Matei 5
5
O divano poa baŕobaro. Le baxtalimata.
1Kana dikhlea o Isus le manušen, ankăsto po baŕobaro; thai pala so ašilo tele, le jene Lehkă pašile paša Leste.#Marko 3.13.
2Pala kodea lea te del duma thai te sîkavele kadea:
3Baxtale kolendar čioŕă ando duxo, kă lengo sî o Thagarimos le čerurengio!#Ps. 51.17. Pilde 16.19; 29.23. Is. 57.15; 66.2. Luka 6.20.
4Baxtale kolendar kai roven, kă on avena line andeangali!#Is. 61.2, 3. Luka 6.21. Ioan 16.20. 2Kor. 1.7. Sîk. 21.4.
5Baxtale kolendar le kovlendar, kă lendi avelale e phuw!#Ps. 37.11. Rom. 4.13.
6Baxtale kolendar bokhale thai trušale pala o bibezexalimos, kă on avena čeailearde!#Is. 55.1; 65.13.
7Baxtale kolendar kai miluin, kă len avela le rig milatar!#Cap. 6.14. Ps. 41.1. Marko 11.25. 2Tim. 1.16. Evr. 6.10. Iak. 2.13.
8Baxtale kolendar le illesa ujo, kă on dikhăna le Devlles!#Ps. 15.2; 24.4. 1Kor. 13.12. Evr. 12.14. 1Ioan 3.2, 3.
9Baxtale kolendar kai împătisarăn, kă on avena akharde šeave le Devllehkă!
10Baxtale kolendar kai avena našade anda e doši le bibezexalimasti, kă lengo sî o Thagarimos le čerurengo!#2Kor. 4.17. 2Tim. 2.12. 1Pet. 3.14.
11Baxtalimos avela tumendar kana, anda Mîŕî doši, le manuši dena tume armaia, našavena tume, thai phenena sako butea jungale thai bičeače pa tumende!#Luka 6.12. 1Pet. 4.14.
12Bukurin tume thai vesălin tume, anda kă tumaro potindimos sî baro ande le čeruri; kă sa kadea našadine le prooročen, kai sas mai anglal tumendar.#Cap. 23.34, 37. 2Kron. 36.16. Neem. 9.26. Luka 6.23. Kărd. 5.41; 7.52. Rom. 5.3. 1Tes. 2.15. Iak. 1.2. 1Pet. 4.13.
Le jene sî o lon la phuweako thai e duda
la lumeati.
13Tume san o lon la phuweako. Ta kana o lon xasarăl pehko gusto, anda soste lela pehkă pale e zor te londearăl? Atunčeara manai lašo khančesko ta te avel šudino avri, thai linčeardo andel pînŕă le manušendar.#Marko 9.50. Luka 14.34, 35.
14Tume san e duda la lumeati. Khă četatea thodii pe khă baŕbaro, našti te ašel garadi.#Pilde 4.18. Filip. 2.15.
15Thai le manuši či astarăn e duda kaste thon la tala e balai, ta thon la ando sfešniko, thai dudearăl saorăngo kolengo andoa khăr.#Marko 4.21. Luka 8.16; 11.33.
16Sa kadea te străfeal i tumari duda angla le manuši, ta on te dikhăn tumară laše kărdimata, thai te lăudin le Daddes tumarăs, kai sî andel čeruri.#Ioan 15.8. 1Kor. 14.25. 1Pet. 2.12.
O pherdimos la Krisako thai le Prooročiengă.
17Te na patean kă avilem te čioŕarau e Kris or le Proročimata; avilem na te čioŕarau, ta te pherau la.#Rom. 3.31; 10.4. Gal. 3.24.
18Kă čeačimasa phenau tumengă, sode čiro či nakhăla o čeri thai phuw, či nakhăla či khă divano or khă phadimos literako anda e Kris, anglal te kărdeona sa le butea.#Luka 16.17.
19Kadea kă, or kon čioŕarăla iekh anda kukola le mai çînora anda kadala mothodimata, thai sîkavela le manušen kadea, avela akhardo o mai çînoro anda o Thagarimos le čerurengo; ta orkon arakhălale, thai sîkavela avrăn te arakhăn le, avela akhardo baro ando Thagarimos le čerurengo.#Iak. 2.10.
20Kă phenau tumengă kă, kana tumaro bibezexalimos či nakhavela o bibezexalimos le sîkaditorengo thai le Farisengo, či khă statosa našti šona tume ando Thagarimos le čerurengo.#Rom. 9.31; 10.3.
Poa mudardimos.
21Ašundean kă phendea pe kolengă ando puraimos: „Te na mudarăs; orkon mudarălla, perăla tala doši le krisînimasti.”#Exod. 20.13. Deut. 5.17. 1Ioan 3.15.
22Ta me phenau tumengă kă orkon xoleaol pe pehko phral, perăla tala e doši le krisînimasti; thai orkon phenela pehkă phralehkă: „Dilea!” perăla tala e doši le Staborosti; ta orkon phenela lehkă „Čealadeaona!” perăla tala e doši la iagati le merimasti.#Iak. 2.20.
23Kadea kă, kana nigrăs ti pativ koa altari, thai oče anes tukă godi kă teo phral sî les vareso tusa,#Cap. 8.4; 23.19.
24mekh ti pativ oče angloa altari, thai jea mai anglal ta împătisao te phralesa; pala kodea av ta an ti pativ.#Cap. 18.19. Iov 42.8.1Tim. 2.8. 1Pet. 3.7.
25Rode ta împătisao iekhatar te pîrîtoresa, sode čiro san lesa po drom; ta na varesar teo pîrîtori te del tu po vast le krisînitorehko, o krisînitori te del tu po vast le phanditorehko, te šudel tu ande robia.#Ps. 32.6. Pilde 25.8. Is. 55.6. Luka 12.58, 59.
26Čeačimasa phenau tukă kă či anklesa oçal ji kana či potinesa o mai palal bišariç.
Pai preakurvia thai o muklimos.
27Ašundean kă phendea pe kolengă ando puraimos: „Te na preakurvis.”#Exod. 20.14. Deut. 5.18.
28Ta Me phenau tumengă kă i or kon dikhăl ka khă juvli, te del dii late, i preakurvisardea lasa ande pehko illo.#Gen. 34.2. 2Sam. 11.2. Iov 31.1. Pilde 6.25.
29Kana kadea ti iakh e čeači kărăl tu te perăs ando bezex ankalavla avri thai šudela tutar; kă sî karing teo mištimos te xasaol iekh anda te kotoriça thai te na avel šudino sa teo stato ande iag le merimasti.#Cap. 18.8, 9; 19.12. Marko 9.43-47. Rom. 8.13. 1Kor. 9.27. Kol. 3.5.
30Kana teo vast o čeačio kărăl tu te perăs ando bezex, šin les thai šude les tutar; kă sî anda tute mai mišto te xasaol iekh anda te kotoriça, dă sar te šudel pe sa teo stato ande iag le merimasti.
31Phendea pe pale: „Orkon mekăla pehka romnea, te dela khă lill meklimahko.”#Cap. 19.3, etc. Deut. 24.11. Ier. 3.1. Marko 10.2, etc.
32Ta Me phenau tumengă kă or kon mekăla pehka romnea, avri numai anda e doši la kurviati, del la zor te arăsăl te preakurvil; thai kon lela la dă romni kola mekli le romestar, preakurvil.#Cap. 19.9. Luka 16.18. Rom. 7.3. 1Kor. 7.10, 11.
Poa solaxaimos.
33Ašundean pale kă phendea pe kolengă andoa puraimos: „Te na solaxas bangăs; ta te pherăs angloa Rai le solaxaimata tiră.”#Cap. 23.16. Exod. 20.7. Lev. 19.12. Num. 30.2. Deut. 5.11; 23.23.
34Ta Me phenau tumengă: Te na solaxan čidăsar; či po čeri kă sî o skamin le raimahko le Devllehko;#Cap. 23.16, 18, 22. Is. 66.1. Iak. 5.12.
35či pe phuw, anda kă sî than le pînŕăngo Lehko; či po Ierusalimo, kă si e četatea e mai bari le Thagaresti.#Ps. 48.2; 87.3.
36Te na solaxas či pe teo šero, kă našti te kărăs khă firo ball parno or kalo.
37Tumaro dimos duma te avel: „E, e; či, či”; so nakhăl pa kadala divanuri, avel kata kukoa o nasul.#Kol. 4.6. Iak. 5.12.
O răbdimos le nasulimahko thai o kamblimos le dušmaiengo.
38Acuundean kă phendea pe: „Iakh anda iakhate, thai dandd anda danddeste.”#Exod. 21.24. Lev. 24.20. Deut. 19.21.
39Ta Me phenau tumengă: Te na len tume kukolesa kai kărăl tumengă nasul. Ta, orkon malavel tu pa e buka e čeači, amboldenlehkă i e kolaver.#Pilde 20.22; 24.29. Is. 50.6. Roim. 3.30. Luka 9.20. Rom. 12.17, 19. 1Kor. 6.7. 1Tes. 5.15. 1Pet. 3.9.
40Orkon kamel te krisînil pe tusa, thai te lel i ti raxami, mekh lehkă i o gad.
41Kana zumavela tu varekon te jeas lesa khă tilometro, jea lesa dui.#Cap. 27.32. Marko 15.21.
42Kolehkă kai mangăl tukă, de les; thai na ambolde le zăia kolehkă kai kamel te lel unjile tutar.#Deut. 15.8, 10. Luka 6.30, 35.
43Ašundean kă phendea pe: „Te kames te pašes, thai te na dabadikhăs te dušmanos.”#Lev. 19.18. Deut. 23.6. Ps. 41.10.
44Ta Me phenau tumengă: kamen tumară dušmaien, dendumadămišto kolen kai den tume armaia, kărăn mišto kolengă kai čidabadikhăn tume, thai rudin tume anda kukola kai marăn tume thai kai našaven tume,#Luka 6.27, 35; 23.34. Kărd. 7.60. Rom. 12.14, 20. 1Kor. 4.12, 13. 1Pet. 2.23; 3.9.
45kaste aven le šeave tumară Daddehkă kai sî andel čeruri; kă O kărăl te anklel o kham Lehko i pal nasul i pal laše, thai del brîšind i pal čeače i pal bičeače.#Iov 25.3.
46Kana kamen numai kukolen kai kamen tume, so potindimos mai ajukărăn? Či kărăn kadea i le bibolde?#Luka 6.32.
47Thai kana denangli kamblimasa numai tumară phralen, so buti biašundi kărăn? Ta kola kai či patean na kărăn kadea?
48Tume aven bidošako, pala sar o Dadd tumaro andoa čeri sî bidošako.#Gen. 17.1. Lev. 11.44; 19.2. Luka 6.36. Efes. 5.1. Kol. 1.28; 4.12. Iak. 1.4. 1Pet. 1.15, 16.
Currently Selected:
Matei 5: KALD2020
Highlight
Share
Copy
Want to have your highlights saved across all your devices? Sign up or sign in
Bible translated into Kalderash Romani by Luminita Cioaba 2020, from the Cornilescu version of the Romanian Bible. Rights are held by the British and Foreign Bible Society and the Interconfessional Bible Society of Romania.
