Philippians 3
3
Sa Pammati Ḵan Kristu
1Annaya osan ibagaḵ ḵan diḵayu susunudḵu ḵan Kristu, allaylayad ḵayu oḵyan gapu si niyossaananyu ḵan Apu. Adiyaḵpun mappoge angisassaud atte ibagaḵ ḵan diḵayu ta mabantayan pammatiyu. 2Ummanyu'tta tagu we lawweng da ḵoonda, ipaniḵ dida'tta nadiwase asu te sumusullagida'tte Ambaḻu we Damag. Ipatutdae nu adi masogyatan laḻaḵi, adipun matagu. 3Yaḵon sa ḵatuttuwaan ditaḵu ibelang Apudyus aḵ tuttuwae taguna daḵampun ḵan dida te ditaḵu ḵad dayawon taḵu'ḵ Apudyus si ḵabooḻan ni Ispirituna. Allaylayad taḵu bos gapu'tte taḻgod taḵu ḵan Jesu Kristu. Ḵad adi taḵu bos antaḻgod atta ngaimane ḵoḵoḵḵon taḵu'tte long-ag taḵu we anagu ḵan ditaḵu.
4Taḵon ay nu maḵwae antaḻgodaḵ atta sanae ḵoḵoḵḵon nu pioḵ. Ḵad taḵon ay os nu awad tagu'ḵ angibagae awad lasunnae antaḻgod atta sanae ḵoḵoḵḵona ya ambatayana si mataguwana'ḵ inggana, amo nadaldalluwaḵ. 5Te ḵan saḵon, nasogyatanaḵ si ḵawaḻun aḻgawḵu, nibuḵnagaḵe ganaḵ Israel, osa'tta ganaḵ Benjamin we osa'tta laḻaḵi ye abeng Israel. Saḵon os gattoḵe Hebrew.#3:5 Sa Hebrew, osae ngadan ni Judyu. Hinebrew bos ugudda. Ḵad nu mipanggob os atte lintoge innatod Apudyus ḵan Moses, impapangogḵu tinuttuwa te osaaḵe Pharisee.#3:5 Da Pharisee osadae grupun da ganaḵ Israel atte timpun Jesus. Dida da pangat atte mipanggob si religion da ganaḵ Israel. Uunnudonda lintog Moses ya da ugalin da danaḵḵoḻda. Patiyondae da tagu ḵad awad da ḵalidodwada baḵon nu ispirituda ya umuli da matoy atte umali ye aḻgaw. Patiyonda bose awad da anghel. 6Pun nu mipanggob si angipadasane angipapati, nampaḵaḻamoḵ da namati ḵan Jesus. Pun nu mipanggob si naun-unan ni tagu gapu'tte nanuttuwaanda'tta lintog Moses, naippun nangkurangaḵ. 7Yaḵon gapu ḵan Kristu, losan atta ḵanaḵe ambaḻuwaḵ si awe, ibelangḵu didae ippun anuda sinsana. 8Ḵad daḵampun aḵ abus sadi, ibelangḵu we ippun pulus anun da losan nu iyisuḵ si nangigammuwaḵ ḵan Jesu Kristu we Apuḵ te napatpatog aḵ adayu nu da ngaiman. Para ḵan siya, imballuḵ losan da sadi ya ibelangḵu we dimoḵda ta maḵwae ganaboḵ maḵabuḻbuḻunaḵ ḵan Kristu, 9ya miyossaanaḵ ḵan siya. Pun sinsana, daḵampun aḵ ḵuwaḵ naun-unaḵe mibatay si nanuttuwaaḵ atte lintog yaḵon sa maun-unane itton Apudyus we mibatay si pammati ḵan Kristu. 10Pioḵ da sana ta igammuwoḵ aḵ Kristu we ustu ya sa ḵabooḻan ni ummuliyana. Ḵad daḵampun aḵ abus sadi, padasoḵ oḵyan ose ampaḵaḻam ya miyisuwaḵ ḵan siya si natoyana 11te namnamaoḵ pagaye taguwonaḵ ḵasin ḵan Apudyus.
Sa Gungunae Pion Paul Gun-udon
12Adiḵpun ḵanane ginangputḵu inawat da sana baḵon nu ḵanane ippun angkurangaḵ sinsana. Yaḵon iggaḵ losane ḵabooḻaḵ ta gun-udoḵ gunguna ta mituttuwa panggob Jesu Kristu si nambalinona saḵon aḵ taguna. 13Susunudḵu ḵan Kristu, tuttuwae daanḵupun yan gun-udon da sana yaḵon sa ḵooḵ sinsana, umadiḵ ogon sosomḵon da ḵingwaḵ atte awe yaḵon siya ipapuut ni somsomoḵḵu daampun mituttuwa planun Apudyus ḵan saḵon. 14Iggaḵ ḵabooḻaḵ ta daḵngoḵ miyisu si pagpag ni totoddaḵan ta magun-udḵu gungunae itton Apudyus atta losane piliyanae midoga ḵan siya'd langit gapu ḵan Jesu Kristu.
15Ḵatti oḵyan sosomḵon taḵu losane nanaḵman si pammati. Yaḵon nu awad nisabali somsomoḵna ḵan diḵayu, aḵ Apudyus angipaigammu ḵan siya si ustu. 16Yaḵon taḵon ay nu ḵatti, ḵasapuḻane pagapagatupan taḵu tuttuwaon da impaigammun Apudyus ḵan ditaḵu.
17Susunudḵu ḵan Kristu, an-os-ossaan ḵayu oḵyane angunud ḵan saḵon. Ilanyu oḵyan os da angunud si nantataguni ye impailani ḵan diḵayu ta dida da unudonyu, daḵampun atta udum. 18Te adu da ḵabusuḻ Kristu we angngesnges-elanda natoyana'tte kros gapu'tta antataguda. Nangampigae imbagaḵ sana ḵan diḵayu si awe yaḵon iḵasinḵu ibagae sana ya maḵaluwaaḵ si somsomḵoḵ mipanggob ḵan dida. 19Te aaddi ye sa ambanagan ni biyagda, madusada'ḵ inggana'd infiernu. Te dida ḵad, siya ambalinonda'ḵ apudyusda da pipion da long-agda.#3:19 Atte Greek ḵananda “buwangda” yaḵon da ḵaaduwan atta nalaing, ibagadae “pipion da long-agda” de piona ḵanan. Ḵad siya is-isḵaḻda da ḵababbaine ḵoḵoḵḵonda. Siya bos ipapuut ni somsomoḵda da awad si luta. 20Yaḵon ḵan ditaḵu, ad langit ustu we ili taḵu ḵad siya bos maḻpuwan ni uuwayon taḵu we aḵ Apu Jesu Kristu we anagu ḵan ditaḵu. 21Ambalinona da ḵaddagu ya matoye long-ag taḵu aḵ isun ni long-agnae adipun pulus matoy ya ambaḻubaḻu we long-ag. Ḵad maḵwae ḵoona sadi gapu si ummamdane ḵabooḻanae angawis atta losan ta paipangatda ḵan siya.
Currently Selected:
Philippians 3: kml
Highlight
Share
Copy
Want to have your highlights saved across all your devices? Sign up or sign in
© 2019 Translators Association of the Philippines (TAP), All rights reserved.
Philippians 3
3
Sa Pammati Ḵan Kristu
1Annaya osan ibagaḵ ḵan diḵayu susunudḵu ḵan Kristu, allaylayad ḵayu oḵyan gapu si niyossaananyu ḵan Apu. Adiyaḵpun mappoge angisassaud atte ibagaḵ ḵan diḵayu ta mabantayan pammatiyu. 2Ummanyu'tta tagu we lawweng da ḵoonda, ipaniḵ dida'tta nadiwase asu te sumusullagida'tte Ambaḻu we Damag. Ipatutdae nu adi masogyatan laḻaḵi, adipun matagu. 3Yaḵon sa ḵatuttuwaan ditaḵu ibelang Apudyus aḵ tuttuwae taguna daḵampun ḵan dida te ditaḵu ḵad dayawon taḵu'ḵ Apudyus si ḵabooḻan ni Ispirituna. Allaylayad taḵu bos gapu'tte taḻgod taḵu ḵan Jesu Kristu. Ḵad adi taḵu bos antaḻgod atta ngaimane ḵoḵoḵḵon taḵu'tte long-ag taḵu we anagu ḵan ditaḵu.
4Taḵon ay nu maḵwae antaḻgodaḵ atta sanae ḵoḵoḵḵon nu pioḵ. Ḵad taḵon ay os nu awad tagu'ḵ angibagae awad lasunnae antaḻgod atta sanae ḵoḵoḵḵona ya ambatayana si mataguwana'ḵ inggana, amo nadaldalluwaḵ. 5Te ḵan saḵon, nasogyatanaḵ si ḵawaḻun aḻgawḵu, nibuḵnagaḵe ganaḵ Israel, osa'tta ganaḵ Benjamin we osa'tta laḻaḵi ye abeng Israel. Saḵon os gattoḵe Hebrew.#3:5 Sa Hebrew, osae ngadan ni Judyu. Hinebrew bos ugudda. Ḵad nu mipanggob os atte lintoge innatod Apudyus ḵan Moses, impapangogḵu tinuttuwa te osaaḵe Pharisee.#3:5 Da Pharisee osadae grupun da ganaḵ Israel atte timpun Jesus. Dida da pangat atte mipanggob si religion da ganaḵ Israel. Uunnudonda lintog Moses ya da ugalin da danaḵḵoḻda. Patiyondae da tagu ḵad awad da ḵalidodwada baḵon nu ispirituda ya umuli da matoy atte umali ye aḻgaw. Patiyonda bose awad da anghel. 6Pun nu mipanggob si angipadasane angipapati, nampaḵaḻamoḵ da namati ḵan Jesus. Pun nu mipanggob si naun-unan ni tagu gapu'tte nanuttuwaanda'tta lintog Moses, naippun nangkurangaḵ. 7Yaḵon gapu ḵan Kristu, losan atta ḵanaḵe ambaḻuwaḵ si awe, ibelangḵu didae ippun anuda sinsana. 8Ḵad daḵampun aḵ abus sadi, ibelangḵu we ippun pulus anun da losan nu iyisuḵ si nangigammuwaḵ ḵan Jesu Kristu we Apuḵ te napatpatog aḵ adayu nu da ngaiman. Para ḵan siya, imballuḵ losan da sadi ya ibelangḵu we dimoḵda ta maḵwae ganaboḵ maḵabuḻbuḻunaḵ ḵan Kristu, 9ya miyossaanaḵ ḵan siya. Pun sinsana, daḵampun aḵ ḵuwaḵ naun-unaḵe mibatay si nanuttuwaaḵ atte lintog yaḵon sa maun-unane itton Apudyus we mibatay si pammati ḵan Kristu. 10Pioḵ da sana ta igammuwoḵ aḵ Kristu we ustu ya sa ḵabooḻan ni ummuliyana. Ḵad daḵampun aḵ abus sadi, padasoḵ oḵyan ose ampaḵaḻam ya miyisuwaḵ ḵan siya si natoyana 11te namnamaoḵ pagaye taguwonaḵ ḵasin ḵan Apudyus.
Sa Gungunae Pion Paul Gun-udon
12Adiḵpun ḵanane ginangputḵu inawat da sana baḵon nu ḵanane ippun angkurangaḵ sinsana. Yaḵon iggaḵ losane ḵabooḻaḵ ta gun-udoḵ gunguna ta mituttuwa panggob Jesu Kristu si nambalinona saḵon aḵ taguna. 13Susunudḵu ḵan Kristu, tuttuwae daanḵupun yan gun-udon da sana yaḵon sa ḵooḵ sinsana, umadiḵ ogon sosomḵon da ḵingwaḵ atte awe yaḵon siya ipapuut ni somsomoḵḵu daampun mituttuwa planun Apudyus ḵan saḵon. 14Iggaḵ ḵabooḻaḵ ta daḵngoḵ miyisu si pagpag ni totoddaḵan ta magun-udḵu gungunae itton Apudyus atta losane piliyanae midoga ḵan siya'd langit gapu ḵan Jesu Kristu.
15Ḵatti oḵyan sosomḵon taḵu losane nanaḵman si pammati. Yaḵon nu awad nisabali somsomoḵna ḵan diḵayu, aḵ Apudyus angipaigammu ḵan siya si ustu. 16Yaḵon taḵon ay nu ḵatti, ḵasapuḻane pagapagatupan taḵu tuttuwaon da impaigammun Apudyus ḵan ditaḵu.
17Susunudḵu ḵan Kristu, an-os-ossaan ḵayu oḵyane angunud ḵan saḵon. Ilanyu oḵyan os da angunud si nantataguni ye impailani ḵan diḵayu ta dida da unudonyu, daḵampun atta udum. 18Te adu da ḵabusuḻ Kristu we angngesnges-elanda natoyana'tte kros gapu'tta antataguda. Nangampigae imbagaḵ sana ḵan diḵayu si awe yaḵon iḵasinḵu ibagae sana ya maḵaluwaaḵ si somsomḵoḵ mipanggob ḵan dida. 19Te aaddi ye sa ambanagan ni biyagda, madusada'ḵ inggana'd infiernu. Te dida ḵad, siya ambalinonda'ḵ apudyusda da pipion da long-agda.#3:19 Atte Greek ḵananda “buwangda” yaḵon da ḵaaduwan atta nalaing, ibagadae “pipion da long-agda” de piona ḵanan. Ḵad siya is-isḵaḻda da ḵababbaine ḵoḵoḵḵonda. Siya bos ipapuut ni somsomoḵda da awad si luta. 20Yaḵon ḵan ditaḵu, ad langit ustu we ili taḵu ḵad siya bos maḻpuwan ni uuwayon taḵu we aḵ Apu Jesu Kristu we anagu ḵan ditaḵu. 21Ambalinona da ḵaddagu ya matoye long-ag taḵu aḵ isun ni long-agnae adipun pulus matoy ya ambaḻubaḻu we long-ag. Ḵad maḵwae ḵoona sadi gapu si ummamdane ḵabooḻanae angawis atta losan ta paipangatda ḵan siya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2019 Translators Association of the Philippines (TAP), All rights reserved.