1 KORINTUS 1
1
1-3 #
Wuk. 18:1
Manga ana u simbau jamaati u Mawu Ruata su Korintus! I kumu seng nikuing u Mawu Ruata guna ngu makoa umati-E ual᷊ing i kumu ko koa I Kristus Yesus, dingang u kaul᷊i u taumata su apang tampa ko manumba Mawu ngi kite Yesus Kristus, ko Mawu ngi sire dingang u Mawu ngi kite l᷊ai. Ia, i Paulus, dingang ana u simbau i kite i Sostenes muharapi mal᷊umbako Mawu Ruata Yamang i kite dang Mawu Yesus Kristus munggile al᷊amati dingang purarame si kumu. Ia namohe surati i'i kere rasuli I Kristus Yesus, ko nihengke u Mawu Ruata sisane dang su kao-E l᷊ai.
Manga al᷊amati bou Mawu Ruata su l᷊al᷊ung I Yesus Kristus
4Ia sintinia mutarimakase ngi kumu su Mawu Ruata, watu'u i kumu seng nanarima kakindaghi bou Mawu Ruata su l᷊al᷊ung I Kristus Yesus. 5Ual᷊ing i kumu seng nakoa koa I Kristus, kuteu puwawiahi kumu ko kala su kaul᷊i u hal᷊i. Titong i kumu su kal᷊i u hal᷊i seng tumaniu mal᷊al᷊ung dang i kumu ko pande manintiro titong e'e. 6E'e nupakal᷊ahe himoneu habari hal᷊i I Kristus seng kere'e nul᷊umina su l᷊al᷊ung u naung i kumu, 7hakiu i kumu ta nikakurangeng u sarang manga simbau al᷊amati, tintal᷊a kumu kapangampal᷊i Mawu ngi kite I Yesus Kristus musumongo dang ikawua ngu kaul᷊i u taumata. 8I Kristus sisane sarung mundiaga si kumu sarang panginsuenge; tadeau su tempo I Sie sau musumongo, i kumu kahombangeng takoae kurange. 9Mawu Ruata ikapangimangeng kahingang. I Sie Mawu Ruata ko seng nukui si kumu tadeau masimbau dingang u Ahus-E, I Yesus Kristus, Mawu ngi kite.
Kaghaghoghahi su l᷊al᷊ung u jamaati
10Manga ana u simbau! Su areng u Mawu ngi kite I Yesus Kristus, ia mundo tadeau i kumu kaul᷊ie musinggighili; tadeau kumbahang pia putatal᷊ei su tal᷊oara i kumu. I kumu mambeng pakasimbau, singkanaung dang singkasipiri. 11Watu'u, manga taumata bou singge i Kloë nuhabari si sia uare pia purarendehi su tal᷊oara i kumu. 12#Wuk. 18:24Uare su tal᷊oara i kumu pia ko nangul᷊i, “Ia tumuhu si Paulus,” Pia l᷊ai ko nangul᷊i, “Ia tumuhu si Apolos,” ko wal᷊inge nangul᷊i, “Ia tumuhu si Petrus,” arawe ko wal᷊inge l᷊ai nangul᷊i, “Ia tumuhu si Kristus.” 13Tumaniu we I Kristus ko napahia-pahia!#1:13: I Kristus ko napahia-pahia: pira mbau wohe horo: I Kristus ta ikapahia. I Paulus tawe nate nighantong guna ngi kumu! I kumu l᷊ai tawe nisahani guna ngu makoa manga tumatuhu i Paulus, aru?
14 #
Wuk. 18:8, 19:29; Rm. 16:23 Tarima kase ia ko ta nanahani sarang singkatau bou tal᷊oara i kumu, su l᷊ikuri Krispus dingang i Gayus. 15Kumbahang sarang pia manga singkatau ko mangul᷊i himoneu ia seng nanahani si sie tadeau makoa tumatuhuku. 16#1Kor. 16:15(Ore, i Stefanas sintahanakeng, tingari ko ia nanahani si i sire. Kateho su l᷊ikuru e'e, su tinaungku, takoae l᷊ai ko wal᷊inge ko daku nisahani.) 17I Kristus nundoi si sia wal᷊inge guna ngu panahani taumata, kateho tadeau puhabari Habari Mapia bou Mawu Ruata; dang e'e l᷊ai mambeng daku koateng wal᷊inge dingang u kapapande ngu taumata mudidato, tadeau kawasa ngu kapapate I Kristus su salipi ta makoa ko takoae mangal᷊enge
Kawasa dang kapapilesa Mawu Ruata ene si Kristus
18Watu'u su apang taumata ko makoa sarang kawawinasa, habari hal᷊i u papateng I Kristus su salipi ko takoae mangal᷊enge. Arawe si kite ko nipakasal᷊amati u Mawu Ruata, habari e'e musul᷊ung u l᷊al᷊eng u Mawu Ruata mupakal᷊ahe u kawasang-E. 19#Yes. 29:14Watu'u su l᷊al᷊ung u Buki Susi, Mawu Ruata nangul᷊i,
“Kapapilesa ngu taumata ko pande sarung Daku ipukakal᷊iu,
dang pangangina u manga taumata ko pia titonge sarung Daku ipakailang.”
20 #
Ayb. 12:17; Yes. 19:12, 33:18, 44:25 Ho, apa we gunange manga taumata ko papande e'e? Apawe guna ngu i sire ko pia titonge? Apa we gunange manga mupapikiri u dunia i'i? Mawu Ruata seng nupakal᷊ahe himoneu kapapilesa ngu dunia i'i ko takoae mangal᷊enge.
21Watu'u maning kirapa kapapande ngu taumata, i sie ta makakil᷊al᷊a Mawu Ruata bou kapandenge sisane. Kateho ual᷊ingu Mawu Ruata ko pilesa, ute i sie mang nupakasal᷊amati apang taumata ko mangimang si Sie bou habari ko nihabari kami ko angkung i sire taumata ngu dunia ko takoae mangal᷊enge. 22Taumata ngu Yahudi manuntu ko makal᷊aherang kere tatiange, dang taumata ngu Yunani mupangihoro u kapapande u dunia i'i. 23Arawe i kite i'i kitang muhabari I Kristus ko nate su salipi. Habari e'e ko makaturu naung u tau Yahudi, dang musul᷊ung u ko takoae mangal᷊enge su apang taumata ko wal᷊inge tau Yahudi. 24Arawe su apang taumata ko seng nikuing u Mawu Ruata – mbaeng tau Yahudi arako wal᷊inge tau Yahudi – habari e'e musul᷊ung u l᷊al᷊enge Mawu Ruata mupakal᷊ahe u kawasa dingang u kapapilesa-E. 25Watu'u ko tuhungang l᷊ongong su Mawu Ruata, e'e ko nangilembo pilesa bou kapapilesa ngu taumata; dang ko tuhungang l᷊ome su Mawu Ruata, e'e ko nangilembo matoghasi bou katatoghasi u taumata.
Kawasa ngu Mawu Ruata l᷊au kal᷊al᷊ome u taumata
26Manga ana u simbau! Kenang putinaung minsang kirapa kakakoa i kumu su tempo Mawu Ruata nukui si kumu. Kitang singkodo kahingang bou tal᷊oara i kumu ko pilesa, arako pia kawasa, arako pia pangkati marange su mata ngu taumata. 27Watu'u tingari Mawu Ruata nutaturi namile ko l᷊al᷊ongong su mata ngu dunia i'i, tadeau apang taumata ko pande makapundang mamea. Dang Mawu Ruata namile l᷊ai ko l᷊al᷊ome su mata ngu dunia i'i, tadeau apang taumata matoghasi makapundang mamea. 28Mawu Ruata namile ko su mata ngu dunia i'i masasana, ko hina, dang ko takoae mangal᷊enge, tadeau Mawu Ruata mupakanawo ko mapapia su mata ngu dunia i'i. 29Dingang kere'e takoae sarang singkatau ko botonge makapangoboti u watangenge su saruang u Mawu Ruata. 30Mawu Ruata sisane nukoa tadeau i kumu nasimbau dingang I Kristus Yesus. Bo I Kristus, i kite nipakakoa ko pilesa. Dang bo I Sie l᷊ai Mawu Ruata nupakakoa i kite sau napia dingang-E, nupakakoa i kite umati-E ko tutunge, dang nul᷊iwiri kite. 31#Yer. 9:24Inau musul᷊ung u ko kawawohe su l᷊al᷊ung u Buki Susi, “Taumata ko mo mangkate kal᷊iaghi, mambeng l᷊iaghi su apang ko nikoa u Mawu.”
Currently Selected:
1 KORINTUS 1: PLT
Highlight
Share
Copy
Want to have your highlights saved across all your devices? Sign up or sign in
1 KORINTUS 1
1
1-3 #
Wuk. 18:1
Manga ana u simbau jamaati u Mawu Ruata su Korintus! I kumu seng nikuing u Mawu Ruata guna ngu makoa umati-E ual᷊ing i kumu ko koa I Kristus Yesus, dingang u kaul᷊i u taumata su apang tampa ko manumba Mawu ngi kite Yesus Kristus, ko Mawu ngi sire dingang u Mawu ngi kite l᷊ai. Ia, i Paulus, dingang ana u simbau i kite i Sostenes muharapi mal᷊umbako Mawu Ruata Yamang i kite dang Mawu Yesus Kristus munggile al᷊amati dingang purarame si kumu. Ia namohe surati i'i kere rasuli I Kristus Yesus, ko nihengke u Mawu Ruata sisane dang su kao-E l᷊ai.
Manga al᷊amati bou Mawu Ruata su l᷊al᷊ung I Yesus Kristus
4Ia sintinia mutarimakase ngi kumu su Mawu Ruata, watu'u i kumu seng nanarima kakindaghi bou Mawu Ruata su l᷊al᷊ung I Kristus Yesus. 5Ual᷊ing i kumu seng nakoa koa I Kristus, kuteu puwawiahi kumu ko kala su kaul᷊i u hal᷊i. Titong i kumu su kal᷊i u hal᷊i seng tumaniu mal᷊al᷊ung dang i kumu ko pande manintiro titong e'e. 6E'e nupakal᷊ahe himoneu habari hal᷊i I Kristus seng kere'e nul᷊umina su l᷊al᷊ung u naung i kumu, 7hakiu i kumu ta nikakurangeng u sarang manga simbau al᷊amati, tintal᷊a kumu kapangampal᷊i Mawu ngi kite I Yesus Kristus musumongo dang ikawua ngu kaul᷊i u taumata. 8I Kristus sisane sarung mundiaga si kumu sarang panginsuenge; tadeau su tempo I Sie sau musumongo, i kumu kahombangeng takoae kurange. 9Mawu Ruata ikapangimangeng kahingang. I Sie Mawu Ruata ko seng nukui si kumu tadeau masimbau dingang u Ahus-E, I Yesus Kristus, Mawu ngi kite.
Kaghaghoghahi su l᷊al᷊ung u jamaati
10Manga ana u simbau! Su areng u Mawu ngi kite I Yesus Kristus, ia mundo tadeau i kumu kaul᷊ie musinggighili; tadeau kumbahang pia putatal᷊ei su tal᷊oara i kumu. I kumu mambeng pakasimbau, singkanaung dang singkasipiri. 11Watu'u, manga taumata bou singge i Kloë nuhabari si sia uare pia purarendehi su tal᷊oara i kumu. 12#Wuk. 18:24Uare su tal᷊oara i kumu pia ko nangul᷊i, “Ia tumuhu si Paulus,” Pia l᷊ai ko nangul᷊i, “Ia tumuhu si Apolos,” ko wal᷊inge nangul᷊i, “Ia tumuhu si Petrus,” arawe ko wal᷊inge l᷊ai nangul᷊i, “Ia tumuhu si Kristus.” 13Tumaniu we I Kristus ko napahia-pahia!#1:13: I Kristus ko napahia-pahia: pira mbau wohe horo: I Kristus ta ikapahia. I Paulus tawe nate nighantong guna ngi kumu! I kumu l᷊ai tawe nisahani guna ngu makoa manga tumatuhu i Paulus, aru?
14 #
Wuk. 18:8, 19:29; Rm. 16:23 Tarima kase ia ko ta nanahani sarang singkatau bou tal᷊oara i kumu, su l᷊ikuri Krispus dingang i Gayus. 15Kumbahang sarang pia manga singkatau ko mangul᷊i himoneu ia seng nanahani si sie tadeau makoa tumatuhuku. 16#1Kor. 16:15(Ore, i Stefanas sintahanakeng, tingari ko ia nanahani si i sire. Kateho su l᷊ikuru e'e, su tinaungku, takoae l᷊ai ko wal᷊inge ko daku nisahani.) 17I Kristus nundoi si sia wal᷊inge guna ngu panahani taumata, kateho tadeau puhabari Habari Mapia bou Mawu Ruata; dang e'e l᷊ai mambeng daku koateng wal᷊inge dingang u kapapande ngu taumata mudidato, tadeau kawasa ngu kapapate I Kristus su salipi ta makoa ko takoae mangal᷊enge
Kawasa dang kapapilesa Mawu Ruata ene si Kristus
18Watu'u su apang taumata ko makoa sarang kawawinasa, habari hal᷊i u papateng I Kristus su salipi ko takoae mangal᷊enge. Arawe si kite ko nipakasal᷊amati u Mawu Ruata, habari e'e musul᷊ung u l᷊al᷊eng u Mawu Ruata mupakal᷊ahe u kawasang-E. 19#Yes. 29:14Watu'u su l᷊al᷊ung u Buki Susi, Mawu Ruata nangul᷊i,
“Kapapilesa ngu taumata ko pande sarung Daku ipukakal᷊iu,
dang pangangina u manga taumata ko pia titonge sarung Daku ipakailang.”
20 #
Ayb. 12:17; Yes. 19:12, 33:18, 44:25 Ho, apa we gunange manga taumata ko papande e'e? Apawe guna ngu i sire ko pia titonge? Apa we gunange manga mupapikiri u dunia i'i? Mawu Ruata seng nupakal᷊ahe himoneu kapapilesa ngu dunia i'i ko takoae mangal᷊enge.
21Watu'u maning kirapa kapapande ngu taumata, i sie ta makakil᷊al᷊a Mawu Ruata bou kapandenge sisane. Kateho ual᷊ingu Mawu Ruata ko pilesa, ute i sie mang nupakasal᷊amati apang taumata ko mangimang si Sie bou habari ko nihabari kami ko angkung i sire taumata ngu dunia ko takoae mangal᷊enge. 22Taumata ngu Yahudi manuntu ko makal᷊aherang kere tatiange, dang taumata ngu Yunani mupangihoro u kapapande u dunia i'i. 23Arawe i kite i'i kitang muhabari I Kristus ko nate su salipi. Habari e'e ko makaturu naung u tau Yahudi, dang musul᷊ung u ko takoae mangal᷊enge su apang taumata ko wal᷊inge tau Yahudi. 24Arawe su apang taumata ko seng nikuing u Mawu Ruata – mbaeng tau Yahudi arako wal᷊inge tau Yahudi – habari e'e musul᷊ung u l᷊al᷊enge Mawu Ruata mupakal᷊ahe u kawasa dingang u kapapilesa-E. 25Watu'u ko tuhungang l᷊ongong su Mawu Ruata, e'e ko nangilembo pilesa bou kapapilesa ngu taumata; dang ko tuhungang l᷊ome su Mawu Ruata, e'e ko nangilembo matoghasi bou katatoghasi u taumata.
Kawasa ngu Mawu Ruata l᷊au kal᷊al᷊ome u taumata
26Manga ana u simbau! Kenang putinaung minsang kirapa kakakoa i kumu su tempo Mawu Ruata nukui si kumu. Kitang singkodo kahingang bou tal᷊oara i kumu ko pilesa, arako pia kawasa, arako pia pangkati marange su mata ngu taumata. 27Watu'u tingari Mawu Ruata nutaturi namile ko l᷊al᷊ongong su mata ngu dunia i'i, tadeau apang taumata ko pande makapundang mamea. Dang Mawu Ruata namile l᷊ai ko l᷊al᷊ome su mata ngu dunia i'i, tadeau apang taumata matoghasi makapundang mamea. 28Mawu Ruata namile ko su mata ngu dunia i'i masasana, ko hina, dang ko takoae mangal᷊enge, tadeau Mawu Ruata mupakanawo ko mapapia su mata ngu dunia i'i. 29Dingang kere'e takoae sarang singkatau ko botonge makapangoboti u watangenge su saruang u Mawu Ruata. 30Mawu Ruata sisane nukoa tadeau i kumu nasimbau dingang I Kristus Yesus. Bo I Kristus, i kite nipakakoa ko pilesa. Dang bo I Sie l᷊ai Mawu Ruata nupakakoa i kite sau napia dingang-E, nupakakoa i kite umati-E ko tutunge, dang nul᷊iwiri kite. 31#Yer. 9:24Inau musul᷊ung u ko kawawohe su l᷊al᷊ung u Buki Susi, “Taumata ko mo mangkate kal᷊iaghi, mambeng l᷊iaghi su apang ko nikoa u Mawu.”
Currently Selected:
:
Highlight
Share
Copy
Want to have your highlights saved across all your devices? Sign up or sign in