2 Corinthians 13
13
Sa Anungus Ni Bagbagan Paul
1Sana piḵlun ni umaliyaḵ ḵan diḵayu sinat. Pun sosomḵonyu impaigilin Apudyus we ḵanana, “Nu awad angidaḻum atte buḻunna, ḵasapuḻane awad duwa baḵon nu tuḻu'ḵ anaḵdoḻ si ḵatuttuwaan.”#13:1 Deuteronomy 19:15. 2Sa pigwan ni ummaliyaḵ sinat, binagbagaaḵ da naḵabasuḻ si awe ya da udum ta iginoḵda da ḵoḵoḵḵonda. Ḵad sa sanae ippunaḵ ḵan diḵayu, ḵasinḵu bos bagbagaan didae naippun maḵailigsi si madusaanda si ḵasine umaliyaḵ nu adidapun ingginoḵ da ḵoḵoḵḵonda. 3Ḵooḵ anna gapu ta pionyu we mapanoḵnoḵane an-ugud aḵ Kristu mipagapu ḵan saḵon. Te daḵampun aḵ anḵuya'ḵ Kristu we anusa ḵan diḵayu yaḵon ipailana ḵabooḻana ḵan diḵayu. 4Te taḵon ay nu awad osa'ḵ ḵananae anḵuya'ḵ Kristu atte natoyana'tte kros, matattagu gapu'tte ḵabooḻan Apudyus. Pun isuna bos ḵan diḵani ye isunin anḵuya gapu si niyossaananni ḵan Kristu yaḵon nu mipanggob si ḵoonni ḵan diḵayu, ipailani ḵabooḻanae naḻpu ḵan Apudyus gapu si maḵabuḻbuḻunanni ḵan Kristu atte matattaguwana.
5Awad oḵyan osa ḵan diḵayu usigona long-agna ta ilana nu tuttuwae namati si Ambaḻu we Damag mipanggob ḵan Jesu Kristu. Adiyupun ḵamman igammu we awad aḵ Jesu Kristu ḵan diḵayu? Malaksid nu daḵampun aḵ tuttuwae namati ḵayu ḵan siya. 6Ḵad nu ḵoonyu ḵaḵnat, namnamaoḵe igammuwonyu we adiḵanipun mapaay. 7Yaḵon sinsadi, iluwaḻuni ḵan Apudyus ta naippun oḵyan ḵoonyu'ḵ lawweng. Ḵatti oḵyan maḵwae daḵampun aḵ mipailae madayawanni yaḵon pionni ye ḵoonyu ambaḻu taḵon ay nu ḵanan da udume naippun nambanagan ni ḵewaaḻni ḵan diḵayu. 8Te adipun maḵwae sullagiyonni ḵatuttuwaan yaḵon labbongni ye taḵdoḻan. 9Te allaylayad ḵani nu anḵuya ḵani ya anḵosdoḻ ḵayu. Ḵad sa iluwaḻuni ḵan Apudyus, bumaḻubaḻu oḵyan antataguyu ya pumigsa pammatiyu we ippun kurangna. 10Siya gapunae insuḻatḵu da annae ibagaḵ si ippunaḵ ḵan diḵayu ta umaliyaḵ ḵad sinat, daḵampun oḵyan aḵ ḵasapuḻane ipailaḵ ḵaḻabbongaḵe innatod Apu Jesus ḵan saḵon si anuppaḵaḵ ḵan diḵayu. Te sa angusaraḵ oḵyan si annae ḵaḻabbongaḵ sa pumigsaan ni pammatiyu, daḵampun aḵ madadailanyu.
Sa Anungus Ni Annae Suḻat
11Susunudḵu ḵan Kristu, annaya anungus ni ibagaḵ ḵan diḵayu. Allaylayad ḵayu oḵyan! Papigsaonyu pammatiyu ta ippun kurangna. Ḵad ipapatiyu unudon da intuttuduḵ ḵan diḵayu ya an-asiunud ḵayu ya adi ḵayu ansusubog. Allin-awa oḵyan ambubuḻunanyu'tta udume tagu. Ḵad aḵ Apudyus we maḻpuwan ni ayat ḵan lin-awa awad ḵan diḵayu.
12An-asipakumusta ḵayu we ipailayu ayatyu'tta buḻunyu. 13Losan da tagun Apudyus sina pakumustaonda diḵayu.
14Awad oḵyan ḵan diḵayu losan ḵinabaḻu we maḻpu ḵan Apu Jesu Kristu ya sa ayat Apudyus ya sa niyossaanan ni Ispiritu Santu.
Currently Selected:
2 Corinthians 13: kml
Highlight
Share
Copy
Want to have your highlights saved across all your devices? Sign up or sign in
© 2019 Translators Association of the Philippines (TAP), All rights reserved.
2 Corinthians 13
13
Sa Anungus Ni Bagbagan Paul
1Sana piḵlun ni umaliyaḵ ḵan diḵayu sinat. Pun sosomḵonyu impaigilin Apudyus we ḵanana, “Nu awad angidaḻum atte buḻunna, ḵasapuḻane awad duwa baḵon nu tuḻu'ḵ anaḵdoḻ si ḵatuttuwaan.”#13:1 Deuteronomy 19:15. 2Sa pigwan ni ummaliyaḵ sinat, binagbagaaḵ da naḵabasuḻ si awe ya da udum ta iginoḵda da ḵoḵoḵḵonda. Ḵad sa sanae ippunaḵ ḵan diḵayu, ḵasinḵu bos bagbagaan didae naippun maḵailigsi si madusaanda si ḵasine umaliyaḵ nu adidapun ingginoḵ da ḵoḵoḵḵonda. 3Ḵooḵ anna gapu ta pionyu we mapanoḵnoḵane an-ugud aḵ Kristu mipagapu ḵan saḵon. Te daḵampun aḵ anḵuya'ḵ Kristu we anusa ḵan diḵayu yaḵon ipailana ḵabooḻana ḵan diḵayu. 4Te taḵon ay nu awad osa'ḵ ḵananae anḵuya'ḵ Kristu atte natoyana'tte kros, matattagu gapu'tte ḵabooḻan Apudyus. Pun isuna bos ḵan diḵani ye isunin anḵuya gapu si niyossaananni ḵan Kristu yaḵon nu mipanggob si ḵoonni ḵan diḵayu, ipailani ḵabooḻanae naḻpu ḵan Apudyus gapu si maḵabuḻbuḻunanni ḵan Kristu atte matattaguwana.
5Awad oḵyan osa ḵan diḵayu usigona long-agna ta ilana nu tuttuwae namati si Ambaḻu we Damag mipanggob ḵan Jesu Kristu. Adiyupun ḵamman igammu we awad aḵ Jesu Kristu ḵan diḵayu? Malaksid nu daḵampun aḵ tuttuwae namati ḵayu ḵan siya. 6Ḵad nu ḵoonyu ḵaḵnat, namnamaoḵe igammuwonyu we adiḵanipun mapaay. 7Yaḵon sinsadi, iluwaḻuni ḵan Apudyus ta naippun oḵyan ḵoonyu'ḵ lawweng. Ḵatti oḵyan maḵwae daḵampun aḵ mipailae madayawanni yaḵon pionni ye ḵoonyu ambaḻu taḵon ay nu ḵanan da udume naippun nambanagan ni ḵewaaḻni ḵan diḵayu. 8Te adipun maḵwae sullagiyonni ḵatuttuwaan yaḵon labbongni ye taḵdoḻan. 9Te allaylayad ḵani nu anḵuya ḵani ya anḵosdoḻ ḵayu. Ḵad sa iluwaḻuni ḵan Apudyus, bumaḻubaḻu oḵyan antataguyu ya pumigsa pammatiyu we ippun kurangna. 10Siya gapunae insuḻatḵu da annae ibagaḵ si ippunaḵ ḵan diḵayu ta umaliyaḵ ḵad sinat, daḵampun oḵyan aḵ ḵasapuḻane ipailaḵ ḵaḻabbongaḵe innatod Apu Jesus ḵan saḵon si anuppaḵaḵ ḵan diḵayu. Te sa angusaraḵ oḵyan si annae ḵaḻabbongaḵ sa pumigsaan ni pammatiyu, daḵampun aḵ madadailanyu.
Sa Anungus Ni Annae Suḻat
11Susunudḵu ḵan Kristu, annaya anungus ni ibagaḵ ḵan diḵayu. Allaylayad ḵayu oḵyan! Papigsaonyu pammatiyu ta ippun kurangna. Ḵad ipapatiyu unudon da intuttuduḵ ḵan diḵayu ya an-asiunud ḵayu ya adi ḵayu ansusubog. Allin-awa oḵyan ambubuḻunanyu'tta udume tagu. Ḵad aḵ Apudyus we maḻpuwan ni ayat ḵan lin-awa awad ḵan diḵayu.
12An-asipakumusta ḵayu we ipailayu ayatyu'tta buḻunyu. 13Losan da tagun Apudyus sina pakumustaonda diḵayu.
14Awad oḵyan ḵan diḵayu losan ḵinabaḻu we maḻpu ḵan Apu Jesu Kristu ya sa ayat Apudyus ya sa niyossaanan ni Ispiritu Santu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2019 Translators Association of the Philippines (TAP), All rights reserved.