WUKE NGU MANGA RASULI 21
21
I Paulus nakoa sarang Yerusalem
1I kami naghilei dingang u manga pangaha u jamaati bou Efesus e'e, mbuhue nanintang i sire. Bou e'e i kami dingang namundal᷊i sarang pulo Kos; dang ndai mal᷊ou i kami nurating u pulo Rodos. Bou e'e i kami namundal᷊i turusi sarang tampa tatul᷊ing Patara. 2Su Patara, i kami nusombang u kapal᷊i ko makoa sarang Fenisia. Kuteu i kami naawi su kapal᷊i e'e bou e'e nuwua 3dang namundal᷊i sarang i kami nakawua pulo Siprus su kuihi ngi kami; arawe i kami turusi namundal᷊i sarang Siria. I kami nawuna su Tirus, watu'u su se'e kapal᷊i ko nisakenang i kami nangaung l᷊urange. 4Su tampa e'e i kami natamai nutiwo manga taumata ko mangimang si Yesus, bou e'e natana dingang i sire singkamisa l᷊iwuenge. Bou l᷊aaha Roh u Mawu Ruata si sire nanughu si Paulus tadeau kumbahang makoa sarang Yerusalem. 5Kateho suapang seng nasue tempo ngi kami natana su se'e, i kami nanintang i sire dang nanurusi l᷊al᷊al᷊engang i kami. I sire kaul᷊ie dingang manga ana l᷊au kawing i sire nangunturi si kami sarang l᷊ikuri soa. Pai se'e su wiwihi u apeng, i kami kaul᷊ie nusuba dang nukal᷊iomaneng. 6Bou e'e i kami naghilei, mbuhue i kami naawi su kapal᷊i dang i sire l᷊ai napul᷊e sarang wal᷊e.
7I kami namundal᷊i turusi bou Tirus sarang Ptolemais. Pai se'e i kami natamai nutiwo manga ana u simbau ko mangimang, guna ngu mangadati si sire, bou e'e natana silou dingang i sire. 8#Wuk. 6:5, 8:5Ndai mal᷊ou i kami sau namundal᷊i, bou e'e nurating u Kaisarea. Su se'e i kami nakoa sarang koa i pinulong arenge i Filipus, mbuhue natana su wal᷊enge. I sie ko singkatau bo i sire pitu ko nipile su Yerusalem. 9I sire pa anae ko mahua seng nionggol᷊ang u Mawu Ruata al᷊amati guna ngu muhabari Habari Mapia bou Mawu Ruata. 10#Wuk. 11:28Suapang seng dio mal᷊iwue i kami su se'e, pia singkatau nabi nusumongo bou Yudea, arenge i Agabus. 11I sie nusumongo si kami bou e'e nangal᷊a tatingguhu i Paulus. Dingang u tatingguhu e'e i sie nangiki l᷊aeri dingang u l᷊imange sisane bou e'e nangul᷊i, “I'i ko niul᷊i u Roh u Mawu Ruata: Tataghuang u tatingguhu i'i sarung ikitang u manga tau Yahudi kiri'i su Yerusalem, dang isarakang su manga taumata ko wal᷊inge tau Yahudi.”
12Su tempo i kami nakaringihi e'e, i kami dingang u kaul᷊i u ana u simbau ko natana su Kaisarea e'e nundo singapang botonge si Paulus tadeau i sie kumbahang matamai sarang Yerusalem. 13Kateho i sie nusumimbahi, “Apa gunange i kumu musumangi kiri'i hakiu nakatuno naungku? Ia seng sadia wal᷊inge kitang isame pai se'e, Kateho maning tadeau l᷊ai mate ual᷊ingu Mawu Yesus.” 14I Paulus seng mandi mundaringihi si sire, ute i kami seng nangiro nanagakang si sie. “Walate kao u Mawu sisane kariadi,” angkung i kami.
15Suapang dio nal᷊iwue natana su se'e, i kami nanadia manga sal᷊iumpuhi kami, bou e'e nuwua sarang Yerusalem. 16I sire pirangkatau manga ana u simbau bou Kaisarea natamai l᷊ai singkahindo dingang i kami guna ngu mangunturi si kami sarang wal᷊e ngi Manason,#21:16: guna ngu mangunturi si kami sarang wal᷊e ngi Manason: arako dang mundingang l᷊ai si Manason. watu'u su wal᷊enge i kami sarung matana. (Manason ko tau Siprus seng mal᷊iwue nakoa tumatuhu I Yesus).
I Paulus nutiwo si Yakobus
17Su tempo i kami nurating u Yerusalem, manga ana u simbau su se'e nanarima si kami dingang u naung mal᷊uasi. 18Ndai mal᷊ou i Paulus natamai dingang i kami nutiwo si Yakobus; kaul᷊i u pangaha u jamaati ene l᷊ai su se'e. 19Suapang bou nangul᷊i u adati si sire, i Paulus nuwuke si sire kaul᷊i u apa ko seng nikoa u Mawu Ruata bou pul᷊ahal᷊i su tal᷊oara u manga taumata ko wal᷊inge tau Yahudi. 20Suapang nakaringihi wuke ngi Paulus e'e, i sire kaul᷊ie nundalo Mawu Ruata. Mbuhue i sire nangul᷊i si Paulus, “Paulus! I kau mambeng katitong ko seng hiwunge tau Yahudi ko seng nangimang si Yesus. I sire kaul᷊ie ko manga taumata ko masatia tumatuhu atorang i Musa. 21Dang su orasi i'i i sire nakaringihi uare i kau nanintiro su kaul᷊i u tau Yahudi ko natana su tal᷊oara u bangsa ko wal᷊inge, tadeau mamilo atorang i Musa. I kau nanughu si sire tadeau i sire ariwe panunati manga ana i sire arako patuhu tundu ngu tau Yahudi. 22Su tempo i'i manga tau Yahudi ko seng mangimang e'e tantu sarung makaringihi ko i kau seng ene su si'i. Inau, kirapawe i'i? 23#Rek. 6:13-21Mapiang tuhute tughu ngi kami. Pia pa u katau su si'i ko seng nukoa diandi su Mawu. 24Inau, tamai ko i kau pupakasusi ngu watangengu dingang i sire, dang waehi ko ongkosi sire tadeau uta i sire botonge il᷊ungguhi.#21:24: uta i sire botonge ilungguhi: Putuhung 18:18 Dingang kere'e sarung mal᷊ahe su kaul᷊i u taumata himoneu apa ko nikaringihi sire bou hal᷊i u ta nuhino, ual᷊ing i kau sisane ngu l᷊ai mang kapupal᷊al᷊eng u atorang i Musa. 25#Wuk. 15:29Arawe su hal᷊i u taumata ko wal᷊inge tau Yahudi ko seng nangimang si Yesus, i kami seng mbuae nanurati si sire hal᷊i u putusang i kami ko i sire tawe wotonge kumang kang ko l᷊inau nisumba su barhala, tawe wotonge kumang daha, arako kumina binatang ko nate nikile; dang tawe wotonge mukoa manga kakanoa ko l᷊amuhu.”
26I Paulus natamai dingang i sire pa e'e, bou e'e ndai mal᷊ou i sire nupakasusi ngu watangeng i sire. Mbuhue i sire nusumu su wal᷊e ngu Mawu guna ngu muhabari pira l᷊ou l᷊ai hal᷊i u pananusi e'e masue dang hal᷊i u sasumba ngi sire singkatau-singkatau isumba.
I Paulus nisame su Wal᷊e ngu Mawu
27Suapang tempo pitu l᷊ou e'e seng masandighi masue, pirangkatau tau Yahudi bou Asia nakawua si Paulus su l᷊al᷊ung u Wal᷊e ngu Mawu. Bou e'e i sire naniti taumata maul᷊i, mbuhue nuhinggo si Paulus 28apiru nukumiha, “Ei manga tau Israel, tul᷊ung! Seng i'i taumatange ko natamai sarang manga tampa nanintiro su manga taumata manga tatintiro ko mul᷊awang tau Israel, mul᷊awang atorang i Musa dang mul᷊awang Wal᷊e ngu Mawu i'i. Dang i'i i sie mborong l᷊ai numbawa manga taumata ko wal᷊inge tau Yahudi nusumu sarang l᷊al᷊ung u Wal᷊e ngu Mawu i'i dang pul᷊amuhu tampa ko susi i'i!” 29#Wuk. 20:4(I sire nangul᷊i kere'e watu'u i sire seng nakawua si Trofimus tau Efesus e'e su soa dingang i Paulus; dang i sire nanika i Paulus seng numbawa si sie sarang l᷊al᷊ung u Wal᷊e ngu Mawu.)
30Kaul᷊i u soa e'e mangkate nugara, dang kaul᷊i u taumata nutumal᷊ang nukomol᷊i. I sire naname si Paulus dang nuhiuri si sie pasuwang bou Wal᷊e ngu Mawu. Su tempo e'e l᷊ai tukari u wal᷊e ngu Mawu nitaka. 31Saritau mukakoa gara e'e mundea mamate si Paulus, taumata nuhabari su komandang pasukang u Roma uare kaul᷊i u Yerusalem seng nugara. 32Komandang e'e turusi numbawa pirangkatau parwira l᷊au parajuriti dang masahawu-sahawu natamai dingang i sire sarang tampa u gara e'e. Su tempo ngu taumata maul᷊i e'e nakawua komandang dingang u pasukange e'e, i sire nangiro nundariha si Paulus. 33Komandang e'e nuhumaung si Paulus bou e'e nisame, dang nangoro taumata puhapusi si sie. Mbuhue komandang e'e nakina minsang ko i sai i Paulus e'e dang apa ko seng nikoae. 34Singga bou taumata maul᷊i e'e nusumimbahi kiri'i dang singga l᷊ai nusumimbahi kere'e. Kakakoa kere'e kagarae hakiu komandang e'e ta makahingang minsang ko apa seng nariadi. Watu'u e'e i sie namarenta tadeau i Paulus pakiwawa sarang markas. 35Suapang i sire numbawa si sie nurating u tukari, manga taumata nukoa gara e'e nanulu maturu-turu hakiu i Paulus kate nitatimbangeng manga sordado. 36I sire nituhukang u manga taumata ko nukoa gara e'e bou l᷊ikuri apiru kakihae, “Patete i sie!”
I Paulus nangul᷊i u hinonge
37Kere'e suapang seng sumu su l᷊al᷊ung u markas, i Paulus nangul᷊i su komandang e'e, “Botonge ia mudidato singkodo dingang i Tuang?”
“Apa i kau botonge mudidato wisara ngu Yunani?” kakina u komandang e'e. 38“Boko kere'e, i kau wal᷊ingewe tau Mesir e'e ko ndahuwite mbuae nukoa gara bou e'e nupatal᷊ang pauhiwu su kataunge taumata ko mukakoa gara dingang u pera ngi sire nusumu sarang tana ko l᷊inggi?”
39I Paulus nusumimbahi, “Ia tau Yahudi; ia tataho u soa ngu Tarsus, soa ko nateleng su Kilikia. Tul᷊ungko pakawala ia mudidato su manga taumata e'e.”
40Suapang i Paulus nipakawala pudidato, i Paulus nurumarisi su tukari, bou e'e nangode ngu l᷊imange. Kaul᷊i u taumata narumasi. Bou e'e i Paulus nudidato si sire su l᷊al᷊ung u wisara ngu Ibrani. I Paulus nangul᷊i,
Currently Selected:
WUKE NGU MANGA RASULI 21: PLT
Highlight
Share
Copy
Want to have your highlights saved across all your devices? Sign up or sign in
WUKE NGU MANGA RASULI 21
21
I Paulus nakoa sarang Yerusalem
1I kami naghilei dingang u manga pangaha u jamaati bou Efesus e'e, mbuhue nanintang i sire. Bou e'e i kami dingang namundal᷊i sarang pulo Kos; dang ndai mal᷊ou i kami nurating u pulo Rodos. Bou e'e i kami namundal᷊i turusi sarang tampa tatul᷊ing Patara. 2Su Patara, i kami nusombang u kapal᷊i ko makoa sarang Fenisia. Kuteu i kami naawi su kapal᷊i e'e bou e'e nuwua 3dang namundal᷊i sarang i kami nakawua pulo Siprus su kuihi ngi kami; arawe i kami turusi namundal᷊i sarang Siria. I kami nawuna su Tirus, watu'u su se'e kapal᷊i ko nisakenang i kami nangaung l᷊urange. 4Su tampa e'e i kami natamai nutiwo manga taumata ko mangimang si Yesus, bou e'e natana dingang i sire singkamisa l᷊iwuenge. Bou l᷊aaha Roh u Mawu Ruata si sire nanughu si Paulus tadeau kumbahang makoa sarang Yerusalem. 5Kateho suapang seng nasue tempo ngi kami natana su se'e, i kami nanintang i sire dang nanurusi l᷊al᷊al᷊engang i kami. I sire kaul᷊ie dingang manga ana l᷊au kawing i sire nangunturi si kami sarang l᷊ikuri soa. Pai se'e su wiwihi u apeng, i kami kaul᷊ie nusuba dang nukal᷊iomaneng. 6Bou e'e i kami naghilei, mbuhue i kami naawi su kapal᷊i dang i sire l᷊ai napul᷊e sarang wal᷊e.
7I kami namundal᷊i turusi bou Tirus sarang Ptolemais. Pai se'e i kami natamai nutiwo manga ana u simbau ko mangimang, guna ngu mangadati si sire, bou e'e natana silou dingang i sire. 8#Wuk. 6:5, 8:5Ndai mal᷊ou i kami sau namundal᷊i, bou e'e nurating u Kaisarea. Su se'e i kami nakoa sarang koa i pinulong arenge i Filipus, mbuhue natana su wal᷊enge. I sie ko singkatau bo i sire pitu ko nipile su Yerusalem. 9I sire pa anae ko mahua seng nionggol᷊ang u Mawu Ruata al᷊amati guna ngu muhabari Habari Mapia bou Mawu Ruata. 10#Wuk. 11:28Suapang seng dio mal᷊iwue i kami su se'e, pia singkatau nabi nusumongo bou Yudea, arenge i Agabus. 11I sie nusumongo si kami bou e'e nangal᷊a tatingguhu i Paulus. Dingang u tatingguhu e'e i sie nangiki l᷊aeri dingang u l᷊imange sisane bou e'e nangul᷊i, “I'i ko niul᷊i u Roh u Mawu Ruata: Tataghuang u tatingguhu i'i sarung ikitang u manga tau Yahudi kiri'i su Yerusalem, dang isarakang su manga taumata ko wal᷊inge tau Yahudi.”
12Su tempo i kami nakaringihi e'e, i kami dingang u kaul᷊i u ana u simbau ko natana su Kaisarea e'e nundo singapang botonge si Paulus tadeau i sie kumbahang matamai sarang Yerusalem. 13Kateho i sie nusumimbahi, “Apa gunange i kumu musumangi kiri'i hakiu nakatuno naungku? Ia seng sadia wal᷊inge kitang isame pai se'e, Kateho maning tadeau l᷊ai mate ual᷊ingu Mawu Yesus.” 14I Paulus seng mandi mundaringihi si sire, ute i kami seng nangiro nanagakang si sie. “Walate kao u Mawu sisane kariadi,” angkung i kami.
15Suapang dio nal᷊iwue natana su se'e, i kami nanadia manga sal᷊iumpuhi kami, bou e'e nuwua sarang Yerusalem. 16I sire pirangkatau manga ana u simbau bou Kaisarea natamai l᷊ai singkahindo dingang i kami guna ngu mangunturi si kami sarang wal᷊e ngi Manason,#21:16: guna ngu mangunturi si kami sarang wal᷊e ngi Manason: arako dang mundingang l᷊ai si Manason. watu'u su wal᷊enge i kami sarung matana. (Manason ko tau Siprus seng mal᷊iwue nakoa tumatuhu I Yesus).
I Paulus nutiwo si Yakobus
17Su tempo i kami nurating u Yerusalem, manga ana u simbau su se'e nanarima si kami dingang u naung mal᷊uasi. 18Ndai mal᷊ou i Paulus natamai dingang i kami nutiwo si Yakobus; kaul᷊i u pangaha u jamaati ene l᷊ai su se'e. 19Suapang bou nangul᷊i u adati si sire, i Paulus nuwuke si sire kaul᷊i u apa ko seng nikoa u Mawu Ruata bou pul᷊ahal᷊i su tal᷊oara u manga taumata ko wal᷊inge tau Yahudi. 20Suapang nakaringihi wuke ngi Paulus e'e, i sire kaul᷊ie nundalo Mawu Ruata. Mbuhue i sire nangul᷊i si Paulus, “Paulus! I kau mambeng katitong ko seng hiwunge tau Yahudi ko seng nangimang si Yesus. I sire kaul᷊ie ko manga taumata ko masatia tumatuhu atorang i Musa. 21Dang su orasi i'i i sire nakaringihi uare i kau nanintiro su kaul᷊i u tau Yahudi ko natana su tal᷊oara u bangsa ko wal᷊inge, tadeau mamilo atorang i Musa. I kau nanughu si sire tadeau i sire ariwe panunati manga ana i sire arako patuhu tundu ngu tau Yahudi. 22Su tempo i'i manga tau Yahudi ko seng mangimang e'e tantu sarung makaringihi ko i kau seng ene su si'i. Inau, kirapawe i'i? 23#Rek. 6:13-21Mapiang tuhute tughu ngi kami. Pia pa u katau su si'i ko seng nukoa diandi su Mawu. 24Inau, tamai ko i kau pupakasusi ngu watangengu dingang i sire, dang waehi ko ongkosi sire tadeau uta i sire botonge il᷊ungguhi.#21:24: uta i sire botonge ilungguhi: Putuhung 18:18 Dingang kere'e sarung mal᷊ahe su kaul᷊i u taumata himoneu apa ko nikaringihi sire bou hal᷊i u ta nuhino, ual᷊ing i kau sisane ngu l᷊ai mang kapupal᷊al᷊eng u atorang i Musa. 25#Wuk. 15:29Arawe su hal᷊i u taumata ko wal᷊inge tau Yahudi ko seng nangimang si Yesus, i kami seng mbuae nanurati si sire hal᷊i u putusang i kami ko i sire tawe wotonge kumang kang ko l᷊inau nisumba su barhala, tawe wotonge kumang daha, arako kumina binatang ko nate nikile; dang tawe wotonge mukoa manga kakanoa ko l᷊amuhu.”
26I Paulus natamai dingang i sire pa e'e, bou e'e ndai mal᷊ou i sire nupakasusi ngu watangeng i sire. Mbuhue i sire nusumu su wal᷊e ngu Mawu guna ngu muhabari pira l᷊ou l᷊ai hal᷊i u pananusi e'e masue dang hal᷊i u sasumba ngi sire singkatau-singkatau isumba.
I Paulus nisame su Wal᷊e ngu Mawu
27Suapang tempo pitu l᷊ou e'e seng masandighi masue, pirangkatau tau Yahudi bou Asia nakawua si Paulus su l᷊al᷊ung u Wal᷊e ngu Mawu. Bou e'e i sire naniti taumata maul᷊i, mbuhue nuhinggo si Paulus 28apiru nukumiha, “Ei manga tau Israel, tul᷊ung! Seng i'i taumatange ko natamai sarang manga tampa nanintiro su manga taumata manga tatintiro ko mul᷊awang tau Israel, mul᷊awang atorang i Musa dang mul᷊awang Wal᷊e ngu Mawu i'i. Dang i'i i sie mborong l᷊ai numbawa manga taumata ko wal᷊inge tau Yahudi nusumu sarang l᷊al᷊ung u Wal᷊e ngu Mawu i'i dang pul᷊amuhu tampa ko susi i'i!” 29#Wuk. 20:4(I sire nangul᷊i kere'e watu'u i sire seng nakawua si Trofimus tau Efesus e'e su soa dingang i Paulus; dang i sire nanika i Paulus seng numbawa si sie sarang l᷊al᷊ung u Wal᷊e ngu Mawu.)
30Kaul᷊i u soa e'e mangkate nugara, dang kaul᷊i u taumata nutumal᷊ang nukomol᷊i. I sire naname si Paulus dang nuhiuri si sie pasuwang bou Wal᷊e ngu Mawu. Su tempo e'e l᷊ai tukari u wal᷊e ngu Mawu nitaka. 31Saritau mukakoa gara e'e mundea mamate si Paulus, taumata nuhabari su komandang pasukang u Roma uare kaul᷊i u Yerusalem seng nugara. 32Komandang e'e turusi numbawa pirangkatau parwira l᷊au parajuriti dang masahawu-sahawu natamai dingang i sire sarang tampa u gara e'e. Su tempo ngu taumata maul᷊i e'e nakawua komandang dingang u pasukange e'e, i sire nangiro nundariha si Paulus. 33Komandang e'e nuhumaung si Paulus bou e'e nisame, dang nangoro taumata puhapusi si sie. Mbuhue komandang e'e nakina minsang ko i sai i Paulus e'e dang apa ko seng nikoae. 34Singga bou taumata maul᷊i e'e nusumimbahi kiri'i dang singga l᷊ai nusumimbahi kere'e. Kakakoa kere'e kagarae hakiu komandang e'e ta makahingang minsang ko apa seng nariadi. Watu'u e'e i sie namarenta tadeau i Paulus pakiwawa sarang markas. 35Suapang i sire numbawa si sie nurating u tukari, manga taumata nukoa gara e'e nanulu maturu-turu hakiu i Paulus kate nitatimbangeng manga sordado. 36I sire nituhukang u manga taumata ko nukoa gara e'e bou l᷊ikuri apiru kakihae, “Patete i sie!”
I Paulus nangul᷊i u hinonge
37Kere'e suapang seng sumu su l᷊al᷊ung u markas, i Paulus nangul᷊i su komandang e'e, “Botonge ia mudidato singkodo dingang i Tuang?”
“Apa i kau botonge mudidato wisara ngu Yunani?” kakina u komandang e'e. 38“Boko kere'e, i kau wal᷊ingewe tau Mesir e'e ko ndahuwite mbuae nukoa gara bou e'e nupatal᷊ang pauhiwu su kataunge taumata ko mukakoa gara dingang u pera ngi sire nusumu sarang tana ko l᷊inggi?”
39I Paulus nusumimbahi, “Ia tau Yahudi; ia tataho u soa ngu Tarsus, soa ko nateleng su Kilikia. Tul᷊ungko pakawala ia mudidato su manga taumata e'e.”
40Suapang i Paulus nipakawala pudidato, i Paulus nurumarisi su tukari, bou e'e nangode ngu l᷊imange. Kaul᷊i u taumata narumasi. Bou e'e i Paulus nudidato si sire su l᷊al᷊ung u wisara ngu Ibrani. I Paulus nangul᷊i,
Currently Selected:
:
Highlight
Share
Copy
Want to have your highlights saved across all your devices? Sign up or sign in