Popular Bible Verses from Ergaa Phaawuloos Gara Worra Rooma'aa Erge 8

Share

Worra Rabbiin jaalataniif akka fedha isaatiin worra waamamaniif wonti maruu mishumma'aaf akka ta'u hin beenna.

Du'a yookaan jireenna, Maleekkota, bulchiinsa, ka waa qabu, ka dhufullee yoo ta'e, hunna qabeeyyii ol gubba'aa gad bu'u uumama addaallee yoo ta'e, jaalala Rabbii ka karaa Gooftaa keenna Yesuus Kiristoosiin keessan arganne keessaa nu baasuu akka hin dandeenne hubadheera.

Akkasuma Ayyaanni dadhabbii keenna nu gargaara; attamitti akka kadhannu nu waan hin beenneef, haata'uu ammoo Ayyaanninuu worwaata himaamu hin dandeenneen nuu kadhata.

Eegasuu waan kanaaf maal jenna? Rabbi yoo nu woliin ta'e, eentu nu mormaa?

Eegasuu worri Kiristoos Yesuusiin keessa jirani amma murtii yakkaa jala hin jiran.

Waan foonii yaaduun du'a waan ta'eef waan Ayyaana yaaduun ammoo jireennaa fi nagaya.

Kana maraa keessatti ammoo ka nu jaalate saniin mooyattoota hin caalla.

Rakkinni bara kanaa kun ulfinna durana dhufee mudhatu woliin wol bira qabamee yoo laallamu woomaa akka hin taane yaada.

Jaalala Kiristoosii irraa eentu nu fooya? Rakko'oo, dhiphinnaa, ari'amu'uu, beelaa, yookiin daaru'uu, soda'a mo'o guraade'e?

Rabbi yaada Ayyaanaa ka garaa namaa qoratu maal akka ta'e hin beeka; akka fedha Rabbii waan woyyootaatiif kadhata.

Worri Ayyaana Rabbiitiin masakkaman maruu, isaan ijoollee Rabbii ti.

Akka fedha fooniititti worri jiraatan waan foonii yaadan; akka fedha Ayyaanaatitti worri jiraatan ammoo waan Ayyaanaa yaadan.

Ilma ufiitiif uduu garaa hin laafne, waan nu maraatiif dabarsee eega isa kenne, akkasuma isa woliin waan maraa attamiti akkanumaan nuu hin kennine?

Ijoollee Rabbii ta'uu keenna, Ayyaanni sunuu hafuura keenna woliin ragaa baya. Nu ijoollee Rabbii eega taane worra waa mara argatu; nu waa maraa Rabbiin biraa arganna. Eega Kiristoosiin woliin rakkinni nurra gaye, nullee isa woliin ulfinnaa fi waan Kiristoos argatu maraa isa woliin arganna.

Waan Foonii yaaduun Rabbiin wol nama dhabsiisa; seera Rabbiitiif waan hin ajajamneef, ajajamuullee dadhabeera.

Uumamni, mudhatuu ijoollee Rabbii hawwi'iin waan eeggataniif.

Uumamni maruu haga ammaa jigaan worwaataa fi ciiniinsu'uun jiraatuu isaanii hin beenna.