Nemyas 10
10
1Taguna at nariruk at ngayan, Nemyas sik afud talun at tagfangguna, Kakalya at baguama, ay Sedekya.
2Ay at fadogan at nariruk ngay tagfon fanggalangun: Seraya, Asarya, Eremyas, 3Pasur, Amarya, Malkya, 4Katus, Sebanya, Maluk, 5Karim, Meremut, Ubadyas, 6Daniel, Ginetun, Baruk, 7Mesulam, Abya, Miamin 8Maasya, Bilgay ay Semaya.
9Kayu tuy taw Lebi at nariruk at ngayan: Eswa, Asanya at baguama, ay Binwi siginans Kenadad fag talanan, ay Kadmiel, 10Sebanya, Udya, Kelita, Pelaya, Kanan, 11Mikas, Rekub, Kasabya, 12Sakur, Sebya, Sebanya, 13Udya, Bani ay Beninu.
14Kayu tuy ngay tagfangguna at nariruk at ngayan: Parus, Pakat-Muab, Elam, Satu, Bani, 15Buni, Asgad, Bebay, 16Adunya, Bigbay, Adin, 17Ater, Esekyas, Asur, 18Udya, Kasum, Besay, 19Karif, Anatut, Nebay, 20Magpyas, Mesulam, Kesir, 21Mesesabel, Saduk, Adua, 22Pelatya, Kanan, Anaya, 23Usea, Kananya, Kasub, 24Alues, Pilka, Subek, 25Rekum, Kasabna, Maaseya, 26Akya, Kanan, Anan, 27Maluk, Karim ay Baana.
At Nasadian
28Ay tibak taw Israel, anggan ngay tagfon fanggalangun, ngay taw Lebi, ngay tagulit sis Dius at bale at sakbawan, ngay tagsaful galubad, ngay fagsuguan sis Dius at bale, ay fagayu at nasaruayan fag ngay betaw tagbanwan si em fagbanwanan laman namaning Dius at Faugali, anggan at ngay bubay ay at ngay sisian at makatu gtogdungug, 29nafatuyanan gasfuan em ngay tagfangguna te, namaning ban mi Dius at Faugali at nafon sat fagsuguan Muisis. Nafatuyanan yangay ami te, nu dway ban mi nafafaning Yawi em Fun at ngay suguan ay at ngay faugali ay at ngay foyungan, kaylat wami Dius at faurianan sa emi.
30Nafatuyanan yangay ami te, wami kaylat em ngay sisian nu nangadadwa ban sa em yud gaban tagbanwan si em talun.
31Ay nafatuyanan yaymi fia te, wa ban mi gbul siginan em yud gaban at gutluan ay nusnga setaw at famaloun gina Famiangalay fag Menit, ay tiba yak menit at mafasamanan. Ay galay ban fafituk banwa, wami gtanum sa em ngay daga, ay wa ban mi get ya famayad at ke ngay bedan sa emi.
32Ay nafatuyanan yangay ami te, gfaning ban mi em nafatuyanan te, galay ban sik banwa gfon ami ufatk afud salapi laman fanggubukun sa em Dius at bale. 33Kanya fag salapi famul tinapay laman at fanggalangun sas Dius at daga salubangan, ay gutluan fag ngay fanggalangun, ay ngay fagirugun fag ngay fanggalangun at fagfonun kayu menit, ay fanggalangun sis Famiangalay fag Menit, ay fanggalangun galay fagmafulun sabaliwa Magdanun nu Bagu Kasure, ay tiba yak fagmafulun, ay tiba yak fanggalangun at mafilian, ay fanggalangun laman famalyam ngay taw Israel at ngay asalanan. Ay tiba at salapi, famul tiba yak fagagbilugun si em Dius at bale.
34Ay nafafidfilian ami gasfuan em ngay tagfon fanggalangun, ay ngay taw Lebi laman ginsaful te, ginain ban galay sik talanan nu namosuk famaygang fangirug fanggalangun at fagnamonun sas Yawi em Dius, kata at marirukan sis Faugali.
35Nafatuyanan yangay ami te, galay ban banwa gbuba ami sas Yawi at bale taguna em gutluan. 36Ay kata at marirukan sis Faugali, namuba yangay ban mi em ngay sisian munama at kaka sa tagfakamulun fag ngay tagfon fanggalangun si em Dius at bale: anggan em ngay baka, em ngay tupa, ay anggan em ngay kambing at riangan taguna.
37Nafatuyanan yangay ami te, namuba ban mi sa sangay tagfon fanggalangun at masine fag fangawat tinapay ay tiba yak fanggalangun, ay em tanum fag ngay fun kayu at rawvg, ay at bagu fag fanlangu, ay anggan langis, laman namuba sa em Dius at bale at ngay fagfungsuan. Namuba yangay ban mi sa sangay taw Lebi em ngay gutluan at fasafuluk afud aroro sia wan tagfaful ngay fasafuluk afud sa sangay furuan at ke ngay gutluan. Ngay taw Lebi nu namaful wan ngay fasafuluk afud, 38tagsiginans Arun at kasugfunanan fag ngay tagfon fanggalangun, nangalo yangay, ay at nafaful, ngay taw Lebi namuba sa em Dius at bale at ngay fagfungsuan. 39Ngay taw Israel ay ngay taw Lebi masine namuba yangay at ngay fanggalangun trigu, ay at bagu fag fanlangu, ay langis sa sangay fagfungsuan sis Dius at bale, nu inda fagfungsuan at ngay fagagbilugun, sa yangay ngay tagfon fanggalangun at bale ay sa sangay tagulit sis Dius at bale at sakbawan, ay anggan sa sangay tagsaful galubad.
Nu katanya, nafatuyanan ami te, wami gfabayan em Dius at bale.
Currently Selected:
Nemyas 10: OCCT
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 by OMF International, Philippines
