Matei 20
20
E paramiči le butinditorendi la răzati.
1Anda ko Thagarimos le čerurengo ameazăl khă vreniko manušesa, kai ankăsto kana pharadi'lo o des te tomnil pehkă butearea kai răz.
2Tomnisa lo le butearănça po khă frankosa po des, thai tradea le kai zăz.
3Ankăsto i koa čeaso le trinengo, thai dikhlea aver kai bešenas ande piaça bi buteako.
4„Jean i tume ande mîŕî răz”, phendea lengă o,” thai daua tume so avela le čeačimasa.” Thai găline.
5Ankăsto pale koa ceaso le šovengo thai le îniango, thai kărdea sa kadea.
6Kana ankăsto koa čeaso le dešiekhăhko, arakhlea avrăn kai bešenas ande piaça, thai phendea lengă: „Sostar bešen koče bi buteako?”
7On dine les anglal: „Anda kă či tomnisardea me khonikh.” „Jean i tume ande mîŕî răz,” phendea lengă o: „thai lena so avela le čeačimasa.”
8Reate, o stăpîno la răzako, phendea pehkă ispravnikohkă: „Akhar le butearen, thai de le o potindimos, lindoi kata kukola mai palal, ji ka le kukola anglal.
9Kola andoa čeaso le dešiekhăngo avile, thai line saoră po khă franko.
10Kana avile kukola anglal, dinenaspe kă len mai but; ta on line i on sa po khă franko iekhăstar.
11Pala so line le love, bandeardenakhăstar andoavrenikomanuši,
12thai phenenas: „Kadala mai palal či kărde buti numai khă čeaso, thai lengo potindimos sas i sar amença, kai nikărdeam o pharimos thai e nădušala le desăsti.”
13Čeačio phendimos, o phendea iekhăhkă anda lende: „Amalna, tukă na kărau či khă bičeačimos; či tomnisailean tu mança khă frankosa?
14Le so del pe tukă, thai jeatar. Me kamau te potinau i kadalehkă mai palal sar i tukă.
15Našti kărau so kamau sosa sî ma? Or ti iakh sî jungali, anda kă me sîm lašo?”#Cap. 6.23. Deut. 15.9. Pilde 23.6. Rom. 9.2.
16Sa kadea, kola mai palal avena mai anglal, thai kola mai anglal avena mai palal; anda kă but sî akharde, ta xançî sî alosarde.”#Cap. 19.30; 22.14.
O Isus vestil o mullimos thai o uštimos Pehko.
17Ta kana anklea Las o Isus ando Ierusalimo, po drom, lea rigate kolen le dešuduien jenen, thai phendea lengă:#Marko 10.32. Luka 18.31. Ioan 12.12.
18„Dikta kă ankleas ando Ierusalimo, thai o Šeau le manušehko avela dino andel vast le rašango le mai barăngo thai le zakunarengo. On krisînina Les te merăll,#Cap. 16.21.
19thai dena Les ando vast le Neamurengo, kaste prasan Les, te marăn Les thai te thon Les po trušul; ta ando trito des uštela.”#Cap. 27.2. Marko 15.1, 16, etc. Luka 23.1. Ioan 18.23, etc. Kărd. 3.13.
O manglimos le šeavengo le Zebedeiohkă.
20Atunčeara e dei le šeavendi le Zebedeiohkă pašili paša o Isus pehkă šeavença, thai dea čeanga angla Leste, kamblindoi te kărăl lakă khă rudimos.#Cap. 4.21. Marko 10.35.
21O pušlea la: „So kames?” „Motho”, phendea lehkă oi, „ta, ando Thagarimos Tiro, kadala dui šeave mîŕă te bešen iekh ande čeačirig thai o kolaver ande bičeačiri Tiri.”#Cap. 19.28.
22Čeačio phendimos o Isus phendea lakă: „Či jeanen so mangăn. Daštin tume te pen o taxtai kai sî te peau les Me, thai te aven bolde le boldimasa kai sî Me te avau boldo?” „Daštisaras”, phendine Lehkă on.#Cap. 26.39, 42. Marko 14.36. Luka 12.50; 22.42. Ioan 18.16.
23Thai O dea le anglal: „Sî čeačes kă pena o taxtai Muŕo, thai avena bolde le boldimasa kai Me avaua boldo: ta te bešen ande čeačirig thai ande bičeačirig Mîŕî, či nikărdeol Mandar te daules, ta sî garado anda kukola kai sas lašarde Mîŕî Daddestar.”#Cap. 25.34. Kărd. 12.2. Rom. 8.17. 2Kor. 1.7. Sîk. 1.9.
24Kola le deši kana ašundine, xoleaile pe kukola dui phral.#Marko 10.41. Luka 22.24, 25.
25O Isus akhardea le, thai phendea lengă: „Jeanen kă le raitorea le Neamurengă raion pa lende, thai le mai bară lengă mothon lengă stăpînimasa.
26Maškar tumende te na avel kadea. Ta orsao kamela te avel mai baro anda tumende, te avel o kanditori tumaro;#Cap. 23.11. Marko 9.35; 10.43. 1Pet. 5.3.
27thai kukoa kai kamel te avel mai anglal anda tumende, te avel tumengă robo.#Cap. 18.4.
28Anda kă či o Šeau le manušehko či avilo te kandel pe Lehkă, ta O te kandel thai te del Pesti čivava sar potindimosparpale anda le but.”#Cap. 26.28. Is. 53.10, 11. Dan. 9.24, 26. Luka 22.27. Ioan 11.51, 52; 13.4, 14. Rom. 5.15, 19. Filip. 2.7. 1Tim. 2.6. Tit 2.14. 1Pet. 1.19. Evr. 9.28.
Dui koŕă sastearde ando Ierixono.
29Kana ankăste andoa Ierixono, khă baro norodo jealas pala o Isus.#Marko 10.46. Luka 18.35.
30Thai dui koŕă bešenas paša o drom. On ašundine kă nakhăl o Isus, thai line te çîpin: „Avel tu mila amendar, Raia, Šeau le Davidohko!”#Cap. 9.27.
31O norodo delas lengă duma te ašen. Ta on mai zurales çîpinas: „Avel tu mila amendar, Raia, Šeau le Davidohko!”
32O Isus atărdi'lo, akhardea le, thai phendea lengă: „So kamen te kărau tumengă?”
33„Raia”, phendine Lehkă on, „te pîtărdeon amară iakha!”
34Le Isusohkă kărdilea Lehkă mila lendar, azbadea lengă iakha, thai andakhdata le koŕă line pehko dičimos, thai găline pala Leste.
Currently Selected:
Matei 20: KALD2020
Highlight
Share
Copy
Want to have your highlights saved across all your devices? Sign up or sign in
Bible translated into Kalderash Romani by Luminita Cioaba 2020, from the Cornilescu version of the Romanian Bible. Rights are held by the British and Foreign Bible Society and the Interconfessional Bible Society of Romania.
