Ergaa Phaawuloos Gara Worra Rooma'aa Erge 8
8
Ayyaana Rabbiitiin Jiraachuu
1 #
8:33-34; 10:4; Yoh. 5:24 Eegasuu worri Kiristoos Yesuusiin keessa jirani amma murtii yakkaa jala hin jiran. 2#Yoh. 8:36; Qor. 2ffaa 3:17 Seerri Ayyaana Woyyu'uu ka Kiristoos Yesuusiin keessa, seera cubbu'uutii fi du'a jalaa wolabummaa waan nu baaseeruuf. 3#Yoh. 1:14; Hu. Er. 10:38; 15:10; Qor. 2ffaa 5:21; Gal. 4:4; Filph. 2:7-8; Ibr. 2:17 Namummaan namaa waan dadhabaa ta'eef, waan seerri godhuu dadhabe, Rabbi godhe; Rabbi Ilma ufii ka fakkeenna namummaa keennaa cubbamaa fakkaate ergee cubbuu akka haqu godheera. 4#Gal. 5:16, 25 Akka fedha Ayyaanaa malee, akka fedha fooniititti nu worra jiraanneef nuun seerri ajaja akka raawwatamuuf fooniin cubbuu irratti yakka mure. 5#Qor. 1ffaa 2:14 Akka fedha fooniititti worri jiraatan waan foonii yaadan; akka fedha Ayyaanaatitti worri jiraatan ammoo waan Ayyaanaa yaadan. 6#6:21-22; Gal. 6:8 Waan foonii yaaduun du'a waan ta'eef waan Ayyaana yaaduun ammoo jireennaa fi nagaya. 7Waan Foonii yaaduun Rabbiin wol nama dhabsiisa; seera Rabbiitiif waan hin ajajamneef, ajajamuullee dadhabeera. #Yaq. 4:4 8Worri fooniin jiraatan Rabbiin gammachiisu hin danda'an.
9 #
Qor. 1ffaa 3:16
Isin ammoo Ayyaanni Rabbii yoo isin keessa jiraate, Ayyaanaan malee, fooniin hin jiraattan; Ayyaana Kiristoosi ka hin qabne ammoo fira isaatii miti. 10#Gal. 2:20; Filph. 1:21; Qol. 2:13 Yoo Kiristoos isin keessa jiraate hagamillee nafti keessan sababaa cubbu'uutiif ka du'e; sababaa qajeellumma'aatiif ammo Ayyaanni jireenna isinii kenna. 11#6:4; Qor. 2ffaa 4:14; Qor. 1ffaa 3:16 Ayyaanni Rabbii ka Yesuusiin du'aa kaase isin keessa yoo jiraate, ka Yesuus Kiristoosiin du'a keessaa kaase karaa Ayyaanna ufiitiin nafa keessan ka du'uufillee jireenna kenna. 12#6:7, 18 Eegasuu obboleewwan tiyya! Waan keessan waan nurraa barbaadamutu jira. Kunillee akka fedha fooniititti jiraachu'uufii miti. 13#8:6; Gal. 6:8; Efe. 4:22-24 Akka fedha fooniititti yoo jiraattan, hin duutan; hujii Ayyaanaatiin hujii fedhii foonii yoo ajjeeftan hin jiraattan. 14Worri Ayyaana Rabbiitiin masakkaman maruu, isaan ijoollee Rabbii ti. 15#Gal. 4:1-6; Xim. 2ffaa 1:7; Mar. 14:36 Isinillee Ayyaana ilmumma'aa ka Aabba Aabbaa jennee ittiin waamnu argattan malee, deebitanii Ayyaana soda'aatii fi garbumma'aa hin arganne. 16#Qor. 2ffaa 1:22 Ijoollee Rabbii ta'uu keenna, Ayyaanni sunuu hafuura keenna woliin ragaa baya. 17#Gal. 4:7; Xim. 2ffaa 2:11-12; Yoh. 17:22, 24; Mudh. Yoh. 21:7 Nu ijoollee Rabbii eega taane worra waa mara argatu; nu waa maraa Rabbiin biraa arganna. Eega Kiristoosiin woliin rakkinni nurra gaye, nullee isa woliin ulfinnaa fi waan Kiristoos argatu maraa isa woliin arganna.
Ulfinna Dhufu
18 #
Qor. 2ffaa 4:17
Rakkinni bara kanaa kun ulfinna durana dhufee mudhatu woliin wol bira qabamee yoo laallamu woomaa akka hin taane yaada. 19#Qol. 3:4 Uumamni, mudhatuu ijoollee Rabbii hawwi'iin waan eeggataniif. 20#Seera Uumamaa 3:17-19 Uumamni maruu ka gatii hin qabne akka ta'uuf itti murameera. Kunillee fedhii ufiitiin uduu hin ta'in fedhii Rabbiitiin, haata'uu ammo uumamni maruu akka abdi'iin eeggatu taasiseera. 21#Phex. 2ffaa 3:13; Yoh. 1ffaa 3:2 Abdiin sunillee uumamni garbumma'aa badi'ii jalaa bilisa bayee gara ulfinna ijoollee Rabbiitiif ta'u gara wolabuma'aa akka gayuuf. 22Uumamni maruu haga ammaa jigaan worwaataa fi ciiniinsu'uun jiraatuu isaanii hin beenna. 23#Qor. 2ffaa 5:2-4; Gal. 5:5 Kana callallee miti, nu worri kennaa Ayyaanaa ka ijoo ta'e qabnu ka akka ilmaatitti nu guddisee fi ka bakka bu'ee nu fure abdi'iin eeggata'aa, keessa keennatti wixxifata'aarra. 24#Qor. 2ffaa 1:22; 5:7; Ibr. 11:1 Abdi'iin fayyineerra; haata'uu ammoo wonti abdii godhatan sun yoo argame abdi'ii miti, waan arge eentu abdii godhataa? 25#Qor. 2ffaa 4:18; Gal. 5:5 Waan arga'aa hin jirre yoo abdii godhanne, obsaan eegganna. 26Akkasuma Ayyaanni dadhabbii keenna nu gargaara; attamitti akka kadhannu nu waan hin beenneef, haata'uu ammoo Ayyaanninuu worwaata himaamu hin dandeenneen nuu kadhata. 27#Qor. 1ffaa 2:10; 4:5 Rabbi yaada Ayyaanaa ka garaa namaa qoratu maal akka ta'e hin beeka; akka fedha Rabbii waan woyyootaatiif kadhata.
28Worra Rabbiin jaalataniif akka fedha isaatiin worra waamamaniif wonti maruu mishumma'aaf akka ta'u hin beenna. 29#Filph. 3:21; Qol. 1:15, 18; Ibr. 1:6 Ilmi isaa obboleewwan hedduu jiddu'utti hangafa akka ta'u, duraan dursee ka beeke bifa ilma isaa akka fakkaatan dursee murteesseera. 30#Tas. 2ffaa 2:13-14; Xim. 2ffaa 1:9 Dursee ka murteesse kanniin ammoo hin waameen; worra waame kanniin ammoo qajeellota taasise, worra qajeellota taasise kanniin ammoo hin kabajje.
Jaalala Rabbii
31 #
Kitaaba Faarfanna'aa 118:6
Eegasuu waan kanaaf maal jenna? Rabbi yoo nu woliin ta'e, eentu nu mormaa? 32#Yoh. 3:16; Qor. 1ffaa 3:21 Ilma ufiitiif uduu garaa hin laafne, waan nu maraatiif dabarsee eega isa kenne, akkasuma isa woliin waan maraa attamiti akkanumaan nuu hin kennine? 33#Isaayyaasii Raatticha 50:8; Mudh. Yoh. 12:10-11 Worra Rabbi filate eentu isaan himata? ka qajeelchu Rabbi. 34#4:25; Ibr. 6:20; 7:25; Yoh. 1ffaa 2:1 Ka itti murteessu eennu? Ka du'e, caala'aatti ka worra du'an keessaa ka'ee ka mirgaa Rabbii jiru akkasuma waan keenna ka nuu kadhatu #8:34 Waan keenna ka nuu kadhatu: worwaatuYesuus Kiristoos. 35Jaalala Kiristoosii irraa eentu nu fooya? Rakko'oo, dhiphinnaa, ari'amu'uu, beelaa, yookiin daaru'uu, soda'a mo'o guraade'e? 36#Kitaaba Faarfanna'aa 44:22; Qor. 2ffaa 4:11 Akkana jedhamee akkuma barreeffame,
«Waan keetiif guyyaa maraa hin ajjeefamna;
akka hoolota qalamaniititti laakkawamne»
37 #
Yoh. 1ffaa 5:4-5
Kana maraa keessatti ammoo ka nu jaalate saniin mooyattoota hin caalla. 38#Efe. 1:21; 6:12; Qol. 2:15; Phex. 1ffaa 3:22 Du'a yookaan jireenna, Maleekkota, bulchiinsa, ka waa qabu, ka dhufullee yoo ta'e, 39#Yoh. 10:28 hunna qabeeyyii ol gubba'aa gad bu'u uumama addaallee yoo ta'e, jaalala Rabbii ka karaa Gooftaa keenna Yesuus Kiristoosiin keessan arganne keessaa nu baasuu akka hin dandeenne hubadheera.
Currently Selected:
Ergaa Phaawuloos Gara Worra Rooma'aa Erge 8: WLNT
Highlight
Copy
Compare
Share
Want to have your highlights saved across all your devices? Sign up or sign in
Arsi-Bale Oromo New Testament, Literal Type Translation © Light of Hope Ministry, 2013.
