1 Krunika 27
27
Tagfangguna ngay Tagfawayan
1Kayu tuy ngay taw Israel tagfangguna ngay tagfawayan, ay tiba tungud fag ngay tagfangguna at tagfakamulun sas fun. Galay sik gaban e duak safulu e ufatk libuk tagfawayan, ay gfakamulun kaduge sik magdanun galay banwa.
2Asubeam, Sabdyel at baguama fag fun tagfawayan, tagfangguna galay taguna fag magdanun. Ay at fagfanggunaun duak safulu e ufatk libuk tagfawayan. 3Kanya siginan Peres at kasugfunanan ay sia wan tagfangguna fagayu tagfawayan galay taguna fag magdanun.
4Ay Duday tagsiginans Akua at gaban tagfangguna ngay tagfawayan galay faduak magdanun. Ay at fagfanggunaun duak safulu e ufatk libuk tagfawayan. Ay Miklut wan tagfangguna sit gaban.
5Benaya, Euyada fag tagfon fanggalangun at baguama, tagfangguna ngay tagfawayan galay fatuluk magdanun. 6Benaya wan at maseganama fag ngay tagfangguna Dabid at ngay tagfangguna ngay tagfawayan fag tuluk safuluk maseganama. At baguama Amisabad tiba tungud tagfangguna sanya fag gaban.
7Asael, Uab at faduksay, tagfangguna galay faufatk magdanun. Ay at baguama Sebadya at natubus anya. At fagfanggunaun duak safulu e ufatk libuk tagfawayan.
8Samut tagsiginans Isra at gaban tagfangguna ngay tagfawayan galay falimak magdanun. At fagfanggunaun duak safulu e ufatk libuk tagfawayan.
9Ira, Ikes at baguama fag taw Tekwa, tagfangguna galay faunumk magdanun. At fagfanggunaun duak safulu e ufatk libuk tagfawayan.
10Keles fag taw Pelun tagsiginans Efraim at gaban at nafunan ngay tagfawayan galay fafituk magdanun. At fagfanggunaun duak safulu e ufatk libuk tagfawayan.
11Sibekay fag taw Kusa tagsiginans Sera at gaban at nafunan ngay tagfawayan galay fawaluk magdanun. At fagfanggunaun duak safulu e ufatk libuk tagfawayan.
12Abyeser fag taw Anatut tagsiginans Benamin at gaban tagfangguna ngay tagfawayan galay fasiamk magdanun. At fagfanggunaun duak safulu e ufatk libuk tagfawayan.
13Maaray fag taw Netufa tagsiginan Sera at gaban tagfangguna at ngay tagfawayan galay fasafuluk magdanun. At fagfanggunaun duak safulu e ufatk libuk tagfawayan.
14Benaya fag taw Piratun tagsiginans Efraim at kasugfunanan tagfangguna at ngay tagfawayan galay falabi sadik magdanun. At fagfanggunaun duak safulu e ufatk libuk tagfawayan.
15Ay Kelday fag taw Netufa tagsiginan Utniel at kasugfunanan tagfangguna at ngay tagfawayan galay falabi duak magdanun. At fagfanggunaun duak safulu e ufatk libuk tagfawayan.
Ngay Tagfangguna Israel at ngay Kasugfunanan
16Kayu tuy tagfangguna ngay taw Israel at ngay kasugfunanan:
Tagfangguna Rubin at kasugfunanan: Elyeser, Sikri at baguama.
Ay tagfangguna Simyun at kasugfunanan:
Sefatya, Maaka at baguama.
17Sis Lebi at kasugfunanan: Kasabya, Kemwel at baguama.
Ay sis Arun at kasugfunanan: Saduk.
18Ay sis Uda at kasugfunanan: Elyu, Dabid at faduksay.
Ay sis Isakar at kasugfunanan: Umri, Mikael at baguama
19Ay sis Sebulun at kasugfunanan: Ismaya, Ubadyas at baguama.
Ay sis Naftali at kasugfunanan: Erimut, Asriel at baguama.
20Ay sis Efraim at kasugfunanan: Usea, Asasya at baguama.
Ay sik wabilug Manase at kasugfunanan: Uel, Pedaya at baguama.
21Ay Manase fag wabilug kasugfunanan sis Gilyad: Iddu, Sakaryas at baguama.
Ay sis Benamin at kasugfunanan: Akasyel, Abner at baguama.
22Ay sis Dan at kasugfunanan: Asarel, Erukam at baguama.
Kanya fagayu tagfangguna ngay taw Israel at ngay kasugfunanan.
23Gina Dabid nainsaful ngay taw, kanya wa nariruk ngay taw at yud yay duak safuluk banwa, aroro Yawi nafatuyanan te, namayu ngay taw Israel kata ngay galeme sis banwa. 24Ay Uab, Seruya at baguama nafasigad nanginsaful nantap ngay taw, dewa katanya, kanya wa nafatabu nu ginsaful aroro Dius andotama. Nu katanya, ngay taw Israel at kayuan wa nriruk sis fun Dabid at fagrirukan.
Ngay Tagfangguna sis Dabid at Fagfagtainanan
25Asmabet, Adyel at baguama, tagfangguna ngay fagfungsuan sis fun at bale.
Ay Yunatan, Usya at baguama, tagfangguna sis fagfungsuan si sik afud talun, furuan ayu sirut ay sa sangay bale ngabat fagulitan.
26Ay Esri, Kelub at baguama, tagfangguna ngay tagfakamulun sis fun at tanuman.
27Ay Simei tagsiginans furuan Rama tagfangguna sis fun at ngay tanuman wat ubas.
Ay Sabdi tagsiginans furuan Sefan tagfangguna fun at ngay famaloun fag ngay rawvg ubas ay ngay fanlangu.
28Ay Baal-Anan tagsiginans furuan Geder tagfangguna si sangay fun ulibu ay sikumuru si sangay buksul sis fakayabian.
Ay Uas tagfangguna si sangay fagfungsuan ulibu at langis.
29Ay Sitray tagsiginans furuan Sarun tagulit ngay fagbaugun tagfangonan sis talun datag Sarun.
Ay Safat, Adlay at baguama, tagalaga ngay baka sis buksul.
30Ay Ubil, sik taw Ismael, tagalaga ngay kamelyu.
Ay Edeya tagsiginans Merunut tagalaga ngay asnu.
31Ay Asis fag taw Agri tagfangguna tagalaga ngay tupa.
Kanya fagayu tagulit fun Dabid at ngay fagagbilugun.
32Ay Yunatan, Dabid at sai, at tagfon famalun longan. Kanya sik taw at mamatanganan ay sik tagsaful griruk. Ay Eyel, Kakmun at baguama tagfoyung fun at ngay baguama. 33Ay Akitufel sik tagfalu yangay longan sas fun. Ay Kusay fag taw Ark fun at fagadgalangan. 34Akitufel nu nbul, Euyada, Benaya ay Abyatar at baguama natubus anya. Ay Uab tagfangguna fun at ngay tagfawayan.
Currently Selected:
1 Krunika 27: OCCT
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 by OMF International, Philippines
