Philippians 2
2
Sa Nampakumbabaan Kristu
1Pun sa niyossaananyu ḵan Kristu, siya masoḻgagan ni somsomoḵyu. Ayaton Kristu diḵayu ya siya alliwliwa ḵan diḵayu. Buḻbuḻunyu bos Ispiritu Santu. Ḵad anna ayat ḵan ḵadagu ḵan diḵayu. 2Pun gapu ta tuttuwa losan da sana, ilanyu ud ta unudonyu ayat Kristu ya an-os-ossaanonyu somsomoḵyu ḵan panggobyu ya ilanyu bos ta an-iisu an-aayatyu ḵan an-os-ossaan ḵayu ta maganasanaḵe ustu. 3Sa panggobyu oḵyane angwa'tta ngaiman, daḵampun oḵyan atte maḵaas-asselanyu ya mitaḻayaganyu yaḵon siya oḵyan ḵoonyu ipakumbabayu da somsomoḵyu ta ibelangyu we nangatu da buḻunyu nu da long-agyu. 4Sa sosomḵonyu oḵyan, daḵampun si bumaḻuwanyu we abus yaḵon sa bumaḻuwan oḵyan os da buḻunyu.#2:4 1 Corinthians 10:24.
5Ḵasapuḻane patilayunonyu unudon ansosomsomoḵ ḵan nantatagun Jesu Kristu.
6Te awad ḵan siya gattoḵe
ḵinaapudyus Apudyus,
adinapun imbelange mipangtad long-agna
ḵan Apudyus aḵ mausar para'tte bumaḻuwana
7yaḵon siya bos ḵingwana
tinenana ḵalintogana taḵon ay nu Apudyus
woḵ nibuḵnage tagu we isu taḵu.
Pun nambalinona bos long-agna'ḵ isun di musassu,
8ya gapu'tte nambalinana'ḵ tagu,
impakumbabana long-agna'tte
tummuttuwaana ḵan Apudyus,
taḵon ay nu siya gapun ni matoyana,
taḵon ay os nu ḵaog-ogyat
ya ḵababbain natoyanae nipattoḻ atte kros.
9Pun intaḻayag Apudyus aḵ Jesus
ta siya ḵangatuwan atta losan,#2:9 Acts 2:33-36; Ephesians 1:20-21.
10ta madayaw. Te analluḵu da losan
ta andayawda ḵan Jesus,
losane awad ad langit, ad luta
ya da awad ad daḻom si luta.#2:10 Da awad ad daḻom si luta, da nankaḵatoye tagu ya midoga nin da dimunyu.
11Ḵananda losan, aḵ Jesu Kristu Apu.
Ḵad sadi midaydayawan Apudyus we Ama.#2:10-11 Isaiah 45:23; Romans 14:11.
Da Bituwone Lumanglangḻang Silawda Atta Labi
12Pun annaya ibagaḵ ḵan diḵayu we buḻbuḻunḵu. Pasig ḵayu tummuttuwa atte inninggawaḵ ḵan diḵayu yaḵon sindumallu oḵyan si ḵamaidḵu ḵan diḵayu. Pun adiyu iwaḻange angwa si ambaḻu we siya ambanagan ni nataguwanyu. Ḵad sa angwaanyu si sadi, bumain ḵayu ya isipogyu we ustu'ḵ Apudyus. 13Te aḵ Apudyus, patilayune anna ḵan diḵayu ta siya ḵoonyu da mas-omana ḵad ittona ḵabooḻan ḵan diḵayu we tumuttuwa.
14Da losane ḵoonyu, adi ḵayu ngumonot ḵan maḵasossongbat, 15ta naippun idellawda ḵan diḵayu we abeng Apudyus ya ambaḻu da losane ugaliyu. Te taḵon ay nu maḵaigaw ḵayu'tta lawweng ya ḵabasbassuḻane tagu si annae lubung, naippun oḵyan angkuranganyu ta miyisu ḵayu'tta bituwone lumanglangḻang silawda'tte labi. 16Ḵad popotpotanyu Ugud Apudyus we angitod si biyag aḵ inggana. Te nu ḵoonyu da sadi, diḵayu da isḵaḻḵu si ḵasine umaliyan Kristu. Igammuḵ ose adipun natangga pangogḵu we nanḵewaaḻ. 17Ḵad gapu ta madam-an angongatanda ḵan saḵon, allaylayadaḵ taḵon ay nu ḵasapuḻane mibuḵbuḵ daḻaḵe midoga si datune midatun gapu si pammatiyu ḵan Apudyus. Pun maḵagangganasaḵ ḵan diḵayu losan. 18Ḵad isunae allaylayad ḵayu ya maḵalaylayad ḵayu oḵyan os ḵan saḵon.
Da Timothy Ḵan Epaphroditus
19Nu iyunud Apu Jesus, namnamaoḵe adipun manunnuwan ya ibuunku'ḵ Timothy ḵan diḵayu ta mipauli ḵad ya ug-uggudona mipanggob ḵan diḵayu, lumayadaḵ ya lumayad ḵayu bos. 20Ibuunḵu te siya abus aḵ buḻunḵu we angisaḵit ḵan diḵayu, naippun udum aḵ igammuḵ. 21Te da udume tagu, siya abus aḵ singsingtonda pipion ni somsomoḵda, daḵampun si pinion Jesu Kristu ḵoonda. 22Yaḵon aḵ Timothy ḵad, iniiggammuyu we ambaḻu ugalina te innilayu we isunin an-ama si ḵewaaḻni ye angiwaḻagawag atte Ambaḻu we Damag. 23Pun namnamaoḵe siya ibuunḵu we dagus ḵan diḵayu nu igammuwoḵ anungus ni ḵasusḵu. 24Ḵad antaḻgodaḵ ḵan Apu we adipun ambayag ya umaliyaḵ os sinat.
25Simsimmoḵḵu bose ḵasapuḻane paoyonoḵ aḵ Epaphroditus we sunud taḵu ḵan Kristu we buḻunḵu si ḵewaaḻ ya buḻunḵu bose angitaḵdoḻ atte Ambaḻu we Damag atta sumullagi. Siya imbuunyu'ḵ bumadang ḵan saḵon atta ḵasapuḻaḵ, 26yaḵon paoyonoḵ sinat te amod pagay ayuna ḵan diḵayu losan ya amod os bimbinsawna si inigammunae dingngoḻyu nasaḵitana. 27Tuttuwae ansaḻom ay saḵitna te tigangay matoy yaḵon ḵinadaguwan Apudyus. Ḵad daḵampun ay aḵ siyae abus ḵinadaguwana te indogana saḵon ta adi dumallu babauyḵu nu natoy. 28Pun pioḵ pagaye paoyonon ta lumayad ḵayu ḵasin nu ilanyu ya lumin-awa bos somsomoḵḵu. 29Pun amod oḵyan layadyu we amadatong ḵan siya te nibelange sinusunnud taḵu gapu si niyossaanana ḵan Apu. Da tagu we isun Epaphroditus bagaynae mapatganda, 30te tigangay matoy gapu si ḵewaaḻe impaḵwan Kristu ḵan siya ḵad impustana biyagna si bumadangana ḵan saḵon atte ḵamaidyu.
Currently Selected:
Philippians 2: kml
Highlight
Share
Copy
Want to have your highlights saved across all your devices? Sign up or sign in
© 2019 Translators Association of the Philippines (TAP), All rights reserved.
Philippians 2
2
Sa Nampakumbabaan Kristu
1Pun sa niyossaananyu ḵan Kristu, siya masoḻgagan ni somsomoḵyu. Ayaton Kristu diḵayu ya siya alliwliwa ḵan diḵayu. Buḻbuḻunyu bos Ispiritu Santu. Ḵad anna ayat ḵan ḵadagu ḵan diḵayu. 2Pun gapu ta tuttuwa losan da sana, ilanyu ud ta unudonyu ayat Kristu ya an-os-ossaanonyu somsomoḵyu ḵan panggobyu ya ilanyu bos ta an-iisu an-aayatyu ḵan an-os-ossaan ḵayu ta maganasanaḵe ustu. 3Sa panggobyu oḵyane angwa'tta ngaiman, daḵampun oḵyan atte maḵaas-asselanyu ya mitaḻayaganyu yaḵon siya oḵyan ḵoonyu ipakumbabayu da somsomoḵyu ta ibelangyu we nangatu da buḻunyu nu da long-agyu. 4Sa sosomḵonyu oḵyan, daḵampun si bumaḻuwanyu we abus yaḵon sa bumaḻuwan oḵyan os da buḻunyu.#2:4 1 Corinthians 10:24.
5Ḵasapuḻane patilayunonyu unudon ansosomsomoḵ ḵan nantatagun Jesu Kristu.
6Te awad ḵan siya gattoḵe
ḵinaapudyus Apudyus,
adinapun imbelange mipangtad long-agna
ḵan Apudyus aḵ mausar para'tte bumaḻuwana
7yaḵon siya bos ḵingwana
tinenana ḵalintogana taḵon ay nu Apudyus
woḵ nibuḵnage tagu we isu taḵu.
Pun nambalinona bos long-agna'ḵ isun di musassu,
8ya gapu'tte nambalinana'ḵ tagu,
impakumbabana long-agna'tte
tummuttuwaana ḵan Apudyus,
taḵon ay nu siya gapun ni matoyana,
taḵon ay os nu ḵaog-ogyat
ya ḵababbain natoyanae nipattoḻ atte kros.
9Pun intaḻayag Apudyus aḵ Jesus
ta siya ḵangatuwan atta losan,#2:9 Acts 2:33-36; Ephesians 1:20-21.
10ta madayaw. Te analluḵu da losan
ta andayawda ḵan Jesus,
losane awad ad langit, ad luta
ya da awad ad daḻom si luta.#2:10 Da awad ad daḻom si luta, da nankaḵatoye tagu ya midoga nin da dimunyu.
11Ḵananda losan, aḵ Jesu Kristu Apu.
Ḵad sadi midaydayawan Apudyus we Ama.#2:10-11 Isaiah 45:23; Romans 14:11.
Da Bituwone Lumanglangḻang Silawda Atta Labi
12Pun annaya ibagaḵ ḵan diḵayu we buḻbuḻunḵu. Pasig ḵayu tummuttuwa atte inninggawaḵ ḵan diḵayu yaḵon sindumallu oḵyan si ḵamaidḵu ḵan diḵayu. Pun adiyu iwaḻange angwa si ambaḻu we siya ambanagan ni nataguwanyu. Ḵad sa angwaanyu si sadi, bumain ḵayu ya isipogyu we ustu'ḵ Apudyus. 13Te aḵ Apudyus, patilayune anna ḵan diḵayu ta siya ḵoonyu da mas-omana ḵad ittona ḵabooḻan ḵan diḵayu we tumuttuwa.
14Da losane ḵoonyu, adi ḵayu ngumonot ḵan maḵasossongbat, 15ta naippun idellawda ḵan diḵayu we abeng Apudyus ya ambaḻu da losane ugaliyu. Te taḵon ay nu maḵaigaw ḵayu'tta lawweng ya ḵabasbassuḻane tagu si annae lubung, naippun oḵyan angkuranganyu ta miyisu ḵayu'tta bituwone lumanglangḻang silawda'tte labi. 16Ḵad popotpotanyu Ugud Apudyus we angitod si biyag aḵ inggana. Te nu ḵoonyu da sadi, diḵayu da isḵaḻḵu si ḵasine umaliyan Kristu. Igammuḵ ose adipun natangga pangogḵu we nanḵewaaḻ. 17Ḵad gapu ta madam-an angongatanda ḵan saḵon, allaylayadaḵ taḵon ay nu ḵasapuḻane mibuḵbuḵ daḻaḵe midoga si datune midatun gapu si pammatiyu ḵan Apudyus. Pun maḵagangganasaḵ ḵan diḵayu losan. 18Ḵad isunae allaylayad ḵayu ya maḵalaylayad ḵayu oḵyan os ḵan saḵon.
Da Timothy Ḵan Epaphroditus
19Nu iyunud Apu Jesus, namnamaoḵe adipun manunnuwan ya ibuunku'ḵ Timothy ḵan diḵayu ta mipauli ḵad ya ug-uggudona mipanggob ḵan diḵayu, lumayadaḵ ya lumayad ḵayu bos. 20Ibuunḵu te siya abus aḵ buḻunḵu we angisaḵit ḵan diḵayu, naippun udum aḵ igammuḵ. 21Te da udume tagu, siya abus aḵ singsingtonda pipion ni somsomoḵda, daḵampun si pinion Jesu Kristu ḵoonda. 22Yaḵon aḵ Timothy ḵad, iniiggammuyu we ambaḻu ugalina te innilayu we isunin an-ama si ḵewaaḻni ye angiwaḻagawag atte Ambaḻu we Damag. 23Pun namnamaoḵe siya ibuunḵu we dagus ḵan diḵayu nu igammuwoḵ anungus ni ḵasusḵu. 24Ḵad antaḻgodaḵ ḵan Apu we adipun ambayag ya umaliyaḵ os sinat.
25Simsimmoḵḵu bose ḵasapuḻane paoyonoḵ aḵ Epaphroditus we sunud taḵu ḵan Kristu we buḻunḵu si ḵewaaḻ ya buḻunḵu bose angitaḵdoḻ atte Ambaḻu we Damag atta sumullagi. Siya imbuunyu'ḵ bumadang ḵan saḵon atta ḵasapuḻaḵ, 26yaḵon paoyonoḵ sinat te amod pagay ayuna ḵan diḵayu losan ya amod os bimbinsawna si inigammunae dingngoḻyu nasaḵitana. 27Tuttuwae ansaḻom ay saḵitna te tigangay matoy yaḵon ḵinadaguwan Apudyus. Ḵad daḵampun ay aḵ siyae abus ḵinadaguwana te indogana saḵon ta adi dumallu babauyḵu nu natoy. 28Pun pioḵ pagaye paoyonon ta lumayad ḵayu ḵasin nu ilanyu ya lumin-awa bos somsomoḵḵu. 29Pun amod oḵyan layadyu we amadatong ḵan siya te nibelange sinusunnud taḵu gapu si niyossaanana ḵan Apu. Da tagu we isun Epaphroditus bagaynae mapatganda, 30te tigangay matoy gapu si ḵewaaḻe impaḵwan Kristu ḵan siya ḵad impustana biyagna si bumadangana ḵan saḵon atte ḵamaidyu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2019 Translators Association of the Philippines (TAP), All rights reserved.