Galatians 1
1
Sa Laplapun Ni Suḻat
1Saḵon aḵ Paul we nadutuḵan aḵ apostol we daḵampun aḵ dinutuḵanaḵ si tagu ya daḵampun aḵ naḻpu si tagu yaḵon aḵ Jesu Kristu ya aḵ Apudyus we Ama we nanagu ḵan siya. 2Annaya suḻatḵu ḵan diḵayu'tta gimung da namati'tta ili'd Galatia. Da losane susunudḵu ḵan Kristu sinae namati, pakumustaonda bos diḵayu. 3Awad oḵyan ḵan diḵayu ḵinabaḻu ḵan lin-awae maḻpu ḵan Apudyus we Ama taḵu ya aḵ Jesu Kristu we Apu taḵu 4we nangitod si long-agna'tte natoyana ta mapakawan da basuḻ taḵu. Ḵingwana sadi ye mibatay si pinion Apudyus we Ama taḵu ta matagu taḵu ḵan mapuḵayan taḵu ta adi taḵu igunay ya adi taḵu ansomsomoḵ atta isun da ḵoḵoḵḵon da tagu si sanae timpu. 5Madayaw aḵ Apudyus aḵ inggainggana. Amen.
Sa Ossaane Ambaḻu We Damag
6Nataagaḵ si daguse nan-awidanyu'ḵ Apudyus we namili ḵan diḵayu mipagapu si ḵinabaḻun Kristu ḵad siya unudonyu sabali ye tuttudu we ḵanan da udume ambaḻu we damag. 7Sa ḵatuttuwaan, ippun udum aḵ Ambaḻu we Damag yaḵon ibagaḵ anna te awad da udume angulu'tta somsomoḵyu ya padpadasonda baliḵtadon Ambaḻu we Damag mipanggob ḵan Kristu. 8Yaḵon taḵon ay nu diḵani ye mismu baḵon nu sa anghel we maḻpu'd langit angiwaḻagawag si Ambaḻu we Damag we misullagi'tte iwwaḻagawagni si awe, madusa'ḵ inggana. 9Sana imbagani ḵan diḵayu si awe yaḵon iḵasinḵu bos ibaga, ngaimane angiwaḻagawag si nisabali si Ambaḻu we Damag we inawatyu si damu, madusa'ḵ inggana.
10Gamgamaḵ ḵad aine dayawonaḵ atta tagu si ḵaḵnae an-uugudḵu? Daḵampun! Sa madayawan Apudyus singsingtoḵ. Nu siya panggobḵu awisoḵ da tagu, adipun maḵwae mibelangaḵ aḵ anserbi ḵan Kristu.
Sa Ḵinaapostol Paul
11Susunudḵu ḵan Kristu, pioḵe amo maawatanyu Ambaḻu we Damag we iwwaḻagawagḵu ḵan diḵayu, daḵampun aḵ naḻpu si somsomoḵ di tagu. 12Te daḵampun aḵ tagu nangigammuwaḵ si annae Ambaḻu we Damag. Naippun os udum aḵ nangituttudu yaḵon aḵ Jesu Kristu we mismu nangipaigammu ḵan saḵon.
13Dingngoḻyu nantataguḵ si nangunudaḵ atta ugalin da Judyu nu ngai inoḵe namaḵaḻam atta magimugimunge namati ḵan Apudyus ḵad inniggaḵ ḵabooḻaḵe nanadail ḵan dida. 14Mipanggob ḵad os atte pammatini ye Judyu, intutuḻ-ayḵu'ḵ adayu'tta dogwasḵu te saḵon ḵapangogane nangunud ya nangitataḵdoḻ atta ugali ye tinawidni'tta daḵdaḵoḻni.
15Yaḵon aḵ Apudyus, sabali panggobna ḵan saḵon te ingallapuna dinutuḵan saḵon atte daanḵu miyanaḵan ḵad gapu si ḵinabaḻuna, pinilina saḵon aḵ anserbi ḵan siya. 16Pun impailana ḵan saḵon abengna ta iwaḻagawagḵu mipanggob ḵan siya'tta Gentil. Naippun tagu'ḵ ummoyḵu nampatuttuduwan. 17Adiyaḵpun os ummoy ad Jerusalem naḵaug-uggud atta apostol we ummun-una nu saḵon yaḵon ummoyaḵ ad Arabia. Unipun nampauliyaḵ ḵasin ad Damascus. 18Naḻaḵpus ḵad de tuḻun tawon, ummoyḵu binisita'ḵ Cephas ad Jerusalem woḵ inninggawaḵ ḵan siya'ḵ nasawaḻan aḵ limae aḻgaw. 19Yaḵon da innilaḵe apostol, abus aḵ Peter ya aḵ James we sunud Apu. 20Igammun Apudyus we daḵampun aḵ tuli da sanae insuḻatḵu ḵan diḵayu.
21Naabus ḵad de sadi, ummoyaḵ atta ili'd Syria ya ad Cilicia. 22Sa sadi ye timpu, ippun yan nangigammu ḵan saḵon atta gimung da namati ḵan Kristu atte probinsiya'd Judea. 23Siya abus aḵ dingngoḻda de sa namaḵaḻamaḵ ḵan dida si awe ta naippun ogon ossaan aḵ amati ḵan Jesu Kristu, siya sanae iwaḻagawagna'tta tagu nu ngai inon da amati. 24Pun indaydayawda'ḵ Apudyus gapu ḵan saḵon.
Currently Selected:
Galatians 1: kml
Highlight
Share
Copy
Want to have your highlights saved across all your devices? Sign up or sign in
© 2019 Translators Association of the Philippines (TAP), All rights reserved.
Galatians 1
1
Sa Laplapun Ni Suḻat
1Saḵon aḵ Paul we nadutuḵan aḵ apostol we daḵampun aḵ dinutuḵanaḵ si tagu ya daḵampun aḵ naḻpu si tagu yaḵon aḵ Jesu Kristu ya aḵ Apudyus we Ama we nanagu ḵan siya. 2Annaya suḻatḵu ḵan diḵayu'tta gimung da namati'tta ili'd Galatia. Da losane susunudḵu ḵan Kristu sinae namati, pakumustaonda bos diḵayu. 3Awad oḵyan ḵan diḵayu ḵinabaḻu ḵan lin-awae maḻpu ḵan Apudyus we Ama taḵu ya aḵ Jesu Kristu we Apu taḵu 4we nangitod si long-agna'tte natoyana ta mapakawan da basuḻ taḵu. Ḵingwana sadi ye mibatay si pinion Apudyus we Ama taḵu ta matagu taḵu ḵan mapuḵayan taḵu ta adi taḵu igunay ya adi taḵu ansomsomoḵ atta isun da ḵoḵoḵḵon da tagu si sanae timpu. 5Madayaw aḵ Apudyus aḵ inggainggana. Amen.
Sa Ossaane Ambaḻu We Damag
6Nataagaḵ si daguse nan-awidanyu'ḵ Apudyus we namili ḵan diḵayu mipagapu si ḵinabaḻun Kristu ḵad siya unudonyu sabali ye tuttudu we ḵanan da udume ambaḻu we damag. 7Sa ḵatuttuwaan, ippun udum aḵ Ambaḻu we Damag yaḵon ibagaḵ anna te awad da udume angulu'tta somsomoḵyu ya padpadasonda baliḵtadon Ambaḻu we Damag mipanggob ḵan Kristu. 8Yaḵon taḵon ay nu diḵani ye mismu baḵon nu sa anghel we maḻpu'd langit angiwaḻagawag si Ambaḻu we Damag we misullagi'tte iwwaḻagawagni si awe, madusa'ḵ inggana. 9Sana imbagani ḵan diḵayu si awe yaḵon iḵasinḵu bos ibaga, ngaimane angiwaḻagawag si nisabali si Ambaḻu we Damag we inawatyu si damu, madusa'ḵ inggana.
10Gamgamaḵ ḵad aine dayawonaḵ atta tagu si ḵaḵnae an-uugudḵu? Daḵampun! Sa madayawan Apudyus singsingtoḵ. Nu siya panggobḵu awisoḵ da tagu, adipun maḵwae mibelangaḵ aḵ anserbi ḵan Kristu.
Sa Ḵinaapostol Paul
11Susunudḵu ḵan Kristu, pioḵe amo maawatanyu Ambaḻu we Damag we iwwaḻagawagḵu ḵan diḵayu, daḵampun aḵ naḻpu si somsomoḵ di tagu. 12Te daḵampun aḵ tagu nangigammuwaḵ si annae Ambaḻu we Damag. Naippun os udum aḵ nangituttudu yaḵon aḵ Jesu Kristu we mismu nangipaigammu ḵan saḵon.
13Dingngoḻyu nantataguḵ si nangunudaḵ atta ugalin da Judyu nu ngai inoḵe namaḵaḻam atta magimugimunge namati ḵan Apudyus ḵad inniggaḵ ḵabooḻaḵe nanadail ḵan dida. 14Mipanggob ḵad os atte pammatini ye Judyu, intutuḻ-ayḵu'ḵ adayu'tta dogwasḵu te saḵon ḵapangogane nangunud ya nangitataḵdoḻ atta ugali ye tinawidni'tta daḵdaḵoḻni.
15Yaḵon aḵ Apudyus, sabali panggobna ḵan saḵon te ingallapuna dinutuḵan saḵon atte daanḵu miyanaḵan ḵad gapu si ḵinabaḻuna, pinilina saḵon aḵ anserbi ḵan siya. 16Pun impailana ḵan saḵon abengna ta iwaḻagawagḵu mipanggob ḵan siya'tta Gentil. Naippun tagu'ḵ ummoyḵu nampatuttuduwan. 17Adiyaḵpun os ummoy ad Jerusalem naḵaug-uggud atta apostol we ummun-una nu saḵon yaḵon ummoyaḵ ad Arabia. Unipun nampauliyaḵ ḵasin ad Damascus. 18Naḻaḵpus ḵad de tuḻun tawon, ummoyḵu binisita'ḵ Cephas ad Jerusalem woḵ inninggawaḵ ḵan siya'ḵ nasawaḻan aḵ limae aḻgaw. 19Yaḵon da innilaḵe apostol, abus aḵ Peter ya aḵ James we sunud Apu. 20Igammun Apudyus we daḵampun aḵ tuli da sanae insuḻatḵu ḵan diḵayu.
21Naabus ḵad de sadi, ummoyaḵ atta ili'd Syria ya ad Cilicia. 22Sa sadi ye timpu, ippun yan nangigammu ḵan saḵon atta gimung da namati ḵan Kristu atte probinsiya'd Judea. 23Siya abus aḵ dingngoḻda de sa namaḵaḻamaḵ ḵan dida si awe ta naippun ogon ossaan aḵ amati ḵan Jesu Kristu, siya sanae iwaḻagawagna'tta tagu nu ngai inon da amati. 24Pun indaydayawda'ḵ Apudyus gapu ḵan saḵon.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2019 Translators Association of the Philippines (TAP), All rights reserved.