1 KORINTUS 4
4
Manga Rasuli Kristus
1Rekengte i kami kere manga l᷊ang I Kristus, ko nasue naung muhabari apang kirou u Mawu Ruata ko mborong ta nikatitonang u dunia. 2Ko kahimotongange tuntukang bou l᷊ang ko kere i sie mambeng masatia su mawunge. 3Si sia, ta makoa soali apa ko i kumu – arako i sai-sai – l᷊ai musipiri u hal᷊i u badangku. Sarang apa ko daku nisipiri sisaneku hal᷊i u badangku sisaneku mang ta makoa soali. 4Ia ta nakapundang nunsal᷊a su l᷊al᷊ung u manga hal᷊i apa, kateho e'e wal᷊inge tatia ngu ko ia mang tingari ta nunsal᷊a. Mawu sisane manantu ia nunsal᷊a arako ta. 5Watu'u e'e, ual᷊ingu mborong tangkeng temponge, kumbahang i kumu maehong-ehong manantu himoneu singkatau nunsal᷊a arako ta. Pangampal᷊i sarang Mawu sau ruminta. I Sie sarung mamuka kaul᷊i u apang rahasia ko mawawuni su l᷊al᷊ung kararundung. I Sie sarung mamongkari kaul᷊i u karaki ko marareso su l᷊al᷊ung u naung taumata. Su tempo e'e mbuhue apang taumata manarima daralo bou Mawu Ruata ko hinonge i tarimae.
6Manga ana u simbau! Su guna ngi kumu, ia seng nundike kaul᷊i e'e si Apolos dang su badangku sisane. Pandunge tadeau bou tatul᷊ara ngi kami e'e, i kumu botonge mangundung apa mangal᷊enge didato, “Puhinggote su atorang ko seng pia.” Dingang kere'e takoae sarang singkatau bo i kumu makapangoboti u singkatau, bou e'e muhinakang ko wal᷊inge. 7I sai nundiadi si kumu nangilembo bou taumata ko wal᷊inge? Wal᷊ingewe kaul᷊i u patiku nitarima i kumu bou Mawu Ruata? Inau, hakiwe mo mutingkarange u watangeng, karlagu ngu apang ko pia si kumu e'e ko wal᷊inge l᷊aonggo? 8Tingari i kumu seng ta mundea apa-apa l᷊ai! I kumu seng ko kala! I kumu seng nakoa ratu! Dang i kami ta. Wal᷊inge gampang kapiange kiko i kumu tinga-tingari seng nakoa ratu, tadeau i kami botonge l᷊ai mamarenta dingang i kumu. 9Watu'u tumuhu pundangku, i kami manga rasuli, seng nikoa u Mawu Ruata kere puwawiang su tingo ngu taumata dingang u manga malaikati. I kami kere manga taumata ko l᷊ahina ko niponisi hukumang pakapate su tingo ngu hape dang nikihateng u dunia. 10Ual᷊ing I Kristus, i kami nirekeng taumata ko L᷊ongong, dang i kumu taumata ngu sahani ko pande! I kami ko l᷊ome, i kumu matoghasi! I kami nihinakaneng, dang i kumu nidalo-dalo! 11Sarang orasi i'i i kami nakapundang nahutung dang narou; pakeang i kami kate ko natintang su badang; taumata mupakasusa ngi kami; i kami takoae tampa katanakeng ko matatapi; 12#Wuk. 18:3I kami muhal᷊i kahingang guna ngu mundea wiahi. Boko i kami aneng, i kami mamal᷊isi dingang u al᷊amati; boko i kami pahangeng, i kami musabari; 13Boko taumata mupakal᷊al᷊ai i kami, i kami mamal᷊isi dingang u didato ko mapapia. I kami ta nangilebe bou onasi u dunia i'i; sarang tempo i'i i kami mborong irekeng kere l᷊ungku u dunia.
14Ia nanurati i'i si kumu wal᷊inge mupakamea si kumu, kateho tadeau makapanughu si kumu kere manga anaku sisaneku. 15Watu ko seng ia nakoa iyamang i kumu, maning l᷊ai pari kere taumata ngu Sahani, si kumu seng pia mapul᷊ohiwu meteri. Su l᷊al᷊ung u puwawiahi i kumu kere manga taumata ko seng nasimbau dingang I Kristus, ia ko nakoa iyamang i kumu, ual᷊ingu ia ko numbawa Habari Mapia hal᷊i I Kristus si kumu. 16#1Kor. 11:1; Flp. 3:17Watu'u e'e ia mundo singapang botonge tadeau i kumu putuhu tatul᷊araku. 17Guna ngu e'e ia seng nundoi si Timotius sarang koa i kumu. Kere tumatuhu I Kristus, i sie musul᷊ung kere anaku sisaneku ko daku ikukindaghi. I sie ana ko botonge ipangimaneng. Hindo i sie sarung mangonggo ingati si kumu hal᷊i u l᷊al᷊eng u wiahi ko daku nituhukang suapang ia nangimang si Kristus, l᷊al᷊eng u wiahi ko seng daku nitintiro su manga jamaati suapang tampa.
18Maoboti, watu'u su naung i sire ia seng ta sau sumongo si kumu. 19Kateho boko Mawu mupakawala ta mal᷊iwue bou i'i ia seng sau sumongo si kumu. Hindo su tempo e'e ia sarung makawua l᷊ai apa ko ikakoa u manga taumata ko mal᷊aoboti e'e; wal᷊inge kitang didato ngi sire. 20Watu'u boko Mawu Ruata mamarenta su puwawiahiu singkatau, hal᷊i e'e i pakal᷊ahe u katatoghasi u puwawiahiu taumata e'e, wal᷊inge bou apang didatonge. 21Inau pamile apa ko lebe ikao i kumu! Apa i kumu mo ia sumongo guna ngu manintiro si kumu mahasa arako ia sumongo manintiro masikome dingang u kakindaghi?
Currently Selected:
1 KORINTUS 4: PLT
Highlight
Share
Copy
Want to have your highlights saved across all your devices? Sign up or sign in
1 KORINTUS 4
4
Manga Rasuli Kristus
1Rekengte i kami kere manga l᷊ang I Kristus, ko nasue naung muhabari apang kirou u Mawu Ruata ko mborong ta nikatitonang u dunia. 2Ko kahimotongange tuntukang bou l᷊ang ko kere i sie mambeng masatia su mawunge. 3Si sia, ta makoa soali apa ko i kumu – arako i sai-sai – l᷊ai musipiri u hal᷊i u badangku. Sarang apa ko daku nisipiri sisaneku hal᷊i u badangku sisaneku mang ta makoa soali. 4Ia ta nakapundang nunsal᷊a su l᷊al᷊ung u manga hal᷊i apa, kateho e'e wal᷊inge tatia ngu ko ia mang tingari ta nunsal᷊a. Mawu sisane manantu ia nunsal᷊a arako ta. 5Watu'u e'e, ual᷊ingu mborong tangkeng temponge, kumbahang i kumu maehong-ehong manantu himoneu singkatau nunsal᷊a arako ta. Pangampal᷊i sarang Mawu sau ruminta. I Sie sarung mamuka kaul᷊i u apang rahasia ko mawawuni su l᷊al᷊ung kararundung. I Sie sarung mamongkari kaul᷊i u karaki ko marareso su l᷊al᷊ung u naung taumata. Su tempo e'e mbuhue apang taumata manarima daralo bou Mawu Ruata ko hinonge i tarimae.
6Manga ana u simbau! Su guna ngi kumu, ia seng nundike kaul᷊i e'e si Apolos dang su badangku sisane. Pandunge tadeau bou tatul᷊ara ngi kami e'e, i kumu botonge mangundung apa mangal᷊enge didato, “Puhinggote su atorang ko seng pia.” Dingang kere'e takoae sarang singkatau bo i kumu makapangoboti u singkatau, bou e'e muhinakang ko wal᷊inge. 7I sai nundiadi si kumu nangilembo bou taumata ko wal᷊inge? Wal᷊ingewe kaul᷊i u patiku nitarima i kumu bou Mawu Ruata? Inau, hakiwe mo mutingkarange u watangeng, karlagu ngu apang ko pia si kumu e'e ko wal᷊inge l᷊aonggo? 8Tingari i kumu seng ta mundea apa-apa l᷊ai! I kumu seng ko kala! I kumu seng nakoa ratu! Dang i kami ta. Wal᷊inge gampang kapiange kiko i kumu tinga-tingari seng nakoa ratu, tadeau i kami botonge l᷊ai mamarenta dingang i kumu. 9Watu'u tumuhu pundangku, i kami manga rasuli, seng nikoa u Mawu Ruata kere puwawiang su tingo ngu taumata dingang u manga malaikati. I kami kere manga taumata ko l᷊ahina ko niponisi hukumang pakapate su tingo ngu hape dang nikihateng u dunia. 10Ual᷊ing I Kristus, i kami nirekeng taumata ko L᷊ongong, dang i kumu taumata ngu sahani ko pande! I kami ko l᷊ome, i kumu matoghasi! I kami nihinakaneng, dang i kumu nidalo-dalo! 11Sarang orasi i'i i kami nakapundang nahutung dang narou; pakeang i kami kate ko natintang su badang; taumata mupakasusa ngi kami; i kami takoae tampa katanakeng ko matatapi; 12#Wuk. 18:3I kami muhal᷊i kahingang guna ngu mundea wiahi. Boko i kami aneng, i kami mamal᷊isi dingang u al᷊amati; boko i kami pahangeng, i kami musabari; 13Boko taumata mupakal᷊al᷊ai i kami, i kami mamal᷊isi dingang u didato ko mapapia. I kami ta nangilebe bou onasi u dunia i'i; sarang tempo i'i i kami mborong irekeng kere l᷊ungku u dunia.
14Ia nanurati i'i si kumu wal᷊inge mupakamea si kumu, kateho tadeau makapanughu si kumu kere manga anaku sisaneku. 15Watu ko seng ia nakoa iyamang i kumu, maning l᷊ai pari kere taumata ngu Sahani, si kumu seng pia mapul᷊ohiwu meteri. Su l᷊al᷊ung u puwawiahi i kumu kere manga taumata ko seng nasimbau dingang I Kristus, ia ko nakoa iyamang i kumu, ual᷊ingu ia ko numbawa Habari Mapia hal᷊i I Kristus si kumu. 16#1Kor. 11:1; Flp. 3:17Watu'u e'e ia mundo singapang botonge tadeau i kumu putuhu tatul᷊araku. 17Guna ngu e'e ia seng nundoi si Timotius sarang koa i kumu. Kere tumatuhu I Kristus, i sie musul᷊ung kere anaku sisaneku ko daku ikukindaghi. I sie ana ko botonge ipangimaneng. Hindo i sie sarung mangonggo ingati si kumu hal᷊i u l᷊al᷊eng u wiahi ko daku nituhukang suapang ia nangimang si Kristus, l᷊al᷊eng u wiahi ko seng daku nitintiro su manga jamaati suapang tampa.
18Maoboti, watu'u su naung i sire ia seng ta sau sumongo si kumu. 19Kateho boko Mawu mupakawala ta mal᷊iwue bou i'i ia seng sau sumongo si kumu. Hindo su tempo e'e ia sarung makawua l᷊ai apa ko ikakoa u manga taumata ko mal᷊aoboti e'e; wal᷊inge kitang didato ngi sire. 20Watu'u boko Mawu Ruata mamarenta su puwawiahiu singkatau, hal᷊i e'e i pakal᷊ahe u katatoghasi u puwawiahiu taumata e'e, wal᷊inge bou apang didatonge. 21Inau pamile apa ko lebe ikao i kumu! Apa i kumu mo ia sumongo guna ngu manintiro si kumu mahasa arako ia sumongo manintiro masikome dingang u kakindaghi?
Currently Selected:
:
Highlight
Share
Copy
Want to have your highlights saved across all your devices? Sign up or sign in