Philippians 4
4
1Pun diḵayu we susunudḵu ḵan Kristu, ipapatiyu we amati ḵan Apu. Ay-ayatoḵ ya amod ayuḵ ḵan diḵayu te diḵayu da amalayad ḵan saḵon ya diḵayu da isun di gungunaḵ atte ḵewaaḻḵu.
Sa Anungus Ni Bilin Paul
2Diḵayu ḵad Euodia ḵan Syntyche, an-ossaanonyu ḵappos ḵasomsomḵanyu gapu si niyossaananyu ḵan Apu! 3Siḵa ḵad ose mataḻgodane buḻunḵu, badangam ḵappos da sanae bubai ta an-asipakawanda ya mipaḻ-og an-ossaananyu. Te pummangogdae naḵaḵewaaḻ ḵan saḵon atte nangiwaḻagawagaḵ si Ambaḻu we Damag, nidoga da Clement ya da udume naḵaḵewaaḻ ḵan saḵone awad da ngadanda si iblu we nigiliyan da ngadan da awad biyagda'ḵ inggana.
4Ḵasapuḻane pasig ḵayu oḵyan allaylayad gapu si niyossaananyu ḵan Apu. Ipigwaḵ ibagae allaylayad ḵayu oḵyan. 5Ipailayu ḵinaanusyu'tta losane tagu te madam-an umaliyan Apu.#4:5 Sa anna'tte Greek, maḵwa bose sa piona ḵanan, “Madam-an umaliyan Apu.” 6Adi ḵayu ambinsaw yaḵon siya ḵoonyu alluwaḻu ḵayu ḵan Apudyus. Ḵad ḵodawonyu ḵan siya da losane ḵasapuḻanyu ya anggappiya ḵayu bos. 7Te nu ḵoonyu da sana, awad ḵan diḵayu lin-awae itton Apudyus we nakaskasdaawe adipun paat maḵwae maawatan ni somsomoḵ di tagu. Ḵad iissuna guwaḻdae anaḻaḵnib si ḵimut ḵan bimbinsawyu, gapu si midog-anyu ḵan Jesu Kristu.
8Sa anungus ni ibagaḵ ḵan diḵayu we susunudḵu ḵan Kristu, siya oḵyan pasigyu sosomḵon da tuttuwa, ampatog, ustu, ampoḻḵas, ambaḻu ḵan ḵadayawan. Ḵad taḵon ay da udume ambaḻu baḵon nu nanggodonge ugud, sadi oḵyan da imumuḻayu'tta somsomoḵyu. 9Da losane inadaḻyu ḵan saḵon, da dingngoḻyu ya innilayu, siya oḵyan pagay pasige unudonyu ya aḵ Apudyus we angitod si lin-awa, siya amuḻun ḵan diḵayu.
Sa Nanggappiyaan Paul Atta IPhilippi
10Amod de layadḵu si niyossaanaḵ ḵan Apu te sinsadi nawayaan ḵayu bos ḵasine bumadang. Nabayag ḵammose ippun bummadanganyu yaḵon daḵampun aḵ gapu ta naliwatanyu saḵon te igammuḵe naippun wayayu we angipaila si layadyu we bumadang. 11Daḵampun aḵ ibagaḵ sana gapu ta angkurang da ḵasapuḻaḵ. Te saḵon ḵad, pinaingsaḵe mat-op atte ngaimane ḵasasaadḵu. 12Pinadasḵu we naaḵitan ḵan nansawasawaḻ. Ngaimane maḵwa ḵan saḵon, mauḻataḵ baḵon nu massugaḵ taḵon ay aḵit baḵon nu nasawasawaḻ da ḵasapuḻaḵ, igammuḵ inoḵe mat-op. 13Gapu'tte miyossaanaḵ ḵan Kristu we siya amapigsa ḵan saḵon, lamogḵu ḵoon da losan.
14Yaḵon taḵon ay nu ḵatti, ambaḻu ḵingwayu we bummadang ḵan saḵon si timpu we nampaḵaḻamaḵ. 15Diḵayu we iPhilippi, igammuyu we sa damun ni nangiwaḻagawagaḵ si Ambaḻu we Damag ḵan diḵayu si naḻpuwaḵ ad Macedonia, ippun udum atta namati ye magimugimung aḵ bummadang ḵan saḵon yaḵon abus ḵayu. Ḵad nambalin ḵayu'ḵ buḻunḵu we anserbi ḵan Kristu te nangitoitod ḵayu ḵan saḵon. 16Taḵon ay inninggawaḵ ad Thessalonica, namigwae indagasyu da ḵasapuḻaḵ. 17Yaḵon pioḵ ipaigammu ḵan diḵayu we siya singtoḵ madog-an oḵyan gungunayu, daḵampun atte ittonyu. 18Sinsadi masawasawaḻ da ḵasapuḻaḵ te inawatḵu ḵan Epaphroditus da losane indagasyu. Ḵad da sanae indagasyu, isunan ambangu we midatun ḵan Apudyus we mat-opana ḵan lumayadana. 19Pun aḵ Apudyus we anserbiyaḵ gapu'tte ḵinabaḵnangnae ippun ampatinggaana, siya angatod ḵan diḵayu'tta losane ḵasapuḻanyu mipagapu ḵan Jesu Kristu. 20Daydayawon taḵu oḵyan aḵ Apudyus we Ama taḵu'ḵ inggana. Amen.
Sa Anungus Ni Annae Suḻat
21Pakumustaoḵ da losane tagun Apudyus sinate da niyossaan ḵan Jesu Kristu. Da susunud taḵu ḵan Kristu we buḻunḵu sina, pakumustaonda bos diḵayu, 22midoga da losane tagun Apudyus sina'd Rome amod ay da anḵewaaḻ si boḻoy ni Emperor ad Rome.
23Awad oḵyan ḵan diḵayu ḵinabaḻu we maḻpu ḵan Apu Jesu Kristu.
Currently Selected:
Philippians 4: kml
Highlight
Share
Copy
Want to have your highlights saved across all your devices? Sign up or sign in
© 2019 Translators Association of the Philippines (TAP), All rights reserved.
Philippians 4
4
1Pun diḵayu we susunudḵu ḵan Kristu, ipapatiyu we amati ḵan Apu. Ay-ayatoḵ ya amod ayuḵ ḵan diḵayu te diḵayu da amalayad ḵan saḵon ya diḵayu da isun di gungunaḵ atte ḵewaaḻḵu.
Sa Anungus Ni Bilin Paul
2Diḵayu ḵad Euodia ḵan Syntyche, an-ossaanonyu ḵappos ḵasomsomḵanyu gapu si niyossaananyu ḵan Apu! 3Siḵa ḵad ose mataḻgodane buḻunḵu, badangam ḵappos da sanae bubai ta an-asipakawanda ya mipaḻ-og an-ossaananyu. Te pummangogdae naḵaḵewaaḻ ḵan saḵon atte nangiwaḻagawagaḵ si Ambaḻu we Damag, nidoga da Clement ya da udume naḵaḵewaaḻ ḵan saḵone awad da ngadanda si iblu we nigiliyan da ngadan da awad biyagda'ḵ inggana.
4Ḵasapuḻane pasig ḵayu oḵyan allaylayad gapu si niyossaananyu ḵan Apu. Ipigwaḵ ibagae allaylayad ḵayu oḵyan. 5Ipailayu ḵinaanusyu'tta losane tagu te madam-an umaliyan Apu.#4:5 Sa anna'tte Greek, maḵwa bose sa piona ḵanan, “Madam-an umaliyan Apu.” 6Adi ḵayu ambinsaw yaḵon siya ḵoonyu alluwaḻu ḵayu ḵan Apudyus. Ḵad ḵodawonyu ḵan siya da losane ḵasapuḻanyu ya anggappiya ḵayu bos. 7Te nu ḵoonyu da sana, awad ḵan diḵayu lin-awae itton Apudyus we nakaskasdaawe adipun paat maḵwae maawatan ni somsomoḵ di tagu. Ḵad iissuna guwaḻdae anaḻaḵnib si ḵimut ḵan bimbinsawyu, gapu si midog-anyu ḵan Jesu Kristu.
8Sa anungus ni ibagaḵ ḵan diḵayu we susunudḵu ḵan Kristu, siya oḵyan pasigyu sosomḵon da tuttuwa, ampatog, ustu, ampoḻḵas, ambaḻu ḵan ḵadayawan. Ḵad taḵon ay da udume ambaḻu baḵon nu nanggodonge ugud, sadi oḵyan da imumuḻayu'tta somsomoḵyu. 9Da losane inadaḻyu ḵan saḵon, da dingngoḻyu ya innilayu, siya oḵyan pagay pasige unudonyu ya aḵ Apudyus we angitod si lin-awa, siya amuḻun ḵan diḵayu.
Sa Nanggappiyaan Paul Atta IPhilippi
10Amod de layadḵu si niyossaanaḵ ḵan Apu te sinsadi nawayaan ḵayu bos ḵasine bumadang. Nabayag ḵammose ippun bummadanganyu yaḵon daḵampun aḵ gapu ta naliwatanyu saḵon te igammuḵe naippun wayayu we angipaila si layadyu we bumadang. 11Daḵampun aḵ ibagaḵ sana gapu ta angkurang da ḵasapuḻaḵ. Te saḵon ḵad, pinaingsaḵe mat-op atte ngaimane ḵasasaadḵu. 12Pinadasḵu we naaḵitan ḵan nansawasawaḻ. Ngaimane maḵwa ḵan saḵon, mauḻataḵ baḵon nu massugaḵ taḵon ay aḵit baḵon nu nasawasawaḻ da ḵasapuḻaḵ, igammuḵ inoḵe mat-op. 13Gapu'tte miyossaanaḵ ḵan Kristu we siya amapigsa ḵan saḵon, lamogḵu ḵoon da losan.
14Yaḵon taḵon ay nu ḵatti, ambaḻu ḵingwayu we bummadang ḵan saḵon si timpu we nampaḵaḻamaḵ. 15Diḵayu we iPhilippi, igammuyu we sa damun ni nangiwaḻagawagaḵ si Ambaḻu we Damag ḵan diḵayu si naḻpuwaḵ ad Macedonia, ippun udum atta namati ye magimugimung aḵ bummadang ḵan saḵon yaḵon abus ḵayu. Ḵad nambalin ḵayu'ḵ buḻunḵu we anserbi ḵan Kristu te nangitoitod ḵayu ḵan saḵon. 16Taḵon ay inninggawaḵ ad Thessalonica, namigwae indagasyu da ḵasapuḻaḵ. 17Yaḵon pioḵ ipaigammu ḵan diḵayu we siya singtoḵ madog-an oḵyan gungunayu, daḵampun atte ittonyu. 18Sinsadi masawasawaḻ da ḵasapuḻaḵ te inawatḵu ḵan Epaphroditus da losane indagasyu. Ḵad da sanae indagasyu, isunan ambangu we midatun ḵan Apudyus we mat-opana ḵan lumayadana. 19Pun aḵ Apudyus we anserbiyaḵ gapu'tte ḵinabaḵnangnae ippun ampatinggaana, siya angatod ḵan diḵayu'tta losane ḵasapuḻanyu mipagapu ḵan Jesu Kristu. 20Daydayawon taḵu oḵyan aḵ Apudyus we Ama taḵu'ḵ inggana. Amen.
Sa Anungus Ni Annae Suḻat
21Pakumustaoḵ da losane tagun Apudyus sinate da niyossaan ḵan Jesu Kristu. Da susunud taḵu ḵan Kristu we buḻunḵu sina, pakumustaonda bos diḵayu, 22midoga da losane tagun Apudyus sina'd Rome amod ay da anḵewaaḻ si boḻoy ni Emperor ad Rome.
23Awad oḵyan ḵan diḵayu ḵinabaḻu we maḻpu ḵan Apu Jesu Kristu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2019 Translators Association of the Philippines (TAP), All rights reserved.