WUKE NGU MANGA RASULI 22
22
1“Manga Mawu dingang u manga ana u simbau kaul᷊ie! Ia sarung mangul᷊i hinoku si kumu. Kenang daringihe!” 2Suapang i sire nakaringihi i Paulus nudidato su wisara ngu Ibrani, i sire nanamba narumasi. Kuteu i Paulus nanurusi didatonge. 3#Wuk. 5:34-39“Ia tau Yahudi,” angkung i Paulus, “Ia nipahinding su Tarsus su soa ngu Kilikia, kateho ia nipakal᷊abo su si'i su Yerusalem dang kere'e kasasae ia ninintiro ngu meteri ko l᷊abo i Gamaliel su l᷊al᷊ung u atorang ko nionggo i Musa si upung i kite. Musul᷊ung u manga ana u simbau su si'i silou i'i, ia l᷊ai maghising kahingang guna ngu hal᷊i u Mawu Ruata. 4#Wuk. 8:3, 26:9-11Ia nundariha sarang pakapate manga tumatuhu tintiro ko wuhu e'e. I sire kaul᷊ie, ko ese kowawine, daku nisame dang nipasu su l᷊al᷊ung u tutupang. 5I Imam ko l᷊abo sisane dingang u kaul᷊i u Pangadilang u Agama makapusaksi himoneu ia ta nul᷊eo. Watu'u i sire e'e seng nangonggo si sia surati l᷊ahabari su manga tau Yahudi su Damsyik. Dingang u surati e'e ia botonge maname manga taumata ko mangimang tintiro e'e pai se'e dang mumbawa si sire sarang Yerusalem pakihukung.”
I Paulus nuwuke ngu hombange
(Wuk. 9:1-19, 26:12-18)
6“Su tempo ia kal᷊al᷊enge, dang seng masandighi u Damsyik, kal᷊ihae singkawawua pia sinang ko masua kahingang nusuminang bou l᷊angi su sindihangku. 7Ia nabanting su tana bou e'e ia nakaringihi pia tingihi nangul᷊i si sia, ‘Saulus, Saulus! Nakurawe i kau mutingkai si Sia?’ 8Bou e'e ia nakina, ‘Ko i sai i Kau Mawu?’ ‘Ia I Yesus tau Nazaret e'e ko nitingkaitangu,’ sasimbahi-E. 9Manga taumata ko ene su se'e dingangku nakawua sinang e'e, kateho i sire ta nakaringihi tingihi ko nudidato si sia. 10Bou e'e ia sau nakina, ‘Ia mambeng mukoa apa Mawu?’ Mawu nusumimbahi, ‘Wangungte dang tamaite sarang Damsyik. Hindo pai se'e i kau sarung habareng apa hal᷊i ko ikao u Mawu Ruata pakikoa si kau.’ 11Ia nawuta ual᷊ingu sinang ko nakal᷊ingero e'e. Inau manga ringangku nanata si sia nusumu sarang Damsyik.
12Su se'e pia singkatau arenge i Ananias. I sie singkatau ko maagama matuhu mupal᷊al᷊eng u atorang i Musa. Kaul᷊i u tau Yahudi ko natana su Damsyik mangadati kahingang si sie. 13I sie nusumongo nutuhung si sia, bou e'e nurumarisi su simbukaku dang nangul᷊i, ‘Saulus, ana u simbauku, i kau sau makawua!’ Su orasi e'e l᷊ai ia nuhengke pahesiku, bou e'e ia nakawua si sie. 14Bou e'e i sie nangul᷊i si sia, ‘Mawu Ruata ngi upung i kite seng namile si kau tadeau i kau matitong kao-E, dang makawua si Yesus, L᷊ang u Mawu Ruata ko seng nukoa kao u Mawu Ruata l᷊au nakaringihi tingihi Yesus sisane. 15I kau sarung makoa saksi guna ngu muhabari su kaul᷊i u taumata apa ko seng nikawua dang nikaringihu. 16Su orasi i'i kuhaete l᷊ai mangampal᷊i mal᷊iwue. Wangungte, dang sarakangte watangengu isahani. Pundote su Mawu tadeau i kau ipakal᷊iwiri bou manga dosa ngu.’ ”
Mawu Ruata nundoi si Paulus punasi su bangsa ko wal᷊inge su l᷊ikuru tau Yahudi
17“Ia nusul᷊e sarang Yerusalem, dang su tempo ngu ia kapukal᷊iomanenge su Wal᷊e ngu Mawu, ia nikawasa ngu Roh u Mawu Ruata 18Ia nakawua Mawu, I Sie nangul᷊i si sia, ‘Pakaehong panintang u Yerusalem, watu'u manga taumata su si'i sarung ta manarima kasaksiangu hal᷊i u Ia.’ 19Ia nangul᷊i, ‘Mawu i sire matitong kahingang himoneu ia seng nusumu su manga wal᷊e pukakal᷊iomanengang guna ngu maname si sire dang mundariha manga taumata ko mangimang si Kau. 20#Wuk. 7:58Kere'e l᷊ai su tempo saksi-U i Stefanus nipate, ia sisaneku ene su se'e dang nutatuhu su hal᷊i u pamamate e'e. Nangilembo bou e'e ko ia nundiaga l᷊aku u manga taumata ko namate si sie.’ 21Kateho Mawu sau nangul᷊i si sia, ‘Tamaite, watu'u Ia sarung mundoi si kau patamai sarang kaul᷊i u taumata ko wal᷊inge tau Yahudi.’ ”
22Manga taumata mang mborong turusi kapundaringihi si Paulus kapudidatonge, kateho su didato panginsuenge e'e i sire nukumiha mauha-uha, “Patete taumata kere'e. I sie ta hinonge muwiahi!” 23Apiru kakihae, i sire nanontong juba ngi sire, dang nanawuhi awu sarang kinoang. 24Kuteu komandang u pasukang u Roma e'e nangoro pakiwawa i Paulus sarang markas tadeau i sie ipariksa pai se'e dingang u kal᷊ahasa tadeau pundeakeng apa sabapie manga tau Yahudi e'e nukumiha kere'e si sie. 25Kateho su tempo ngi Paulus seng kal᷊aiki tadeau il᷊uwaghi, i Paulus nangul᷊i su parwira ko kararisi su se'e, “Apa wotonge mul᷊uwaghi singkatau kawanua ngu Roma ko mborong ta nipariksa?”
26Nakaringihi e'e, parwira e'e natamai sarang komandang u pasukang dang nangul᷊i, “Ko apa sarung koateng i Tuang i'i? Tau i'i ko kawanua ngu Roma!”
27Kuteu komandang e'e natamai sarang koa i Paulus dang nakina, “Kenang habari, apa i kau kawanua ngu Roma?”
“Tingari,” angkung i Paulus, “Ia kawanua ngu Roma.” 28Komandang e'e sau nangul᷊i, “Ia nakoa kawanua ngu Roma namaehi mal᷊ighari!”
I Paulus nusumimbahi, “Arawe ia nipahinding kere kawanua ngu Roma.” 29Su tempo e'e l᷊ai manga sordado ko namariksa si Paulus e'e nahunsoho dang komandang e'e l᷊ai nataku watu'u i sie seng nuhapusi si Paulus, sumbal᷊i i Paulus ko kawanua ngu Roma.
I Paulus su tingo ngu Pangadilang u Agama
30Komandang Pasukang u Roma e'e mo kahingang makatitong ko apa sabapie sarang nakakoa manga tau Yahudi e'e mupunsal᷊a ngi Paulus. Ual᷊ingu e'e ndai mal᷊ou i sie nukui manga tumbonang u imam l᷊au Mahkamah Agama tadeau pukomol᷊i. Bou e'e i Paulus nipilo bou l᷊aikie, mbuhue niwawa putingo si sire kaul᷊ie.
Currently Selected:
WUKE NGU MANGA RASULI 22: PLT
Highlight
Share
Copy
Want to have your highlights saved across all your devices? Sign up or sign in
WUKE NGU MANGA RASULI 22
22
1“Manga Mawu dingang u manga ana u simbau kaul᷊ie! Ia sarung mangul᷊i hinoku si kumu. Kenang daringihe!” 2Suapang i sire nakaringihi i Paulus nudidato su wisara ngu Ibrani, i sire nanamba narumasi. Kuteu i Paulus nanurusi didatonge. 3#Wuk. 5:34-39“Ia tau Yahudi,” angkung i Paulus, “Ia nipahinding su Tarsus su soa ngu Kilikia, kateho ia nipakal᷊abo su si'i su Yerusalem dang kere'e kasasae ia ninintiro ngu meteri ko l᷊abo i Gamaliel su l᷊al᷊ung u atorang ko nionggo i Musa si upung i kite. Musul᷊ung u manga ana u simbau su si'i silou i'i, ia l᷊ai maghising kahingang guna ngu hal᷊i u Mawu Ruata. 4#Wuk. 8:3, 26:9-11Ia nundariha sarang pakapate manga tumatuhu tintiro ko wuhu e'e. I sire kaul᷊ie, ko ese kowawine, daku nisame dang nipasu su l᷊al᷊ung u tutupang. 5I Imam ko l᷊abo sisane dingang u kaul᷊i u Pangadilang u Agama makapusaksi himoneu ia ta nul᷊eo. Watu'u i sire e'e seng nangonggo si sia surati l᷊ahabari su manga tau Yahudi su Damsyik. Dingang u surati e'e ia botonge maname manga taumata ko mangimang tintiro e'e pai se'e dang mumbawa si sire sarang Yerusalem pakihukung.”
I Paulus nuwuke ngu hombange
(Wuk. 9:1-19, 26:12-18)
6“Su tempo ia kal᷊al᷊enge, dang seng masandighi u Damsyik, kal᷊ihae singkawawua pia sinang ko masua kahingang nusuminang bou l᷊angi su sindihangku. 7Ia nabanting su tana bou e'e ia nakaringihi pia tingihi nangul᷊i si sia, ‘Saulus, Saulus! Nakurawe i kau mutingkai si Sia?’ 8Bou e'e ia nakina, ‘Ko i sai i Kau Mawu?’ ‘Ia I Yesus tau Nazaret e'e ko nitingkaitangu,’ sasimbahi-E. 9Manga taumata ko ene su se'e dingangku nakawua sinang e'e, kateho i sire ta nakaringihi tingihi ko nudidato si sia. 10Bou e'e ia sau nakina, ‘Ia mambeng mukoa apa Mawu?’ Mawu nusumimbahi, ‘Wangungte dang tamaite sarang Damsyik. Hindo pai se'e i kau sarung habareng apa hal᷊i ko ikao u Mawu Ruata pakikoa si kau.’ 11Ia nawuta ual᷊ingu sinang ko nakal᷊ingero e'e. Inau manga ringangku nanata si sia nusumu sarang Damsyik.
12Su se'e pia singkatau arenge i Ananias. I sie singkatau ko maagama matuhu mupal᷊al᷊eng u atorang i Musa. Kaul᷊i u tau Yahudi ko natana su Damsyik mangadati kahingang si sie. 13I sie nusumongo nutuhung si sia, bou e'e nurumarisi su simbukaku dang nangul᷊i, ‘Saulus, ana u simbauku, i kau sau makawua!’ Su orasi e'e l᷊ai ia nuhengke pahesiku, bou e'e ia nakawua si sie. 14Bou e'e i sie nangul᷊i si sia, ‘Mawu Ruata ngi upung i kite seng namile si kau tadeau i kau matitong kao-E, dang makawua si Yesus, L᷊ang u Mawu Ruata ko seng nukoa kao u Mawu Ruata l᷊au nakaringihi tingihi Yesus sisane. 15I kau sarung makoa saksi guna ngu muhabari su kaul᷊i u taumata apa ko seng nikawua dang nikaringihu. 16Su orasi i'i kuhaete l᷊ai mangampal᷊i mal᷊iwue. Wangungte, dang sarakangte watangengu isahani. Pundote su Mawu tadeau i kau ipakal᷊iwiri bou manga dosa ngu.’ ”
Mawu Ruata nundoi si Paulus punasi su bangsa ko wal᷊inge su l᷊ikuru tau Yahudi
17“Ia nusul᷊e sarang Yerusalem, dang su tempo ngu ia kapukal᷊iomanenge su Wal᷊e ngu Mawu, ia nikawasa ngu Roh u Mawu Ruata 18Ia nakawua Mawu, I Sie nangul᷊i si sia, ‘Pakaehong panintang u Yerusalem, watu'u manga taumata su si'i sarung ta manarima kasaksiangu hal᷊i u Ia.’ 19Ia nangul᷊i, ‘Mawu i sire matitong kahingang himoneu ia seng nusumu su manga wal᷊e pukakal᷊iomanengang guna ngu maname si sire dang mundariha manga taumata ko mangimang si Kau. 20#Wuk. 7:58Kere'e l᷊ai su tempo saksi-U i Stefanus nipate, ia sisaneku ene su se'e dang nutatuhu su hal᷊i u pamamate e'e. Nangilembo bou e'e ko ia nundiaga l᷊aku u manga taumata ko namate si sie.’ 21Kateho Mawu sau nangul᷊i si sia, ‘Tamaite, watu'u Ia sarung mundoi si kau patamai sarang kaul᷊i u taumata ko wal᷊inge tau Yahudi.’ ”
22Manga taumata mang mborong turusi kapundaringihi si Paulus kapudidatonge, kateho su didato panginsuenge e'e i sire nukumiha mauha-uha, “Patete taumata kere'e. I sie ta hinonge muwiahi!” 23Apiru kakihae, i sire nanontong juba ngi sire, dang nanawuhi awu sarang kinoang. 24Kuteu komandang u pasukang u Roma e'e nangoro pakiwawa i Paulus sarang markas tadeau i sie ipariksa pai se'e dingang u kal᷊ahasa tadeau pundeakeng apa sabapie manga tau Yahudi e'e nukumiha kere'e si sie. 25Kateho su tempo ngi Paulus seng kal᷊aiki tadeau il᷊uwaghi, i Paulus nangul᷊i su parwira ko kararisi su se'e, “Apa wotonge mul᷊uwaghi singkatau kawanua ngu Roma ko mborong ta nipariksa?”
26Nakaringihi e'e, parwira e'e natamai sarang komandang u pasukang dang nangul᷊i, “Ko apa sarung koateng i Tuang i'i? Tau i'i ko kawanua ngu Roma!”
27Kuteu komandang e'e natamai sarang koa i Paulus dang nakina, “Kenang habari, apa i kau kawanua ngu Roma?”
“Tingari,” angkung i Paulus, “Ia kawanua ngu Roma.” 28Komandang e'e sau nangul᷊i, “Ia nakoa kawanua ngu Roma namaehi mal᷊ighari!”
I Paulus nusumimbahi, “Arawe ia nipahinding kere kawanua ngu Roma.” 29Su tempo e'e l᷊ai manga sordado ko namariksa si Paulus e'e nahunsoho dang komandang e'e l᷊ai nataku watu'u i sie seng nuhapusi si Paulus, sumbal᷊i i Paulus ko kawanua ngu Roma.
I Paulus su tingo ngu Pangadilang u Agama
30Komandang Pasukang u Roma e'e mo kahingang makatitong ko apa sabapie sarang nakakoa manga tau Yahudi e'e mupunsal᷊a ngi Paulus. Ual᷊ingu e'e ndai mal᷊ou i sie nukui manga tumbonang u imam l᷊au Mahkamah Agama tadeau pukomol᷊i. Bou e'e i Paulus nipilo bou l᷊aikie, mbuhue niwawa putingo si sire kaul᷊ie.
Currently Selected:
:
Highlight
Share
Copy
Want to have your highlights saved across all your devices? Sign up or sign in