau Yahudi natamai sarang Kaisarea dingang u singkatau pangacara arenge i Tertulus. I sire nupatingo ngi Gubernur Feliks dang nangul᷊i u kabaratang i sire hal᷊i i Paulus. 2Suapang i Tertulus nikuiang sarang saruang, i sie nangantang i Paulus kiri'i,
“Tuang Gubernur ko i l᷊uadateng! Su l᷊al᷊ung u l᷊aaha i Tuang soa ngi kami marumasi. Dang l᷊ai ual᷊ingu kapapilesa ngi Tuang seng maul᷊i ko nikoa i Tuang guna ngu kapapia ngu kawanua ngi kami. 3Kaul᷊ie e'e nitarima i kami dingang u tarima kase l᷊au u adati su manga tampa. 4Kateho tadeau ta makagholo tempo ngi Tuang, ia mundo kere wotonge daringiheko ndo i kami ko pol᷊o i'i. 5I kami nakarea tau i'i hal᷊ie mangkate kapukoae gara ko makasilaka. Suapang tampa i sie makakoa gara su tal᷊oara u manga tau Yahudi dang i sie nakoa pangaha u komol᷊ang u tau Nazaret. 6I sie mborong l᷊ai manal᷊uka mupakal᷊amuhu u wal᷊e ngu Mawu, kateho i kami naname si sie. [I kami pia pandung mamariksa si sie tumuhu atorang u agama ngi kami. 7Kateho i komandang Lisias nangaho ngi sie bo i kami, 8dang namarenta tadeau manga ko mupubuha i sie pupatingo ngi Tuang.] Boko i Tuang mamariksa tau i'i, i Tuang sisane sarung makaringihi bo i sie kabanarang u kaul᷊i u ko nihabari kami i'i hal᷊i i sie.” 9Manga tau Yahudi ko ene su se'e l᷊ai nutatamba nangantang si Paulus dang nupuhino kaul᷊i u ko nihabari Tertulus.
I Paulus nangul᷊i u hino ngu watangenge su tingo ngi Feliks
10Bou e'e i Gubernur e'e nangonggo u kode si Paulus tadeau i sie botonge mudidato. Kuteu i Paulus nangul᷊i, “Ia matitong i Tuang seng nakoa hakim su soa i'i su l᷊al᷊ung u pira taung l᷊iwuenge. E'e sabapie ia mal᷊uasi makapuhabari hinoku su saruang i Tuang. 11I Tuang makapamuriksa sisane himoneu ta nal᷊iu bou mapul᷊odua su l᷊ounge nal᷊iu ia nakoa sarang Yerusalem guna ngu mukal᷊iomaneng. 12Dang mborong ta sarang paghisa manga tau Yahudi nakarea si sia nurarendehi dingang i sai-sai arako nangomol᷊i taumata guna ngu mukoa gara maneng su Wal᷊e ngu Mawu arako suapang wal᷊e pukakal᷊iomanengang arako suapang tampa su soa i'i. 13I sire l᷊ai ta nakapupakal᷊ahe manga l᷊aantang ko nihabari sire si Tuang bou hal᷊i u ia. 14Tingari l᷊ai mang daku iaku su saruang i Tuang ko ia kapanumbange Mawu Ruata ngi upung i kami tumuhu tintiro ngi Yesus ko angkung i sire ko nunsal᷊a. Kateho ia mborong mangimang kaul᷊ie ko mawawohe su l᷊al᷊ung u Buki i Musa l᷊au Buki u manga Nabi. 15Musul᷊ung i sire, ia l᷊ai pia pul᷊aharapi su Mawu Ruata himoneu kaul᷊i u taumata sarung sau muwiahi bou papate – manga taumata ko mapapia, l᷊au l᷊ai manga taumata ko dal᷊al᷊ai! 16E'e sabapie ia sintinia mang mundea pakapia-pia, tadeau l᷊al᷊ung u naungku mabursi su saruang u Mawu Ruata dang mabursi su saruang u taumata.
17 #
Wuk. 21:17-28
Suapang pira taung tarie'e su Yerusalem, ia sau nusul᷊e sarang pai e'e numbawa l᷊aonggo doi su kawanuaku dang guna ngu mangonggo sasumba su Mawu Ruata. 18Su tempo ngu ia kapukoae e'e, i sire nakarea si sia su Wal᷊e ngu Mawu, suapang ia nasue bou hal᷊i u mupakasusi ngu watangeng. Takoae taumata ko maul᷊i dingangku, dang takoae l᷊ai gara su se'e su tempo e'e. 19Kitang pia pirangkatau taumata ngu Yahudi su se'e bou Propinsi ngu Asia. Ko i sire e'e hinonge ene su si'i muhabari kabaratang i sire si Tuang, boko i sire pia kabaratang i sire si sia. 20Arako walate manga taumata i'i sisane puhabari hal᷊i dal᷊ai apa ko nikarea su tempo ngu ia nipupasaruang su Pangadilang u Agama. 21#Wuk. 23:6I sire nakarea kitang didato simbau i'i ko daku nihabari su saruang i sire, ko: Ia nipariksa su silou i'i watu'u ia mangimang himoneu manga taumata ko nate sarung sau ipuwiahi.”
22Bou e'e i Feliks ko seng matitong maul᷊i hal᷊i u tintiro ngi Yesus, dingang nanaka sidang u parkara e'e. “Ia sarung mamutusi parkara i'i,” angkunge, “Boko komandang Lisias seng sumongo.” 23Bou e'e i sie namarenta su parwira ko hal᷊ie mundiaga si Paulus e'e tadeau tatapi manahang si Paulus, kateho mambeng pangonggo u l᷊oahi singkodo si sie dang mupakawala manga ghawe'e mangonggo si sie manga apa guna ngu watangenge.
I Paulus su tingo ngi Feliks dingang i Drusila
24Pira l᷊ou tuhue i Feliks nusumongo, dingang kawinge, arenge i Drusila; i sie singkatau Yahudi, Bou e'e I Feliks nangoro taumata pangal᷊a si Paulus, mbuhue i Feliks nundaringihi si Paulus nudidato hal᷊i u pangangimang si Kristus Yesus. 25Kateho suapang i Paulus nanurusi didatonge hal᷊i u katatul᷊iri u naung dingang manahang watangeng l᷊au hal᷊i u hukumang su L᷊ou Kiamati, i Feliks nataku bou e'e nangul᷊i, “I kau botonge mapul᷊e orasi i'i. Hindo ia sau mukui si kau boko pia tempo.” 26Tintal᷊a e'e i Feliks kapuharapi sarung makarea doi bo i Paulus. E'e sabapie pakapira i sie nangoro taumata pangal᷊a si Paulus guna ngu mudidato dingange.
27Nal᷊iu ngu dua taung, i Perkius Festus nungganti si Feliks kere Gubernur. Dang watu'u i Feliks mo mangal᷊a naung u manga tau Yahudi, niwalae i Paulus su l᷊al᷊ung u tutupang.
Currently Selected:
:
Highlight
Share
Copy
Want to have your highlights saved across all your devices? Sign up or sign in