WUKE NGU MANGA RASULI 20
20
I Paulus nakoa sarang Makedonia l᷊au Yunani
1Suapang Efesus seng sau narumasi, i Paulus nangomol᷊i jamaati dang nupakatoghasi naung i sire. Bou e'e i sie naghilei si sire mbuhue nanurusi l᷊al᷊al᷊engange sarang Makedonia. 2I sie nutiwo manga tampa su Makedonia dang nangonggo sasasa maul᷊i suapang taumata ko mangimang si Yesus pai se'e tadeau mupakatoghasi naung i sire. Mbuhue i sie nakoa sarang Yunani. 3Tilu wul᷊ang l᷊iwuenge i sie natana pai se'e. Bou e'e suapang i sie seng kapusasadiange guna ngu mamundal᷊i sarang Siria, pia habari uare manga tau Yahudi kapusingkongkoli guna ngu mamate si sie. Ual᷊ingu e'e i sie namutusi tadeau sau l᷊umiu ngu Makedonia. 4I Sopater ana i Pirus ko asal᷊ie bou Berea natamai singkahindo dingange, kere'e l᷊ai i Aristarkhus l᷊au i Sekundus tau Tesalonika, l᷊au i Gayus tau Derbe. L᷊au i Timotius, i Tikhikus dingang i Trofimus, manga taumata bou Propinsi ngu Asia. 5I sire nuhoro bo i kami bou e'e nangampal᷊i si kami su Troas. 6Suapang bou nusal᷊iwang Boroti Takoae Raginge, i kami namundal᷊i nanintang u Filipi. L᷊ima l᷊ou bou e'e i kami sau nukomol᷊i dingang i sire su Troas. Pai se'e i kami natana singkamisa.
Putatiwo ngi Paulus panginsuenge su Troas
7Huwi ngu misa#20:7: Huwi ngu misa: arako misa huwi. i kami nukomol᷊i nukumang singkahindo kere sintamahuaring. I Paulus kapudidatonge dingang u manga taumata, watu'u ndai mal᷊ou i sie ko mamundal᷊i. Sarang kal᷊oarange i Paulus mangkate kapudidatonge turusi. 8Su l᷊al᷊ung u kamari su wawoe, tampa i kami nukomol᷊i e'e napene u sol᷊o. 9Pia singkatau ana ko makuda arenge i Eutikhus kakangiang su janela. Watu'u i Paulus takoae kindul᷊enge kapudidatonge, ana ko makuda e'e pundangeng patikilang sarang tewe i sie nikapatikilang su janela e'e, bou e'e nanawo tanae bou hawenge katilunge. Su tempo ngi sire nuhengke si sie, i sie seng nate. 10Arawe i Paulus nul᷊umintu, bou e'e nutingkararuma su wawo u badang u ana e'e dang nil᷊ahukutange. I Paulus nangul᷊i. “Ariwe kaghagha, i sie mborong wiahi!” 11Bou e'e i Paulus sau naawi sarang wawoe, mbuhue namahia boroti dang nukumang singkakang. Suapang nudidato mal᷊iwue nurating u mal᷊ukari dingang u manga taumata e'e, i Paulus nuwua. 12Manga taumata numbawa ana ko makuda e'e wiahi sarang wal᷊enge. I sire nakapundang mal᷊uasi dang nahibori kahingang.
Bou Troas nakoa sarang Miletus
13I kami nakoa sarang kapal᷊i bou e'e namundal᷊i nuhoro sarang Asos tadeau manomahi si Paulus sarang kapal᷊i pai se'e. I sie seng nangatori kere'e watu'u i sie makoa sarang pai e'e mul᷊umiu l᷊al᷊eng u l᷊ul᷊unge. 14Suapang nusombang su Asos, i Paulus dingang naawi su kapal᷊i bou e'e i kami namundal᷊i sarang Metilene. 15Bou pai e'e i kami sau namundal᷊i, dang ndai mal᷊ou nawuna su tampa ko musasaruang u Khios. Karumahenge i kami nawuna su Samos dang ndai mal᷊ou tuhue su Miletus. 16I Paulus seng namutusi tadeau seng ta motong su Efesus, tadeau kumbahang mundume tempo su wanua ngu Asia. Singapang botonge i sie mo pakaehong-ehong murating u Yerusalem su l᷊ou putatinaungang u Pentakosta.
I Paulus nuwisara ngu manga didato putatal᷊ei su Efesus
17Bou Miletus i Paulus nundoho habari sarang Efesus nundo manga pangaha u jamaati pai se'e pasongo musombang i sie. 18Suapang i sire nasongo, i Paulus nangul᷊i si sire, “Manga ana u simbau matitong kirapa ia nuwiahi kal᷊iwuenge i'i su tal᷊oara i kumu mangki bou l᷊ou kahimotongange ia nawuna su Asia. 19Dingang kasasana u naung dang dingang maul᷊i ake u mata, ia nuhal᷊i guna ngu Mawu su tal᷊oara u susa ko daku nikapundangeng ual᷊ingu kirou ko dal᷊ai bou manga taumata ngu Yahudi. 20Manga ana u simbau matitong ia seng ta mamuni muhabari si kumu apa hinonge ko pia gunange si kumu. Ia nanintiro si kumu su manga komol᷊ang u hape l᷊au su manga wal᷊e. 21Mbaeng si sire manga tau Yahudi kere'e l᷊ai si sire bou bangsa ko wal᷊inge sintinia ia mang mangonggo u ingati tadeau i sire mutobati bou manga dosa ngi sire dang ruminta sarang koa u Mawu Ruata, l᷊au mangimang su Mawu Yesus. 22Su orasi i'i guna ngu mutumuhu parenta ngu Roh u Mawu Ruata, ia makoa sarang Yerusalem. Dang ia wugha apa ko sarung mariadi si sia pai se'e. 23Ia kitang matitong suapang soa, Roh u Mawu seng nuhabari mal᷊ahe si sia, ia sarung sumu su tutupang dang sarung mutatahang u singsara. 24#2Tim. 4:7Kateho ia seng ta mundekeng u puwawiahiku i'i, asal᷊i ia botonge makasue hal᷊i ko nisarakang u Mawu Yesus si sia, l᷊au asal᷊i ia masatia sarang panginsueng u puwawiahiku guna ngu muhabari Habari Mapia e'e hal᷊i u kakindaghi Mawu Ruata.
25Ia seng mbuae nutiwo su manga ana u simbau kaul᷊ie dang seng mbuae nuhabari l᷊ai hal᷊i u kirapa Mawu Ruata mamarenta kere Ratu. Su orasi i'i ia makapundang seng ta sau makapusombang l᷊ai dingang i kumu. 26Ual᷊ingu e'e ia tuwei mangul᷊i si kumu silou i'i boko pia bou tal᷊oara i kumu mai-mai sarung mawinasa, e'e seng wal᷊inge sal᷊aku. 27Mborong ta sarang paghisa ia nutumal᷊ang bou hal᷊iku guna ngu mangonggo kasasua si kumu kaul᷊ie hal᷊i u kaul᷊i u kirou ngu Mawu Ruata. 28Diagatete watangeng i kumu dang diagatete l᷊ai kaul᷊i u jamaati ko seng nisarakang u Roh u Mawu Ruata pakidiagate si kumu watu'u i kumu seng nihengke nakoa mundadiaga jamaati e'e. Diagatete ngi kumu jamaati u Mawu Ruata#20:28: Mawu Ruata: pira mbau wohe horo: Mawu. e'e musul᷊ung u gembala mundiaga dombae, watu'u Mawu Ruata seng nukoa jamaati e'e koa-E sisane ual᷊ingu papate ngu Ahus-E sisane.#20:28: papate ngu Ahusie sisane: arako papate-Nge sisane. 29Su papal᷊usiku, seng mal᷊ahe sarung sumongo manga sarigala ko wawahani sarang tal᷊oara i kumu. Dang manga taumata ko kahidiagateng i kumu e'e sarung makoa ghana ngu manga sarigala e'e. 30Nangilembo bou tal᷊oara u Ana u simbau i kumu sisane l᷊ai sarung l᷊umitou manga taumata ko muhabari habari ko ta nuhino. I sire nukoa kere'e tadeau manga taumata ko seng mangimang si Yesus mapal᷊iri dang tumuhu si sire. 31Ual᷊ingu e'e pakadiagate! Putinaungwe tilu taung l᷊iwuenge dingang napene ake u mata, l᷊ou huwi takoae kindul᷊enge ia nanintiro apang taumata bou tal᷊oara i kumu.
32I'i ia manarakang i kumu su Mawu Ruata tadeau I Sie muhiking si kumu dang tadeau i kumu muhinggo su habari kakindaghi u Mawu Ruata. Mawu Ruata pia kawasa guna ngu mupakatoghasi si kumu dang mangonggo si kumu manga al᷊amati ko seng nisadia-E guna ngu kaul᷊i u umati-E. 33Mborong ta sarang paghisa ia mo u doi arako pakeang bou taumata sarang singkatau. 34Ana u simbau sisane matitong himoneu dingang u sagheriku sisane ia nuhal᷊i tadeau pia daku puwiahi dingang u manga ghaweku ko nutumuhu dingangku. 35Su l᷊al᷊ung u kaul᷊i u hal᷊i ia seng nangonggo tul᷊ara si kumu himoneu dingang muhal᷊i masagheri kiri'i i kite mambeng mutul᷊ung manga taumata ko seng mal᷊al᷊ongkohi. Watu'u i kite mambeng mutinaung apa ko niul᷊i u Mawu Yesus sisane, ‘Nangilembo mal᷊uasi mangonggo, bou kitang u manarima.’ ”
36Suapang i Paulus nasue didatonge, i sie nusuba dingang i sire kaul᷊ie bou e'e nukal᷊iomaneng. 37I sire kaul᷊ie nusumangi apiru nul᷊ahuku si Paulus dang nangul᷊i sal᷊amati l᷊umal᷊eng. 38I sire nasusa kahingang, nangilembo watu'u i Paulus nangul᷊i ko i sire seng sarung ta makawua sau si sie. Bou e'e i sire nangunturi si sie sarang kapal᷊i.
Currently Selected:
WUKE NGU MANGA RASULI 20: PLT
Highlight
Share
Copy
Want to have your highlights saved across all your devices? Sign up or sign in
WUKE NGU MANGA RASULI 20
20
I Paulus nakoa sarang Makedonia l᷊au Yunani
1Suapang Efesus seng sau narumasi, i Paulus nangomol᷊i jamaati dang nupakatoghasi naung i sire. Bou e'e i sie naghilei si sire mbuhue nanurusi l᷊al᷊al᷊engange sarang Makedonia. 2I sie nutiwo manga tampa su Makedonia dang nangonggo sasasa maul᷊i suapang taumata ko mangimang si Yesus pai se'e tadeau mupakatoghasi naung i sire. Mbuhue i sie nakoa sarang Yunani. 3Tilu wul᷊ang l᷊iwuenge i sie natana pai se'e. Bou e'e suapang i sie seng kapusasadiange guna ngu mamundal᷊i sarang Siria, pia habari uare manga tau Yahudi kapusingkongkoli guna ngu mamate si sie. Ual᷊ingu e'e i sie namutusi tadeau sau l᷊umiu ngu Makedonia. 4I Sopater ana i Pirus ko asal᷊ie bou Berea natamai singkahindo dingange, kere'e l᷊ai i Aristarkhus l᷊au i Sekundus tau Tesalonika, l᷊au i Gayus tau Derbe. L᷊au i Timotius, i Tikhikus dingang i Trofimus, manga taumata bou Propinsi ngu Asia. 5I sire nuhoro bo i kami bou e'e nangampal᷊i si kami su Troas. 6Suapang bou nusal᷊iwang Boroti Takoae Raginge, i kami namundal᷊i nanintang u Filipi. L᷊ima l᷊ou bou e'e i kami sau nukomol᷊i dingang i sire su Troas. Pai se'e i kami natana singkamisa.
Putatiwo ngi Paulus panginsuenge su Troas
7Huwi ngu misa#20:7: Huwi ngu misa: arako misa huwi. i kami nukomol᷊i nukumang singkahindo kere sintamahuaring. I Paulus kapudidatonge dingang u manga taumata, watu'u ndai mal᷊ou i sie ko mamundal᷊i. Sarang kal᷊oarange i Paulus mangkate kapudidatonge turusi. 8Su l᷊al᷊ung u kamari su wawoe, tampa i kami nukomol᷊i e'e napene u sol᷊o. 9Pia singkatau ana ko makuda arenge i Eutikhus kakangiang su janela. Watu'u i Paulus takoae kindul᷊enge kapudidatonge, ana ko makuda e'e pundangeng patikilang sarang tewe i sie nikapatikilang su janela e'e, bou e'e nanawo tanae bou hawenge katilunge. Su tempo ngi sire nuhengke si sie, i sie seng nate. 10Arawe i Paulus nul᷊umintu, bou e'e nutingkararuma su wawo u badang u ana e'e dang nil᷊ahukutange. I Paulus nangul᷊i. “Ariwe kaghagha, i sie mborong wiahi!” 11Bou e'e i Paulus sau naawi sarang wawoe, mbuhue namahia boroti dang nukumang singkakang. Suapang nudidato mal᷊iwue nurating u mal᷊ukari dingang u manga taumata e'e, i Paulus nuwua. 12Manga taumata numbawa ana ko makuda e'e wiahi sarang wal᷊enge. I sire nakapundang mal᷊uasi dang nahibori kahingang.
Bou Troas nakoa sarang Miletus
13I kami nakoa sarang kapal᷊i bou e'e namundal᷊i nuhoro sarang Asos tadeau manomahi si Paulus sarang kapal᷊i pai se'e. I sie seng nangatori kere'e watu'u i sie makoa sarang pai e'e mul᷊umiu l᷊al᷊eng u l᷊ul᷊unge. 14Suapang nusombang su Asos, i Paulus dingang naawi su kapal᷊i bou e'e i kami namundal᷊i sarang Metilene. 15Bou pai e'e i kami sau namundal᷊i, dang ndai mal᷊ou nawuna su tampa ko musasaruang u Khios. Karumahenge i kami nawuna su Samos dang ndai mal᷊ou tuhue su Miletus. 16I Paulus seng namutusi tadeau seng ta motong su Efesus, tadeau kumbahang mundume tempo su wanua ngu Asia. Singapang botonge i sie mo pakaehong-ehong murating u Yerusalem su l᷊ou putatinaungang u Pentakosta.
I Paulus nuwisara ngu manga didato putatal᷊ei su Efesus
17Bou Miletus i Paulus nundoho habari sarang Efesus nundo manga pangaha u jamaati pai se'e pasongo musombang i sie. 18Suapang i sire nasongo, i Paulus nangul᷊i si sire, “Manga ana u simbau matitong kirapa ia nuwiahi kal᷊iwuenge i'i su tal᷊oara i kumu mangki bou l᷊ou kahimotongange ia nawuna su Asia. 19Dingang kasasana u naung dang dingang maul᷊i ake u mata, ia nuhal᷊i guna ngu Mawu su tal᷊oara u susa ko daku nikapundangeng ual᷊ingu kirou ko dal᷊ai bou manga taumata ngu Yahudi. 20Manga ana u simbau matitong ia seng ta mamuni muhabari si kumu apa hinonge ko pia gunange si kumu. Ia nanintiro si kumu su manga komol᷊ang u hape l᷊au su manga wal᷊e. 21Mbaeng si sire manga tau Yahudi kere'e l᷊ai si sire bou bangsa ko wal᷊inge sintinia ia mang mangonggo u ingati tadeau i sire mutobati bou manga dosa ngi sire dang ruminta sarang koa u Mawu Ruata, l᷊au mangimang su Mawu Yesus. 22Su orasi i'i guna ngu mutumuhu parenta ngu Roh u Mawu Ruata, ia makoa sarang Yerusalem. Dang ia wugha apa ko sarung mariadi si sia pai se'e. 23Ia kitang matitong suapang soa, Roh u Mawu seng nuhabari mal᷊ahe si sia, ia sarung sumu su tutupang dang sarung mutatahang u singsara. 24#2Tim. 4:7Kateho ia seng ta mundekeng u puwawiahiku i'i, asal᷊i ia botonge makasue hal᷊i ko nisarakang u Mawu Yesus si sia, l᷊au asal᷊i ia masatia sarang panginsueng u puwawiahiku guna ngu muhabari Habari Mapia e'e hal᷊i u kakindaghi Mawu Ruata.
25Ia seng mbuae nutiwo su manga ana u simbau kaul᷊ie dang seng mbuae nuhabari l᷊ai hal᷊i u kirapa Mawu Ruata mamarenta kere Ratu. Su orasi i'i ia makapundang seng ta sau makapusombang l᷊ai dingang i kumu. 26Ual᷊ingu e'e ia tuwei mangul᷊i si kumu silou i'i boko pia bou tal᷊oara i kumu mai-mai sarung mawinasa, e'e seng wal᷊inge sal᷊aku. 27Mborong ta sarang paghisa ia nutumal᷊ang bou hal᷊iku guna ngu mangonggo kasasua si kumu kaul᷊ie hal᷊i u kaul᷊i u kirou ngu Mawu Ruata. 28Diagatete watangeng i kumu dang diagatete l᷊ai kaul᷊i u jamaati ko seng nisarakang u Roh u Mawu Ruata pakidiagate si kumu watu'u i kumu seng nihengke nakoa mundadiaga jamaati e'e. Diagatete ngi kumu jamaati u Mawu Ruata#20:28: Mawu Ruata: pira mbau wohe horo: Mawu. e'e musul᷊ung u gembala mundiaga dombae, watu'u Mawu Ruata seng nukoa jamaati e'e koa-E sisane ual᷊ingu papate ngu Ahus-E sisane.#20:28: papate ngu Ahusie sisane: arako papate-Nge sisane. 29Su papal᷊usiku, seng mal᷊ahe sarung sumongo manga sarigala ko wawahani sarang tal᷊oara i kumu. Dang manga taumata ko kahidiagateng i kumu e'e sarung makoa ghana ngu manga sarigala e'e. 30Nangilembo bou tal᷊oara u Ana u simbau i kumu sisane l᷊ai sarung l᷊umitou manga taumata ko muhabari habari ko ta nuhino. I sire nukoa kere'e tadeau manga taumata ko seng mangimang si Yesus mapal᷊iri dang tumuhu si sire. 31Ual᷊ingu e'e pakadiagate! Putinaungwe tilu taung l᷊iwuenge dingang napene ake u mata, l᷊ou huwi takoae kindul᷊enge ia nanintiro apang taumata bou tal᷊oara i kumu.
32I'i ia manarakang i kumu su Mawu Ruata tadeau I Sie muhiking si kumu dang tadeau i kumu muhinggo su habari kakindaghi u Mawu Ruata. Mawu Ruata pia kawasa guna ngu mupakatoghasi si kumu dang mangonggo si kumu manga al᷊amati ko seng nisadia-E guna ngu kaul᷊i u umati-E. 33Mborong ta sarang paghisa ia mo u doi arako pakeang bou taumata sarang singkatau. 34Ana u simbau sisane matitong himoneu dingang u sagheriku sisane ia nuhal᷊i tadeau pia daku puwiahi dingang u manga ghaweku ko nutumuhu dingangku. 35Su l᷊al᷊ung u kaul᷊i u hal᷊i ia seng nangonggo tul᷊ara si kumu himoneu dingang muhal᷊i masagheri kiri'i i kite mambeng mutul᷊ung manga taumata ko seng mal᷊al᷊ongkohi. Watu'u i kite mambeng mutinaung apa ko niul᷊i u Mawu Yesus sisane, ‘Nangilembo mal᷊uasi mangonggo, bou kitang u manarima.’ ”
36Suapang i Paulus nasue didatonge, i sie nusuba dingang i sire kaul᷊ie bou e'e nukal᷊iomaneng. 37I sire kaul᷊ie nusumangi apiru nul᷊ahuku si Paulus dang nangul᷊i sal᷊amati l᷊umal᷊eng. 38I sire nasusa kahingang, nangilembo watu'u i Paulus nangul᷊i ko i sire seng sarung ta makawua sau si sie. Bou e'e i sire nangunturi si sie sarang kapal᷊i.
Currently Selected:
:
Highlight
Share
Copy
Want to have your highlights saved across all your devices? Sign up or sign in