1 Corinthians 12
12
Sa Ḵabooḻane Itton Ni Ispiritu Santu
1Sinsadi susunudḵu ḵan Kristu, pioḵe ipaḵaawat ḵan diḵayu mipanggob atta ḵabooḻane itton ni Ispiritu Santu ḵan ditaḵu ta igammuwonyu oḵyan. 2Sa timpu we daanyu amatiyan, iniiggammuyu we naallelaw ḵayu te dinaydayawyu da sinan-apudyus we naumoḻ gapu'tta nangilugut ḵan diḵayu. 3Pun pioḵe maawatanyu we sa tagu we idaḻan ni Ispiritu Santu adipun an-aḻawag mipanggob ḵan Jesus. Ḵad naippun os tagu'ḵ ḵananae angibaga, “Aḵ Jesus siya Apu,” nu adin ni Ispiritu Santu idaḻan.
4Sinsadi awad da nansabasabali ye ḵabooḻane naatod ḵan ditaḵu yaḵon ossaan naḻpuwandae sa Ispiritu Santu. 5Nansabasabali inon taḵu we anserbi yaḵon ossaan anserbiyan taḵu we aḵ Apu. 6Ḵad nansabasabali ḵewaaḻe innatod Apudyus ḵan ditaḵu yaḵon ossaan aḵ Apudyus we nangitod si ḵabooḻan ni sin-ossaossa ḵan ditaḵu. 7Naatod ḵabooḻan ni sin-ossaossa ta angipaila si annaan ni Ispiritu Santu ḵan ditaḵu we namati ta bumaḻuwan da losan. 8Sa osae namati, ittan ni Ispiritu Santu aḵ lainge angipaigammu si Ugud Apudyus. Ḵad sa osa, ittana'ḵ ḵabooḻane maḵaawat mipanggob ḵan Apudyus. 9Ḵad sa osa, ittan ni sanae Ispiritu aḵ ampigsae pammati ḵad sa osa, ittan os ni Ispiritu aḵ ḵabooḻane angaan atta saḵit. 10Ḵad da udum, naittanda'ḵ ḵabooḻane angwa'tta nakaskasdaaw ya da udum naittanda'ḵ ḵabooḻane angipaigammu'tta ngaimane pinion Apudyus ipaigammu. Ḵad awad os da naittan aḵ ḵabooḻane angimatun nu aḵ Apudyus naḻpuwan da ngaimane ḵabooḻan baḵon nu naḻpu'tta aḻan.#12:10 Sa mipanggob atte sanate ḵabooḻan, maila bos atte 1 Thessalonians 5:20-21 ya sa 1 John 4:1. Ḵad da udum, naittanda'ḵ ḵabooḻane an-ugud atte sabali ye ugude adidapun inadaḻ. Ḵad naittan os da udum aḵ ḵabooḻane angipaḵaawat atta pion ni ugud ḵanan.#12:8-10 Awad os da listaan da ḵabooḻane innatod Apudyus atta namati ye maila'tte Romans 12:6-8, 1 Corinthians 12:28; Ephesians 4:11. 11Losan da sanae ḵabooḻan, ossaan naḻpuwandae sa Ispiritu Santu. Ittana sin-ossaossae namati sigun si piona.
Da Adu We Ḵamangay Ni Ossaane Long-ag
12Sa long-ag taḵu we tagu adu ḵamangayna yaḵon ossaane long-ag. Isuna bos aḵ Kristu ya ditaḵu we namati ḵan siya. 13Losan taḵu we namati, Judyu baḵon nu Gentil, musassu baḵon nu daḵampun, nabonyagan taḵu we ossaane long-ag mipagapu'tte ossaane Ispiritu Santu ya sa sanae Ispiritu, siya inawat taḵu we losan.
14Te sa long-ag, daḵampun aḵ ossaan ḵamangayna yaḵon adu. 15Awatna nu ḵanan ni suḵi, “Gapu ta daḵanaḵpun aḵ ima, daḵanaḵpun aḵ ḵamangay ni long-ag.” Yaḵon sissiyae ḵamangay ni long-ag taḵon ay nu ḵananae daḵampun aḵ ḵamangayna. 16Ḵad nu ḵanan ni inga, “Gapu ta daḵanaḵpun aḵ ata, daḵanaḵpun aḵ ḵamangay ni long-ag.” Yaḵon sissiyae ḵamangay ni long-age isun ni ata. 17Nu abuse ata long-ag, ngai andongoḻ nu? Ḵad nu abuse inga long-ag, ngai ansungsung nu? 18Yaḵon sa ḵatuttuwaan, iyyuḻnus Apudyus losane ḵamangay ni long-ag sigun atte piona. 19Nu ossaan ḵamangay ni long-ag, ngai inonae maḵwa'ḵ long-ag? 20Yaḵon sa ḵatuttuwaan, adu ḵamangayna yaḵon ossaane long-ag.
21Pun adipun maḵwae ḵanan ni ata atte ima, “Daḵampun aḵ ḵasapuḻaḵ siḵa.” Baḵon nu sa uḻu, adipun maḵwa ḵanana'tte suḵi, “Daḵampun aḵ ḵasapuḻaḵ siḵa.” 22On adipun maḵwae ibagada ḵaḵnat nu adi da ḵamangay ni long-age ibelang taḵu we anḵuya, dida da ḵasasappuḻan taḵu. 23Ḵad da ḵamangay ni long-age ibelang taḵu we ippun patogda, sanat da patpatgon taḵu ayyuwanan ḵad da ḵamangaynae adi oḵyan mibuḵsag, umman taḵu silupan ta matalingdan. 24Ḵad da ḵamangay ni long-age ambaḻu ḵail-ana, daḵampun aḵ ḵasapuḻane matalingdan. Yaḵon aḵ Apudyus, iyyuḻnusna da losane ḵamangay ni long-ag ta da ḵamangaynae ippun patogda, dida da amo ayyuwanan ya patgan taḵu we ustu, 25ta adi an-asisullagi da ḵamangay ni long-ag nu adi an-asiayyuwanda. 26Pun nu awad ansigab si osae ḵamangay ni long-ag, giḵnaon da losane ḵamangay ni long-ag. Ḵad nu madayaw osa, maḵalaylayad da losan.
27Ditaḵu we namati, nipani taḵu si long-ag Kristu. Pun sa sin-ossaossa ḵan ditaḵu ḵamangay ni long-agna. 28Ḵad da dinutuḵan Apudyus atte gimung da namati, ummuna da apostol, ḵumagwa da profeta we an-uuggudona, ḵumaḵlu da angituttudu'tte ugudna, asiyot da angwa'tta nakaskasdaaw, da naittan aḵ ḵabooḻane angaan atta saḵit. Awad os da naittan aḵ ḵabooḻane bumadang ya da naittan aḵ ḵabooḻane angipangpangu'tta namati. Ḵad awad os da naittan aḵ ḵabooḻane an-ugud atta nansabasabali ye ugude adidapun inadaḻ. 29Daḵampun ay aḵ losane namati losanda apostol baḵon nu profeta, angituttudu, baḵon nu anna ḵabooḻanae angwa'tta nakaskasdaaw. 30Baḵon nu losanda naittan aḵ ḵabooḻane angaan atta saḵit, an-ugud atta nansabasabali ye ugude adidapun inadaḻ baḵon nu angipaḵaawat atta pion ni sadi ye ugud ḵanan. 31Pun siya oḵyan amaamayonyu da ampapatoge ḵabooḻane itton ni Ispiritu Santu. Ḵad ipaigammuḵ ḵan diḵayu amo napatpatog ḵan nabaḻbaḻu we daḻan.
Currently Selected:
1 Corinthians 12: kml
Highlight
Share
Copy
Want to have your highlights saved across all your devices? Sign up or sign in
© 2019 Translators Association of the Philippines (TAP), All rights reserved.
1 Corinthians 12
12
Sa Ḵabooḻane Itton Ni Ispiritu Santu
1Sinsadi susunudḵu ḵan Kristu, pioḵe ipaḵaawat ḵan diḵayu mipanggob atta ḵabooḻane itton ni Ispiritu Santu ḵan ditaḵu ta igammuwonyu oḵyan. 2Sa timpu we daanyu amatiyan, iniiggammuyu we naallelaw ḵayu te dinaydayawyu da sinan-apudyus we naumoḻ gapu'tta nangilugut ḵan diḵayu. 3Pun pioḵe maawatanyu we sa tagu we idaḻan ni Ispiritu Santu adipun an-aḻawag mipanggob ḵan Jesus. Ḵad naippun os tagu'ḵ ḵananae angibaga, “Aḵ Jesus siya Apu,” nu adin ni Ispiritu Santu idaḻan.
4Sinsadi awad da nansabasabali ye ḵabooḻane naatod ḵan ditaḵu yaḵon ossaan naḻpuwandae sa Ispiritu Santu. 5Nansabasabali inon taḵu we anserbi yaḵon ossaan anserbiyan taḵu we aḵ Apu. 6Ḵad nansabasabali ḵewaaḻe innatod Apudyus ḵan ditaḵu yaḵon ossaan aḵ Apudyus we nangitod si ḵabooḻan ni sin-ossaossa ḵan ditaḵu. 7Naatod ḵabooḻan ni sin-ossaossa ta angipaila si annaan ni Ispiritu Santu ḵan ditaḵu we namati ta bumaḻuwan da losan. 8Sa osae namati, ittan ni Ispiritu Santu aḵ lainge angipaigammu si Ugud Apudyus. Ḵad sa osa, ittana'ḵ ḵabooḻane maḵaawat mipanggob ḵan Apudyus. 9Ḵad sa osa, ittan ni sanae Ispiritu aḵ ampigsae pammati ḵad sa osa, ittan os ni Ispiritu aḵ ḵabooḻane angaan atta saḵit. 10Ḵad da udum, naittanda'ḵ ḵabooḻane angwa'tta nakaskasdaaw ya da udum naittanda'ḵ ḵabooḻane angipaigammu'tta ngaimane pinion Apudyus ipaigammu. Ḵad awad os da naittan aḵ ḵabooḻane angimatun nu aḵ Apudyus naḻpuwan da ngaimane ḵabooḻan baḵon nu naḻpu'tta aḻan.#12:10 Sa mipanggob atte sanate ḵabooḻan, maila bos atte 1 Thessalonians 5:20-21 ya sa 1 John 4:1. Ḵad da udum, naittanda'ḵ ḵabooḻane an-ugud atte sabali ye ugude adidapun inadaḻ. Ḵad naittan os da udum aḵ ḵabooḻane angipaḵaawat atta pion ni ugud ḵanan.#12:8-10 Awad os da listaan da ḵabooḻane innatod Apudyus atta namati ye maila'tte Romans 12:6-8, 1 Corinthians 12:28; Ephesians 4:11. 11Losan da sanae ḵabooḻan, ossaan naḻpuwandae sa Ispiritu Santu. Ittana sin-ossaossae namati sigun si piona.
Da Adu We Ḵamangay Ni Ossaane Long-ag
12Sa long-ag taḵu we tagu adu ḵamangayna yaḵon ossaane long-ag. Isuna bos aḵ Kristu ya ditaḵu we namati ḵan siya. 13Losan taḵu we namati, Judyu baḵon nu Gentil, musassu baḵon nu daḵampun, nabonyagan taḵu we ossaane long-ag mipagapu'tte ossaane Ispiritu Santu ya sa sanae Ispiritu, siya inawat taḵu we losan.
14Te sa long-ag, daḵampun aḵ ossaan ḵamangayna yaḵon adu. 15Awatna nu ḵanan ni suḵi, “Gapu ta daḵanaḵpun aḵ ima, daḵanaḵpun aḵ ḵamangay ni long-ag.” Yaḵon sissiyae ḵamangay ni long-ag taḵon ay nu ḵananae daḵampun aḵ ḵamangayna. 16Ḵad nu ḵanan ni inga, “Gapu ta daḵanaḵpun aḵ ata, daḵanaḵpun aḵ ḵamangay ni long-ag.” Yaḵon sissiyae ḵamangay ni long-age isun ni ata. 17Nu abuse ata long-ag, ngai andongoḻ nu? Ḵad nu abuse inga long-ag, ngai ansungsung nu? 18Yaḵon sa ḵatuttuwaan, iyyuḻnus Apudyus losane ḵamangay ni long-ag sigun atte piona. 19Nu ossaan ḵamangay ni long-ag, ngai inonae maḵwa'ḵ long-ag? 20Yaḵon sa ḵatuttuwaan, adu ḵamangayna yaḵon ossaane long-ag.
21Pun adipun maḵwae ḵanan ni ata atte ima, “Daḵampun aḵ ḵasapuḻaḵ siḵa.” Baḵon nu sa uḻu, adipun maḵwa ḵanana'tte suḵi, “Daḵampun aḵ ḵasapuḻaḵ siḵa.” 22On adipun maḵwae ibagada ḵaḵnat nu adi da ḵamangay ni long-age ibelang taḵu we anḵuya, dida da ḵasasappuḻan taḵu. 23Ḵad da ḵamangay ni long-age ibelang taḵu we ippun patogda, sanat da patpatgon taḵu ayyuwanan ḵad da ḵamangaynae adi oḵyan mibuḵsag, umman taḵu silupan ta matalingdan. 24Ḵad da ḵamangay ni long-age ambaḻu ḵail-ana, daḵampun aḵ ḵasapuḻane matalingdan. Yaḵon aḵ Apudyus, iyyuḻnusna da losane ḵamangay ni long-ag ta da ḵamangaynae ippun patogda, dida da amo ayyuwanan ya patgan taḵu we ustu, 25ta adi an-asisullagi da ḵamangay ni long-ag nu adi an-asiayyuwanda. 26Pun nu awad ansigab si osae ḵamangay ni long-ag, giḵnaon da losane ḵamangay ni long-ag. Ḵad nu madayaw osa, maḵalaylayad da losan.
27Ditaḵu we namati, nipani taḵu si long-ag Kristu. Pun sa sin-ossaossa ḵan ditaḵu ḵamangay ni long-agna. 28Ḵad da dinutuḵan Apudyus atte gimung da namati, ummuna da apostol, ḵumagwa da profeta we an-uuggudona, ḵumaḵlu da angituttudu'tte ugudna, asiyot da angwa'tta nakaskasdaaw, da naittan aḵ ḵabooḻane angaan atta saḵit. Awad os da naittan aḵ ḵabooḻane bumadang ya da naittan aḵ ḵabooḻane angipangpangu'tta namati. Ḵad awad os da naittan aḵ ḵabooḻane an-ugud atta nansabasabali ye ugude adidapun inadaḻ. 29Daḵampun ay aḵ losane namati losanda apostol baḵon nu profeta, angituttudu, baḵon nu anna ḵabooḻanae angwa'tta nakaskasdaaw. 30Baḵon nu losanda naittan aḵ ḵabooḻane angaan atta saḵit, an-ugud atta nansabasabali ye ugude adidapun inadaḻ baḵon nu angipaḵaawat atta pion ni sadi ye ugud ḵanan. 31Pun siya oḵyan amaamayonyu da ampapatoge ḵabooḻane itton ni Ispiritu Santu. Ḵad ipaigammuḵ ḵan diḵayu amo napatpatog ḵan nabaḻbaḻu we daḻan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2019 Translators Association of the Philippines (TAP), All rights reserved.