Hosiqa 2
2
1Tonna kinnuk Israayilih yooboke maray sin toobokoh yanik, Yallih maray Yalli akah racmata, inxic>> 'yaanam yok iyye.
DALWA LEH TAN GOOMAR KEE IMAAN SINNI ISRAAYIL MARA
2«Yi xayloy, sin ina ahaysa yi barra hinnaay, anu tet baqala hinniyo'mmay, ama abtah tan dalwa kee caraamu maabina teetik inxicaay tet kallaca. 3Siinik cintek, sara teetik kalla heeh, tooboke saaku qasunuk akah sugte'nnah, qasunuk tet heeyyo. Kafte baaxoy tu elle aabuke waytah innah tet heeyyo. Bakaarah rabele. 4-5Tet xayloh kaadu maracmata. Ken ina dalweenaay; abta dalwat mawacarriyta. ‹Inni mareytit fan gexeyyooh, lee kee maaqo oson yoh aceelon. Xagar meqe sartanay illi xagor kee *baftak bicseenihiyya oson yoo sariselon. Caxâ xaylok bicsen *zeyti (saliid) kee qinabak bicsen kamri oson yoh aceelon› 'yaanam is isih inteh ten. 6Tohih sabbatah keenan le daggek bicsen gasot tet heeyyo. Gititte gee wayta'gidih, xiseh an gasot tet alfeyyo. 7Mareytit lakal ardele'mmay, ken maalelta. Ken gorrisele'mmay ken mageyta. Too waqdi intu waytaamah, ‹Ahaysa inni baqala fan aduuru waa. Away edde an caalatak, duma elle suge inni yoh yayse› axcele.
8«Maaqooy qinabak bicsen kamri kee caxâ xaylok bicsen *zeyti teetih teceem yook tene'mmay woh yoh maaxaginna. Baqal axcuk yaqbuden duyyeh qibaadah hayte lakqo kee dahab teetih teceem yook tene'mmay; toh yoh maaxaginna. 9Daro kee qinab orobta saaku, inni daro kee qinab xaylo teetik gacsiteyyo. Sarittuh teetih ecee illi xagor kee *baftak bicsen sartan teetik beeyyo. 10Tet mareytiitik garil qasunuk tet cabeyyo'mmay, yi gabak num tet macata. 11Kulli alsih bilooy kulli sabtih diini migaaqal abta qiid kee gersi qiiditte abta farcat ahaysa teetik raaqiseyyo. 12Tet qinab xala coox kee tet sublâ-cooxuy is, ‹Yi mareytit yoh tecee› akak intahiyya teetik bayseyyo. Qinab coox kee bustaan elle tuysubuke arooca garbo teetik abeyyo. Too cooxuy qinab xala kee bustaan alluwwa baysele. 13Yoo hawwenna hayteh Baqal akak iyyan duyyeh qaydarus qeerisseh; bilqitta inteh mareytit lakat gexxe'mmay, toh teetit macabay, tet akah digaaleyyo. Tahat yabtam yoo YALLA» 'yaanam iyye.
YALLI ISI MARA KICNA
14YALLI kaadu qagseh iyyeemih, «Wadir woo elle sugte bacarik tan baaxo fan tet gacseyyo. Tokkel teetih liyoh an kacanu teetih warisu waa waqdi, yol aduurele. 15Duma luk sugte qinab xala coox teetih gacseyyo. Gadaamâ Golo deqsitta golo, niya elle moqon golo akkele. Tohoysa baxuwwah Masrik tet eyyeeqe saaku akah yoo oggolte'nnah, yoo oggolele. 16Tohuk wadir ‹Yi Baqalaw› yok axcele ikkal, Baqal deqsitta duyyek elle inte'nnal, ‹Yi Wannaw› yok m'inta. 17Ahak wadir Baqal#2:16-17 Baqal: akak 'yaanam Kanqaan mari yallah luk sugen duyye. Baqal 'yaanamak maqna wanna 'yaanama. Nammeyhaytô maqna akak baqala 'yaanama. 'yaanamih galab xagi tet maha.
18«Too saaku alak alaakulleyti yi mara xage waa'gidih, qahdi heeyyo. Carbi edde abba haan silaacak seef kee gaysê-baxa baaxok ayyaaqeyyo. Yi ummat amaanah xintay 'yaanam axceyyo. 19Israayil ummatey, num barral akah rihima'nnah, anu innih sin haysiteyyo. Cakki kee qadaalatat sin xiiniseyyo. Ahaysa kulli way kacanu kee xuwaawat sin xiiniseyyo. 20Siinih cule xagna siinil mamaka. Akah exce'nnah, inni mara sin abeyyo. Too saaku YALLA kinniyom yoh aaxigetton» iyye.
21-22«Yi mari yot aban kallaci keenik oggoleyyo. Rob keenih baaheyyo. Baaxol daro kee qinab xaylo kee *daytuun keenih aysubukeyyo. Yidraqel-Daqarih xaqul daro kee coox aysubukeyyo. 23Inni mara le baaxol nookiseyyooh, ken gaddaliseyyo. Racmat-Wee akak axcuk suge marah racmateyyo. Yi mara hinnon akak axcuk sugen mara, inni mara abeyyo. Yi mara kinniton keenik axceyyo. Ni Dagelta kinnitoh yok axcelon» iyye.
