1 Corinthians 14
14
Sa Mipanggob Atta Ḵabooḻane Itton Ni Ispiritu Santu
1Ipapatiyu we an-asiayat. Ḵad ipapatiyu oḵyan sington da ampapatoge ḵabooḻane itton ni Ispiritu Santu, amod ay ḵabooḻane angipaigammu'tte pinion Apudyus. 2Te da an-ugud atte sabali ye ugude adidapun inadaḻ, abus aḵ Apudyus aḵ maḵaugudanda. Te sa paugud ni Ispiritu Santu ḵan dida, sa banage nilimode naippun maḵaawat. 3Yaḵon sa tagu we angibaga'tte pinion Apudyus we mipaigammu ta papigsaona pammatin da udum, soḻgagona ḵan liwliwaona dida. 4Sa tagu we an-ugud atte sabali ye ugud, sa pammatinae mismu pumigsa. Yaḵon sa tagu we angibaga'tte pinion Apudyus we ipaigammu, siya papigsaona pammatin da namati ye magimugimung. 5Pioḵ oḵyan nu losan ḵayu nalainge an-ugud atta nansabasabali ye ugud yaḵon amo pipioḵ nu awad ḵabooḻanyu losane angipaigammu'tta losane gimung si pinion Apudyus. Te amo bumadang tagu we angipaigammu'tta pinion Apudyus nu sa an-ugud atta nansabasabali ye ugud. Malaksid nu awad angipaḵaawat ta masoḻgagan da losane namati.
6Sinsadi susunudḵu ḵan Kristu nu umaliyaḵ ḵan diḵayu, ngai maganabyu nu an-ugudaḵ atte sabali ye ugude adiyupun maawatan? Awad ḵamman itaḵip ni umaliyaḵ ḵan diḵayu nu ḵatti? Malaksid nu ibagaḵ ḵan diḵayu impailan Apudyus ḵan saḵon baḵon nu ituttuduḵ ḵan diḵayu da banage impaḵaawatna ya ipaigammuḵ da impaigammuna baḵon nu ituttuduḵ ḵan diḵayu da udume igammuḵe ugudna. 7Isun ni baladong baḵon nu ḵullitong. Nu adipun ustu inon taḵu we amaginga, lamog ḵamman da tagu imatunan ustu we ayugna? 8Ḵad isuna bos tangguyube sinyal ni awad gubat. Nu babaḻangondae amaginga, ngai inon da suḻdadu we ansaganae umoy maḵagubat nu adidapun naawatan? 9Ḵad isuna bos diḵayu nu an-ugud ḵayu'tte sabali ye ugude adimpun da tagu maawatan, ippun inondae angigammu'tte pionyu ibaga ḵad isun ay di maḵaug-uggud ḵayu si bibbid. 10Aduadu nansabasabali ye ugud si annae lubung ḵad losane awad da pionda ugudon. 11Yaḵon nu adiḵpun lamog maawatan ugudon ni ḵaug-uggudḵu, ibelangḵu we ḵaili ya ibelangna bos saḵon aḵ ḵaili. 12Gapu ta pipionyu we maittan atte ḵabooḻane maḻpu si Ispiritu Santu, amo iggayu ḵabooḻanyu we amapigsa'tta pammatin da buḻunyu we namati ye magimugimung.
13Pun sa tagu we awad de ḵabooḻanae an-ugud atte sabali ye ugude adinapun inadaḻ, iluwaḻuna oḵyan ḵan Apudyus ta ittona bos ḵabooḻanae angipaḵaawat. 14Te nu alluwaḻuwaḵ atte ugude sabali, sa ispirituḵ alluwaḻu yaḵon adiḵpun maawatan ugudoḵ. 15Ngai ḵad ain ḵooḵ nu? Alluwaḻuwaḵ atte ipaspasmoḵ ni Ispiritu Santu we maawatan ni somsomoḵḵu. Ḵad anḵantaaḵ atta naispirituwane ḵanḵanta ya anḵantaaḵ os atta ḵanḵantae maawatan ni somsomoḵḵu. 16Ḵad nu alluwaḻu ḵan anggappiya somsomoḵḵu ḵan Apudyus we adipun maawatan, ngai inon da udume sumongbat atte “Amen” nu adida maawatan ugudoḵ? 17Te taḵon ay nu ambaḻu da ibagayu we anggappiya ḵan Apudyus yaḵon nu adipun maawatan, adipun bumadang atta udume tagu.
18Anggappiyaaḵ te amo ḵabooḻaḵe an-ugud atta sabali ye ugud nu diḵayu losan. 19Yaḵon nu maḵagimungaḵ atta udume namati, un-unnoyoḵ abuse limae ugud ibagaḵe maawatanda si antuttuduwaḵ nu sa an-ugudaḵ aḵ simpuḻullibu we ugude adidapun maawatan.
20Susunudḵu ḵan Kristu, daḵampun oḵyan aḵ inaabbeng ansosomsomoḵyu. Yaḵon isuyu oḵyan uttinge ippun igammuna si lawweng ya sa mipanggob ḵan Apudyus, isuyu oḵyan ansosomsomoḵ ni naangsan. 21Nu mipanggob si mausaran ni sabali ye ugude adipun maawatan, awad de nigili ye Ugud Apudyus we ḵanana,
“Imbuunḵu da tagu we nansabasabali uguddae umoy
angibaga'tta taguḵ atte pioḵ paibaga
yaḵon adidapun os dongngon saḵon.”#14:21 Isaiah 28:11-12.
22Pun sa ugude sabali ye adipun maawatan, daḵampun aḵ sinyal para'tta namati yaḵon para'tta adipun namati. Yaḵon sa ḵabooḻane angipaigammu si Ugud Apudyus we piona ipaigammu para'tta namati, daḵampun aḵ para'tta adipun namati. 23Pun nu losan da namati ye magimugimung an-ugud atte ugude nansabasabali ye adipun maawatan ya awad adipun namati'ḵ nidoga, adidapun ḵamman ḵanane anḵatingang ḵayu? 24Yaḵon nu siya ugudonyu da impaigammun Apudyus ḵan diḵayu ya awad adipun namati'ḵ maḵagimung ḵan diḵayu, sadi angigammuwanae siya ḵad ḵabasbassuḻan gapu'tta ibagayu ya sa ḵatuttuwaan. Ḵad maḵwae ḵuwisona long-agnae mibatay atta dingngoḻna. 25Ḵad nu mitoḵwaḻ da losane mitataḻu'tte somsomoḵna, sadi asina analluḵuwane ambabawi'tta basuḻna ḵad siya dayawona'ḵ Apudyus we ḵanana, “Tuttuwae awad aḵ Apudyus ḵan diḵayu.”
Sa Uḻnus Si Andayawan Ḵan Apudyus
26Susunudḵu ḵan Kristu, nu magimung ḵayu we andayaw ḵan Apudyus, awad oḵyan anḵanta ya awad os angituttudu'tte Ugud Apudyus ya awad os angibaga'tta ngaimane impaigammun Apudyus ḵan siya. Ḵad awad os an-ugud atte sabali ye ugude adinapun inadaḻ ya awad oḵyan angipaḵaawat atta inugudna. Yaḵon ilanyu ta da sanae ḵoonyu, ambanag atte pumigsaan da pammatiyu losan. 27Nu awad an-ugud si sabali ye ugude adinapun inadaḻ, duwa baḵon nu abuse tuḻu oḵyan da an-ugud. Ḵad ampasapasanida oḵyan. Ḵad ḵasapuḻan ose awad osa'ḵ angipaḵaawat si inugudda. 28Yaḵon nu naippun angigammu we angipaḵaawat, giginnoḵda oḵyan atte gimung. Ḵad didae mismu maḵaugud ḵan Apudyus. 29Awad oḵyan duwa baḵon nu tuḻu we tagu'ḵ an-ugud atta pinion Apudyus ipaigammu. Ḵad da udum ḵan dida angusig nu tuttuwae naḻpu ḵan Apudyus da ngaimane ugudonda. 30Ḵad nu awad an-uguugud ya awad pinion Apudyus aḵ ipaigammun ni osa, ḵasapuḻane guminoḵ sadi ye ummuna nan-ugud ya nipasani sadi ye osa. 31Ḵatti ḵoonyu we ampasapasani ḵayu ta losan taḵu an-adaḻ ya losan taḵu masoḻgag. 32Ḵad sa naittan atte ḵabooḻane angipaigammu'tta pinion Apudyus, lamognae anupod atte long-agna. 33Te aḵ Apudyus, daḵampun aḵ piona magulu taḵu we namati yaḵon pionae nauḻnus taḵu.
Isun ni maḵmaḵwa'tta losane gimung da tagun Apudyus, 34da bubai ḵad gumiginnoḵda oḵyan atta gimung da namati. Te adipun miyunud da bubai ye an-ugud yaḵon paiturayda oḵyan atta laḻaḵi te sadi nigili ye lintog. 35Nu awad pionda igammuwon, asida oḵyan atta boḻoyda imuson atta asawada te ḵababbain bubai ye an-ugud atte sinagung da gimung da namati.
36Ḵananyu ḵammane diḵayu naḻpuwan ni Ugud Apudyus baḵon nu abus ḵayu'ḵ niduumana? 37Pun nu awad osa ḵan diḵayu'ḵ ḵananae naittan aḵ ḵabooḻane angipaigammu si pinion Apudyus baḵon nu awad ḵabooḻana'ḵ innatod ni Ispiritu Santu, ḵasapuḻane bigbigona annae insuḻatḵu ḵan diḵayu we imbilin Apu. 38Yaḵon nu awad adipun amigbig atta anna, adiyu bos bigbigon.
39Pun susunudḵu ḵan Kristu, ipapatiyu oḵyan ḵabooḻane angipaigammu'tta pinion Apudyus, ḵad adiyu bos iyadi da an-ugud atte sabali ye ugude adidapun inadaḻ. 40Yaḵon ilanyu bos ta losane ḵoonyu, ustuustu ḵan nauḻnus.
Currently Selected:
1 Corinthians 14: kml
Highlight
Share
Copy
Want to have your highlights saved across all your devices? Sign up or sign in
© 2019 Translators Association of the Philippines (TAP), All rights reserved.
1 Corinthians 14
14
Sa Mipanggob Atta Ḵabooḻane Itton Ni Ispiritu Santu
1Ipapatiyu we an-asiayat. Ḵad ipapatiyu oḵyan sington da ampapatoge ḵabooḻane itton ni Ispiritu Santu, amod ay ḵabooḻane angipaigammu'tte pinion Apudyus. 2Te da an-ugud atte sabali ye ugude adidapun inadaḻ, abus aḵ Apudyus aḵ maḵaugudanda. Te sa paugud ni Ispiritu Santu ḵan dida, sa banage nilimode naippun maḵaawat. 3Yaḵon sa tagu we angibaga'tte pinion Apudyus we mipaigammu ta papigsaona pammatin da udum, soḻgagona ḵan liwliwaona dida. 4Sa tagu we an-ugud atte sabali ye ugud, sa pammatinae mismu pumigsa. Yaḵon sa tagu we angibaga'tte pinion Apudyus we ipaigammu, siya papigsaona pammatin da namati ye magimugimung. 5Pioḵ oḵyan nu losan ḵayu nalainge an-ugud atta nansabasabali ye ugud yaḵon amo pipioḵ nu awad ḵabooḻanyu losane angipaigammu'tta losane gimung si pinion Apudyus. Te amo bumadang tagu we angipaigammu'tta pinion Apudyus nu sa an-ugud atta nansabasabali ye ugud. Malaksid nu awad angipaḵaawat ta masoḻgagan da losane namati.
6Sinsadi susunudḵu ḵan Kristu nu umaliyaḵ ḵan diḵayu, ngai maganabyu nu an-ugudaḵ atte sabali ye ugude adiyupun maawatan? Awad ḵamman itaḵip ni umaliyaḵ ḵan diḵayu nu ḵatti? Malaksid nu ibagaḵ ḵan diḵayu impailan Apudyus ḵan saḵon baḵon nu ituttuduḵ ḵan diḵayu da banage impaḵaawatna ya ipaigammuḵ da impaigammuna baḵon nu ituttuduḵ ḵan diḵayu da udume igammuḵe ugudna. 7Isun ni baladong baḵon nu ḵullitong. Nu adipun ustu inon taḵu we amaginga, lamog ḵamman da tagu imatunan ustu we ayugna? 8Ḵad isuna bos tangguyube sinyal ni awad gubat. Nu babaḻangondae amaginga, ngai inon da suḻdadu we ansaganae umoy maḵagubat nu adidapun naawatan? 9Ḵad isuna bos diḵayu nu an-ugud ḵayu'tte sabali ye ugude adimpun da tagu maawatan, ippun inondae angigammu'tte pionyu ibaga ḵad isun ay di maḵaug-uggud ḵayu si bibbid. 10Aduadu nansabasabali ye ugud si annae lubung ḵad losane awad da pionda ugudon. 11Yaḵon nu adiḵpun lamog maawatan ugudon ni ḵaug-uggudḵu, ibelangḵu we ḵaili ya ibelangna bos saḵon aḵ ḵaili. 12Gapu ta pipionyu we maittan atte ḵabooḻane maḻpu si Ispiritu Santu, amo iggayu ḵabooḻanyu we amapigsa'tta pammatin da buḻunyu we namati ye magimugimung.
13Pun sa tagu we awad de ḵabooḻanae an-ugud atte sabali ye ugude adinapun inadaḻ, iluwaḻuna oḵyan ḵan Apudyus ta ittona bos ḵabooḻanae angipaḵaawat. 14Te nu alluwaḻuwaḵ atte ugude sabali, sa ispirituḵ alluwaḻu yaḵon adiḵpun maawatan ugudoḵ. 15Ngai ḵad ain ḵooḵ nu? Alluwaḻuwaḵ atte ipaspasmoḵ ni Ispiritu Santu we maawatan ni somsomoḵḵu. Ḵad anḵantaaḵ atta naispirituwane ḵanḵanta ya anḵantaaḵ os atta ḵanḵantae maawatan ni somsomoḵḵu. 16Ḵad nu alluwaḻu ḵan anggappiya somsomoḵḵu ḵan Apudyus we adipun maawatan, ngai inon da udume sumongbat atte “Amen” nu adida maawatan ugudoḵ? 17Te taḵon ay nu ambaḻu da ibagayu we anggappiya ḵan Apudyus yaḵon nu adipun maawatan, adipun bumadang atta udume tagu.
18Anggappiyaaḵ te amo ḵabooḻaḵe an-ugud atta sabali ye ugud nu diḵayu losan. 19Yaḵon nu maḵagimungaḵ atta udume namati, un-unnoyoḵ abuse limae ugud ibagaḵe maawatanda si antuttuduwaḵ nu sa an-ugudaḵ aḵ simpuḻullibu we ugude adidapun maawatan.
20Susunudḵu ḵan Kristu, daḵampun oḵyan aḵ inaabbeng ansosomsomoḵyu. Yaḵon isuyu oḵyan uttinge ippun igammuna si lawweng ya sa mipanggob ḵan Apudyus, isuyu oḵyan ansosomsomoḵ ni naangsan. 21Nu mipanggob si mausaran ni sabali ye ugude adipun maawatan, awad de nigili ye Ugud Apudyus we ḵanana,
“Imbuunḵu da tagu we nansabasabali uguddae umoy
angibaga'tta taguḵ atte pioḵ paibaga
yaḵon adidapun os dongngon saḵon.”#14:21 Isaiah 28:11-12.
22Pun sa ugude sabali ye adipun maawatan, daḵampun aḵ sinyal para'tta namati yaḵon para'tta adipun namati. Yaḵon sa ḵabooḻane angipaigammu si Ugud Apudyus we piona ipaigammu para'tta namati, daḵampun aḵ para'tta adipun namati. 23Pun nu losan da namati ye magimugimung an-ugud atte ugude nansabasabali ye adipun maawatan ya awad adipun namati'ḵ nidoga, adidapun ḵamman ḵanane anḵatingang ḵayu? 24Yaḵon nu siya ugudonyu da impaigammun Apudyus ḵan diḵayu ya awad adipun namati'ḵ maḵagimung ḵan diḵayu, sadi angigammuwanae siya ḵad ḵabasbassuḻan gapu'tta ibagayu ya sa ḵatuttuwaan. Ḵad maḵwae ḵuwisona long-agnae mibatay atta dingngoḻna. 25Ḵad nu mitoḵwaḻ da losane mitataḻu'tte somsomoḵna, sadi asina analluḵuwane ambabawi'tta basuḻna ḵad siya dayawona'ḵ Apudyus we ḵanana, “Tuttuwae awad aḵ Apudyus ḵan diḵayu.”
Sa Uḻnus Si Andayawan Ḵan Apudyus
26Susunudḵu ḵan Kristu, nu magimung ḵayu we andayaw ḵan Apudyus, awad oḵyan anḵanta ya awad os angituttudu'tte Ugud Apudyus ya awad os angibaga'tta ngaimane impaigammun Apudyus ḵan siya. Ḵad awad os an-ugud atte sabali ye ugude adinapun inadaḻ ya awad oḵyan angipaḵaawat atta inugudna. Yaḵon ilanyu ta da sanae ḵoonyu, ambanag atte pumigsaan da pammatiyu losan. 27Nu awad an-ugud si sabali ye ugude adinapun inadaḻ, duwa baḵon nu abuse tuḻu oḵyan da an-ugud. Ḵad ampasapasanida oḵyan. Ḵad ḵasapuḻan ose awad osa'ḵ angipaḵaawat si inugudda. 28Yaḵon nu naippun angigammu we angipaḵaawat, giginnoḵda oḵyan atte gimung. Ḵad didae mismu maḵaugud ḵan Apudyus. 29Awad oḵyan duwa baḵon nu tuḻu we tagu'ḵ an-ugud atta pinion Apudyus ipaigammu. Ḵad da udum ḵan dida angusig nu tuttuwae naḻpu ḵan Apudyus da ngaimane ugudonda. 30Ḵad nu awad an-uguugud ya awad pinion Apudyus aḵ ipaigammun ni osa, ḵasapuḻane guminoḵ sadi ye ummuna nan-ugud ya nipasani sadi ye osa. 31Ḵatti ḵoonyu we ampasapasani ḵayu ta losan taḵu an-adaḻ ya losan taḵu masoḻgag. 32Ḵad sa naittan atte ḵabooḻane angipaigammu'tta pinion Apudyus, lamognae anupod atte long-agna. 33Te aḵ Apudyus, daḵampun aḵ piona magulu taḵu we namati yaḵon pionae nauḻnus taḵu.
Isun ni maḵmaḵwa'tta losane gimung da tagun Apudyus, 34da bubai ḵad gumiginnoḵda oḵyan atta gimung da namati. Te adipun miyunud da bubai ye an-ugud yaḵon paiturayda oḵyan atta laḻaḵi te sadi nigili ye lintog. 35Nu awad pionda igammuwon, asida oḵyan atta boḻoyda imuson atta asawada te ḵababbain bubai ye an-ugud atte sinagung da gimung da namati.
36Ḵananyu ḵammane diḵayu naḻpuwan ni Ugud Apudyus baḵon nu abus ḵayu'ḵ niduumana? 37Pun nu awad osa ḵan diḵayu'ḵ ḵananae naittan aḵ ḵabooḻane angipaigammu si pinion Apudyus baḵon nu awad ḵabooḻana'ḵ innatod ni Ispiritu Santu, ḵasapuḻane bigbigona annae insuḻatḵu ḵan diḵayu we imbilin Apu. 38Yaḵon nu awad adipun amigbig atta anna, adiyu bos bigbigon.
39Pun susunudḵu ḵan Kristu, ipapatiyu oḵyan ḵabooḻane angipaigammu'tta pinion Apudyus, ḵad adiyu bos iyadi da an-ugud atte sabali ye ugude adidapun inadaḻ. 40Yaḵon ilanyu bos ta losane ḵoonyu, ustuustu ḵan nauḻnus.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2019 Translators Association of the Philippines (TAP), All rights reserved.