Tap 26
26
At Fadua Ginan Griruk ngay Taw Israel at ngay Ngayan
1Ay nu ntabu wan at faurianan, Yawi nalong sas Muisis ay sas Elyasar, fag tagfon fanggalangun, Arun at fufu te, 2“Riruki fagayu taw Israel at ngayan siginan at mesa talanan: fagayu tagduak safuluk banwa sat tungud baliwa at makatu wa gfawayan laman sas Israel.” 3Nu katanya, Muisis ay Elyasar fag tagfon fanggalangun nafakamatoan ngay taw Israel sis datag Muab sis tigyangan Liskung Urdan munakbang sis Eriku. 4Ay duama nalong te, “Riruki ngay mangama at ngayan tagduak safuluk banwa sat tungud baliwa, kata Yawi at suguan sas Muisis.”
Kayu tuy taw Israel at naduksun siginans talun Igiptu:
5Rubin, Akub at baguama tiba kaka, at ngay kasugfunanan Kanuk, Palu, 6Kesrun ay Karmi at mesa gaban. 7Kanya wan Rubin at ngay gaban; nu fagayu wan, ufatk safulu e tuluk libu, fituk sandan tuluk safulu.
8Elyab, Palu at baguama. 9Ay Elyab at ngay baguama: Nemwel, Datan ay Abiram. Datan ay Abiram tagfangguna sas talanan at nanangalo sas Kura gina kamabo Yawi siginan nu kamayud Muisis ay Arun. 10Dewa katanya, daga naon wan anya gasfuan Kura, ay afuy nafamin tagalo anya fag duak sandan limak safulu. At kinfasludan umsik famararang sa sangay taw Israel. 11Dewa katanya, Kura at ngay baguama di nbul.
12Simyun at ngay kasugfunanan siginans Nemwel, Amin, Akin, 13Sera ay Syaul at ngay gaban. 14Kanya wan Simyun at ngay gaban; nu fagayu wan, 22,200.
15Gad at ngay kasugfunanan siginans Sefun, Kagi, Suni, 16Usni, Eri, 17Arud ay Areli at ngay gaban. 18Kanya wan Gad at ngay gaban; nu fagayu wan, 40,500.
19-20Uda e duak baguama, Er ay Unan, ay duksay anbul sis talun Kanaan. Dewa katanya, Uda anke ngay kasugfunanan siginans Sela, Peres ay Sera at ngay talanan. 21Peres at ngay kasugfunanan siginans Kesrun ay Kamul at ngay talanan. 22Kanya wan Uda at ngay gaban; nu fagayu wan, 76,500.
23Isakar at ngay kasugfunanan siginans Tula, Pua, 24Asub ay Simrun at ngay talanan. 25Kanya wan Isakar at ngay gaban; nu fagayu wan 64,300.
26Sebulun at ngay kasugfunanan siginans Sered, Elun ay Aleel at ngay gaban. 27Kanya wan Sebulun at ngay gaban; nu fagayu wan 60,500.
28Use at baguama fag dua Manase ay Efraim, ay siginan at duksay at ngay kasugfunanan. 29Manase at ngay kasugfunanan siginans Makir ay Gilyad, Makir at baguama at ngay gaban. 30Gilyad at ngay kasugfunanan siginans Iyeser, Kelek, 31Asriel, Sekem, 32Semida ay Kefer at ngay gaban. 33Selufead, Kefer at baguama, we baguama, dewa katanya, kanya anke ngay baguina: Makla, Nua, Ugla, Milka ay Tirsa. 34Kanya wan Manase at ngay gaban; nu fagayu wan 52,700.
35Efraim at ngay kasugfunanan siginans Sutela, Beker ay Takan at ngay gaban. 36Sutela at kasugfunanan: Eran at gaban. 37Kanya wan Efraim at ngay gaban; nu fagayu wan, 32,500. Kanya wan Manase ay Efraim at ngay gaban, Use at ngay kasugfunanan.
38Benamin at ngay kasugfunanan siginans Bela, Asbel, Akiram, 39Sufam ay Kufam at ngay gaban. 40Bela at ngay kasugfunanan siginans Ard ay Naaman at ngay gaban. 41Kanya wan Benamin at ngay gaban; nu fagayu wan 45,600.
42Dan at ngay kasugfunanan siginans Sukam at gaban. 43Ay Dan at ngay kasugfunanan fagayu, taw Sukam; nu fagayu wan 64,400.
44Aser at ngay kasugfunanan siginans Imna, Isbi ay Berya at ngay gaban. 45Berya at ngay kasugfunanan siginans Keber ay Malkyel at ngay gaban. 46(Aser e baguina at ngayan Sera.) 47Kanya wan Aser at ngay gaban; nu fagayu wan 53,400.
48Naftali at ngay kasugfunanan siginans Aseel, Guni, 49Eser ay Silem at ngay gaban. 50Kanya wan Naftali at ngay gaban; nu fagayu wan 45,400.
51Ay fagayu taw Israel at kinriruk at ngayan, at kayuan 601,730.
52Nu ntabu wan, Yawi nalong sas Muisis te, 53“Afudi kafag talun sas galay kasugfunanan laman at fagagbilugun, ay at kadaulan faaloi galay sik kasugfunanan at kayuan. 54Sik kasugfunanan nu ngayu, at daga falabi yapi tua sat yud ngayu fag kasugfunanan. 55-56Ay afudi kafag talun siginan nu gfafidfilian laman sumaful am te, sedaul sa tangayu ay sat yud ngayu fag kasugfunanan kayu at kinriruk at ngay ngayan.”
57Lebi at ngay kasugfunanan siginans Gersun, Kuat ay Merari at ngay gaban.
58Ay Lebi yangay at kasugfunanan siginans Libni, Kebrun, Makli, Musi ay Kura at ngay gaban.
Kuat, Amram at baguama tiba kaka. 59Ay Amram at mangena, Ukebed, siginans Lebi at ngay kasugfunanan. Ay kanya ansalug sis talun Igiptu. Arun, Muisis ay Miryam at mama Amram ay at mina Ukebed. 60Nadab, Abyu, Elyasar ay Itamar at mama, Arun. 61Dewa katanya, Nadab ay Abyu anbul gina kanya fag dua nabul afuy at yud masine gina gfon fanggalangun laman sas Yawi.
62Lebi at ngay baguama tagsadik banwa sat tungud baliwa, nu fagayu wan 23,000. Ay kanya fagayu wa ntap sa sangay taw Israel at kayuan, aroro kanya we afud daga kata tibak kasugfunanan.
63Kayu kanya Muisis ay Elyasar fag tagfon fanggalangun at nariruk fag ngay taw Israel gina sis datag Muab sis tigyangan Urdan munakbang sis Eriku. 64We sawad ya nusdi sadik taw, Muisis ay Arun at nariruk, sis Sinay fag talun at yud e taw. 65Aroro Yawi nalong ebi sa anya fagayu te, “Matuyan kanya fagayu umbul sis talun at yud e taw, ay wa ban e mlangfe nusdi sadi sas day Kaleb, Efune at baguama ay Uswe, Nun at baguama.”
Currently Selected:
Tap 26: OCCT
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 by OMF International, Philippines
