1 KORINTUS 2
2
Habari hal᷊i u papateng I Kristus su salipi
1Manga ana u simbau! Su tempo ia nusumongo sarang koa i kumu dang muhabari si kumu hal᷊i u kirou ngu Mawu Ruata ko tangkeng nikatitonang u dunia,#2:1: kirou ngu Mawu Ruata ko tangkeng nikatitonang u dunia: pira mbau wohe horo: kasaksiang hal᷊i u Mawu Ruata. ia ta nupake u kapapilesa ngu dunia i'i arako nuwisara dingang u didato ko takoae mangal᷊enge. 2Watu'u ia seng nangantighi himoneu su kanandu ia ene dingang i kumu ia ta sarung muhabari manga apa, su l᷊ikuru hal᷊i I Yesus Kristus; kitang muhabari I Sie seng nate su salipi. 3#Wuk. 18:9Su tempo ngu ia ene dingang i kumu, ia nal᷊ome dang kakendenge u katataku. 4Habari ko daku niul᷊i si kumu ta daku niul᷊i dingang u didato ko makawinsana tumuhu kapapilesa ngu taumata. Ia nuhabari e'e dingang u l᷊al᷊eng ko mupakal᷊ahe himoneu Roh u Mawu Ruata Makawasa. 5Ia nukoa kere'e, tadeau pangangimang i kumu si Kristus ta nituhu su kapapilesa ngu taumata, kateho nituhu su kawasa ngu Mawu Ruata.
Kapapilesa ngu Mawu Ruata
6Maning we kere, su tal᷊oara u apang taumata ko puwawiahi rohaninge seng nasuku, ia mang mudidato hal᷊i u kapapilesa. Kateho kapapilesa i'i wal᷊inge kapapilesa ngu dunia arako kapapilesa ngu apang mangangawasa su orasi i'i, ko kawasange sarung mailang. 7Kapapilesa ko daku ihabari e'e, ko kapapilesa bou Mawu Ruata, Kapapilesa e'e ta nikatitonang u dunia, arawe Mawu Ruata seng nanadia guna ngu kal᷊al᷊uasi kite su horo u dunia i'i niriadi. 8Takoae singkatau bou apang mangangawasa orasi i'i ko matitong hal᷊i u kapapilesa e'e. Watu'u andenge i sire seng matitong, tantu i sire ta sarung manalipi Mawu ko mawantughi e'e. 9#Yes. 64:4Su simbuka ngu hal᷊i e'e seng musul᷊ung kawawohe su Buki Susi,
“Apang ko mborong ta nikawua arako nikaringihi u taumata,
dang mborong ta l᷊ai nutumimbul᷊i su l᷊al᷊ung sipirang u taumata,
e'e ko nisadia ngu Mawu Ruata
guna ngu apang taumata, kumindaghi si Sie.”
10Arawe#2:10: Arawe: pirambau nasko ko kuno: Ual᷊ingu. Mawu Ruata seng nupakal᷊ahe si kite dingang u Roh-E. Roh u Mawu Ruata e'e mamuriksa kaul᷊i u patiku, nurating sarang apang kirou ngu Mawu Ruata ko kawawuni. 11Kateho ko makatitong l᷊al᷊ung u naung singkatau taumata ko roh u taumata e'e sisane, aru? Kere l᷊ai hal᷊i u Mawu Ruata. Ko matitong l᷊al᷊ung u naung u Mawu Ruata kitang u Roh u Mawu Ruata sisane! 12Dang i kite ta nionggol᷊ang u roh u dunia i'i, kateho Roh ko bou Mawu Ruata, tadeau i kite matitong kaul᷊i u ko seng nionggo u Mawu Ruata si kite.
13Watu'u e'e, boko i kami mupakal᷊ahe apang hal᷊i u Mawu Ruata su apang taumata ko pia Roh u Mawu Ruata,#2:13: su apang taumata ko pia Roh u Mawu Ruata: arako dingang u manga didato ko nionggo u Roh u Mawu Ruata. i kami ta muhabari tumuhu kapapilesa ngu taumata, kateho tumuhu tintiro ngu Roh u Mawu Ruata. 14Taumata ko takoae Roh u Mawu Ruata, ta makatarima apang ko nil᷊ahe Roh e'e. Arawe su taumata hal᷊i e'e musul᷊ung kere kal᷊al᷊ongong. Taumata e'e ta makahingang, watu'u apang hal᷊i e'e kitang botonge irekeng kere hal᷊i rohani. 15Taumata ko pia Roh u Mawu Ruata botonge irekeng apang kaul᷊ie, kateho takoae singkatau taumata, pia hakie muhariga ngi sie. 16#Yes. 40:13Su l᷊al᷊ung u Buki Susi kawawohe,
“I sai matitong sipirang u Mawu?
Dang i sai l᷊ai botonge makaatori si Sie?”
I kitete ko pia sipirang ko musul᷊ung dingang I Kristus!
Currently Selected:
1 KORINTUS 2: PLT
Highlight
Share
Copy
Want to have your highlights saved across all your devices? Sign up or sign in
1 KORINTUS 2
2
Habari hal᷊i u papateng I Kristus su salipi
1Manga ana u simbau! Su tempo ia nusumongo sarang koa i kumu dang muhabari si kumu hal᷊i u kirou ngu Mawu Ruata ko tangkeng nikatitonang u dunia,#2:1: kirou ngu Mawu Ruata ko tangkeng nikatitonang u dunia: pira mbau wohe horo: kasaksiang hal᷊i u Mawu Ruata. ia ta nupake u kapapilesa ngu dunia i'i arako nuwisara dingang u didato ko takoae mangal᷊enge. 2Watu'u ia seng nangantighi himoneu su kanandu ia ene dingang i kumu ia ta sarung muhabari manga apa, su l᷊ikuru hal᷊i I Yesus Kristus; kitang muhabari I Sie seng nate su salipi. 3#Wuk. 18:9Su tempo ngu ia ene dingang i kumu, ia nal᷊ome dang kakendenge u katataku. 4Habari ko daku niul᷊i si kumu ta daku niul᷊i dingang u didato ko makawinsana tumuhu kapapilesa ngu taumata. Ia nuhabari e'e dingang u l᷊al᷊eng ko mupakal᷊ahe himoneu Roh u Mawu Ruata Makawasa. 5Ia nukoa kere'e, tadeau pangangimang i kumu si Kristus ta nituhu su kapapilesa ngu taumata, kateho nituhu su kawasa ngu Mawu Ruata.
Kapapilesa ngu Mawu Ruata
6Maning we kere, su tal᷊oara u apang taumata ko puwawiahi rohaninge seng nasuku, ia mang mudidato hal᷊i u kapapilesa. Kateho kapapilesa i'i wal᷊inge kapapilesa ngu dunia arako kapapilesa ngu apang mangangawasa su orasi i'i, ko kawasange sarung mailang. 7Kapapilesa ko daku ihabari e'e, ko kapapilesa bou Mawu Ruata, Kapapilesa e'e ta nikatitonang u dunia, arawe Mawu Ruata seng nanadia guna ngu kal᷊al᷊uasi kite su horo u dunia i'i niriadi. 8Takoae singkatau bou apang mangangawasa orasi i'i ko matitong hal᷊i u kapapilesa e'e. Watu'u andenge i sire seng matitong, tantu i sire ta sarung manalipi Mawu ko mawantughi e'e. 9#Yes. 64:4Su simbuka ngu hal᷊i e'e seng musul᷊ung kawawohe su Buki Susi,
“Apang ko mborong ta nikawua arako nikaringihi u taumata,
dang mborong ta l᷊ai nutumimbul᷊i su l᷊al᷊ung sipirang u taumata,
e'e ko nisadia ngu Mawu Ruata
guna ngu apang taumata, kumindaghi si Sie.”
10Arawe#2:10: Arawe: pirambau nasko ko kuno: Ual᷊ingu. Mawu Ruata seng nupakal᷊ahe si kite dingang u Roh-E. Roh u Mawu Ruata e'e mamuriksa kaul᷊i u patiku, nurating sarang apang kirou ngu Mawu Ruata ko kawawuni. 11Kateho ko makatitong l᷊al᷊ung u naung singkatau taumata ko roh u taumata e'e sisane, aru? Kere l᷊ai hal᷊i u Mawu Ruata. Ko matitong l᷊al᷊ung u naung u Mawu Ruata kitang u Roh u Mawu Ruata sisane! 12Dang i kite ta nionggol᷊ang u roh u dunia i'i, kateho Roh ko bou Mawu Ruata, tadeau i kite matitong kaul᷊i u ko seng nionggo u Mawu Ruata si kite.
13Watu'u e'e, boko i kami mupakal᷊ahe apang hal᷊i u Mawu Ruata su apang taumata ko pia Roh u Mawu Ruata,#2:13: su apang taumata ko pia Roh u Mawu Ruata: arako dingang u manga didato ko nionggo u Roh u Mawu Ruata. i kami ta muhabari tumuhu kapapilesa ngu taumata, kateho tumuhu tintiro ngu Roh u Mawu Ruata. 14Taumata ko takoae Roh u Mawu Ruata, ta makatarima apang ko nil᷊ahe Roh e'e. Arawe su taumata hal᷊i e'e musul᷊ung kere kal᷊al᷊ongong. Taumata e'e ta makahingang, watu'u apang hal᷊i e'e kitang botonge irekeng kere hal᷊i rohani. 15Taumata ko pia Roh u Mawu Ruata botonge irekeng apang kaul᷊ie, kateho takoae singkatau taumata, pia hakie muhariga ngi sie. 16#Yes. 40:13Su l᷊al᷊ung u Buki Susi kawawohe,
“I sai matitong sipirang u Mawu?
Dang i sai l᷊ai botonge makaatori si Sie?”
I kitete ko pia sipirang ko musul᷊ung dingang I Kristus!
Currently Selected:
:
Highlight
Share
Copy
Want to have your highlights saved across all your devices? Sign up or sign in