WUKE NGU MANGA RASULI 19
19
I Paulus su Efesus
1Tintal᷊a i Apolos su Korintus, i Paulus mborong kal᷊uhunge nguda u wanua e'e mbuhue nurating u Efesus. Pai se'e i sie nusombang u pirangkatau ko seng nangimang si Yesus. 2I sie nakina si sire, “Manga ana u simbau i kumu seng nakatarima Roh u Mawu Ruata su tempo ngi kumu nangimang si Yesus?” I sire nusumimbahi, “Mborong ta. I kami mborong tangkeng nakaringihi himoneu ko pia Roh u Mawu Ruata.”
3“Boko kere'e, dingang u sasahani apa i kumu seng nisahani?” kakina i Paulus
“Dingang u sasahani ngi Yohanes,” sasimbahi sire.
4 #
Mat. 3:11; Mrk. 1:4,7-8; Luk. 3:4, 16; Yoh. 1:26-27 Bou e'e i Paulus nangul᷊i, “I Yohanes nanahani taumata guna ngu mupakal᷊ahe himoneu manga taumata e'e seng nutobati bou manga dosa i sire. Arawe saritau e'e l᷊ai i Yohanes nuhabari su manga tau Israel himoneu i sire mambeng pangimang su taumata ko sarung sumongo samuri ngi sie, e'e ko I Yesus.”
5Suapang i sire nakaringihi e'e, i sire nisahani su areng u Mawu Yesus. 6Dang su tempo ngi Paulus nanimbo l᷊imange si sire, Roh u Mawu Ruata nangawasa si sire, bou e'e i sire nanita nudidato su l᷊al᷊ung u haghi ngu wisara ko makal᷊aherang dang numbawa habari bou Mawu Ruata. 7Rekenang i sire kaul᷊ie pari manga mapul᷊odua su kataunge.
8Su l᷊al᷊ung u tilu wul᷊ang i Paulus dingang wahani mangkate kapudidatonge su manga taumata su wal᷊e pukakal᷊iomanengang dang nupapangal᷊a dingang i sire guna ngu mupangaking i sire hal᷊i u kirapa Mawu Ruata mamarenta kere Ratu. 9Kateho pirangkatau bou tal᷊oara i sire ko makitihi dang tawe mo mangimang. Su tingo ngu kaul᷊i u taumata ko nukomol᷊i su se'e i sire nuhinakang tintiro hal᷊i u kirou ngu Mawu Ruata guna ngu manal᷊amati taumata bou pul᷊ahal᷊i I Yesus. Watu'u e'e i Paulus nanintang i sire, bou e'e natamai dingang u manga tumatuhu I Yesus sarang tampa pananintirong i Tiranus. Su se'e l᷊ou-l᷊ou i sie musasimbahi dingang u manga taumata.#19:9: Su l᷊al᷊ung u pira mbau wohe horo pia manga didato: bou pukul᷊i 11.00 l᷊ou sarang pukul᷊i 16.00 wawul᷊aeng. 10I sie turusi nukoa hal᷊i e'e dua taung l᷊iwuenge sarang kaul᷊i u taumata ko natana su Propinsi ngu Asia, maning tau Yahudi dang l᷊ai bangsa ko wal᷊inge, kaul᷊ie seng nakaringihi didato ngu Mawu.
Manga ana i Skewa
11Mawu Ruata nukoa manga tatia ko makal᷊aherang ko takoae sihinge bou pul᷊ahal᷊i i Paulus. 12Boko lenso arako tatingguhu l᷊inau nipake i Paulus iwawa sarang manga taumata masasaki, saki i sire mailang dang roh u setang l᷊ai nusumuwang bo i sire. 13Pia pirangkatau tahaundang u tau Yahudi ko kal᷊al᷊enge sarang manga tampa, nanguseri roh ko dal᷊ai bou manga taumata. Manga tahaundang e'e nanuka l᷊ai areng u Mawu Yesus guna ngu manguseri manga roh u setang e'e. I sire nangul᷊i su manga roh u setang e'e, “Su areng I Yesus ko nihabari Paulus e'e ia manguseri si kumu!” 14Pia i sire pitu manga ana kol᷊aese u singkatau tumbonang u imam, arenge i Skewa, ko nukoa hal᷊i kere'e.
15Arawe roh u setang e'e nangul᷊i si sire, “Ia matitong I Yesus dang ia matitong l᷊ai si Paulus, arawe i kumu i'i ko i sai?”
16Bou e'e tau ko nikasukang u setang e'e nul᷊uminso dang nanumbou si sire dingang wahani kahingang sarang i sire nutumal᷊ang bou wal᷊e e'e nal᷊al᷊esi dang natintal᷊ang, watu'u l᷊aku i sire nighaghehe bou badang i sire. 17Kaul᷊i u tau Yahudi l᷊au taumata bou bangsa ko wal᷊inge ko natana su Efesus nakaringihi hal᷊i ko nariadi e'e, bou e'e i sire nasue nataku. Kuteu areng u Mawu Yesus kasaunge nidalo. 18Maul᷊i taumata ko seng nangimang si Yesus, nusumongo nangaku su tingo ngu hape manga kakanoa i sire su tempo nal᷊iu. 19Dang i sire ko tahapupake titong, nangomol᷊i manga buki i sire dang nitutung i sire su tingo ngu taumata maul᷊i. Hariga ngu manga buki e'e boko irekeng kaul᷊ie pari manga l᷊imampul᷊o su hiwunge doi sal᷊aka.#19:19: doi sal᷊aka: simbau doi sal᷊aka ko wawaehi sil᷊ou su singkatau mul᷊ahal᷊i biasa (putuhung Mat. 20:2). 20Kere'e katoghasi hal᷊i e'e hakiu didato ngu Mawu#19:20: Kere … Mawu: arako kuteu dingang kawasang-U Mawu, habari e'e kasaunge nanamba nakeke dang nanamba katoghasi pangarunge.
Gara su Efesus
21Suapang nal᷊iu manga ko seng nariadi e'e, i Paulus namutusi#19:21: I Paulus namutusi: arako i Paulus, dingang u l᷊aaha u Roh, namutusi. makoa sarang Makedonia l᷊au Akhaya bou e'e maturusi sarang Yerusalem. “Bou pai e'e,” angkung i Paulus, “Ia mambeng makoa l᷊ai sarang Roma.” 22Kuteu i sie nundoi dua ngkatau ko musasumbala si sie, i Timotius l᷊au i Erastus guna ngu patamai sarang Makedonia, tintal᷊a i sie natana pira ngkatempo l᷊ai su propinsi ngu Asia.
23Pari su tempo e'e nariadi gara ko l᷊abo su Efesus ual᷊ingu tintiro ngu hal᷊i I Yesus. 24Watu'u su soa e'e pia singkatau mukakoa barang bou sal᷊aka arenge i Demetrius, ko nukoa wal᷊e ngu dewa guna ngu Dewi Artemis. Tawakal᷊i u taumata e'e nakaonggo kauntungang ko l᷊abo suapang mul᷊ahal᷊ie. 25Ual᷊ingu e'e i sie nangomol᷊i manga taumata mul᷊ahal᷊ie singkahindo dingang u mul᷊ahal᷊i i sire ko mukakoa barang bou sal᷊aka ko wal᷊inge, bou e'e nangul᷊i, “Manga ana u simbau! Ana u simbau matitong himoneu i kite makarea l᷊uange bou hal᷊i i'i. 26Su orasi i'i ana u simbau seng nakawua dang nakaringihi sisane apa ko nikoa i Paulus e'e. I sie nangul᷊i, manga dewa ko nikoa u taumata tinga-tingari wal᷊inge Dewa. Dang i sie seng nakawawa taumata maul᷊i nangimang tintironge, wal᷊inge kitang su si'i su Efesus, kateho masandighi su kaul᷊i u wanua ngu Asia i'i l᷊ai. 27Silaka, hambaki kite i'i sarung makarea areng ko dal᷊ai. Dang wal᷊inge kitang e'e, kateho sarang wal᷊e ngi Dewi Artemis sarung tuhungang i sire takoae mangal᷊enge dang kawawantughi sarung l᷊al᷊indang, sumbal᷊i i sie dewi ko il᷊uadateng u patiku taumata su Asia dang su kaul᷊i u dunia!”
28Suapang manga taumata e'e nakaringihi e'e, naung i sire natiti, bou e'e i sire nukumiha, “Kaumuri i Artemis, dewi ngu tau Efesus!” 29Kuteu gara e'e nal᷊abo sarang kaul᷊i u soa. Bou e'e komol᷊ang manga mukakoa gara e'e naname si Gayus dingang i Aristarkhus, ko manga tau Makedonia ko nanumbal᷊i si Paulus su l᷊al᷊al᷊engange, bou e'e i sire nihiuri sarang peleng u soa e'e. 30I Paulus mo musumu mutumuhu si sire rua, kateho manga tau ko mangimang si Yesus pai se'e nanagakang si sie. 31Pira ngkatau tumbonang u Propinsi ngu Asia e'e l᷊ai, ko nughawe ngi Paulus nundoi taumata puhabari si Paulus tadeau i sie kumbahang manode u pahesie su peleng e'e. 32Saritau e'e manga taumata ko nukomol᷊i su peleng e'e seng nusawuhi. Pia ko kakihae kiri'i, pia l᷊ai ko kakihae kere'e, watu'u kaul᷊ikange bo i sire ko wugha apa sabapie i sire nukomol᷊i su se'e. 33Singga bou manga taumata e'e nanika ko i Aleksander nakoa otakie, watu'u ko i sie nisuhuri u manga tau Yahudi e'e sarang saruang. Kuteu i Aleksander nuhengke l᷊imange mundo tempo mangul᷊i u hinonge su saruang u manga taumata e'e. 34Kateho suapang i sire nakawua himoneu i sie ko tau Yahudi, singkahindo i sire nukumiha mauha-uha dua ngkaorasi l᷊iwuenge, “Kaumuri i Artemis, dewi ngu tau Efesus!”
35Panginsuenge panitera ngu soa e'e nakarumasi taumata maul᷊i e'e. I sie nangul᷊i, “Ei, i kumu kaul᷊i u kawanua ngu Efesus! Kaul᷊i u taumata matitong himoneu Efesus ko soa namal᷊ihara wal᷊e ngu Dewi Artemis l᷊au watu ko susi natuntung bou l᷊angi. 36Takoae sarang singkatau makapundendehi hal᷊i e'e. Watu'u e'e karumasie dang kumbahang mukoa apa-apa ko tangkeng nisipiri horo. 37Manga taumata i'i, ko niwawa i kumu sarang i'i wal᷊inge ual᷊ing i sire seng nuhampasi wal᷊e ngu Dewa arako ual᷊ing i sire seng nuhinakang su dewi ngi kite. 38Boko i Demetrius dingang u manga mul᷊ahal᷊i e'e pia manga kabaratange su singkatau, walate i sire pumbawa kabaratang e'e su pangadilang. Pangadilang sadia guna ngu e'e dang manga tumbonang u kawanua l᷊ai sintinia ene. 39Kateho boko mborong pia l᷊ai apa-apa ko wal᷊inge ko ikao i kumu, e'e mambeng urusi kumu su komol᷊ang ko pia pangakuang u taumata maul᷊i. 40Watu'u apa ko nariadi su silou i'i botonge makasilaka si kite. I kite botonge iantang nukoa gara, watu'u i kite takoae punguange sarang simbau guna ngu mupuhino ngu gara i'i.” 41Bou nuhabari kaul᷊ie e'e, mamamohe u soa e'e nangoro taumata maul᷊i e'e pakapul᷊e.
Currently Selected:
WUKE NGU MANGA RASULI 19: PLT
Highlight
Share
Copy
Want to have your highlights saved across all your devices? Sign up or sign in
WUKE NGU MANGA RASULI 19
19
I Paulus su Efesus
1Tintal᷊a i Apolos su Korintus, i Paulus mborong kal᷊uhunge nguda u wanua e'e mbuhue nurating u Efesus. Pai se'e i sie nusombang u pirangkatau ko seng nangimang si Yesus. 2I sie nakina si sire, “Manga ana u simbau i kumu seng nakatarima Roh u Mawu Ruata su tempo ngi kumu nangimang si Yesus?” I sire nusumimbahi, “Mborong ta. I kami mborong tangkeng nakaringihi himoneu ko pia Roh u Mawu Ruata.”
3“Boko kere'e, dingang u sasahani apa i kumu seng nisahani?” kakina i Paulus
“Dingang u sasahani ngi Yohanes,” sasimbahi sire.
4 #
Mat. 3:11; Mrk. 1:4,7-8; Luk. 3:4, 16; Yoh. 1:26-27 Bou e'e i Paulus nangul᷊i, “I Yohanes nanahani taumata guna ngu mupakal᷊ahe himoneu manga taumata e'e seng nutobati bou manga dosa i sire. Arawe saritau e'e l᷊ai i Yohanes nuhabari su manga tau Israel himoneu i sire mambeng pangimang su taumata ko sarung sumongo samuri ngi sie, e'e ko I Yesus.”
5Suapang i sire nakaringihi e'e, i sire nisahani su areng u Mawu Yesus. 6Dang su tempo ngi Paulus nanimbo l᷊imange si sire, Roh u Mawu Ruata nangawasa si sire, bou e'e i sire nanita nudidato su l᷊al᷊ung u haghi ngu wisara ko makal᷊aherang dang numbawa habari bou Mawu Ruata. 7Rekenang i sire kaul᷊ie pari manga mapul᷊odua su kataunge.
8Su l᷊al᷊ung u tilu wul᷊ang i Paulus dingang wahani mangkate kapudidatonge su manga taumata su wal᷊e pukakal᷊iomanengang dang nupapangal᷊a dingang i sire guna ngu mupangaking i sire hal᷊i u kirapa Mawu Ruata mamarenta kere Ratu. 9Kateho pirangkatau bou tal᷊oara i sire ko makitihi dang tawe mo mangimang. Su tingo ngu kaul᷊i u taumata ko nukomol᷊i su se'e i sire nuhinakang tintiro hal᷊i u kirou ngu Mawu Ruata guna ngu manal᷊amati taumata bou pul᷊ahal᷊i I Yesus. Watu'u e'e i Paulus nanintang i sire, bou e'e natamai dingang u manga tumatuhu I Yesus sarang tampa pananintirong i Tiranus. Su se'e l᷊ou-l᷊ou i sie musasimbahi dingang u manga taumata.#19:9: Su l᷊al᷊ung u pira mbau wohe horo pia manga didato: bou pukul᷊i 11.00 l᷊ou sarang pukul᷊i 16.00 wawul᷊aeng. 10I sie turusi nukoa hal᷊i e'e dua taung l᷊iwuenge sarang kaul᷊i u taumata ko natana su Propinsi ngu Asia, maning tau Yahudi dang l᷊ai bangsa ko wal᷊inge, kaul᷊ie seng nakaringihi didato ngu Mawu.
Manga ana i Skewa
11Mawu Ruata nukoa manga tatia ko makal᷊aherang ko takoae sihinge bou pul᷊ahal᷊i i Paulus. 12Boko lenso arako tatingguhu l᷊inau nipake i Paulus iwawa sarang manga taumata masasaki, saki i sire mailang dang roh u setang l᷊ai nusumuwang bo i sire. 13Pia pirangkatau tahaundang u tau Yahudi ko kal᷊al᷊enge sarang manga tampa, nanguseri roh ko dal᷊ai bou manga taumata. Manga tahaundang e'e nanuka l᷊ai areng u Mawu Yesus guna ngu manguseri manga roh u setang e'e. I sire nangul᷊i su manga roh u setang e'e, “Su areng I Yesus ko nihabari Paulus e'e ia manguseri si kumu!” 14Pia i sire pitu manga ana kol᷊aese u singkatau tumbonang u imam, arenge i Skewa, ko nukoa hal᷊i kere'e.
15Arawe roh u setang e'e nangul᷊i si sire, “Ia matitong I Yesus dang ia matitong l᷊ai si Paulus, arawe i kumu i'i ko i sai?”
16Bou e'e tau ko nikasukang u setang e'e nul᷊uminso dang nanumbou si sire dingang wahani kahingang sarang i sire nutumal᷊ang bou wal᷊e e'e nal᷊al᷊esi dang natintal᷊ang, watu'u l᷊aku i sire nighaghehe bou badang i sire. 17Kaul᷊i u tau Yahudi l᷊au taumata bou bangsa ko wal᷊inge ko natana su Efesus nakaringihi hal᷊i ko nariadi e'e, bou e'e i sire nasue nataku. Kuteu areng u Mawu Yesus kasaunge nidalo. 18Maul᷊i taumata ko seng nangimang si Yesus, nusumongo nangaku su tingo ngu hape manga kakanoa i sire su tempo nal᷊iu. 19Dang i sire ko tahapupake titong, nangomol᷊i manga buki i sire dang nitutung i sire su tingo ngu taumata maul᷊i. Hariga ngu manga buki e'e boko irekeng kaul᷊ie pari manga l᷊imampul᷊o su hiwunge doi sal᷊aka.#19:19: doi sal᷊aka: simbau doi sal᷊aka ko wawaehi sil᷊ou su singkatau mul᷊ahal᷊i biasa (putuhung Mat. 20:2). 20Kere'e katoghasi hal᷊i e'e hakiu didato ngu Mawu#19:20: Kere … Mawu: arako kuteu dingang kawasang-U Mawu, habari e'e kasaunge nanamba nakeke dang nanamba katoghasi pangarunge.
Gara su Efesus
21Suapang nal᷊iu manga ko seng nariadi e'e, i Paulus namutusi#19:21: I Paulus namutusi: arako i Paulus, dingang u l᷊aaha u Roh, namutusi. makoa sarang Makedonia l᷊au Akhaya bou e'e maturusi sarang Yerusalem. “Bou pai e'e,” angkung i Paulus, “Ia mambeng makoa l᷊ai sarang Roma.” 22Kuteu i sie nundoi dua ngkatau ko musasumbala si sie, i Timotius l᷊au i Erastus guna ngu patamai sarang Makedonia, tintal᷊a i sie natana pira ngkatempo l᷊ai su propinsi ngu Asia.
23Pari su tempo e'e nariadi gara ko l᷊abo su Efesus ual᷊ingu tintiro ngu hal᷊i I Yesus. 24Watu'u su soa e'e pia singkatau mukakoa barang bou sal᷊aka arenge i Demetrius, ko nukoa wal᷊e ngu dewa guna ngu Dewi Artemis. Tawakal᷊i u taumata e'e nakaonggo kauntungang ko l᷊abo suapang mul᷊ahal᷊ie. 25Ual᷊ingu e'e i sie nangomol᷊i manga taumata mul᷊ahal᷊ie singkahindo dingang u mul᷊ahal᷊i i sire ko mukakoa barang bou sal᷊aka ko wal᷊inge, bou e'e nangul᷊i, “Manga ana u simbau! Ana u simbau matitong himoneu i kite makarea l᷊uange bou hal᷊i i'i. 26Su orasi i'i ana u simbau seng nakawua dang nakaringihi sisane apa ko nikoa i Paulus e'e. I sie nangul᷊i, manga dewa ko nikoa u taumata tinga-tingari wal᷊inge Dewa. Dang i sie seng nakawawa taumata maul᷊i nangimang tintironge, wal᷊inge kitang su si'i su Efesus, kateho masandighi su kaul᷊i u wanua ngu Asia i'i l᷊ai. 27Silaka, hambaki kite i'i sarung makarea areng ko dal᷊ai. Dang wal᷊inge kitang e'e, kateho sarang wal᷊e ngi Dewi Artemis sarung tuhungang i sire takoae mangal᷊enge dang kawawantughi sarung l᷊al᷊indang, sumbal᷊i i sie dewi ko il᷊uadateng u patiku taumata su Asia dang su kaul᷊i u dunia!”
28Suapang manga taumata e'e nakaringihi e'e, naung i sire natiti, bou e'e i sire nukumiha, “Kaumuri i Artemis, dewi ngu tau Efesus!” 29Kuteu gara e'e nal᷊abo sarang kaul᷊i u soa. Bou e'e komol᷊ang manga mukakoa gara e'e naname si Gayus dingang i Aristarkhus, ko manga tau Makedonia ko nanumbal᷊i si Paulus su l᷊al᷊al᷊engange, bou e'e i sire nihiuri sarang peleng u soa e'e. 30I Paulus mo musumu mutumuhu si sire rua, kateho manga tau ko mangimang si Yesus pai se'e nanagakang si sie. 31Pira ngkatau tumbonang u Propinsi ngu Asia e'e l᷊ai, ko nughawe ngi Paulus nundoi taumata puhabari si Paulus tadeau i sie kumbahang manode u pahesie su peleng e'e. 32Saritau e'e manga taumata ko nukomol᷊i su peleng e'e seng nusawuhi. Pia ko kakihae kiri'i, pia l᷊ai ko kakihae kere'e, watu'u kaul᷊ikange bo i sire ko wugha apa sabapie i sire nukomol᷊i su se'e. 33Singga bou manga taumata e'e nanika ko i Aleksander nakoa otakie, watu'u ko i sie nisuhuri u manga tau Yahudi e'e sarang saruang. Kuteu i Aleksander nuhengke l᷊imange mundo tempo mangul᷊i u hinonge su saruang u manga taumata e'e. 34Kateho suapang i sire nakawua himoneu i sie ko tau Yahudi, singkahindo i sire nukumiha mauha-uha dua ngkaorasi l᷊iwuenge, “Kaumuri i Artemis, dewi ngu tau Efesus!”
35Panginsuenge panitera ngu soa e'e nakarumasi taumata maul᷊i e'e. I sie nangul᷊i, “Ei, i kumu kaul᷊i u kawanua ngu Efesus! Kaul᷊i u taumata matitong himoneu Efesus ko soa namal᷊ihara wal᷊e ngu Dewi Artemis l᷊au watu ko susi natuntung bou l᷊angi. 36Takoae sarang singkatau makapundendehi hal᷊i e'e. Watu'u e'e karumasie dang kumbahang mukoa apa-apa ko tangkeng nisipiri horo. 37Manga taumata i'i, ko niwawa i kumu sarang i'i wal᷊inge ual᷊ing i sire seng nuhampasi wal᷊e ngu Dewa arako ual᷊ing i sire seng nuhinakang su dewi ngi kite. 38Boko i Demetrius dingang u manga mul᷊ahal᷊i e'e pia manga kabaratange su singkatau, walate i sire pumbawa kabaratang e'e su pangadilang. Pangadilang sadia guna ngu e'e dang manga tumbonang u kawanua l᷊ai sintinia ene. 39Kateho boko mborong pia l᷊ai apa-apa ko wal᷊inge ko ikao i kumu, e'e mambeng urusi kumu su komol᷊ang ko pia pangakuang u taumata maul᷊i. 40Watu'u apa ko nariadi su silou i'i botonge makasilaka si kite. I kite botonge iantang nukoa gara, watu'u i kite takoae punguange sarang simbau guna ngu mupuhino ngu gara i'i.” 41Bou nuhabari kaul᷊ie e'e, mamamohe u soa e'e nangoro taumata maul᷊i e'e pakapul᷊e.
Currently Selected:
:
Highlight
Share
Copy
Want to have your highlights saved across all your devices? Sign up or sign in