2 Corinthians 12
12
Da Impailan Apudyus Ḵan Paul
1Ḵasapuḻane pagatupaḵe angiyisḵaḻ taḵon ay nu ippun maganabḵu. Yaḵon ug-uggudoḵ mipanggob atta impailan Apu ḵan saḵone isun di in-inop. 2-3Awad de igammuḵe osae namati ḵan Kristu#12:2-3 Daḵampun aḵ pion Paul we isḵaḻ mipanggob atte long-agna, ḵad sa angibag-ana'tte annae inin-inopna, isun di awad osa'ḵ tagu'ḵ ibagbagana. Yaḵon maawatan taḵu'tte verses 1 ḵan 7 we sa mismu we long-agna ibagbagana. atte naḻaḵpus nasawaḻan aḵ opate tawone nipangatu'tte ḵumaḵlu we langit.#12:2-3 Sa ibagana'tte Greek nipangatu'tte ḵumaḵlu we langit. Sa Bible ugudona tuḻu we langit. Sa ḵababaan ḵad inggawan da libuu. Sa ḵumagwa inggawan ni init, da bituwon ya sa soḻag. Sa ḵumaḵlu inggawan Apudyus. Adiḵpun igammu nu abus ispirituna'ḵ ummoy baḵon nu nidoga long-agna. Aḵ Apudyus abus aḵ angigammu. Sa igammuḵ, nipangatu annae tagu si igaw Apudyus ad langit. 4Ḵad ad langit, dingngoḻna banage adipun maḵwae maugud ya adipun os maḵwae mibaga. 5Sa annae tagu iyisḵaḻḵu yaḵon sa long-agḵu, adiḵpun iyisḵaḻ yaḵon abus da banage angipaila si ḵinaḵuyaḵ. 6Yaḵon nu pioḵe angiyisḵaḻ si long-agḵu, daḵanaḵpun aḵ nadongdong-ogan te ḵatuttuwaan da ibagaḵ. Yaḵon adiḵpun iyisḵaḻ da nipaila ḵan saḵon ta adin da tagu ḵanane nangatuwaḵ gapu'tta innilaḵ. Te pioḵe sa ḵasomsomḵanda ḵan saḵon mibatay atta ḵingwaḵ ḵan imbagaḵe intotollongda ya dingngoḻdae mismu.
7Gapu ḵad ta adimpun Apudyus pione ansoḵaḻaḵ gapu'tta ḵinangatun ni nakaskasdaawe impailana ḵan saḵon, iyyunudnae angigga'ḵ Satan aḵ saḵite isun di lutlut-uḵona long-agḵu ya ampaḵaḻamaḵ ta adiyaḵ ansoḵaḻ. 8Namiḵlu we nandagdaguwaḵ ḵan Apu we ḵaanona oḵyan annae ampaḵaḻamaḵ. 9Yaḵon sa insongbatna ḵan saḵon ḵanana, “Lamog ni ḵinabaḻuḵe bumadang ḵan siḵa'ḵ angan-anusam si sanate ampaḵaḻamam. Te amo mipaila ḵabooḻaḵ nu anḵuyaaḵ.” Pun amod de layadḵu we angiyisḵaḻ si ḵinaḵuyaḵ ta iinggaw ḵabooḻan Kristu ḵan saḵon. 10Gapu ḵan Kristu, mat-opaḵ atta ḵinaḵuyaḵ, nan-ugudanda saḵon aḵ lawweng, ampaḵaḻamaḵ, ampaḵaḻamonaḵ ya napadasḵu da udume ḵaog-ogyate naḵwa. Te nu ḵumuyaaḵ, amo paḵosdoḻon Kristu saḵon.
Sa Masosomḵan Paul Atta ICorinth
11Isuḵ nin nadong-og gapu'tta sanae inugudḵu si mipanggob atte long-agḵu. Yaḵon diḵayu nangipatut ḵan saḵon te diḵayu oḵyan angitaḵdog ḵan saḵon. Taḵon ay nu ippun patogḵu, daḵampun aḵ nababbabaaḵ nu da ngannonda ḵangatuwane apostol sinat. 12Te sa inniinggawaḵ ḵan diḵayu, inanusaḵ da losane ampaḵaḻaman atte nangipail-aḵ atta sinyal ya da udume nakaskasdaawe angipaila si ḵabooḻan Apudyus ya sana da amanoḵnoḵ si ḵinaapostolḵu. 13Te da losane ḵingwaḵ atta gimung da namati'tta udume ili, dida bos da ḵingwaḵ ḵan diḵayu. Nu adi abus adiyaḵpun nanḵodaw ḵan diḵayu'tta ḵasapuḻaḵ. Pun nu iḵagasmoḵyu ḵingwaḵe lawweng, ḵodawoḵe pakawanonaḵ.
14Naḵasaganaaḵe umali ḵan diḵayu ḵad sana piḵluḵe umali. Ḵad nu umaliyaḵ daḵampun aḵ siya singtoḵ badangyu te daḵampun atta ittonyu gamgamaḵ yaḵon diḵayu we mismu pioḵ. Te saḵon isun di amayu si namatiyanyu ḵad daḵampun atta abeng maḻpuwan ni ḵasapuḻan da ama ḵan ina. Yaḵon da ama ḵan ina maḻpuwan ni ḵasapuḻan da abeng. 15Ḵan saḵon, amo lumayadaḵ taḵon ay nu aminoḵ gastuwon pilaḵḵu ya ippun ogon ḵosdoḻḵu ḵan ngaimane awad ḵan saḵon para ḵan diḵayu. Taḵon ay nu ummaḵit ayatyu ḵan saḵon, amoamod ayatḵu ḵan diḵayu.
16Pun maḵwae iyunudyu we adiyaḵpun nanḵodaw atta masapuḻḵu ḵan diḵayu. Yaḵon awad da angibagae siḵapaḵ ḵan allelawoḵ diḵayu'tte tinutuli. 17Yaḵon ngai inonae ginundawayan diḵayu'tta imbuunḵu? Lawweng ḵamman ḵingwada ḵan diḵayu? 18Saḵone mismu nangibuun ḵan Titus we umali sinat ya imbuunḵu osae sunud taḵu ḵan Kristu. Ginundawayaḵ ḵad ain diḵayu? Naid! Daḵampun ḵad ain aḵ an-iisu da somsomoḵni, panggobni ya ugali ye unudonni? On ḵingwani!
19Sa somsomoḵyu nin, ibagani da sana ta taḵdoḻanni da long-agni ḵan diḵayu. Yaḵon sa ḵatuttuwaan, abus aḵ ugudonni si sinagung Apudyus gapu ta niyossaan ḵani ḵan Kristu'tta piona ḵad da losane ḵoonni, ḵoonni susunud ta papigsaonni pammatiyu. 20Te umogyataḵ aḵ odasaḵ diḵayu we siya ḵoonyu daḵampun aḵ pioḵ nu umaliyaḵ sinat ya ḵooḵ os daḵampun aḵ pionyu si anisiplinaaḵ ḵan diḵayu. Umogyataḵ os nu odasaḵ diḵayu we ansusubog, an-aḵ-apaḻ, allasu sumang-anyu'tta buḻunyu, masinasina ḵayu, an-asiliḵud ḵayu ya ansoḵaḻ ḵayu ya ippun uḻnusyu. 21Umogyataḵ aḵ umaliyaḵ ḵad ḵasin, pabainanaḵ os ḵan Apudyus atte sinagungyu gapu'tta ḵoḵoḵḵonyu. Umogyataḵ nu lawweng somsomoḵḵu gapu'tta naḵabasuḻ si awe ye adidapun imbabawi da basuḻda ya adidapun iyyagaye nangwa'tta ḵaissawe ḵoḵoḵḵonda, isun ni maḵadagdagas ya da udume ḵaissawe ḵoḵoḵḵon.
Currently Selected:
2 Corinthians 12: kml
Highlight
Share
Copy
Want to have your highlights saved across all your devices? Sign up or sign in
© 2019 Translators Association of the Philippines (TAP), All rights reserved.
2 Corinthians 12
12
Da Impailan Apudyus Ḵan Paul
1Ḵasapuḻane pagatupaḵe angiyisḵaḻ taḵon ay nu ippun maganabḵu. Yaḵon ug-uggudoḵ mipanggob atta impailan Apu ḵan saḵone isun di in-inop. 2-3Awad de igammuḵe osae namati ḵan Kristu#12:2-3 Daḵampun aḵ pion Paul we isḵaḻ mipanggob atte long-agna, ḵad sa angibag-ana'tte annae inin-inopna, isun di awad osa'ḵ tagu'ḵ ibagbagana. Yaḵon maawatan taḵu'tte verses 1 ḵan 7 we sa mismu we long-agna ibagbagana. atte naḻaḵpus nasawaḻan aḵ opate tawone nipangatu'tte ḵumaḵlu we langit.#12:2-3 Sa ibagana'tte Greek nipangatu'tte ḵumaḵlu we langit. Sa Bible ugudona tuḻu we langit. Sa ḵababaan ḵad inggawan da libuu. Sa ḵumagwa inggawan ni init, da bituwon ya sa soḻag. Sa ḵumaḵlu inggawan Apudyus. Adiḵpun igammu nu abus ispirituna'ḵ ummoy baḵon nu nidoga long-agna. Aḵ Apudyus abus aḵ angigammu. Sa igammuḵ, nipangatu annae tagu si igaw Apudyus ad langit. 4Ḵad ad langit, dingngoḻna banage adipun maḵwae maugud ya adipun os maḵwae mibaga. 5Sa annae tagu iyisḵaḻḵu yaḵon sa long-agḵu, adiḵpun iyisḵaḻ yaḵon abus da banage angipaila si ḵinaḵuyaḵ. 6Yaḵon nu pioḵe angiyisḵaḻ si long-agḵu, daḵanaḵpun aḵ nadongdong-ogan te ḵatuttuwaan da ibagaḵ. Yaḵon adiḵpun iyisḵaḻ da nipaila ḵan saḵon ta adin da tagu ḵanane nangatuwaḵ gapu'tta innilaḵ. Te pioḵe sa ḵasomsomḵanda ḵan saḵon mibatay atta ḵingwaḵ ḵan imbagaḵe intotollongda ya dingngoḻdae mismu.
7Gapu ḵad ta adimpun Apudyus pione ansoḵaḻaḵ gapu'tta ḵinangatun ni nakaskasdaawe impailana ḵan saḵon, iyyunudnae angigga'ḵ Satan aḵ saḵite isun di lutlut-uḵona long-agḵu ya ampaḵaḻamaḵ ta adiyaḵ ansoḵaḻ. 8Namiḵlu we nandagdaguwaḵ ḵan Apu we ḵaanona oḵyan annae ampaḵaḻamaḵ. 9Yaḵon sa insongbatna ḵan saḵon ḵanana, “Lamog ni ḵinabaḻuḵe bumadang ḵan siḵa'ḵ angan-anusam si sanate ampaḵaḻamam. Te amo mipaila ḵabooḻaḵ nu anḵuyaaḵ.” Pun amod de layadḵu we angiyisḵaḻ si ḵinaḵuyaḵ ta iinggaw ḵabooḻan Kristu ḵan saḵon. 10Gapu ḵan Kristu, mat-opaḵ atta ḵinaḵuyaḵ, nan-ugudanda saḵon aḵ lawweng, ampaḵaḻamaḵ, ampaḵaḻamonaḵ ya napadasḵu da udume ḵaog-ogyate naḵwa. Te nu ḵumuyaaḵ, amo paḵosdoḻon Kristu saḵon.
Sa Masosomḵan Paul Atta ICorinth
11Isuḵ nin nadong-og gapu'tta sanae inugudḵu si mipanggob atte long-agḵu. Yaḵon diḵayu nangipatut ḵan saḵon te diḵayu oḵyan angitaḵdog ḵan saḵon. Taḵon ay nu ippun patogḵu, daḵampun aḵ nababbabaaḵ nu da ngannonda ḵangatuwane apostol sinat. 12Te sa inniinggawaḵ ḵan diḵayu, inanusaḵ da losane ampaḵaḻaman atte nangipail-aḵ atta sinyal ya da udume nakaskasdaawe angipaila si ḵabooḻan Apudyus ya sana da amanoḵnoḵ si ḵinaapostolḵu. 13Te da losane ḵingwaḵ atta gimung da namati'tta udume ili, dida bos da ḵingwaḵ ḵan diḵayu. Nu adi abus adiyaḵpun nanḵodaw ḵan diḵayu'tta ḵasapuḻaḵ. Pun nu iḵagasmoḵyu ḵingwaḵe lawweng, ḵodawoḵe pakawanonaḵ.
14Naḵasaganaaḵe umali ḵan diḵayu ḵad sana piḵluḵe umali. Ḵad nu umaliyaḵ daḵampun aḵ siya singtoḵ badangyu te daḵampun atta ittonyu gamgamaḵ yaḵon diḵayu we mismu pioḵ. Te saḵon isun di amayu si namatiyanyu ḵad daḵampun atta abeng maḻpuwan ni ḵasapuḻan da ama ḵan ina. Yaḵon da ama ḵan ina maḻpuwan ni ḵasapuḻan da abeng. 15Ḵan saḵon, amo lumayadaḵ taḵon ay nu aminoḵ gastuwon pilaḵḵu ya ippun ogon ḵosdoḻḵu ḵan ngaimane awad ḵan saḵon para ḵan diḵayu. Taḵon ay nu ummaḵit ayatyu ḵan saḵon, amoamod ayatḵu ḵan diḵayu.
16Pun maḵwae iyunudyu we adiyaḵpun nanḵodaw atta masapuḻḵu ḵan diḵayu. Yaḵon awad da angibagae siḵapaḵ ḵan allelawoḵ diḵayu'tte tinutuli. 17Yaḵon ngai inonae ginundawayan diḵayu'tta imbuunḵu? Lawweng ḵamman ḵingwada ḵan diḵayu? 18Saḵone mismu nangibuun ḵan Titus we umali sinat ya imbuunḵu osae sunud taḵu ḵan Kristu. Ginundawayaḵ ḵad ain diḵayu? Naid! Daḵampun ḵad ain aḵ an-iisu da somsomoḵni, panggobni ya ugali ye unudonni? On ḵingwani!
19Sa somsomoḵyu nin, ibagani da sana ta taḵdoḻanni da long-agni ḵan diḵayu. Yaḵon sa ḵatuttuwaan, abus aḵ ugudonni si sinagung Apudyus gapu ta niyossaan ḵani ḵan Kristu'tta piona ḵad da losane ḵoonni, ḵoonni susunud ta papigsaonni pammatiyu. 20Te umogyataḵ aḵ odasaḵ diḵayu we siya ḵoonyu daḵampun aḵ pioḵ nu umaliyaḵ sinat ya ḵooḵ os daḵampun aḵ pionyu si anisiplinaaḵ ḵan diḵayu. Umogyataḵ os nu odasaḵ diḵayu we ansusubog, an-aḵ-apaḻ, allasu sumang-anyu'tta buḻunyu, masinasina ḵayu, an-asiliḵud ḵayu ya ansoḵaḻ ḵayu ya ippun uḻnusyu. 21Umogyataḵ aḵ umaliyaḵ ḵad ḵasin, pabainanaḵ os ḵan Apudyus atte sinagungyu gapu'tta ḵoḵoḵḵonyu. Umogyataḵ nu lawweng somsomoḵḵu gapu'tta naḵabasuḻ si awe ye adidapun imbabawi da basuḻda ya adidapun iyyagaye nangwa'tta ḵaissawe ḵoḵoḵḵonda, isun ni maḵadagdagas ya da udume ḵaissawe ḵoḵoḵḵon.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2019 Translators Association of the Philippines (TAP), All rights reserved.