WUKE NGU MANGA RASULI 18
18
Su Korintus
1Bou e'e i Paulus nanintang u Atena dang nakoa sarang Korintus. 2Su se'e i sie nusombang u singkatau Yahudi arenge i Akwila, asal᷊ie bou soa ngu Pontus. I Akwila mbuhue nasongo bou Italia dingang kawinge i Priskila. I sire namai sarang Korintus watu'u i Kaisari Klaudius nuparenta manga tau Yahudi pasuwang bou Roma. I Paulus natamai nutiwo si sire rua, 3bou e'e natana su se'e dingang i sire dang nuhal᷊i singkahal᷊i dingang i sire, watu'u hambaki sire musul᷊ung dingang i Paulus, ko tahakoa kema. 4Arawe suapang l᷊ou ngu Sabati, i Paulus nakoa sarang wal᷊e pukakal᷊iomanengang kapudidatonge tadeau mukoa manga tau Yahudi l᷊au manga tau Yunani, mangimang si Yesus.
5Suapang i Silas l᷊au i Timotius nasongo bou Makedonia, i Paulus nupake kaul᷊i u temponge guna ngu muhabari habari bou Mawu Ruata su manga tau Yahudi himoneu seng I Yesus e'e Ratu Mananal᷊amati ko nidiandi ngu Mawu Ruata. 6Kateho ual᷊ingu manga taumata mang ta mangiro mundoka dang mupakamea ngi sie, kuteu i Paulus nanontong awu bou pakeange nakoa kere tatia l᷊aonggo ingati si sire su hal᷊i u dosa ngi sire. I sie nangul᷊i, “Boko i kumu masilaka, e'e seng sal᷊a ngi kumu! Ia seng wugha! Manita bou orasi i'i ia seng makoa sarang manga taumata ko wal᷊inge tau Yahudi.” 7Bou e'e i Paulus nanintang i sire dang natamai natana su wal᷊e ko su simbuka ngu wal᷊e pukakal᷊iomanengang e'e. Wal᷊e e'e wal᷊e ngu singkatau ko wal᷊inge tau Yahudi, kateho i sie manumba Mawu Ruata. Areng u tau e'e i Titius Yustus. 8Arawe i Krispus, tumbonang u wal᷊e pukakal᷊iomanengang e'e dingang u kaul᷊ie manga ko su wal᷊enge nangimang su Mawu Yesus. Dang maul᷊i l᷊ai manga tau Korintus ko wal᷊inge nakaringihi habari ko niwawa i Paulus, dang i sire nangimang si Yesus bou e'e nisahani.
9Pia su sihuwi su l᷊al᷊ung u simbau kawawua, Mawu nangul᷊i si Paulus, “Ariwe kataku! Puwisarate turusi dang kumbahang marumasi. 10Watu'u Ia mahundingang i kau. Takoae sarang singkatau ko makapukoa ko dal᷊ai si kau, watu'u maul᷊i taumata su soa i'i ko manga taumata-Ku.” 11Ual᷊ingu e'e i Paulus natana su Korintus sintaung stenga l᷊iwuenge dang nanintiro didato ngu Mawu Ruata si sire.
12Su tempo i Galio nakoa Gubernur u Akhaya, manga tau Yahudi nusingkanaung nundoka si Paulus dang numbawa si sie sarang pangadilang. 13I sire numbawa kabaratang i sire kiri'i, “Tau i'i nangaha taumata maul᷊i tadeau panumba Mawu Ruata dingang u l᷊al᷊eng ko mutatintang dingang u atorang i Musa!”
14Suapang i Paulus seng sumimbahi, i Galio seng nangul᷊i su manga tau Yahudi, “Ei, i kumu manga tau Yahudi! Kiko ko nipukabaratang i'i ko simbau l᷊al᷊awang arako simbau ko dal᷊ai, mang hinonge ia musabari mundaringihi kabaratang i kumu i'i. 15Kateho i'i ko purarendehi hal᷊i u manga didato dang manga areng l᷊au u manga atorang i kumu ha. Inau i kumute pangurusi. Ia mandi mangurusi manga hal᷊i ko kiri'i!” 16Bou e'e i Galio nanokol᷊i si sire pasuwang. 17Kuteu i sire naname si Sostenes, tumbonang u wal᷊e pukakal᷊iomanengang e'e, dang nundariha si sie su tingo ngu meda pangadilang. Kateho i Galio mang ta kadionge nusumpi u hal᷊i e'e.
I Paulus nusul᷊e sarang Antiokhia
18 #
Rek. 6:18
Bou e'e i Paulus mborong natana mal᷊iwue su Korintus. Mbuhue i sie naghilei suapang tau ko mangimang su se'e, bou e'e namundal᷊i dingang i Priskila l᷊au i Akwila sarang Siria. Su Kengkrea, i Paulus nul᷊ungguhi utae ko seng niwalae nanandu ual᷊ingu kirounge su Mawu.#18:18: kirounge su Mawu: Tumuhu adati Yahudi, mul᷊inggi uta ko tatia himoneu diandi simbau seng nikoa. 19Suapang nurating u Efesus, i Paulus nanintang i Priskila l᷊au i Akwila, bou e'e nusumu su wal᷊e pukakal᷊iomanengang dang nutatukari sipirang dingang u manga tau Yahudi su se'e. 20I sire nundo si sie tadeau patana dio pakal᷊iwue dingang i sire, kateho i sie seng mandi. 21Maning kere'e, su tempo i sie seng muwua, i sie nangul᷊i, “Boko Mawu Ruata mupakawala, ia sarung sau musul᷊e sarang i'i.” Bou nangul᷊i kere'e, i sie nuwua sarang Efesus.
22Suapang nal᷊intu su Kaisarea, i sie nakoa sarang Yerusalem nutiwo jamaati pai se'e, mbuhue nanurusi sarang Antiokhia. 23Suapang natana su se'e pira ngkatempo, i sie sau nuwua sarang wanua ngu Galatia l᷊au Frigia guna ngu mupakatoghasi pangangimang u manga taumata ko mangimang.
I Apolos su Efesus dang su Korintus
24Tintal᷊a e'e, pia singkatau Yahudi nusumongo su Efesus. I sie nipahinding su Aleksandria arenge i Apolos. I sie ko pande mudidato dang matitong kahingang tataho u Buki Susi, 25l᷊au seng mbuae nitintiro guna ngu mukil᷊al᷊a tintiro hal᷊i I Yesus. Kuteu dingang u kao ko l᷊abo-l᷊abo i sie nanintiro maudupi hal᷊i I Yesus, maningwe mbuhue sasahani ngi Yohanes kitang titonge. 26Dingang wahani i Apolos nanita nudidato su wal᷊e pukakal᷊iomanengang dang su tempo i Priskila l᷊au i Akwila nakaringihi tintironge, i sire rua numbawa si sie sarang wal᷊e. Pai se'e i sire nanarangkang si sie nangilembo mal᷊ahe l᷊ai hal᷊i u kirou ngu Mawu Ruata guna ngu manal᷊amati taumata bou pul᷊ahal᷊i I Yesus. 27Bou e'e i Apolos pia pandunge makoa sarang Akhaya. Kuteu manga taumata ko mangimang si Yesus su Efesus nanurati su manga ana u simbau ko mangimang su Akhaya tadeau i sire panarima si Apolos. Dang su tempo i Apolos nasongo su Akhaya, nikakil᷊al᷊a tul᷊umange pia gunange ko l᷊abo su manga taumata ko ual᷊ingu al᷊amatiu Mawu Ruata seng nangimang si Yesus. 28Watu'u dingang mahuntimari kahingang, i Apolos nakawata manga tau Yahudi su l᷊al᷊ung u manga purarendehi su tingo ngu hape. Dang i sie nupakal᷊ahe dingang u manga ayeti bou Buki Susi himoneu seng I Yesus e'e Ratu Mananal᷊amati ko nipudiandi.
Currently Selected:
WUKE NGU MANGA RASULI 18: PLT
Highlight
Share
Copy
Want to have your highlights saved across all your devices? Sign up or sign in
WUKE NGU MANGA RASULI 18
18
Su Korintus
1Bou e'e i Paulus nanintang u Atena dang nakoa sarang Korintus. 2Su se'e i sie nusombang u singkatau Yahudi arenge i Akwila, asal᷊ie bou soa ngu Pontus. I Akwila mbuhue nasongo bou Italia dingang kawinge i Priskila. I sire namai sarang Korintus watu'u i Kaisari Klaudius nuparenta manga tau Yahudi pasuwang bou Roma. I Paulus natamai nutiwo si sire rua, 3bou e'e natana su se'e dingang i sire dang nuhal᷊i singkahal᷊i dingang i sire, watu'u hambaki sire musul᷊ung dingang i Paulus, ko tahakoa kema. 4Arawe suapang l᷊ou ngu Sabati, i Paulus nakoa sarang wal᷊e pukakal᷊iomanengang kapudidatonge tadeau mukoa manga tau Yahudi l᷊au manga tau Yunani, mangimang si Yesus.
5Suapang i Silas l᷊au i Timotius nasongo bou Makedonia, i Paulus nupake kaul᷊i u temponge guna ngu muhabari habari bou Mawu Ruata su manga tau Yahudi himoneu seng I Yesus e'e Ratu Mananal᷊amati ko nidiandi ngu Mawu Ruata. 6Kateho ual᷊ingu manga taumata mang ta mangiro mundoka dang mupakamea ngi sie, kuteu i Paulus nanontong awu bou pakeange nakoa kere tatia l᷊aonggo ingati si sire su hal᷊i u dosa ngi sire. I sie nangul᷊i, “Boko i kumu masilaka, e'e seng sal᷊a ngi kumu! Ia seng wugha! Manita bou orasi i'i ia seng makoa sarang manga taumata ko wal᷊inge tau Yahudi.” 7Bou e'e i Paulus nanintang i sire dang natamai natana su wal᷊e ko su simbuka ngu wal᷊e pukakal᷊iomanengang e'e. Wal᷊e e'e wal᷊e ngu singkatau ko wal᷊inge tau Yahudi, kateho i sie manumba Mawu Ruata. Areng u tau e'e i Titius Yustus. 8Arawe i Krispus, tumbonang u wal᷊e pukakal᷊iomanengang e'e dingang u kaul᷊ie manga ko su wal᷊enge nangimang su Mawu Yesus. Dang maul᷊i l᷊ai manga tau Korintus ko wal᷊inge nakaringihi habari ko niwawa i Paulus, dang i sire nangimang si Yesus bou e'e nisahani.
9Pia su sihuwi su l᷊al᷊ung u simbau kawawua, Mawu nangul᷊i si Paulus, “Ariwe kataku! Puwisarate turusi dang kumbahang marumasi. 10Watu'u Ia mahundingang i kau. Takoae sarang singkatau ko makapukoa ko dal᷊ai si kau, watu'u maul᷊i taumata su soa i'i ko manga taumata-Ku.” 11Ual᷊ingu e'e i Paulus natana su Korintus sintaung stenga l᷊iwuenge dang nanintiro didato ngu Mawu Ruata si sire.
12Su tempo i Galio nakoa Gubernur u Akhaya, manga tau Yahudi nusingkanaung nundoka si Paulus dang numbawa si sie sarang pangadilang. 13I sire numbawa kabaratang i sire kiri'i, “Tau i'i nangaha taumata maul᷊i tadeau panumba Mawu Ruata dingang u l᷊al᷊eng ko mutatintang dingang u atorang i Musa!”
14Suapang i Paulus seng sumimbahi, i Galio seng nangul᷊i su manga tau Yahudi, “Ei, i kumu manga tau Yahudi! Kiko ko nipukabaratang i'i ko simbau l᷊al᷊awang arako simbau ko dal᷊ai, mang hinonge ia musabari mundaringihi kabaratang i kumu i'i. 15Kateho i'i ko purarendehi hal᷊i u manga didato dang manga areng l᷊au u manga atorang i kumu ha. Inau i kumute pangurusi. Ia mandi mangurusi manga hal᷊i ko kiri'i!” 16Bou e'e i Galio nanokol᷊i si sire pasuwang. 17Kuteu i sire naname si Sostenes, tumbonang u wal᷊e pukakal᷊iomanengang e'e, dang nundariha si sie su tingo ngu meda pangadilang. Kateho i Galio mang ta kadionge nusumpi u hal᷊i e'e.
I Paulus nusul᷊e sarang Antiokhia
18 #
Rek. 6:18
Bou e'e i Paulus mborong natana mal᷊iwue su Korintus. Mbuhue i sie naghilei suapang tau ko mangimang su se'e, bou e'e namundal᷊i dingang i Priskila l᷊au i Akwila sarang Siria. Su Kengkrea, i Paulus nul᷊ungguhi utae ko seng niwalae nanandu ual᷊ingu kirounge su Mawu.#18:18: kirounge su Mawu: Tumuhu adati Yahudi, mul᷊inggi uta ko tatia himoneu diandi simbau seng nikoa. 19Suapang nurating u Efesus, i Paulus nanintang i Priskila l᷊au i Akwila, bou e'e nusumu su wal᷊e pukakal᷊iomanengang dang nutatukari sipirang dingang u manga tau Yahudi su se'e. 20I sire nundo si sie tadeau patana dio pakal᷊iwue dingang i sire, kateho i sie seng mandi. 21Maning kere'e, su tempo i sie seng muwua, i sie nangul᷊i, “Boko Mawu Ruata mupakawala, ia sarung sau musul᷊e sarang i'i.” Bou nangul᷊i kere'e, i sie nuwua sarang Efesus.
22Suapang nal᷊intu su Kaisarea, i sie nakoa sarang Yerusalem nutiwo jamaati pai se'e, mbuhue nanurusi sarang Antiokhia. 23Suapang natana su se'e pira ngkatempo, i sie sau nuwua sarang wanua ngu Galatia l᷊au Frigia guna ngu mupakatoghasi pangangimang u manga taumata ko mangimang.
I Apolos su Efesus dang su Korintus
24Tintal᷊a e'e, pia singkatau Yahudi nusumongo su Efesus. I sie nipahinding su Aleksandria arenge i Apolos. I sie ko pande mudidato dang matitong kahingang tataho u Buki Susi, 25l᷊au seng mbuae nitintiro guna ngu mukil᷊al᷊a tintiro hal᷊i I Yesus. Kuteu dingang u kao ko l᷊abo-l᷊abo i sie nanintiro maudupi hal᷊i I Yesus, maningwe mbuhue sasahani ngi Yohanes kitang titonge. 26Dingang wahani i Apolos nanita nudidato su wal᷊e pukakal᷊iomanengang dang su tempo i Priskila l᷊au i Akwila nakaringihi tintironge, i sire rua numbawa si sie sarang wal᷊e. Pai se'e i sire nanarangkang si sie nangilembo mal᷊ahe l᷊ai hal᷊i u kirou ngu Mawu Ruata guna ngu manal᷊amati taumata bou pul᷊ahal᷊i I Yesus. 27Bou e'e i Apolos pia pandunge makoa sarang Akhaya. Kuteu manga taumata ko mangimang si Yesus su Efesus nanurati su manga ana u simbau ko mangimang su Akhaya tadeau i sire panarima si Apolos. Dang su tempo i Apolos nasongo su Akhaya, nikakil᷊al᷊a tul᷊umange pia gunange ko l᷊abo su manga taumata ko ual᷊ingu al᷊amatiu Mawu Ruata seng nangimang si Yesus. 28Watu'u dingang mahuntimari kahingang, i Apolos nakawata manga tau Yahudi su l᷊al᷊ung u manga purarendehi su tingo ngu hape. Dang i sie nupakal᷊ahe dingang u manga ayeti bou Buki Susi himoneu seng I Yesus e'e Ratu Mananal᷊amati ko nipudiandi.
Currently Selected:
:
Highlight
Share
Copy
Want to have your highlights saved across all your devices? Sign up or sign in