Ub 26
26
Ub Naringang
1Ay Ub nabalus anya te,
2“O nu glong o mafagubuk o at yud e fagmakatuun, ay mafalangfe o at ngay mamomuy?
3O nu glong o mafoyung o sat yud e fagsafulun siginan nu gfasure o am fagsafulun?
4Sinu am nafakamatoan kayunya am ngay nalong? Sinu at nafoyung emu takatanya?
5Ngay kinbul gtadtaruyan kalimu, anggan at ngay mafolian sis bangsi lino.
6Dius glag way at ngay kinbul at talun ay we gfarum at kinfaurianan at talun.
7Dius narafad kiwang sis daga banwa, ay narabing fagdaul daga sat yud e nusnge wain ya.
8Ay kanya gsifig arak siginan sik linyabu daul, dewa katanya, di karasras dewa mabyat.
9Kanya gfarum magdanun gina mabalulang, ay gtabun sik linyabu.
10Kanya nafae wabilug banwa ay dagat, laman yamag ay dulum e wabilug.
11Ay kanya nu ndotama way, banwa at fagtungkudan guigan.
12Siginan at fagmabalyananun mafaragang way lugwak, ay siginan at fagsafulun nababo ule daul at ngayan te, Rakab.
13Siginan at engasan mafamanabayan way banwa, ay siginan at fagmabalyananun mafabul tagfangagat fag ule daul.
14Fagayu takatanya, sa anya we makalpa. Kata nu nadungug tam sik inasan. Sinu at nasaful Dius at fagmabalyananun?”
Currently Selected:
Ub 26: OCCT
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 by OMF International, Philippines
