इब्रानियों 5

1हरेक मायाजक मनकाँ मेऊँइस चुण्यो जावे हे ज्यो बाताँ परमेसर का वाते मनकाँ आड़ीऊँ किदी जावे हे, वाँ वाते वो ठेरायो जावे हे, ताँके भेंट अन पापबली चड़ाया करे। 2काँके वो खुद भी कमजोरी का काबू में हे, ईं वाते वो बना हमज्या अन भटक्या तका का हाते नरमाईऊँ वेवार कर सके हे। 3ईं वाते जस्यान वो लोगाँ का पापाँ का वाते बली चड़ावे हे वस्यानीस वो आपणे वाते भी चड़ावे। 4#निर 28:1अन यो मायाजक बणबा को आदर कुई भी अपणेआप ने लेवे, पण यो तो परमेसर का बलावाऊँ दिदो जावे हे जस्यान परमेसर हारून ने बलायो हो।

5 # भज 2:7 अणी तरियाँ मसी मायाजक बणबा की मेमा ने खुद गरण ने किदी, पण परमेसर वींने क्यो,

“थूँ मारो बेटो हे,

आज मूँ थाँरो बाप बण्यो हूँ।”

6 # भज 110:4 वो दूँजी जगाँ भी वीं केवे हे,

“थूँ मलिकिसिदक के रिती का जस्यान हमेस्यान का वाते याजक हे।”

7 # मत्ती 26:36–46; मर 14:32–42; लूका 22:39–46 ईसू अणी धरती का जीवन में ज्यो वींने बंचा सकतो हो, वणीऊँ जोरऊँ हाको करतो तको अन रोते तके अरज अन परातना किदी ही अन नमरता अन भगती का मस वींकी हुण लिदी गी ही। 8ईसू परमेसर को छोरा हो, तद्याँ भी वो दुक जेलन वींकी आग्या को पालण करणो हिक्यो। 9अन एक दन पाको बणन वाँ हाराई का वाते ज्यो वींकी आग्या को पालण करे हे, वो वाँके अनंत छुटकारो को गेलो बणग्यो। 10अन परमेसर वींने मलिकिसिदक की रिती के जस्यान मायाजक बणायो।

गलत गेले चालबावाळा ने चेतावणी

11ईंका बारा में केबा का वाते माकाँ नके नरोई हे, पण ईंका बारा में केणो घणो अबको हे, काँके थाँ हमजबा में धीमा हो। 12#1 कुरि 3:2अबाणू तईं तो थाँने हिक देबावाळा बण जाणो छावतो हो, पण थाँने अबाणू भी एक अस्या मनक की जरूत हे ज्यो थाँने सरूऊँ परमेसर की हिक की सरुवात की बाताँ हिकावे। थाँके तो अबाणू रोटी ने, बेस दूद की जरूत पड़री हे। 13काँके दूद पिबावाळा छोरा ने तो धारमिकता का बचन की पेचाण ने वेवे, काँके वो बाळक हे। 14पण रोट्याँ तो मोठ्याराँ का वाते वेवे हे जणा नत नेम राकन खुद ने त्यार करन भला-बुरा की पेचाण करणो हिक लिदो हे।

Currently Selected:

इब्रानियों 5: एम टी आर

Highlight

Copy