Nemyas 11
11
Ngay Tagbanwan sis Erusalem
1Ginanya fag buknga, taw Israel at ngay tagfangguna gbanwan sis furuan Erusalem. Ngay taw nafafidfilian laman siginan galay safuluk talanan mesa sadik talanan, at namanwan sas Erusalem, ay at siam banwani way sit mesa furuan. 2Nu katanya, ngay taw nauseganan sa kafag ngay talanan at mafalganan namanwan sas Erusalem.
3-4Tibak taw Israel, ay ngay tagfon fanggalangun, ay ngay taw Lebi, ay sis Dius at bale fag ngay fagsuguan, ay anggan Sulumun at ngay kasugfunanan at ngay fagsuguan, gfataglayun nu gbanwan sis talun Uda at ngay furuan ayu sirut. Ay tibak taw Uda ay taw Benamin nu gbanwan, siwas Erusalem.
Kayu tuy ngay tagfangguna sis talun Uda ay Benamin, tagbanwan sis Erusalem.
Tagsiginans Uda at ngay kasugfunanan: Ataya, Usya at baguama; (Usya, Sakaryas at baguama; Sakaryas, Amarya at baguama; Amarya Sefatya at baguama; Sefatya Maalalel tagsiginan Peres at gaban);
5ay Maaseya, Baruk at baguama; (Baruk, Kul-Kuse at baguama; Kul-Kuse, Kasaya at baguama; Kasaya, Adaya at baguama; Adaya, Uyarib at baguama; Uyarib, Sakaryas at baguama tagsiginans Sela at gaban.) 6Ay sas Peres at gaban e ufatk sandan unumk safulu e waluk mangama at maseganama tagbanwan sis Erusalem.
7Tagsiginans Benamin at gaban: Salu, Mesulam at baguama; (Mesulam, Ued at baguama; Ued, Pedaya at baguama; Pedaya, Kulaya at baguama; Kulaya, Maaseya at baguama; Maaseya, Ityel at baguama; Ityel, Esaya at baguama),
8fadogan at nalo Salu, Gabay ay Salay, ay at kalongan fag siamk sandan duak safulu e walu.
9At tagfangguna Uel, Sikri at baguama ay at fadua Uda, Asenua at baguama.
10Kayu tuy ngay tagfon fanggalangun at namanwan:
Edaya, Uyarib at baguama; ay Akin;
11Ay Seraya, Kilkya at baguama; (Kilkya, Mesulam at baguama; Mesulam, Saduk at baguama; Saduk, Merayut at baguama; Merayut, Akitub at baguama, tagfangguna sis Dius at bale), 12ay anggan at ngay fadgaloan tagfakamulun sis Dius at bale fag waluk sandan duak safulu e dua;
Ay Adaya, Erukam at baguama; (Erukam, Pelalya at baguama; Pelalya, Amsi at baguama; Amsi, Sakaryas at baguama; Sakaryas, Pasur at baguama; ay Pasur, Malkya at baguama),
13ay anggan Adaya at fadgaloan fag duak sandan ufatk safulu e dua, kanya fagayu tagfangguna at ngay talanan;
ay Amasay, Asarel at baguama; (Asarel, Asay at baguama; Asay, Mesilemut at baguama; Mesilemut, Imer at baguama),
14ay Amasay at fadgaloan fag sadik sandan duak safulu e waluk mangama at maseganama. Tagfangguna anya fagayu, Sabdyel, Agedulim at baguama.
15Siginan ngay taw Lebi: Semaya, Kasub at baguama; (Asub, Asrikam at baguama; Asrikam, Kasabya at baguama; Kasabya, Buni at baguama);
16ay Sabetay ay Usabad ngay taw Lebi at tagfangguna. Sa wa anya fagdua at fagfatigwanan tagfangguna ngay fakamulun sis Dius at bale;
17ay Matanya, Mikas at baguama; (Mikas, Sabdi at baguama; Sabdi, Asaf at baguama.) Matanya tagfangguna gina maful guseganan ay gdarangin;
ay Bakbukya, Matanya at faudgufudan;
ay Abda, Samwa at baguama (Samwa, Galal at baguama; Galal, Edutun at baguama.)
18Nu fagayu wan taw Lebi tagbanwan sis Erusalem, duak sandan ufatk safulu e walu.
19Ay at namanwan sas Erusalem fag ngay tagulit sis Dius at bale at ngay sakbawan,
Akub ay Talmun, ay at ufud fag sadik sandan fituk safulu e dua.
20Ay tibak taw Israel, anggan ngay tagfon fanggalangun ay ngay taw Lebi, gbanwan sit ngay mangaguyang at nafon fag ngay furuan sis talun Uda. 21Dewa katanya, ngay fagsuguan sis Dius at bale, nu gbanwan si ways Ufel at fagagbilugun fag ngay buksul. Ay at tagfangguna, Sika ay Gispa.
22Tagfangguna ngay taw Lebi sis Erusalem, Usi, Bani at baguama (Bani, Kasabya at baguama; Kasabya, Matanya at baguama; Matanya, Mikas at baguama.) Ay Usi tagsiginan Asaf at gaban, kanya sik tagsaful galubad sis Dius at bale. 23Tagsugu nusnga setaw at fakamulun, at fun wan.
24Ay Petakya, Mesesabel at baguama, tagsiginan Sera at gaban, Uda at baguama, ay talun Israel at fagsuguan sas Persya at fun.
25Tibak taw Uda gbanwan si sangay furuan at munakbang sit talun, ay tibak taw nu gbanwan sis Kiryat-Arba, Dibun, Ekabseel, ay sit ligung fag ngay furuan. 26Ay tiba gbanwan si sangay furuan Eswa, Mulada, ay Bet-Pelet, 27ay sis Kasar-Sual, Beerseba ay sit ligung fag ngay furuan. 28Ay e gbanwan yangay sis Siklag, Mekuna, ay sit ngay ligung fag ngay furuan, 29ay sis furuan En-Rimun, Sura, Armut, 30Sanua, Adulam, ay sit ligung fag ngay furuan. Ay tiba nu gbanwan sis furuan Lakis ay sit munakbang fag ngay fagtanuman, sis furuan Aseka ay sit ligung fag ngay furuan. Nu katanya, ngay taw gbanwan sis talun Uda siginans Beerseba sitsigons datag Ben-Inum.
31Ay Benamin at ngay kasugfunanan gbanwan sis furuan Geba, sis Mikmas, sis Aya, ay sis Betel, ay sit ligung fag ngay furuan. 32Ay tiba gbanwan sis furuan Anatut, Nub ay Ananya, 33ay sis furuan Kasur, Rama ay Gitaim, 34ay sis furuan Adid, Sebuyim, ay Nebalat, 35ay sis furuan Lud, Unu, ay sat nafangayan te, Ngay Tagfakamulun fag Datag. 36Ay tibak taw Lebi tagbanwan sis talun Uda, nu gbanwan magamut wan sis Benamin fag ngay taw.
Currently Selected:
Nemyas 11: OCCT
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 by OMF International, Philippines
