1 Corinthians 13
13
Sa Ayat Ḵapatogan
1Taḵon ay nu awad ḵabooḻaḵe an-ugud atta ngaimane ugud di tagu ya taḵon ay ugud os da anghel nu naippun ayatḵu'tta asintataguḵ, naippun anuna. Mipaniyaḵ atte gangsae umas-aseset baḵon nu da udume ḵumaḻangḵang gingada. 2Ḵad taḵon ay nu awad ḵabooḻaḵe angibaga'tte ipaigammun Apudyus baḵon nu awad ḵabooḻaḵe maawatan da losane ḵinatuttuwaane nilimod ḵan taḵon ay nu igammuḵ da losane maḵwae maigammu ya taḵon ay nu ampigsa pammatiḵe lamogḵu an-atunon beleg yaḵon nu naippun ayatḵu'tta asintataguḵ, naippun anuḵ. 3Ḵad taḵon ay nu ittoḵ losan da ḵuḵuwaḵ atta ḵapus ya idatunḵu long-agḵu ta siya isḵaḻḵu nu naippun ayatḵu'tta asintataguḵ, naippun paat maganabḵu.
4Sa tagu we angayat atta asintataguna, naanus ya bumabbadang atta udum. Adipun maapos ya adipun os napasindayaw baḵon nu ansoḵaḻ, 5adipun angwa'tta ḵababbain baḵon nu ipasulinna piona. Ḵad adipun os allasu sumang-ana ya adinapun os sosomḵon lawwenge ḵingwan da udum ḵan siya. 6Sa tagu we angayat atta asintataguna, adipun allaylayad atta basuḻ yaḵon allaylayad nu angngog ḵatuttuwaan. 7Sa tagu we angayat atta asintataguna, pagatupanae angayat taḵon ay nu awad da ampaḵaḻaman baḵon nu maḵabasuḻ da udum ḵan siya. Ḵad pagatupanae amati ya annamnama.
8Da ḵabooḻane ampadtu ampatinggada. Da ḵabooḻane an-ugud atta nansabasabali ye ugud ampatinggada. Ḵad da ḵabooḻane maḵaawat atta losane maḵwae maigammu ampatinggada bos. Yaḵon sa ayat ippun patinggana. 9Te sa igammu taḵu mipanggob ḵan Apudyus sinsana ya sa ḵabooḻan taḵu we ampadtu kurang. 10Yaḵon nu dumatong timpu we wadawad da losan, da losane ḵabooḻane angkurang, ampatinggada. 11Isun ni ḵaban-ogḵu, isun di abeng an-uugudḵu ya ansosomsomoḵḵu ya an-aawatḵu. Sinsadi ye naangsanaḵ, iyyagayḵu'tta inaabbenge ugali. 12Isuna ḵan ditaḵu we namati te sa antotollong taḵu ḵan Apudyus sinsana an-ugabbae isun di alladawan si an-ugabbae ladawan. Yaḵon sa umali ye timpu ilan taḵu we mismu. Sinsana aḵit igammu taḵu ḵan siya yaḵon sa umali ye timpu igammuwon taḵu losan mipanggob ḵan siyae isun ni nangigammuwana mipanggob ḵan ditaḵu.
13Pun sana da tuḻu we iinggaw aḵ inggana: sa pammati, namnama ya sa ayat. Yaḵon sa ḵapatogan atta anna ayat.
Currently Selected:
1 Corinthians 13: kml
Highlight
Share
Copy
Want to have your highlights saved across all your devices? Sign up or sign in
© 2019 Translators Association of the Philippines (TAP), All rights reserved.
1 Corinthians 13
13
Sa Ayat Ḵapatogan
1Taḵon ay nu awad ḵabooḻaḵe an-ugud atta ngaimane ugud di tagu ya taḵon ay ugud os da anghel nu naippun ayatḵu'tta asintataguḵ, naippun anuna. Mipaniyaḵ atte gangsae umas-aseset baḵon nu da udume ḵumaḻangḵang gingada. 2Ḵad taḵon ay nu awad ḵabooḻaḵe angibaga'tte ipaigammun Apudyus baḵon nu awad ḵabooḻaḵe maawatan da losane ḵinatuttuwaane nilimod ḵan taḵon ay nu igammuḵ da losane maḵwae maigammu ya taḵon ay nu ampigsa pammatiḵe lamogḵu an-atunon beleg yaḵon nu naippun ayatḵu'tta asintataguḵ, naippun anuḵ. 3Ḵad taḵon ay nu ittoḵ losan da ḵuḵuwaḵ atta ḵapus ya idatunḵu long-agḵu ta siya isḵaḻḵu nu naippun ayatḵu'tta asintataguḵ, naippun paat maganabḵu.
4Sa tagu we angayat atta asintataguna, naanus ya bumabbadang atta udum. Adipun maapos ya adipun os napasindayaw baḵon nu ansoḵaḻ, 5adipun angwa'tta ḵababbain baḵon nu ipasulinna piona. Ḵad adipun os allasu sumang-ana ya adinapun os sosomḵon lawwenge ḵingwan da udum ḵan siya. 6Sa tagu we angayat atta asintataguna, adipun allaylayad atta basuḻ yaḵon allaylayad nu angngog ḵatuttuwaan. 7Sa tagu we angayat atta asintataguna, pagatupanae angayat taḵon ay nu awad da ampaḵaḻaman baḵon nu maḵabasuḻ da udum ḵan siya. Ḵad pagatupanae amati ya annamnama.
8Da ḵabooḻane ampadtu ampatinggada. Da ḵabooḻane an-ugud atta nansabasabali ye ugud ampatinggada. Ḵad da ḵabooḻane maḵaawat atta losane maḵwae maigammu ampatinggada bos. Yaḵon sa ayat ippun patinggana. 9Te sa igammu taḵu mipanggob ḵan Apudyus sinsana ya sa ḵabooḻan taḵu we ampadtu kurang. 10Yaḵon nu dumatong timpu we wadawad da losan, da losane ḵabooḻane angkurang, ampatinggada. 11Isun ni ḵaban-ogḵu, isun di abeng an-uugudḵu ya ansosomsomoḵḵu ya an-aawatḵu. Sinsadi ye naangsanaḵ, iyyagayḵu'tta inaabbenge ugali. 12Isuna ḵan ditaḵu we namati te sa antotollong taḵu ḵan Apudyus sinsana an-ugabbae isun di alladawan si an-ugabbae ladawan. Yaḵon sa umali ye timpu ilan taḵu we mismu. Sinsana aḵit igammu taḵu ḵan siya yaḵon sa umali ye timpu igammuwon taḵu losan mipanggob ḵan siyae isun ni nangigammuwana mipanggob ḵan ditaḵu.
13Pun sana da tuḻu we iinggaw aḵ inggana: sa pammati, namnama ya sa ayat. Yaḵon sa ḵapatogan atta anna ayat.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2019 Translators Association of the Philippines (TAP), All rights reserved.