1 KORINTUS 3
3
Manga L᷊ang u Mawu Ruata
1Manga ana u simbau, tumuhu hinonge ia ko ta makakoa mudidato dingang i kumu kere dingang u taumata ko pia Roh u Mawu Ruata. Ia kitang makadidato dingang i kumu kere dingang u taumata ko mborong kapuwiahi katuhue kao u dunia; kere dingang u taumata ko mborong kasusunge su l᷊al᷊ung u pangangimange si Kristus. 2#Ibr. 5:12-13Ndahuwite ia kitang makaonggo si kumu kang u dario ko kasusunge, wal᷊inge kang u taumata ko matilang; watu'u i kumu mborong ta tumaniu matoghasi guna ngu e'e. Kateho i'i l᷊ai i kumu mborong tangkeng matoghasi guna ngu e'e, 3watu'u i kumu mborong kapuwiahi katuhue tabieti kumu kere taumata. Watu'u boko i kumu mborong masaki naung dang kapukakokange simbau dingang ko wal᷊inge, wal᷊inge e'e mupakal᷊ahe himoneu i kumu mborong kapuwiahi katuhue tabieti taumata. Kere manga taumata ko wugha ngu Mawu Ruata? 4#1Kor. 1:12Boko pia ko mangul᷊i, “I kami tumuhu si Paulus,” dang ko wal᷊inge mangul᷊i, “Ia tumuhu si Apolos,” wal᷊inge e'e mupakal᷊ahe himoneu kakanoa i kumu kere manga taumata ngu dunia?
5Tuhu hinonge ko i sai i Apolos e'e? Dang ko i sai i Paulus? I kami kitang u manga l᷊ang u Mawu Ruata, ko seng nangaha si kumu tadeau mangimang si Kristus. I kami kitang nupal᷊al᷊eng u hal᷊i ko pakihal᷊ikang u Mawu si kami singkatau-singkatau. 6#Wuk. 18:4-11,24-28Ia nusuang dang i Apolos naniwohi, kateho Mawu Ruata sisane ko nupatuwo ngu sasuange. 7Inau kal᷊abokange ko Mawu Ruata, watu'u ko I Sie nupatuwo. Ko nusuang dang ko naniwohi wal᷊inge kahimotongange; 8I sire rua ko musul᷊ung. Singkatau-singkatau sarung makatarima u l᷊uang u sagheri. 9I kami manga taumata ko kahal᷊ie singkahal᷊i guna ngu Mawu Ruata; dang i kumu ko kere anseri u Mawu Ruata
I kumu l᷊ai musul᷊ung u bangunang Mawu Ruata l᷊ai 10Dingang u kapapande ko nionggo u Mawu Ruata, ia kere'e mapapande ngu bangunang seng namilo pondasi guna ngu bangunang e'e, dang taumata ko wal᷊inge nupararisi bangunang su wawo u pondasi e'e. Apang taumata mambeng mutuhung pakapia-pia kirapa i sie nupararisi su wawo u pondasi e'e. 11Watu'u Mawu Ruata sisane seng namilo I Yesus Kristus, kere pondasi mang simbau guna ngu bangunang e'e; takoae pondasi ko wal᷊inge. 12Pia ko nupararisi su pondasi e'e dingang nupake u wul᷊aeng, pia ko nupake u sal᷊aka, pia ko nupake u watu intang, pia l᷊ai ko nupake u kau, onasi ko nahango arako l᷊ai rahami. 13Hal᷊i u singkatau-singkatau hindo sarung ikawua su tempo I Kristus sau sumongo. Watu'u su l᷊ou e'e putung sarung makakoa hal᷊i u taumata singkatau-singkatau ikawua. Putung e'e sarung manguji dang manantu mangal᷊eng u hal᷊i e'e. 14Boko bangunang nipararisi u taumata su wawo u pondasi e'e matahang su putung, taumata e'e sarung manarima l᷊uange. 15Kateho boko hal᷊i u taumata natutung, i sie sarung marugi; i sie sisane sarung mal᷊iwiri, kateho musul᷊ung u taumata ko nakal᷊iso bou putung.
16 #
1Kor. 6:19; 2Kor. 6:16 Apa i kumu matitong himoneu i kumu ko Wal᷊e ngu Mawu Ruata? Dang Roh u Mawu Ruata natana su l᷊al᷊ung i kumu? 17Boko pia taumata ko munggoghahi Wal᷊e ngu Mawu Ruata, Mawu Ruata l᷊ai sarung munggoghahi taumata e'e. Watu Wal᷊e ngu Mawu Ruata, nitilahi guna ngu Mawu Ruata, dang ko i kumu wal᷊e e'e.
18Kumbahang sarang singkatau mangakal᷊i watangenge sisane. Boko pia taumata su tal᷊oara i kumu mupundang u watangenge ko pilesa tumuhu ukurang u dunia i'i taumata e'e mambeng makoa ko l᷊ongong, tadeau i sie tinga-tingari makoa ko pilesa. 19#Ayb. 5:13Watu'u ko pilesa itikau dunia i'i arawe su mata ngu Mawu Ruata ko l᷊ongong. Su l᷊al᷊ung u Buki Susi mawawohe, “Mawu Ruata maname apang taumata ko pilesa su l᷊al᷊ung u kapapande ngi sire sisane.” 20#Mzm. 94:11Pia kawawohe l᷊ai kiri'i, “Mawu matitong himoneu sipirang u apang taumata ko pilesa e'e ko sipirang takoae mangal᷊enge.” 21Ual᷊ingu e'e, kumbahang sarang singkatau ko muhengke-hengke u taumata, watu'u kaul᷊ie seng nionggo nakoa koa i kumu: 22i Paulus, i Apolos, i Petrus, dunia i'i, puwawiahi dang papate, tempo i'i arako l᷊ai tempo ko kasongonge, kaul᷊ie ko koa i kumu. 23Dang i kumu ko koa I Kristus, dang I Kristus ko koa u Mawu Ruata.
Currently Selected:
1 KORINTUS 3: PLT
Highlight
Share
Copy
Want to have your highlights saved across all your devices? Sign up or sign in
1 KORINTUS 3
3
Manga L᷊ang u Mawu Ruata
1Manga ana u simbau, tumuhu hinonge ia ko ta makakoa mudidato dingang i kumu kere dingang u taumata ko pia Roh u Mawu Ruata. Ia kitang makadidato dingang i kumu kere dingang u taumata ko mborong kapuwiahi katuhue kao u dunia; kere dingang u taumata ko mborong kasusunge su l᷊al᷊ung u pangangimange si Kristus. 2#Ibr. 5:12-13Ndahuwite ia kitang makaonggo si kumu kang u dario ko kasusunge, wal᷊inge kang u taumata ko matilang; watu'u i kumu mborong ta tumaniu matoghasi guna ngu e'e. Kateho i'i l᷊ai i kumu mborong tangkeng matoghasi guna ngu e'e, 3watu'u i kumu mborong kapuwiahi katuhue tabieti kumu kere taumata. Watu'u boko i kumu mborong masaki naung dang kapukakokange simbau dingang ko wal᷊inge, wal᷊inge e'e mupakal᷊ahe himoneu i kumu mborong kapuwiahi katuhue tabieti taumata. Kere manga taumata ko wugha ngu Mawu Ruata? 4#1Kor. 1:12Boko pia ko mangul᷊i, “I kami tumuhu si Paulus,” dang ko wal᷊inge mangul᷊i, “Ia tumuhu si Apolos,” wal᷊inge e'e mupakal᷊ahe himoneu kakanoa i kumu kere manga taumata ngu dunia?
5Tuhu hinonge ko i sai i Apolos e'e? Dang ko i sai i Paulus? I kami kitang u manga l᷊ang u Mawu Ruata, ko seng nangaha si kumu tadeau mangimang si Kristus. I kami kitang nupal᷊al᷊eng u hal᷊i ko pakihal᷊ikang u Mawu si kami singkatau-singkatau. 6#Wuk. 18:4-11,24-28Ia nusuang dang i Apolos naniwohi, kateho Mawu Ruata sisane ko nupatuwo ngu sasuange. 7Inau kal᷊abokange ko Mawu Ruata, watu'u ko I Sie nupatuwo. Ko nusuang dang ko naniwohi wal᷊inge kahimotongange; 8I sire rua ko musul᷊ung. Singkatau-singkatau sarung makatarima u l᷊uang u sagheri. 9I kami manga taumata ko kahal᷊ie singkahal᷊i guna ngu Mawu Ruata; dang i kumu ko kere anseri u Mawu Ruata
I kumu l᷊ai musul᷊ung u bangunang Mawu Ruata l᷊ai 10Dingang u kapapande ko nionggo u Mawu Ruata, ia kere'e mapapande ngu bangunang seng namilo pondasi guna ngu bangunang e'e, dang taumata ko wal᷊inge nupararisi bangunang su wawo u pondasi e'e. Apang taumata mambeng mutuhung pakapia-pia kirapa i sie nupararisi su wawo u pondasi e'e. 11Watu'u Mawu Ruata sisane seng namilo I Yesus Kristus, kere pondasi mang simbau guna ngu bangunang e'e; takoae pondasi ko wal᷊inge. 12Pia ko nupararisi su pondasi e'e dingang nupake u wul᷊aeng, pia ko nupake u sal᷊aka, pia ko nupake u watu intang, pia l᷊ai ko nupake u kau, onasi ko nahango arako l᷊ai rahami. 13Hal᷊i u singkatau-singkatau hindo sarung ikawua su tempo I Kristus sau sumongo. Watu'u su l᷊ou e'e putung sarung makakoa hal᷊i u taumata singkatau-singkatau ikawua. Putung e'e sarung manguji dang manantu mangal᷊eng u hal᷊i e'e. 14Boko bangunang nipararisi u taumata su wawo u pondasi e'e matahang su putung, taumata e'e sarung manarima l᷊uange. 15Kateho boko hal᷊i u taumata natutung, i sie sarung marugi; i sie sisane sarung mal᷊iwiri, kateho musul᷊ung u taumata ko nakal᷊iso bou putung.
16 #
1Kor. 6:19; 2Kor. 6:16 Apa i kumu matitong himoneu i kumu ko Wal᷊e ngu Mawu Ruata? Dang Roh u Mawu Ruata natana su l᷊al᷊ung i kumu? 17Boko pia taumata ko munggoghahi Wal᷊e ngu Mawu Ruata, Mawu Ruata l᷊ai sarung munggoghahi taumata e'e. Watu Wal᷊e ngu Mawu Ruata, nitilahi guna ngu Mawu Ruata, dang ko i kumu wal᷊e e'e.
18Kumbahang sarang singkatau mangakal᷊i watangenge sisane. Boko pia taumata su tal᷊oara i kumu mupundang u watangenge ko pilesa tumuhu ukurang u dunia i'i taumata e'e mambeng makoa ko l᷊ongong, tadeau i sie tinga-tingari makoa ko pilesa. 19#Ayb. 5:13Watu'u ko pilesa itikau dunia i'i arawe su mata ngu Mawu Ruata ko l᷊ongong. Su l᷊al᷊ung u Buki Susi mawawohe, “Mawu Ruata maname apang taumata ko pilesa su l᷊al᷊ung u kapapande ngi sire sisane.” 20#Mzm. 94:11Pia kawawohe l᷊ai kiri'i, “Mawu matitong himoneu sipirang u apang taumata ko pilesa e'e ko sipirang takoae mangal᷊enge.” 21Ual᷊ingu e'e, kumbahang sarang singkatau ko muhengke-hengke u taumata, watu'u kaul᷊ie seng nionggo nakoa koa i kumu: 22i Paulus, i Apolos, i Petrus, dunia i'i, puwawiahi dang papate, tempo i'i arako l᷊ai tempo ko kasongonge, kaul᷊ie ko koa i kumu. 23Dang i kumu ko koa I Kristus, dang I Kristus ko koa u Mawu Ruata.
Currently Selected:
:
Highlight
Share
Copy
Want to have your highlights saved across all your devices? Sign up or sign in